新容記海鮮坊

营业中

休息中

我們叫了一個金牌辣子雞$138 ,結果嚟咗好似金牌麥樂雞的樣子，因為雞上面的炸粉太厚了，肉也小到幾乎沒有。味道也不麻，只有小辣。還有一碟令我感到失望的，就是泰式豬頸肉$88，盤上一點裝飾也沒有，上面還有一種奇怪的醬。

今日約左朋友仔行山 咁啱有個朋友生日 咁一於請距食飯啦 我地行完舊牧場廢墟就搭船仔去香港仔 因為香港仔真係幾多好野食 而我上次有食過新容記 認真ok 值得覆卓 一於介紹朋友仔去試下 本來想點招牌炸子雞 點知賣曬 老闆娘介紹左味秘制碌鵝 雖然貴小小 但係食完讚不絕口 個椒鹽鮮魷都係 外脆內嫩 好正 另外個小炒王都係 我見台台都有點 總之呢間可以食多幾次 覆卓再覆卓 ！

去香港三天办事，每天都在新容记吃海鲜，就在海鲜市场边上，里面的海鲜新鲜美味，做法也很惊艳，在上海很少吃到，随便点都不会踩雷。最喜欢葱姜焖蚝，龙虾伊面，老板娘特别热情，给我们介绍，还赠送我们奶茶。

第一次嚟，見其他食評唔錯，所以試試，但嘢食等太耐（超過40分鐘），細路仔又肚餓，唔夠侍應，廚房又慢，所以感到好失望，最後嘢食嚟到，中規中矩，唔算係好好食，幫襯一次就夠啦！

一家12人！由新界出到去香港仔食海鮮🦞！之前在OpenRice度睇吓有啲乜嘢好介紹，結果嘗試呢一間，見啲食評都唔錯好多客人都大讚，所以就決定去呢一間試吓！地點方便容易去！海鮮坊內環境清潔🤩！服務員招呼周到同好有禮貌！！價錢公道👍🏻抵食😋食完之後屋企人個個都大讚❤️！超值之選！特別推介：冰鎮咕嚕肉，令人回味無窮！海鮮都係好抵食，叫咗兩款不同炒法嘅蟹，好入味$388有兩大隻！啤酒又超級凍，送海鮮簡直一流！

新容記位於香港仔。位於南區的新容記，供應東南亞風味小菜飯食，開胃健脾，這款雪菜肉絲炒米，乾爽够鹹香，肉絲入味，米粉鬆軟，條條分明，好吃！呢款係生炒雞絲飯，雞絲炒得够香又無雪味，白飯粒粒分明，上佳之作。海鲜炒貴刁少少辣多多脆，粿條(貴刁)炒得入味又不會太冧，海鲜也够豐富，一家四口吃三碟普普通通的炒嘢已經十分滿足了！

隔離食開幾間茶記冇開諗住就腳快食個碟頭飯，我話要粟米班腩飯，結果差唔多全部都係魚骨，個阿姐仲要串爆話「我哋得班頭腩，斑腩唔係呢個價錢」。好，當我睇漏咗個頭字，但都唔係5塊入面有4塊半都係魚骨咁離譜呀？仲要明明門口個牌寫$58,賣單連壺茶變$110,跟住你話$58只限午市（冇寫時間，而且餐牌上面並無寫明午市以外價錢）我都算數，但畀$110食魚骨真係夠晒谷氣，嬲到單同魚骨都唔記得影，但會照準備向消委會投訴，懷疑違反商品說明條例

是日星期五，午餐諗住食返啲正嘢，就由黃竹坑搭咗幾個站去田灣食，相信無咩人會特登入到田灣食飯，正宗隱世。呢間新容記其實之前都試過一次，啲小炒好正，今日再去試啲正嘢。今日過嚟完全係為咗嗌個酸菜龍躉魚，上次嚟見到已經想叫，但咁啱嗰日老闆話龍躉唔靚，所以叫咗其他。餐牌其實無咩特別，小菜款式都同其他餐廳一樣，唯獨係有個廚師推介menu，有酸菜魚食，仲要用龍躉，真係唔係好多地方食到，仲有水煮牛肉都好吸引，下次再嚟試。四個人叫咗三樣嘢，但最後都食唔曬。酸菜龍躉份量非常多，仲有薯粉鋪底，辣度啱啱好；咕嚕肉酸甜開胃，炸得非常酥脆；乾炒牛河上次食過，今次encore都無失色，鑊氣十足；講開都想讚埋啲白飯口感蒸得啱啱好。最後埋單食咗三百幾四百，但都食唔曬，真係失禮，下次再去真係要控制好份量。

一行11人諗住黎慶祝父親節加生日食晚飯，一早訂枱講明分兩枱，係呢啲時候為人為己都需要啦，點知去到只準備一張大枱，完全唔顧慮到現時問題，有咩事係大家都要受，咪要求員工幫我地轉枱。好啦，好似好屈就咁幫我地轉左兩枱！7:45 分落單可以到9:00都上唔到隻菜膽雞，反而最難既炸物、炆既食物就上到枱，食物味精勁重，完全唔好食。我真心認為食物貴唔緊要，味道好就得，但呢間野貴而完全唔好食，真心唔推介，絕對唔會再有下一次！一次勁唔愉快既父親節晚餐！

到香港仔找朋友一聚，被這家餐廳菜品吸引了!位置很近香港仔漁港，店員告訴我們海鮮都是在魚販選購，保證新鮮。———————————————————————◻️清蒸班頭腩138首先介紹我最喜歡的菜品-班頭腩！未試就知道新鮮。魚肉以及魚皮十分有光澤，閃閃發亮。魚肉充滿膠質，感覺骨膠原滿滿。肉質鮮甜，爽滑。雖然係清蒸，但魚鮮味湧入口腔，好誇張。◻️富貴黃金蝦138若嫌清蒸滿足唔到你，咁就必須試下黃金蝦。招牌菜之一，蝦隻裹上鹹蛋黃汁，吃下去有「沙沙」的質感，完全不需要剝殼，更具口感。而蝦隻相當新鮮，炸過後仍稍微爆汁，蝦肉亦夠嫩。好惹味。◻️鮑汁雞粒炒飯88好鮮香又濃郁的炒飯。有蝦肉、雞粒、鮑魚、菜心片、菇等等。一望到就好肚餓！吸引！炒飯乾身，蛋卻不會太乾而且份量不少，而加上鮑汁為炒飯加上一點濕潤感！十分滿意。◻️紅燒乳鴿58除了海鮮之外，都有其他食物種類、肉類選擇，呢度仲有紅燒乳鴿。

探朋友期間撞啱黃雨🌧️索性在佢家附近的食店開餐🥢💖這間店內裝修簡潔,座位舒適海鮮類🐟🦐🦞🦀選擇款式多蒜蓉粉絲蒸蟶子（時價）今天廚師推介：💥蟶子皇$68/隻肉質鮮嫩有爽口感,又夠大隻, 🧄蒜蓉粉絲蒸得好入味, 好有蒜香👍🐔當紅炸子雞$138（半隻）$258（全隻）皮脆肉厚啖啖肉,沾上少許淮鹽吃, 味道絕配 😍根本不需再沾上任何醬汁😋連一般比較鞋口的雞胸肉位置,都煮炸得軟嫩滑口😋🥘和味小炒豉汁涼瓜炒牛肉 $82涼瓜香甜冇苦澀味炒得好惹味,瓜片有爽口感,切片炒牛肉厚薄度適中,肉質入口軟淋有肉香, 唔韌口😋送飯一流👍

新容記海鮮坊香港仔石排灣道88號地舖加入了車會, 一群熱愛架車架朋友, 約埋一齊吃喝玩樂, 有車去遠同交通不便架地方都方便左, 我地又會互換消息。除左海鮮其實仲有好多中式小菜都ORDER 到架!我見MENU 價錢一般小炒大幾一百蚊起。我好喜歡食$88 小炒皇, 叫左碟試, 一般都一定有韮皇架, 魷魚海鮮蝦乾, 腰果咁, 有鑊氣濃郁惹味, 叫小炒皇準沒錯。$88陳皮骨幾特別，有果皮架，炸到香酥好開胃架！$118一品海鮮煲是海鮮類中幾抵食架菜, 仲要什麼海鮮都有D, 蝦、帶子、魷魚、豆腐、大雜匯。少油架一品海鮮煲, 一煲入面能食得出海鮮滋味, 材料多且豐富。同魷魚一樣咁爽口彈牙，帶子好新鮮，食到鮮味，冬菇豆腐滑小菜做得有水準,好岩配白飯架, 來到都唔係只有海鮮出危架, 收費合理。2個人叫左3道菜, 埋單一人都唔洗$200係幾抵食的。這餐廳埋曬同展輩來食飯, 同埋一理朋友食下海鮮小炒吹水都幾好。

😍點了3⃣️款菜：📌椒鹽鮮魷 $118 ～ 外皮脆卜卜，大件鮮魷🦑非常新鮮，炸得夠乾身，沒有多餘油份，點上喼汁吃不停。。。期待下次定必會試《黃金鮮魷》🥰📌涼瓜炆班腩煲 $138 ～ 班腩件數多，件件多肉少骨，好抵食，配上薑片同吃一絕。。🥳👉薄切涼瓜甘香沒有苦味，用上大量蒜🧄粒起鍋，香味突出。👏☺️📌啫啫滑雞煲 $88 ～ 雞🐔件切🉐️細件入味，用上大量薑蔥蒜，香氣撲鼻，亦🈶️三色椒🫑作配菜，整體味道不錯。😀

瑤柱蛋白炒飯個炒飯乾得黎又濕濕地 飯粒好夠乾身同油 粒粒分明又唔係勁乾踭踭 每粒飯都分得開唔會痴埋 一食落口好重鍋氣 都幾推介大家叫呢個飯😚 啲瑤柱好似唔洗錢咁 都幾多我食個陣啖啖都勁多瑤柱入口冇呃我感情🙌🏽🙌🏽 仲要兜野100蚊唔洗 係完全夠2個人食 一人啪左2碗架都😋😋（利申 真係清左成碟富貴黃金蝦🦐首先 佢啲蝦係新鮮蝦黎 因為咬落口唔霉 都幾彈牙爽口😌個黃金蝦好濃咸蛋味 配白飯係一流！如果齋啪會有啲咸啦！重口味既人應該會好like😏

晚上和媽媽一起到香港仔吃晚飯，選擇了她最愛吃的海鮮!椒鹽鮮魷🦑非常香脆而且皮薄！吃下去非常脆口而且啖啖肉，點上醬汁作為前菜非常開胃😚😚而且份量十足！值得推介蒜蓉蒸扇貝及聖子扇貝及聖子可以逐隻叫， 我們只有兩個人所以分別叫了兩隻聖子和兩隻扇貝！蒜蓉粉絲蒸海鮮是媽媽最愛吃的，這裏也沒有讓我們失望， 我們一口氣就把聖子扇貝吃完了，非常入味！魚香茄子煲🍲叫了一個餸用來送飯，魚香茄子煲一定是其中一樣送飯最佳之選！熱辣辣的魚香茄子煲非常惹味，剛好配上一碗滿滿的白飯，令到這一餐非常飽足和滿足另外值得一提的是店裏是剛剛裝修的，環境非常乾淨，坐得很舒適，推介一班朋友或是一家大細到來晚飯👍🏻