新南苑私房菜

营业中

休息中

今晚朋友帶我去咗尖沙咀一間私房菜 睇波 食雞煲 打邊爐 超正😉 呢度喺樓上鋪 有好多卡位同房間 好多電視 可以睇波或者卡拉ok😎😎 ✨牛牛餐$398/位 餐前小食有泰式鳳爪 木耳 合桃 好惹味😋 ✨招牌麻辣雞煲（任食）雞煲可以揀辣度 我哋揀唔辣 調味啱啱好 加熱後 反三次 最後加埋油炸鬼就可以食啦 雞塊新鮮入味 真係想encore😋 ✨仲有蝦多士 正價時段有蝦多士送 炸到酥脆 唔會太油 好食😆 ✨刺身拼盤首先每人一隻冰鎭鮑魚 爽口彈牙😋三文魚 北奇貝 赤蝦 螺肉 蟹棒 樣樣新鮮鮮甜👍 食完雞煲刺身 就可以打邊爐啦 有幾款湯底可以揀🥰 ✨蟲草花椰子花膠湯底🍲✨本地手牛頸脊一份✨M9澳洲和牛 任食✨美國極上牛肉 任食✨熊本一口牛 任食✨安格斯牛小排 任食每款牛都各有千秋 我鍾意食牛小排 油脂分布均勻 好鮮甜😉 然後仲可以加火鍋配料 有30幾款火鍋配料可以揀 有墨汁墨魚丸 台灣鴨血 其他地方好少有🤣 飲品方面 出邊有兩個大雪櫃 可以任揀任飲㗎 仲有雪雪糕 真係好滿足🥰🥰 整體來講 飲酒 吹水 睇波嘅好地方😉 🎈新南苑私房菜 (尖沙咀)尖沙咀寶勒巷3-7A號萬事昌廣場2樓1號舖 #香港火鍋

可能團購比嘅食品係差啲啦，所以下次我都唔會再團購，今次對呢間嘅食品真係好失望，所謂海鮮嗰啲海鮮簡直好差，肯定喺街市見到咁質素係唔會買呢啲海鮮囉，最慘 佢仲要扮到好矜貴咁，每人一隻蠔，一隻鮑魚，一隻蝦及一片脆肉鯇魚片，更冇諗到嗰隻蝦看似好新鮮，但啲肉係糜，嗰隻蠔腥到隔籬枱都聞到，嗰一片脆肉鯇魚可能唔新鮮啦有一浸味嘅，牛肉任食，主打有三個煲任揀一款，決定選擇榴槤雞煲，個雞煲可算係好味道啦，款式選擇唔多，食材已經影晒出嚟啦，飲品都唔係好多得揀，團購$169另外加$50服務費，合共$220，呢個價錢食呢啲咁嘅食品都算係唔抵啦。

慶祝朋友生日，最好嘅選擇就係吾限時嘅任飲任食打邊爐，每個人可因應自己需要鍾意食咩飲咩叫咩，無需就住就住去order預早响open rice訂枱，方便快捷，無需費心。座位舒適，餐廳內還有很多模型展示櫃，喜歡模型的男生非常欣賞。食物質素不錯，點好餐後，服務員便先上日式刺身，之後食雞煲，可以refill 雞煲，食完雞煲後開始打邊爐，其實食完刺身和雞煲後已經半飽了。第一轉嘅牛肉是最好質素和賣相而且會有紙片說明是邊款牛肉，其後續加那些就沒有了，食完牛肉已經8成飽，其他可以任叫嘅火鍋食物其實只係叫左好少因為太飽食吾落。任飲飲料方面，有大家都鐘意嘅樽裝汽水和其他茶飲，任飲啤酒是無酒精，有酒精需要另外付費，但我寧願任飲方面亦有含酒精的啤酒，平價啤酒亦沒問題。除了洗手間衛生情況麻麻地外，整體來說，餐廳環境，食物質素是不錯的。

今晚相約老朋友食飯，去左尖沙咀新南苑私房菜度打邊爐，貪佢地點方便就腳，而且有180分鐘任食，可以慢慢食，最怕趕頭趕命。我地點了牛牛餐，係最平的180分鐘餐。跟餐有冰鎮鮑魚，仲有刺身拼盤。鮑魚好入味，好結實彈牙，好食！刺身都好厚肉新鮮！之後我地要左雞煲，有半隻雞，都好滑，雞煲味道調教得不錯，不太辣又惹味！之後揀左冬瓜盅湯底，幾有趣！而且比想像中鮮甜！牛肉拼盤，有M9澳洲射和牛，美國 極上牛肉， 熊本一口牛和中國安格斯牛小排和本地手切牛頸脊！牛肉賣相普通，但食落牛肉味濃，口感不錯！丸黎講，各款丸都唔錯， 唔係粗製濫造丸！ 個人幾鍾意 豬骨濃汁貢丸和蝦丸，真彈牙有咬口！飲品選擇多，仲有自家製茶品，雪糕雪條就普通d, 雀巢牛奶公司為主。

2024年6月5日 星期三今晚約左幾個舊同事係尖沙咀食飯，一邊打住邊爐一邊傾計當然係賞心樂事啦，所以就選擇咗呢一間餐廳，因為一個價錢除咗可以任打邊爐之外，仲有雞煲同刺身食餐牌上面可以選擇唔同嘅套餐，豐儉由人，我哋就要咗個牛牛餐，因為已經包括咗好多唔同種類嘅食物，例如有澳洲和牛同美國極上牛肉任食，仲有刺身拼盤同雞煲任食添，食足180分鐘每人都係$400左右，所以冇考慮太多已經即刻點咗餐等待食物期間，店員告知可以去中間嘅位置拎醬料，醬料區唔算太大，但要既基本醬料都有提供，除咗豉油、辣椒、香菜等等，仲有炸蒜同芝麻醬添，要辣要唔辣都可以飲品區都可以任拎任飲，除咗有紙包同罐裝飲品之外，仲有餐廳自家製飲品提供，應有盡有等咗一陣雞煲就首先送到，嚟到嘅時候已經充滿香味，店員仲建議我哋要焗多一陣炒幾炒，香味會更加突出，由於有同事怕辣，所以我哋叫咗個唔辣既，但同樣地雞肉吸收晒醬汁嘅味道，除咗雞肉滑嫩之外，仲好惹味，唔會煮到好乾身，咬落去都仲有水份，好快已經俾我哋清晒食完雞煲之後，店員就幫我哋準備火鍋，同一時間有一張火鍋配料紙可以任點任食，款式都幾多，大路嘅火鍋配料都有，我哋每樣都叫少少喺火鍋仲未準備好之前

如果在尖沙咀附近漫遊，又對美食有著無限渴望，不妨來到新南苑私房菜。在開始品味各種美食之前，先來一份小食，包括香氣四溢的雲耳、酥脆的雞腳以及香甜的核桃。不僅滿足胃口，更為整體的用餐體驗增添了一份開胃的氛圍！當品嚐到招牌麻辣雞煲時，被它辣而不燥的口味所驚艷。豐富的辣椒和香料調配出的湯底，讓每一口雞肉都能夠充分吸收其中的風味，令人回味無窮。火鍋湯底選了南瓜公仔蜆湯。湯以南瓜為基底，融合了蜆的鮮美，每一口都帶給一種溫暖的感覺。要注意的是，南瓜是冰會溶化的，打卡又香濃南瓜味。花雕醉雞鍋帶給一種醉人的享受。花雕酒香濃，咬下去，肉質鮮嫩多汁，酒香在口中綻放，令人愉悅不已。帶來一種濃郁而又和諧的口感。刺身提供了新鮮的海膽、帶子、三文魚、蟹柳、北寄貝和榮螺，每一款都展現了獨特的口感和鮮美的味道。而本地手切的牛頸脊也是一道不可錯過的主菜，肉質鮮嫩多汁，令人垂涎欲滴。這裡有超過30種不同的火鍋配料供選擇，因選擇海鮮餐，更可以隨心所欲地搭配蝦、乳山蠔、紐西蘭貝殼、脆鯇片、花膠和龍躉等豐富的食材。此外，自製的冷泡茶、水果茶和五花茶也可供選擇，在用餐的同時享受到清爽的口感；不要錯過這裡的任食雪糕雪條，冰涼的甜點帶

打邊爐係無分季節嘅！近排朋友們懶得諗，都喜歡去試下唔同嘅火鍋放題任飲任吃餐廳。今次嚟到呢間位於尖沙咀樓上舖， 店主應該好鍾意iron man店內放咗好多模型。餐廳serve 幾個唔同嘅放題餐，海鮮餐、牛牛餐等等。 首先會有雞煲／ 毛血旺，同時亦都會上埋刺身船及 一份小食（當天係炸蝦多士）。 食完雞煲之後就可以另揀湯底再點火鍋食物，我哋當日食嗰個係牛牛餐，咁就會有一盤唔同部位嘅牛牛一次過送到。 牛牛餐係畀肉食者專食牛牛㗎喇，而其他火鍋食物選擇老實講唔算太多，不過要飽就實飽嘅。 飲品有幾款汽水及 茶飲，甜品就有杯裝雪糕。

今次我地又出城, 唔再係香港區飯局, 同樣係OR 呢度搵到佢既貼文見好評都唔太差,最緊要係任飲。朋友訂位, 我地食滿足餐+房錢+打麻雀(聽講可以唱K+小菜~下次可以試)19:30準時開飯小食>雞煲(比埋漏斗,叫我地搞3次)如果未夠喉可以加錢再添>剌身>打邊爐飲品：真係算好多款式, 台灣,日本,本地,自家制 *** , 玻璃樽汽水先吸引服務: 今次今日係好得既, 快手。  絕對唔係我永世難忘既舊貼文 ~x嫂~果度真係比佢d侍應鬧住走環境: Marvel迷, 變型金剛迷一流(柯柏文, 大黃鋒))食物: 睇相就知幾新:

原本預約晚上6時30分，職員在下午4時致電，可否2小時後才去，在我拒絕後，職員說早半小時進場，但只能食到8點（已經預早1個月前預訂）。進入餐廳後，只有3-4檯客人，詢問為何不能安排卡位，職員也只是例牌答覆，有人訂了。除了雞煲味道唔錯之外，其他食材質素很一般。大約7時30分，隔離檯入客，覺得檯細向職員反映，職員便主動話我地張檯大d，會轉去我地張檯。明明說好食到8點，職員7時40分已經收哂所有野，迫你走，真係食到無癮，拿淋走人，邊有咁樣做生意。真係唔好怪人去其他地方消費，咁樣叫人點支持本地消費，咁既食物質素同服務，絕對冇下次。

Marvel 迷必去餐廳 - 新南苑私房菜CK同朋友仔三五知己聚會，大家又咁岩係科幻電影FANS，朋友就推介咗呢間整間餐廳都充滿MARVEL模型既餐廳 - 新南苑私房菜。今次我地人多所以就揀坐房既，坐房都只係每人加20蚊少少錢，但食得舒服D，講野大聲D都唔怕嘈到人 ! 夠10人仲可以BOOK有K唱既房添我地今次食嘅係日本A4及本地手切牛餐+一次性四色刺身，我地個套餐可以+$18/位升級雞煲任食或+$58/位升級海鮮任食 ! 加多少少錢有得食海鮮又點可以放過呢個機會呢 ? 呢度有齊火鍋、海鮮刺生、雞煲/鴨血/酸菜魚、仲有好多其他仼食配料😋環境都幾好，坐得舒服🥳而且店內仲有好多Marvel figure俾我地打卡/觀賞🥰 個牛🐄拼盤有A4日本黑毛牛後腿肉、極上牛肉、本地手切牛肉、黑豚肉片、安格斯牛小排、三皇雞件、熊本一口牛、M9澳洲射和牛、牛腿，每款牛肉嘅花紋都好靚，油脂分布平均，好重牛味，特推和牛同一口牛。 🌊時令海鮮拼盤 有龍蝦、海蝦、生蠔、龍躉片（好新鮮的即叫即劏，好爽口！）等等，賣相靚，食落新鮮，完全唔會有怪味👍🏻特推龍蝦、龍躉片，有驚喜😍 除咗牛同海鮮拼盤，仲要其他野食 有時令刺

海鮮天堂，對於熱愛海鮮的我來說，私房菜無疑是一個不錯的選擇。之前有聽過呢間餐廳，終於搵到時間來食下，從刺身拼盤，到海鮮拼盤，應有盡有，基本上係座無虛席，好彩有訂座🤣🤣餐牌上面都有幾個不同的套餐，因為想食海鮮的關係，最後選擇左海鮮餐，一開始上左一份蝦多士，蝦肉新鮮爽口，加上多士脆皮的感覺，口感一流🥰湯底方面選了椰子花膠湯，濃郁醇厚而不膩，清新養生✨重點必須是刺身拼盤和海鮮拼盤，刺身拼盤集合了等珍稀食材：帶子、三文魚、蟹柳、北寄貝、榮螺等等；海鮮拼盤更是有龍蝦、乳山蠔、鮑魚、青口等等，在舌尖上激盪出一場豐富多樣的味蕾盛宴🤞本地手切牛頸脊牛頸脊比想象中好吃，肉質嫩滑，可惜只有一碟，有點不太夠的感覺🙌唯有下次再來才好好享受吧酸菜魚酸酸辣辣,鮮嫩多汁的魚肉搭配酸菜的清香,令人垂涎欲滴🤤飲品方面有十多種選擇，更重要的肯定是啤酒，喜歡和啤酒的朋友們不要錯過哦🤗好味指數：10/10 性價比指數：10/10

如果鍾意食雞煲同食牛既你，一定要黎食下呢間喇！😝上到黎，餐廳好光孟，☀️好企理；枱與枱之間就唔會太迫，我地咁啱座係卡位，每個卡位都有一部電視，幾好丫，可以一路食，就睇下電視；聽老闆講，佢嗰度有七間房，每一間房都有電視台以睇波，好啱一班朋友嚟睇波飲酒。我哋今次叫咗佢嘅牛牛餐，一開始，佢地就有4款小食，之後，又有刺身拼盤，仲每人有一隻冰鎮鮑魚，真係好多野食!!!! 🤪🤪評分：👍🏻👍🏻👍🏻/5食完小食，有三款食物可以揀，雞煲，毛血旺，同埋酸菜魚。雞煲同毛血旺可以任食，我哋就揀咗雞煲。個雞煲嚟到嘅時候要分三次去炒一炒先食得，一路炒嘅時候，已經聞到佢好香😙😙。佢呢度嘅雞煲，有一兜油炸鬼俾你加落去食，初頭我哋都覺得怪怪地，但係原來啲油炸鬼吸左雞煲嘅味，係好好食，個油炸鬼脆脆地，但又好入味，總之就係第一次食就會覺得好好食。而個雞煲好入味，啲雞件都好滑呀，唔會好鞋，同埋又唔會係件件都係骨，朋友同我都話覺得好好食。不過我地唔想嘥晒啲quota，所以我哋冇再叫多轉雞煲食。到打邊爐喇，個湯底有幾款可以揀，我哋就清清地揀咗個椰子湯底，不過個人覺得嗰啲椰子可以多番少少。話明係牛牛餐，佢一開始就上咗一碟有唔同部位嘅

火鍋控朋友呢晚帶咗我嚟呢間餐廳食火鍋🤣我哋要咗 $408一位「鮮味放題 味蕾享受 180分鐘 海鮮餐」，包咗勁多嘢食😋如果可以早啲離座 或者 晏啲入座咁就可以平到 $348 一位（詳細睇相啦）🤣「招牌麻辣雞煲（任食） / 麻辣鴨血毛血旺（任食） / 金湯酸菜魚1份」3揀1，咁我哋揀咗「雞煲」，雖然要咗BB辣，但係「雞煲」已經非常香味道濃郁👍◎ 時令刺身拼盤1份◎ 冰鎮鮑魚（每位一隻）食完雞煲就轉個湯底準備打邊爐，有多款湯底可以揀，咁揀咗「素金鈎野菌冬瓜盅 Vegetarian mushroom and winter melon cup」😋◎時令海鮮拼盤（每位五款）：今晚時令海鮮包括 龍蝦🦞、生蠔、帆立貝、大蟹鉗、青口 🤩，全部都新鮮好味👍◎本地手切牛頸脊：好好牛味😋◎火鍋配料 有好多款，我哋起碼食咗鮮蝦雲吞、黑毛豚肉片、韭菜餃、魚皮餃、潮州魚蛋、響鈴、墨汁墨魚丸、魷魚丸、蟹棒 等等，真係勁多選擇😋◎ 自製冷泡茶/水果茶/五花茶 同埋成個雪櫃都係飲品，自助形式😋◎雪糕 任食😋有實力嘅大胃王可以食足3粒鐘 🤣

喺鄰住買買咗個原價$498優惠價$179 嘅套餐，去到先嚟個雞煲好好味 ，跟住換湯底要加38 ok合理 ，跟住打邊爐 我見對面枱有蝦有蠔有鯇魚片， 但我張紙就冇 呢幾款嘢叫的 ，我就問侍應話因為我呢個餐係喺網上平台買嘅優惠價餐 要幫襯佢哋自己原價嘅$498才有 ，我就好唔明解喇 ，我原價都係$498只係喺網上平台優惠價變咗 $179 咁就會有唔同 ？不過網上平台嗰度都有寫明 30款打邊爐 食材係有乜嘢食只係我自己冇睇到， 但打邊爐嘅料真係太一般， 只有雞煲好味 ，如果呢個餐原價一定冇人幫襯。。。因款式太少太少。。。。。

新南苑私房菜係一間超正嘅火鍋店,一定要去試吓!走入去就見到個大場地有好多餐枱,啲侍應就不停咁來來往往為客人服務。先嚟講吓個小食啦,雲耳同雞腳係必試嘅,啲雲耳超級新鮮彈牙!啲雞腳除咗酥脆之外,仲好香濃滑脆,實在係太勁!再加埋核桃就夠晒一份完整嘅前菜。揀咗手金湯酸菜魚就有啲新鮮味,啲酸菜又新鮮又爽口,對於呢種鮮酸開胃菜,一啖就難以停手。花雕醉雞鍋有陣陣嘅酒香飄出嚟,一打開煙霧彎彎都係酒香氣息,啲雞肉滑身入口,超正宗粵菜風味!南瓜公仔蜆湯就真係太可愛啦,見到個南瓜公仔坐低就飄咗一陣少年情懷,湯底又非常香甜,裡面仲有晒好多蜆肉同南瓜,一啖一個驚喜!仲有炸蝦多士,個蝦拖住個多士一齊入口,蝦肉新鮮爽口,多士又香又脆,好食!刺身盤就更加豐富啦,有海膽、帶子、三文魚、蟹柳、北寄貝、榮螺,每樣都係現切新鮮到爆!啲海膽同北寄貝尤其鮮甜,幾滋味一流!本地手切牛頸脊啲肉質幼身幼滑,油花分佈得好勻,燒烤到微凹,入口即溶,實在太正啦!海鮮盤就更加豐富啦,有乳山蠔、帆立貝、鮑魚、蜆、蝦,種類應有盡有,每樣都新鮮美味至極!雜菜盤亦幾好彩色醒目,有好多青翠欲滴嘅蔬菜!最正就係任食蝦、乳山蠔、紐西蘭貝殼、脆鯇片、花膠、龍