新廣發 (已結業)

大約$100一位打邊爐buffet style任攞任食任飲。都幾抵架！最啱一大棚人嚟食飯。啲嘢食OK fresh嘅，選擇都幾多，有啲雞腎、豬腸、豬紅呢啲有local特色嘅嘢。係環境有啲污糟，不過大排檔係咁㗎啦。唔好expect太多，個atmosphere OK，人比較多，侍應比較少同忙碌，所有嘢都係self service所以有時候你唔如果唔係太熟呢度食飯嘅話攞水攞其他嘢有d難度。不過佢話遲啲搬，所以如果想來食嘅話要趁而家啦！

接近2018除夕既呢幾日, 天氣終於都跌到10零度,又係時間打邊爐喇好幾年前有黎過呢間打邊爐, 記得個場好大, 收費唔費, 又好熱鬧~今次又過黎試下先!我地黎到既時候都坐滿左8成, 好旺場D 姐姐好快就幫我地開左個爐, 拎得野食喇!野食有好多選擇飲品方面, 有可樂, Fanta, 忌廉, 係任飲既呢種天氣要插隻手入去冰水拎飲品真係好凍, 不過打邊爐配汽水係幾爽既!然後拎住張單去問姐姐拎蝦, 原來每人只限3 隻不過好彩我又食得唔多野食其實好普通, 唔會去到"好食"俾呢個價錢都係志在可以打下邊爐烚下烚下, 食飽飽又一餐

星期日接機 回程行錯路 出九龍入咗青衣 唉……將錯就錯 荃灣入沙田 打邊邊新廣發 大埔都有湯底重半價沙田 $87@位 湯底$48 鴛鴦加$10蚊食物枱放滿晒 丸類…… 豆腐 豬紅 芋絲 薯仔片南瓜冬瓜片白魚旦 魚皮餃 午餐肉 雞件蠔 細隻 見阿姐有用水喉沖洗雖然都係有啲黑邊 淥熟貝位韌蠔仔好有鮮味 唔腥因午餐食韓燒食太多牛西冷呢餐冇點食牛 主力食蠔(仔) 冇再提供雞子 有灼熟咗豬肚粉腸牛肉片比較肥 有牛味嘅鮮蜆 新鮮任攞 但有沙冇見虾 可能派晒9pm後到 爛嘅生菜剩番幾塊西洋菜老啲 多黃葉 黃帝菜 嫩 翠綠樽裝汽水 但水櫃水唔凍 汽水都唔凍潔癖怕污糟就唔好去啦 ！

以前細個成日同同學去新廣發邊爐，貪佢100蚊有找任食，十年後再返到呢到，人流比以前少1倍有多。無左以前種熱鬧。火鍋依然係任食，價錢稍稍加左d，食物依然係劣食，但$100任食，仲想點？豉油外，而家仲有辣椒，蒽蒜俾你任加。叫做有蝦，但限每張枱拎一次蠔同青口任拎牛肉肥膏好多，不過都有d牛味。其他丸全部都係麵粉多，基本上所有丸都一樣味。汽水任飲，有可樂、雪碧同芬達注意係侍應態度好差，非喜勿去

”新廣發“ 平價火煱 抵食經濟 但冇冷氣 價錢與環境掛勾 飽肚絕冇問題火煱每位$87 ＆ 1個爐$48幾沙嗲鴛鴦湯底 沙嗲＆芫荽皮旦要加$10蚊冬天嚟過幾次 人山人海 食物豐富 至愛係 樽裝汽水 生蠔 雞子……幾次幫襯已冇出雞子 今次冇埋雞件大熱天時下午6點去到 未有客 (之後有幾枱)女侍應揾咗個風扇位 直接吹注 …有好有唔好吹正個爐火 水就唔滾 放咗食物要加煲蓋 樽裝汽水至愛可惜唔夠凍生蠔唔太鮮 浸蠔嘅水 見有隻飛蛾游緊水豬紅腥味重 即刨肥牛 質地似牛腩煙韌有生菜有爛葉 通菜正常 西洋菜有黃葉 雞旦 公仔麵 放枱面 有雀仔飛過嚟開餐又見有老鼠仔地下路過 …… 動物園大排檔係咁 預咗不過今次太精彩太熱啦 …又要等水滾 … 真係滾冬天再見

沙田圍站這個沙角邨，雖然也成為了領剪商場，商場內只有一些較大的餐廳、麥當勞、連鎖便利店等等，但是對面有一個大排檔，日頭是茶檔，提供那些常餐，沙嗲牛肉麵、奄列等等。晚餐亦都有大排檔式的晚餐，這間店是地道廉價火鍋店。毗鄰地鐵站還有大排檔，實在罕見。想不到，在沙田這邊，竟然會有大排檔在地鐵對面，實在方便。外邊很多食物盒，盡放出來，平日的大路火鍋店有的食物，這兒也有，包括：肥牛、鵝腸、雞肉、豬大腸、快熟麵。雖然飲品櫃的冰粒都好像完全溶掉，但是因為冰水仍然夠凍，因此飲料亦都還算夠凍，包括有可樂、七喜、橙汁；還看到有幾名大漢在猜枚，對酒當歌，笑聲載起載落，好不歡喜。坐下時點了一個鴛鴦湯底，阿姐就那個盤，拿來一罐沙嗲醬，然後用勺子盛沙嗲醬攪勻，就成為了一個現成的沙嗲湯；而另一邊則是李錦記現成湯包加入蕃茄的蕃茄湯。調味料包括荵蒜辣椒，其實和平日的火鍋店沒有太大分別，因為有蔥有蒜經已足夠。爐頭設備也不錯，基本上湯底很快便會滾♨️。當然你不能期望它的牛肉，像雪花一般，或是入口即溶，但是還算是有肥有瘦，質素尚可。丸類其實與平日差不多，盡放一起，感覺挺多：芝心丸、麻辣湯包丸、沙拉魚籽丸、墨魚丸、八爪魚丸、貢丸、

港島人來到沙田初頭唸住食附近一間任食bbq, 見到選擇少，再搵食，竟然發現有如此抵食火煱$48+$83，初頭真係不敢相信， 重點係食物款式多到誇張，連大蝦🍤、生蠔、青口、脆鯇都比你任羅，預左尼度係大排檔大家會搶，尼個係風味黎既，我就企埋一邊主力食菜，好豐富，食物估計有三、四十款選擇，湯低我揀左清湯沙嗲，佢比包朱骨湯包自己落，莞茜皮旦要加$10所以我拒絕了食到頂住個肚, 二個人賣單真係收$222，唸唔明點解可以平成咁不過大家量力而為，唔好做大哂鬼

即興打邊爐，平平平！同朋友經過沙田，本身冇諗住咁早食嘢，點知見到個價錢牌，已經比佢吸引住， ＄88一位？試問喺香港邊度有？任食打邊爐，包埋嘢飲！ 而且款式唔算少，基本上的都有，飲品就有可樂忌廉芬達7喜，叫咗個西洋菜湯湯底，好多西洋菜，我最鍾意嘅餸菜有豬肚，鵝腸，蠔，青口，肥牛！ 中途仲可以憑單出去拎蝦，四個人都可以拎10幾隻，真係好抵食，醬料方面都有蒜頭，辣椒，豉油，仲有生雞蛋！太好了！冇咩特別服務，但氣氛好好，一個字，抵！

今晚，因為一個遺漏左既booking我試到一間有地道風味既火鍋店***個人覺得真係食風味, 想要靚料正湯底既話就未必岩黎食佢係位於沙田圍博康邨既熟食中心入面地方係超大, 環境係好似平時食大排檔咁~價錢方面, 任飲任食火鍋$87/人頭+$48湯底呢度基本上都好自助式服務當然要開爐要湯底同要換gas你係需要捉住伙計去幫手湯底方面有最基本的: 清湯, 沙嗲同鴛鴦我地揀左清湯, 佢好快就比左包李錦記豬骨火鍋上湯湯包比我地lolll呢個係有d估唔到既xdddd 不過都幾特別呀xddd黎緊就介紹下佢提供既食物啦~~以上係丸類腸類魚片類... 其實真係超級多款呀!唔好講質素住, 佢既款式真係係其他火鍋店唔會搵到咁多既!~~不過都希望大家唔好因為興奮得滯就過量咁拎.. 都係要量力而為呀~~~ 唔好浪費食物! : >我地2個人 當然試唔晒咁多款... 只係試左:廚師腸 獅子狗 魚片 芝士腸 星形&魚形魚糕 紅腸 墨魚丸 芝心丸 海膽丸 *紫薯丸 *奶皇丸以上12款食物基本上質素都唔錯呀~~~ 無因為價錢平而入劣質貨但係最後打左***個兩款..就唔建議大家去試😂紫薯同奶皇餡放入丸入面 仲要黎打邊爐

今日同老師同好友聚舊，就選擇左去呢間號稱全港首創既任飲任食既火鍋放題！入到去，見四圍無乜人，得一兩枱人，仲以為去錯地方，我已經心諗應該唔多好......坐低左之後，有位嬸嬸就比左個鴛鴦鍋，一邊係沙嗲湯底，另一邊係豬骨湯底，但係豬骨湯底嗰邊佢哋竟然就咁俾咗包李錦記豬骨火鍋上湯湯包我地自己落！咁火鍋湯底上左，我哋就出去火鍋配料區各自攞自己鍾意食嘅配料。火鍋配料有好多款，從海鮮到魚丸到蔬菜。海鮮有魷魚、蠔、青口、魚、等等等等，而肉就有雞翼同豬肚、等等~而呢間火鍋最多既就係菜：金菇、秀珍菇、冬菇、生菜、西芹、海苔、等等等等，仲有其他配料如魚腐、牛丸、墨魚丸、星星魚丸、等等等等先講下啲海鮮，啲海鮮完全唔新鮮，啲蠔同啲青口好細粒，啲魚有好多骨。至於啲肉，電牛肉片同豬肉片都搵唔到一塊，啲豬肚好硬。啲蔬菜係就係好多款，但係都係好唔新鮮。而且佢哋將所有食物攤出嚟，有冇任何野擒住啲食物，都唔知攤左幾耐。啲腐竹同魚皮都超級硬，無論係個煲到滾左幾耐，佢哋都無變淋。順帶一提，佢哋係將啲豉油到晒係個筒入面，然後啲蔥、蒜蓉、辣椒放喺啲大碗度，但係感覺非常不整潔。另外，佢哋飲品係任飲嘅，但係汽水只係包括芬達橙汁、可口

今日lunch同朋友仔嚟食，佢叫左個魚香茄子飯個味好似甜甜地既面鼓咁……我叫左個福建炒飯竟然無……然後肉餅又無最後決定share食完個魚香茄子飯去第二度食過平就真係平既份量就一般，唔算大份奶茶無乜茶味不過如果想快既話呢佢d野都出得幾快既趕住返工既朋友就岩既門口有位可以停下車坐返近可以睇住車食野有人趕可以即刻衝出去呢點應該吸引唔少揸車開工人士既~但最慘係個餐牌又污糟又痴笠笠應該無清理過好似千連油浸咁真係連掂都唔想再掂希望佢地見到會抹下個餐牌啦

Ok so Cantonese cuisine is not the best Chinese cuisine, but those dishes were just awful. Either no taste at all or super fishy and slimy. Nononothere are way better daipaidongs in Hong Kong that actually try. Their BBQ meats were ok I guess, but just when compared with the rest of BS

這個價錢算是很不錯的選擇，真係要話幾好食又唔係⋯⋯一班學生平平地熱鬧下，都係個好地方。除左任食費，仲有湯底48蚊，多幾個人抵d 蝦放在另一處需要留意才發現，我們就是走時才看到，結果無食到。呢次去無燒烤，希望下次可以試埋。

食嘢系5錯 但個啲服務員態度有啲差D 嘢都算便宜 都多嘢食 不過系服務方面我就5會再去 見到都冇胃口 附近仲有人吸煙 嘢飲選擇少咗d 其他方面都5錯 但食5曬 再每兩$10 又5比夠時間我地食 系咁吹我地走

每年嚟一次新廣發, 呢個價錢呢個份量呢d 選擇, 真係無得輸~是次湯底選了沙嗲, 但都係皮蛋莞茜好味d ~肥牛比之前多肉少肥, 有進步~ 丸, 菜, 雜項的選擇依舊的豐富, 雞蛋新鮮啱晒我用來生食點汁用~推介 雞子, 蠔, 大大粒任食實在抵!!!飲品少了以前的 Jolly Shande, 還有玻璃樽裝汽水都失晒踪!! 卻有玉泉檸檬茶, ,  haha~食咗幾年, 直至而家, 我仍未明白何以價錢可以咁抵~究竟係其他地方食水深, 定係其他地方的租金真係咁難頂?!