新華苑酒家

营业中

休息中

給客人一張超高的麻雀枱做飯桌，顧客想換枱，老闆大聲凶惡的說：佢30年都已經坐麻雀枱，我說因為麻雀枱上再加大木板，太高了要抬着手吃飯，其實只係想換枱，點解要咁惡？仲問我要唔要張枱，唔要就算😭😭😭😭😭😭😭😭😭😭

大圍新翠邨（新華苑酒家）飲早茶🤩叫咗個卜卜脆蘿蔔絲腸粉，山竹牛肉球，鹹水角，鮮竹卷，小籠包，特別推薦個腸粉好滑中間真係好脆好好食，小籠包有湯汁香濃，價錢好合理🤤

之前同屋企人喺新翠邨酒樓飲茶，等位都等得幾耐。我哋最鍾意食鳳爪，蘿蔔糕，燒賣同炒飯。原來有兩款鳳爪，一個係豉椒鳳爪，一個係藥膳鳳爪，兩款鳳爪都係正常酒樓水準，都OK嘅！蘿蔔糕就有XO醬，食落都好香口，都唔錯嘅，比起普通蘿蔔糕更加推薦！至於平時食開嘅燒賣，叉燒包都係正常發揮。另外我哋叫咗一個欖菜炒飯，不過就冇乜欖菜味，比起茶餐廳炒嘅欖菜肉鬆炒飯好似味道爭少少，比較普通呢～至於服務態度，就因人而異。可能因為我哋坐房入面，就冇乜人幫我哋加水。同埋有啲姐姐嘅態度都麻麻地，部長就好少少。😅

今日我們一家去了此酒樓午膳，點知換來知客態度惡劣，一點禮貌也沒有。於是見到經理想與他投訴，但是經理態度更差劣，身為服務性行業，自己唔係以身作則。當客人投訴嘅時候形用大聲好冇禮貌同客人溝通，態度囂張一點也沒有做到以禮待客。聽說周邊的茶客告知原來此酒樓嘅知客常常只提供枱熟客優先，我覺得如果這情況不如唔好打開門做生意啦，直接只招呼熟客吧。為什麼要取飛叫Number入座？今時今日市度剛剛好轉，服務態度仍然這麼差劣，假如沒有改善，深信客人嘅流失率會好高。

新年去拜年通常都去飲茶!☕ 大家可以食個包, 圍住傾下計!呢間大圍新華苑酒家, 裝修好好, 又有大電視, 感覺好舒服! 野食方面, 因為新年關係, 所以無分時段, 無下午茶, 但價錢都係街坊價!叫左10幾款點心, 炸物, 樣樣都好大件都出色! 🥢春卷 - 香脆有蝦肉但唔燶, 炸得恰到好處!🥢脆炸蝦腸粉 - 腸粉好綿滑, 裡面包住炸蝦, 口感極豐富!🥢蟹籽蒸燒賣 - 份量大粒, 蝦肉彈牙! 好食!地址 : 新華苑酒家大圍翠田街2號新翠商場2樓34號舖評分 : 7/10

❇️加拿大龍蝦$268(+$30🧀)龍蝦🦞入口彈牙鮮甜 芝士伊麵份量都唔太多 芝士味都濃啲會更好🍴❇️半隻極品燒鵝皇$248呢個真係無得輸 真心推介❤️❤️❤️啲皮脆口 肉質嫩滑 啲肉唔會話好肥‼️❇️八寶冬瓜盅$138呢個湯俾預期好 成個冬瓜原個上 飲落清甜小味精 入面有🦐有蟹柳 有帶子👍🏻份量好足 岩哂夏天飲 好抵飲👅❇️椒鹽焗鮮魷$128外面嘅炸皮都薄嘅 不過份量唔多 同比較細件 覺得呢個價錢就略貴了🥲❇️鳳梨生炒骨$98食落勁細粒😔肉小骨多👎🏻夠夠都係骨‼️真心差‼️整體除左隻燒鵝好食✅其他都真係一般般👎🏻啲職員服務態度亦唔太好🙅🏻‍♀️價錢亦略貴 cp值低‼️

今日早上買外賣點心，落單後企在店門外等，落單既時候點心紙係分開兩張，一張係特價，另一張係正價。等左一陣，門口有個頭髮五顏六色年輕知客態度好差咁催我地去隔離特價點心車，先去執特價點心紙既點心，我話我唔急，我等左正價嗰啲先，之後再去點心車執特價點心，因為唔知正價點心要等幾耐，我唔想啲特價點心凍左同埋拎住等。我落單既時候一早表明唔介意等既，之後執點心既姐姐就話正價點心齊喇，可以執埋特價點心，個年輕知客突然跳制，好大聲咁話“我一早叫左你地執左先架啦，企喺度唔知做乜，講左架啦” 我並唔知道佢咩事要咁樣發我脾氣。其實食物正常ok同幾抵食，最後我都有向收銀話佢態度好有問題，不過唔會再幫襯，貼錢買難受。第一次寫食評，實在忍唔住，不吐不快。

一家位於公共屋村商場的街坊酒樓，由領展集團營運。第一次週末來光顧早市點心，價錢相當優惠；$28.8就有可以食到精美點心孖寶。我地二人好大食，叫左6款點心，1款盅頭飯：蟹籽燒賣皇，鳳爪排骨飯，時菜鯪魚球，蔥花蝦米腸，水晶潮州粉粿，同埋蘿蔔絲腸。結帳連茶水，$140元有找，相當實惠。至於點心質素，個人覺得材料一般，偏膩，味道仍算可以。服務方面，不知道是否人手不足，入單同添水既等候時間長一點！相對於現時，好多集團已經採用電子落單，效率就冇咁高啦！

就朋友放工訂位，本身冇乜期望，但點知食乜好有驚喜，夠鑊氣，食完唔口乾，特別推介燒鵝、小炒王、古撈肉、海鮮加工亦得！所以之後下午去飲多次茶，點心都好得！重點：老細仲好吹得！不過要撞時辰！

我們一家人選擇了這居住附近的酒樓做節吃飯。我們柯打了6味餸，除了兩款用㷛仔上碟的餸比較有鑊氣外，其餘的都是先煮好再加熱，非常難食。柯打了半隻雞，份量非常袖珍，加上未煮熟有血水，真的非常沒有水準。酒樓環境一般，服務員服務水平很好，食物質素水準差，上菜速度算快，整體評分一般，有得選擇並不會再來。

平時基本上除咗買燒味外賣都唔會入去食，第一次入去食就即刻中伏了。今次夜晚去食，明明入面有幾張空枱都要等咗三字先俾人入座咁唔緊要啦等位好正常，坐低叫茶拎餐具都好快手點知叫完嘢食望吓周圍就知不妙，大陪份枱都係得花生同茶，少數幾張枱有一兩碟餸結果我哋叫咗四碟餸足足九個字都冇一碟上，臨走再催經理先話入去叫廚房快啲炒，都搵笨隔離枱兩個人早我哋到十五分鐘一齊等都係乜都冇，每十分鐘催一次阿姐，次次都話整緊但係我哋走佢張枱都係吉

點心太重鹼水味尤其燒賣和盅飯飲嗰茶, 雖然唔係要求d乜服務...但至少自己受咗氣到唔好發洩係客人身上好嘛... 上菜都要問候人十八代真係好過份😔難得放假飲早茶都係想舒服下啫... 冇諗過要咁樣受氣㗎嘛😔 仲要見其實唔知我哋嗰枱, 其他都係咁😭

舊舖係稻香，新華苑開張了差不多一個月，限聚令無晚飯食，買過燒味飯外賣唔錯，燒腩仔皮脆。今日試飲茶，ok正常茶樓點心味道。價錢一般般啦，可能疫情期間，特價點心多啲就更好。茶樓內見到都做到二人一枱。抗疫工夫做到足，真心要讚。