新寶馬茶餐廳小廚

营业中

休息中

嚟到坪洲 當然要嚟呢一間地道茶餐廳🍴食佢哋個招牌菠蘿包夾雪糕🍦香脆微暖嘅菠蘿包 再加埋內餡兩球凍冰冰嘅雪糕 賣相真係夠晒吸引！口感仲好豐富🥳價錢唔貴值得一試🤑

第一次踏足坪州，經過呢間人氣雪糕菠蘿包店，而且又冇人排隊，就入去一試，除咗雪糕菠蘿包，仲有好多唔同款式，都係菠蘿包入面夾住唔同嘅餡料，今次試咗兩款菠蘿包，分別係最出名嘅雪糕菠蘿包，同埋豬扒菠蘿包。雪糕菠蘿包入邊夾住兩球經典3色雪糕（雲呢拿士多啤梨朱古力味），菠蘿包表皮夠脆，少暖，好似冰火2重奏咁，但又好夾。另外豬扒菠蘿包入面豬扒份量比較少，唔夠食晒全個包，入面仲有酸薑同少許沙律醬，豬扒吾太脆，少少juicy，咬口亦吾太韌，呢個包中規中矩。佢個拌碟好特別，係菠蘿碟，襯返佢哋嘅招牌菜，挺有心思。餐廳限時45分鐘，基本上食得比較趕，staff 會走過來催還枱，仲坐緊喺度嘅時候已經開始執走晒所有嘢。

嚟到坪洲 梗係要來呢間茶記 食佢嘅雪糕菠蘿包❤️菠蘿包烘到好脆 微微嫩 中間夾住兩球冰凍嘅雪糕🍦冰火交融 夏天食就最啱！菠蘿包外脆內軟 再加埋啲雪糕一齊食 口感同味道層次都非常之豐富😋

嚟到坪洲除咗蝦多士出名之外 呢間小食店嘅雪糕菠蘿包都好有人氣嗰日就同咗朋友去嗌咗個嚟試吓 菠蘿包暖暖地 再加埋中間嘅雪糕🍦冰火交融 菠蘿包嘅脆皮都幾香脆 包身軟熟 再加埋內餡軟滑嘅雪糕 口感都唔錯👍🏻

記錄一下復活節假期去左人山人海既坪洲😅 食晏時間，大部分餐廳外都有十幾個人排隊…至少排一個鐘🥶 坐船走又排曬長龍，加班船好貴😱 以後紅日唔好去離島(罰抄一百次🥹)菠蘿包夾雪糕 $35招牌小食，好多唔想排隊堂食既客人都會買走食算😂 三色雪糕: 芋頭、芒果、雲呢拿🍦配上香脆既菠蘿包，又真係幾好食喎😋咖喱雞翼撈麵 $41偏辣既咖喱🍛好彩有嗌紅豆冰($27)解下辣🌶 雞翼好大隻好厚肉，薯仔索曬香濃既咖哩汁，好正!!鮮茄豬扒飯 $55食左一半先記得影🤣 所以豬扒既份量真係幾多，鮮茄汁酸酸甜甜好開胃，撈飯一流💯

唔知係咪因為人山人海，服務態度真係非常一般，十問九唔應，無人招呼，除左一開頭叫你落單，跟住問佢拎隻碟都無人理，要行埋去問，跟住就指住張紙牌，在不顯眼的一角，紙牌寫住：「自助區」。啲員工到底有幾唔願意講野？好似所有遊客都知道依度有個自助拎餐具區。然後問佢拎碟，佢就終於開口話只有碗沒有碟。都未食完野就不停見一樣收一樣，食完一樣即刻收一樣，好似趕住你要走咁樣。或者佢地真係太好生意，做到多你一個唔多，少你一個唔少。

第一次入嚟坪洲，覺得環境好清幽好舒服。坪洲冇長洲咁大咁熱鬧，但一樣有好多出色的小店。由於唔想排隊入座，所以買外賣，試試它的菠蘿包雪糕。拎上手熱熱地，到算新鮮出爐 菠蘿皮超級脆，但內部都好鬆軟，而雪糕就是雀巢雲呢拿味加香芋味。食落好有童年回憶。

坪洲餐廳選擇不多，但每間茶餐廳確實算有佢地嘅招牌美食，其中呢度莫過於係佢嘅菠蘿包夾雪糕😍😍喇！菠蘿包夾雪糕（$32）雪糕係常見嘅三色雪糕（雲呢拿、香芋、芒果），無食錯嘅話應該係雀巢嘅三色雪糕🤔🤔；🍞菠蘿包唔係即叫即整，但正因為常溫嘅麵包，夾雪糕嘅時候就會保持到雪糕唔會咁快溶，堂食放左係度10分鐘都無溶到（不過打卡就要快d喇）😚😝，菠蘿包皮非常脆口，夾落去口感就會又脆又甜，不過唯一嘅缺點就係因為菠蘿包太脆而令到本身無左菠蘿包嘅味🤫。豬排麵（$36）常見茶餐廳嘅豬排麵🍜，不過叫間餐廳用嘅麵底係用福字麵，湯底略有點鹹🤫，豬排就叫做中等質素。炸雞排配薯條（$40）雖然分量比較少（可能用嘅特色碗裝住導致咁），但雞排🥩🥩同薯條🍟🍟都係中上嘅質素，幾好食，不過如果可以有其他選擇嘅話，可能會建議食其他特色嘅小食🍢🍢。其他食物全部都係單點，所以如果要預期好似出面茶餐廳嘅價錢咁就做唔到，今次叫嘅其他野食都係中等質素，不過個人建議下午茶🥤🧋咁過黎，試下佢地嘅特色菠蘿包，叫杯野飲咁享受下。另外，假日下午1點半左右排隊，未算多人，不過大概都要等20-30分鐘左右👍🏻👍🏻。如果半日遊嘅話，個人推薦叫定外賣🧃，去外

難得有長假，就去下小島遊，我地今次揀左坪洲 諗住會少人啲，點知都係人山人海😂好彩呢間黃店都係排左半個鐘！>原條鰻魚多士：好pink pink少女心😍原條鰻魚夠哂足料，配埋甜甜地醬汁+脆卜卜既多士，睇得又食得，不過得包既位就乾左啲，如果好有心機，可以將條鰻魚切成小塊再食😄>咖哩豬排撈丁：估唔到平凡野反而好好味，咖哩汁濃得黎又唔太辣，薄切豬排煎到金黃可口，夾埋公仔麵食好邪惡😣>雪糕菠蘿包：坪洲名物，人人黎都係為左食佢，菠蘿包皮好香好酥脆，雪糕應該係用雀巢三色雪糕，不過我地呢份主要得香芋味，一啖過咁咬係最正的😌，如果有敏感牙齒，可以將雪糕當醬咁搽到均勻咁食。>奶茶+紅豆冰：正常發揮，無太大驚喜，餐廳仲有一啲懷舊飲品，例如：黑牛、黃牛、白雪公主，好似都幾得意咁。

假期入坪洲行下，已經避開長洲同西貢😂估唔到呢度都人頭湧湧！間間餐廳要排隊😅😅最後揀左新寶馬茶餐廳～呢度最出名係菠蘿包夾雪糕🍦，但我地無試😂，試左👇🏻👇🏻👇🏻🐎芝士肉丁炒蛋菠蘿包$36菠蘿皮夠香脆，唔會碎到一地都係，夾芝士肉丁炒蛋😍呢個組合又幾match喎👍🏻🐎鮮牛肉麵$36比較一般，個碗太細，啲面好快就索晒啲水😂🐎炸薯條$26炸得幾好，外脆內軟😙總括來講，我覺得嚟到呢間茶餐廳一定要試佢嘅菠蘿包系列，有驚喜的😎唔想排隊可以直接外賣🥡至於其他野就正正常常，無乜特別～

第一次去坪洲！😝本來想試嘅cafe竟然冇開😂所以就揀咗呢個諗住下午茶食嘅餐廳食lunch🤣✐☡✐☡✐☡✐☡✐☡✐☡✐☡✐☡✐☡✐☡✐☡🍦菠蘿包夾雪糕 $35個菠蘿包好大個😳我諗比正常嘅菠蘿包大1.5倍🤣中間就夾住兩球三色雪糕🎶雪糕係雲呢拿芒果同埋香芋味🍡菠蘿包係微暖~夾住超級凍冰冰嘅雪糕🍦 一凍一熱放入口🥺而且佢口感都好好👍🏻我會想試吓自己屋企夾雪糕落去菠蘿包度🤌🏻8.4/10🍅鮮茄豬扒飯 $55蕃茄汁的部份酸酸甜甜好好味！食得出真係落咗唔少新鮮蕃茄🤤唔係剩係得茄汁✨撈飯一流～豬扒睇落份量好多😂但係入邊好多都係骨或者肥膏🥲而且有幾舊咬落去特別鹹🫠🤌🏻7.3/10🧋桃膠奶茶 $33就係普通好飲嘅凍奶茶加桃膠😂但係桃膠完全冇味😐飲落去嗰陣時啲奶茶吞晒剩返啲冇味嘅桃膠喺度🤦🏻‍♀️🤌🏻6/10 ✐☡✐☡✐☡✐☡✐☡✐☡✐☡✐☡✐☡✐☡✐☡#為食tips👻 小編係星期日去嘅~大部份餐廳門口都有好多人排隊😂😅但係排隊又唔使排好耐😙開心！

新寶馬茶餐廳小廚 🎑📍 坪洲永安街29號地舖∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎坪洲另一推介🙆🏻‍♀️➡️ 菠蘿包夾雪糕🍦😍。本身都冇留意到有呢樣好好食既野，無意間見到門外個水牌，好似好吸引咁🤓，臨走前都要買嚟試下😂。 呢間鋪個餐牌都幾得意， 有汪明荃(芬達+朱古力雪糕)， 仲有豬西（朱古力雪糕+西多）🤣，d 名簡直一絕😂😂。🌟 菠蘿包夾雪糕 $35呢個真係好好食😋，熱辣辣既菠蘿包 夾住冰凍既雪糕， 無論味道，或買嚟打咭都唔錯👍🏻，值得一試。整體推介指數：❤️❤️❤️❤️🤍∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎

公眾假期入嚟坪洲，係多人到九彩， 1:30pm入到嚟，所有餐廳都已經大排長龍，好彩有帶小食入嚟，同小朋友先食啲小食，然後諗住三點到先至再搵間餐廳坐低。以為自己好醒，點知原來3:00都仲係多人到趴街，間間餐廳都大排長龍，有啲仲3:00收舖，連外賣都唔接，真係人都癲。誤打誤撞排咗呢間隊，見到原來推介係菠蘿包雪糕，不過我哋今日冇試。我哋叫咗：1）沙嗲牛肉菠蘿包 - 菠蘿包並唔係平時出邊食到好鬆軟嘅菠蘿皮，反而係脆卜卜嘅菠蘿皮，好有新鮮感，甜菠蘿包配上沙嗲牛肉非常好味，入邊仲加咗日式薑，非常爽口，成個配搭一絶2）日式炸雞豬仔包 - 炸雞即叫即整，熱辣辣好好味，亦都係配上日式薑片，非常嘢未，但係豬仔包其實係熱狗包3）炸雞薯條 - 即叫即炸嘅關係，炸雞同埋薯條都係辣嘴嘅，非常好味😋，不過份量非常之少，炸雞三小件4）塗膠好立克 - 不過不失，不過唔係好夠甜如果入開嚟嘅話都幾值得試，所有嘢即叫即整，熱辣辣，值得一讚，

坪洲雖然地方不大，但都有唔少新食物值得一試，好似呢個菠蘿包夾雪糕，食之前不識泰山，估唔到咁好味。.菠蘿包皮不似普通麵包店那種一片片易掉落的脆皮，而是一片大的厚身脆皮，麵包中間夾着2球大大的3色雪糕。外賣到海邊一邊吃一邊吹海風，舒暢。

假日襯有空走去坪洲行下，拍下照，吸下新鮮空氣，放慢一下腳步。新寶馬茶廳，位於坪洲永安街地鋪位置比較不好找，店舖環境不算大，也不算小，坐位跟平日的茶餐廳一樣，但挺乾淨整齊，店鋪推介特色菠蘿包夾三色雪糕，挺新奇，所以試一試，三色雪糕菠蘿包非常特色，菠蘿包外皮是炸的，非常脆口，但建議菠蘿包夾三色雪糕上枱後立刻吃上比較佳，不然菠蘿包入邊的雪糕比較容易溶化，容易弄髒衣服，但菠蘿包夾雪糕這樣的配搭挺夾的，加上菠蘿包外層比較脆，吃上非常之有口感的，想像不了這樣的配搭，別有一番風味，值得試一試😆整個菠蘿包挺大個的，份量很大一個菠蘿包加埋雪糕的配搭足以吃飽了😆但是菠蘿包的價錢略為有小小貴。