新城餐廳

营业中

休息中

如果唔係住附近都唔係咁想食，叫外賣嗰啲姐姐態度差到爆，可能唔係全部嘅，但係有一兩個特別差囉，好似唔想做你生意咁，講嘢又大聲又急，不過平心而論其實我覺得啲嘢食唔差…可能係我誤會咗姐姐，不過對於客人嚟講體驗唔係咁好，不過送餐過嚟嗰啲叔叔姨姨好人嘅

食左咁多年早餐相安無事，今日食就話唔俾轉，其他都轉得，話餐牌扒餐唔俾轉脆豬，我著哂燈，電腦俾轉味得，一句同我講唔俾轉，我話我之前都俾，佢死都唔俾我轉，睇又唔睇下落單系統轉唔轉到，態度又衰，食左十幾年 ，第一次覺得係度食個早餐咁唔開心

話說今日係國慶節嘅第二日時間唔算早10:20就同埋小朋友落去呢間茶餐廳食一個早餐正常小朋友食嘅係冇問題嘅但係唔知點解到我要食嘅就九唔搭八我食咁多次鹹牛肉蛋三文治正常都係雞蛋同埋啲鹹牛肉溝埋一齊煎但係佢哋十分之搞笑就同你分開煎雞蛋係凍嘅，鹹牛肉算係叫做和暖嘅我一邊食個三文治啲鹹牛肉同埋雞蛋就一邊跌落嚟係米真係懶到咁樣？？如果唔係真係冇得揀真係唔好去呢間餐廳食嘢成個美田邨只有一間茶餐廳態度差都算估唔到入邊水吧麵檔整啲嘢食都咁求其

每次來到美田邨，總會來這間茶餐廳！不是因為好好食！只係純粹貪佢方便！同埋美田商場無咩選擇！食物質素比茶餐廳更茶餐廳！如果有其他選擇，也不一定會來這一間茶餐廳！！

次次都係咁，我買1個外賣飯啫，雖然係平飯，你都唔使要我等咁耐架，唔通要買幾盒先幫你煮？已經唔係好食，只係諗住買頹飯，唔要嘢飲，就要我等咁耐，諗住條邨得佢一間就搞到咁。垃圾

一路食又發現有蛋彀嘅碎咁大個殼都食極都仲有平時都好少食呢間餐廳㗎喇今次都系貪方便點知個蛋可以炒到甘甘簡單嘅一個早餐都可以咁求其真係對呢間餐廳好失望得一間餐廳都唔係咁求其呀

叫1個餐 45分鐘都唔到，問下餐廳，話已出左，送緊，都仲等多20分鐘漏單？外賣既唔知行左去邊？漏就講漏上到黎一句唔好意思到冇每次叫親辣椒「油」都俾辣椒「醬」醬同油都唔識分

叫個外賣套餐肉餅飯等成50分鐘先有得攞，仲要放埋一二邊等個客自己搵先知到左外賣仲叫左杯紅豆冰，等得黎已經變左熱紅豆冰以後唔會再幫襯，阻住我時間食落只係普普通通，唔值得等咁耐

😤😤😤超嬲🤬🤬🤬🤬🤬外賣叫咗一個廈門炒米，第一啖食落去超乾超鹹😡😡😡😡😡，真係人生以來食到第一個超鹹嘅廈門炒米😤😤😤😤，，係咪想累到啲食客食到腎虧啊🤢🤢🤢個廚師係咪連糖同鹽都分唔到呢？🤮🤮炒咗個廚師啦 🖕🏻🖕🏻垃圾💩💩💩🤮🤮,叫個廚師返屋企瞓啦💤💤冇下次😤😤😤😤😤😤如果唔係屋企樓下得佢一間茶餐廳，我一世都唔會幫襯佢呀😤😤

疫情放緩，開始多番啲行山，雖然天氣亦開始熱起嚟，不時正午都高達三十幾度，但都唔會影響幾個相熟嘅行山發燒友，不過，我哋就會盡量揀啲多樹蔭，唔太難行嘅路徑，是日就由朋友帶路，由城門水塘經條私房秘道，經下城門水塘、香粉寮到達大圍，出番大路就喺美田邨，友人嚟過美田商場內嘅「新城快餐廳」，覺得OK，就近近哋晌度食個下午菜，順道攤抖吓。除入門量量體溫做吓樣，餐廳內對防疫就無乜點下功夫，唯有食客自行執生。餐廳嘅名改得好吊詭，唔叫快餐店，亦唔叫茶餐廳，入到去格局似茶記，但就要出番門口收銀度落單（收銀會問你坐邊度），卻喺由侍應送上食物，可能喺咁嘅運作模式，就叫快餐廳吧！餐具、紙巾、基本調味就放晒晌枱上，自由取用。不過，個人睇法，正常情況就無太大問題，但遇着疫情嘅日子，客人又會高談闊論，啲餐具擺得咁「開放」，無遮又無掩，就只好自己搞番好啲衛生。下午餐餐，一個大餐牌楝晌門口，一眼睇晒，而供應時間都相對長，2:00pm-6:00pm，平平哋有啲麵包餐、小食餐，貴嘅就有啲炒粉麵餐。最後，小弟決定揀個沙嗲牛肉包餐，賣$30，純粹墊一墊肚。沙嗲牛肉包沙嗲牛肉可稱得上喺茶記嘅必有款式，不論早餐，抑或常餐，都有其踪影。

前陣子公司實行work fm home,,好耐冇外出既我，眼見疫情有所好轉，就落一落樓下歎個下午茶...呢間餐廳係實行快餐店形式經營，即係先付款後用餐既。我叫左個熱狗下午茶餐加熱飲，30大洋，尚算合理。但當我見到個熱狗黎到既時候，簡直令我大開眼界。我從未食過熱狗內裏，是用早餐嘅廚師腸，芥辣欠奉，包身凍而乾既熱狗。請問甘樣仲叫吾叫做熱狗😳？食到一半已經忍吾住飛奔返屋企，真係自己係屋企整都冇甘嬲🙄呢d餐廳真係只能試一次，下不為例

啫啫雞煲到水流流，啲雞唔入味，啲雞又未夠熟！通菜鮮魷，啲菜冇味，魷魚冇過油，有陣臭味。簡直垃圾，廚師水準好差，價錢又貴過人，收銀員有一位女士態度差到冇人有，以為同佢乞食，個廚師煮頹飯就得， 煮小菜衰過比狗食。老細賤格下流冇禮貌所以呢導致到啲員工有部份都好冇禮貌，所以在此呼籲不要幫襯新城餐廳，寧願走出去遠啲都唔好響度食，如果否則依間餐廳以為自己好高水準，其實同比狗食都冇分別， 簡直同我垃圾嘅一様，一句講晒早望佢快啲執笠

冇禮貌 態度差 食物疑似番用 外買送1小時 一向冇禮貌 人客食野時 員工不停大聲講野 如未到下午茶時間 員工吾會話畀客人知 照打正價價錢 出單後 局住畀錢漢堡扒形狀應該是圓形 但剛剛到既食物似有人咬過3月23號 下午1點59分叫外賣 到下午2點44分仲未到 打去餐廳話未到 員工問完地址 諗都唔諗睇都唔睇就答外賣出咗 又話今日外賣太多 過5分鐘後外賣終於到（餐廳到我屋企只需5分鐘）外賣員上到尼員畀外賣 幾錢吾識講 第二隻手揸住三份外賣 明顯我打去問既時候先出外賣

打電話叫個外賣，接聽果個超級沒禮貌，都未叫飲品就cut線，叫都叫唔切，搞到要打第二次。然後送到上門杯熱菜蜜變左凍菜蜜，飯上面啲汁都凍到有啲凝固，唔會再有下一次叫外賣。

衛生情況勁恐怖，真係食落肚都唔知道會發生咩事囉～好離譜呀，有我手指尾指甲長嘅鐵片，仲要係食到一半先發現，想嘔都嘔唔到，永遠永遠永遠都唔會再叫尼間野外賣，差到無人有，情願叫m記，真係diu出聲