新廣南餐室

营业中

休息中

因為茶餐廳嘅早餐都係個d，所以以為無咩特別啦，點知今次遇到個特別差。蛋同餐肉應該係一早煎好放係到，因為我食嘅時候基本上已經變乾同凍晒，凍檸茶d檸檬又薄得好緊要，篤落去個陣，幾乎感覺唔到有篤到檸檬肉，所以杯野都無咩味道。沙牛麵唔叫好食，不過都叫合乎預期啦，至少係熱嘅先😂

餐牌寫着由上午11時至下午三時提供，$47～～～跟粟米忌廉湯或羅宋湯～～～配冷熱飲品一杯~~(如果改柚子茶，汔水，鮮奶等，加$7）～～～（紅豆冰加$9）結果.........叫了午餐A👅👅👅黑椒雞扒飯，飯轉意粉~~~送熱奶茶（套餐包 飲品）跟羅宋湯一碗 （套餐跟的）意粉有茄汁味，麵條都幾有彈性，平時食意粉通常都是茄醬的味道，但這間餐廳的意粉醬汁是茄汁的味道，真是用來配薯條的茄汁味道。比較少見。茄汁不算多，但每一條意粉都有被茄汁包着。黑椒雞扒幾正常。雞扒肉質都幾嫩。外皮都幾脆口。伴碟還有一些椰菜。熱奶茶正常，有茶香。羅宋湯比較欣賞，因為湯裏面的材料比較多，每一啖湯都可以有紅蘿蔔或者椰菜伴着一起吃。整體來說還可以啦。不過埋單找數的時候除了要比$47之外，還有+1服務費要收。

一入門口已經聞到一大陣霉霉噏噏味又唔係雨季，又無落雨，點解會有霉味？唔係友人先到已經叫咗餐的話，真係想轉場！呢度歷史悠久，店內擺設都保留80年代風味，用上格仔枱布，雖然懷舊，但也不該有霉味吧？！難怪人客五隻手指數得晒既然黎到，不如睇下有咩食啦，呢度選擇都算多。友人一早揀咗咖喱牛腩飯。咖喱味濃，辣度適中，牛腩肥瘦均勻，唔錯我聞到陣霉味其實都無咩胃口，又唔想食飯，揀咗祕制炒貴刁，諗住辣辣開胃啲。賣相還好，聞到好香貴刁味，但一入口，好油雖然炒貴刁係油，但呢碟貴刁油到我以為廚師唔小心落重手，所以食咗三份一已經食唔落除咗油，蝦肉夠彈牙，肉夠入味，浪費晒。比之前差了......我應該食返海南雞飯凍檸茶加$7、凍柑桔蜜加$8

今日因為朋友的介紹，朋友說這間餐廳幾有懷舊風味。所以我就和細妹去了旺角的新廣南餐室。一入到去，侍應就問幾多位，我當然正常回答，說兩位。坐下後，打開餐牌，我叫了一個生炒排骨飯。有跟熱飲，和例湯。熱飲我叫了最例牌的熱檸水。因為電視機都有教：每日飲一杯熱檸水，身體都健康一點。至於湯就叫了羅宋湯。羅宋湯我覺得幾好飲，羅宋湯裏面材料豐富，都幾足料。飲完羅宋湯，還可以食湯渣。幾好幾好！重點生炒排骨飯，一開頭見到生炒排骨飯覺得賣相普普通通，本來以為生炒排骨飯是有排骨，怎知道這個飯一送到枱面，我見到的是咕嚕肉(˶‾᷄ ⁻̫ ‾᷅˵)！(◎_◎;)一見到咕嚕肉飯就有點兒失望，怎知道將肉放到口中咀嚼，原來都幾好食。酸中帶甜，而且肉質都幾嫩，幾鬆軟，都算幾好食的。白飯又不會好硬，可以的。這個飯賣單47元，不過要加外收加一，所以52元左右。其實我覺得如果這間餐廳不收加一服務費，應該會更好，哈哈。

新廣南係旺角嘅老牌茶餐廳， 依家仲會鋪格仔枱布, 好有懷舊feel !屋企人間中會過嚟食咖哩， 佢哋特別鍾意食南洋咖哩，因為用椰汁，嗰咖哩汁會特別香滑濃郁，送飯一流! 我就叫咗個勝瓜雲耳炒肉片，貪佢清清地， 有菜有肉!佢啲午餐有好多款, 通通47蚊 , 包個例湯(羅宋湯或者忌廉湯), 仲有杯熱飲， 經濟實惠。

経過旺角街頭，想找個地方吃飯，見到超大的招牌，便選擇咗呢間餐廳用膳。估不到吃到一肚子氣。由於服務態度不佳，我以後都不會再去消費。倆人用膳，只俾一張餐紙，我點了一個晚餐，包括雪糕一杯，吉列魚柳雜果沙律，但雜果沙律只係普通沙律上加一片菠蘿。到晚上十一時才記得侍應遺漏了我最喜歡的雪糕冇給顧客，翌日打電話去歺廳，老闆唔肯補回之餘，仲怪責顅客唔自己出聲。又話顧客吃咩攴，侍應點記得，如果唔記得，點去上菜給顧客呀。貨不對版。。。

喺附近行完，朋友帶路黎左呢間冰室一入門口，整個環境、餐具、待應都好有懷舊感覺加上格仔枱布成件事特別有feel食物嘅味道都好有舊日冰室嘅味道唔會話好好味，不過不失想食懷舊feel就會諗起呢度而且格錢合理唔會打住懷舊旗號而收得貴貴的叫左一set呢個馬來大餐，如果唔太大食，兩個人share都得仲有呢支美極，好少喺餐廳見到了

差！咬左一口已經無晒食慾，只係食白飯同咖哩雞。仲話叫「干煎咖哩雞飯」🙄炸到干，係超干。🤬仲要分開3碟上枱！炸雞 白飯 咖哩汁。。。。。。。。。。。。。。。。。。。。😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤

懷舊餐廳既裝修無咩人，但係侍應就相對的多下午茶時間，茶餐選擇好多，價錢又ok炸雞脾配薯條，隻雞脾炸到好硬，好乾 oh no 唔想太heavy 就點左腿蛋三文治餐…偏凍得返個凍檸茶幾好wor

老婆話佢小時候外父常常帶佢嚟新廣南冰室，今日一於同佢去懷舊一下。入到去，裝修真像我小時候在屋村的冰室，再看看伙記們，大部分都有番咁上下年紀，的而且確充滿懷舊嘅味道。我叫了一個鎮店之寶焗豬扒飯，但送嚟個樣同佢喺牆上 poster 嘅樣真係好有分別，至少冇咗幾嚿紅蘿蔔。 可能食慣連鎖快餐店焗豬扒飯嘅關係，呢個無芝士，無乜蕃加嘅焗豬扒飯就顯得相當之清淡。炒飯底好似白飯一樣，豬扒亦偏硬咗少少。另外叫咗杯紅豆冰，呢度嘅紅豆冰係碗上嘅。 每粒紅豆都好大粒，有咬口，而且花奶非常之多。我老婆欣賞呢度啲冰係碎冰，好似雪一樣。贏出面9條街。埋單先發現呢度要收加一㗎，真係無嘢好講....

繼續食好嘢，黎到一間懷舊餐廳。呢間新廣南已經係1945年開到依家，經歷咗好多唔同時期嘅香港。同老闆可以講到兩句，又知道下以前嘅歷史。嘢食都好特別，要食嘅係佢地嘅海南雞飯，今次我地點啲特別嘅。呢個係鮮蝦參乜，小小沙嗲味，唔辣，係香口。蝦已經去哂殻，蝦都大隻多肉，又煮得入味。生炒骨，呢味我都好鍾意，啖啖肉，啲汁又夠，配飯係一流。沙嗲係鐵板上㗎，呢啲風味真係賣少見少（搞到好想食鐵板系列嘅嘢食）。佢個醬係秘製，唔會太辣，花生味又夠濃，食左小小肉，再食青瓜同菠蘿，好正。粟米斑塊，皮唔算好厚，ok。紅豆冰，呢個亦係特色之一。係用碗上，仲要係一舊沙冰係中間，紅豆夠哂淋，剛剛好出小小沙，每啖都透心涼。當然唔少得要食油飯老闆真係好用心，所有嘢都親力親為，確保所有材料都係新鮮。

今日在家中叫了一個外賣星洲炒米 ,打開盒後已發覺勢色不對 ,黑色的米粉 ,賣相已夠嚇人 ,試一口後發覺果然沒有咖哩味 ,材料還算足 ,但真係唔想再食第二口 ,整個（非洲炒米）都加上了滿滿的黑椒（鑊屎）都算了 .每一塊雞蛋都布滿蛋殼 ,十分脆口 ..會不會太過份 ,即使不收我錢 ,調轉頭俾返十倍錢我 ,我都一定唔會食 ,狗都調頭走

舊式餐廳，間中會去幫襯，但感覺係越來越差。食物質素差了，無誠意。 夥記叫極無反應，點餐困難。茶餐廳格局，但收加一已經係貴， 毫子尾數又收多一蚊，攞多幾張餐紙，又突然要加多兩蚊餐紙費，收銀阿姑計數混亂又亂收錢。三個字，無下次！

食早餐，阿女要食芝士火腿三文治。由於無三文治餐，結果三文治收$29，飲品收$18。咁佢無餐收貴都理解。但份三文治就足足等左30分鐘才來，一來佢單混亂，遲來叫的食物反而先上，人手唔夠員工還送外賣，收錢的顧聽電話、收錢、寫單及岀野，唔錯就奇啦。過程中追單時伙記態度差，好似你唔應該追佢咁，那時已等了15分鐘，追了兩次無聲無氣，我話取消起身走時才話到，火腿凍的、芝士凍的、連包都係雪過凍的，咁樣等左我30分鐘，收我$29蚊。完全無下次。

是日心情不錯，忙左一個朝早，終於可以坐底慢慢享受時間。下午茶多選擇，有份量多嘅飯麵，亦有小食串燒咁。睇左陣餐牌，少有地見到原來屬於茶餐嘅好似感覺分開買，好貴（唔知佢多唔多，只係感覺）。楊州炒飯，炒得幾有鑊氣，飯唔濕，蝦爽口，每啖飯香氣都有，呢個幾好味。沙嗲四串，肉有小小乾，沙嗲汁救了串燒。35元4串略有啲點貴，叫飯或麵類會抵啲，就6點個陣可以過黎買。突然想黎個甜品，叫咗紅荳冰。紅荳唔係林個種，麻麻地，夠綿。