新意達

营业中

休息中

自從星光大道搬左過隔離之後好耐都無去過了，估唔到一樣咁多人。同朋友跟住班遊客一齊揾食，就入左黎呢間印式印嘅素館。雖然印度菜都有食過。但全素嘅就真係第一次食。薯仔餡煎餅。非常大碌，真係非常大碌。霸佔左成大半張枱咁滯，好誇張。店員風趣咁教我地點食，首先要係中間一下壓扁佢再對摺，然後就可以根據食量自行撕開再沾醬黎食。配醬有４款，分別係椰奶蓉／薄荷乳酪／洋蔥薯蓉及月桂紅咖哩。其中覺得洋蔥薯蓉個味同煎餅最夾，因為食落半脆半腍嘅口感加上咸咸辣辣咁，好食。不過椰奶蓉個味左啲唔夠濃，如果去到椰漿咁嘅程度就係四個醬入面最好味的了。素餡餅。開頭以為係一個批咁的，但原來係雜菜配上煎餅一齊煮嘅一道菜式，入口辛辣但又唔係持久地辣嗰種。伴醬係酸奶酪，直接倒晒落去撈勻黎食發覺係最平衡味道的。亦會令香味更出。鐵板雜菜。用上麵筋或者係硬豆腐黎營造肉塊嘅口感，因為咖本身好香濃所以食落都幾可亂真。配上薄荷醬除左減辣仲有啲消油膩嘅作用。其他菜好似棷菜／青椒／洋蔥及蕃茄等都滿香料味道，食落唔會死辣層次豐富。朋友怕太辣所以向店員尋求建議，一早點定個薄荷青檸汁，飲落酸酸甜甜又有香濃薄荷味，的確係解辣嘅好幫手。而鐘意咖啡嘅我就當然係

有一班朋友仔，平時好鍾意周圍搜尋獨特的菜色。今次佢哋就帶咗我去是印度菜，仲要係素食，對我來講絕對係新嘗試。餐廳地點好方便，旺中帶靜，環境尚算寬躺。由於落大雨遲到，一去到已經見到滿枱的美食，部份賣相仲好特別添！先試下素菜春卷，「卜」一聲，又香又脆！另一盤類似薄餅的東東，首先吸引我的眼球，一客有五款唔同口味。分別係青椒、芫荽、香蔥、番茄同洋蔥，估唔到素菜的菜式亦能夠做到咁多元化。鐵板除左雜扒外，原來可以放椰菜。咖哩唔食雞牛羊，又可以配咩呢？答案就係磨菇，都幾惹味架！呢個口感有少少似豬肉的，原來係叫米糕，係印度特色食品。飲品有特色。亦有真材實料的蘋果汁。簡單的素菜，只要有心思，亦可以化身為豐富的筵席。配上獨特的印度文化，呢一晚，又長知識了。

諗住試下印度菜，同事介紹左永安廣場呢間印度菜！一入到去只見全部都係外國人真係以為自己去左印度！餐牌幾精緻！ 野飲飲左印度餐常有既Mango Lassi，第一啖入口有d酸，但就好有芒果香味，食食下辣d酸味就會冇左，原來係解辣既！一黎諗住叫個湯飲下，是旦叫左個Mushroom Soup，完全唔同西或既蘑菇湯，呢個透明色但又‘杰杰地’，心想一定唔好飲！點知一飲落去又唔係難飲，因為胡椒粉味超級重，重到有愈飲愈辣既感覺，只能就鐘意胡椒既朋友可以一試！跟住待應推介South Indian Thali，一黎到先知有好多種料點，有7種咁多，總有一款岩你口味，但我最鐘意都係咖哩汁，濃郁但又唔太咸接著又推介左Masala Vada，就好似薯仔加左楊蔥、蔬菜同香料煎成，夠飽肚！d汁感覺亦都好清新，消除左滯既感覺！跟住呢個Paper Masala Dosa要重點推介，上台先知塊煎餅大過張台少少地咁拎黎食再點汁，好似食緊薯片咁，好脆！

這天晚上約了朋友到尖東吃晚餐，我們決定吃印度菜。朋友吃素，所以我們選了一間吃印度素菜的店。同一商場內有幾間同類型的店舖，我們選了一間裡面人流頗多的，相信大眾的智慧！店面：很大間...不到7時已經有些人，有些看似在傾生意，看來這間是印度人圍內的高級餐廳：窗外風景不錯：餐單印刷精美，上面有各種食物的圖片：替我們落單的店員會說地道廣東話，所以我們溝通時很輕鬆。kashmir pulao $65 & Shahi paneer $75kashmir pulao是店員的推薦，因為我們說了不想吃辣的食物。每粒飯都很分明，不會痴在一起。裡面加入了菠蘿和堤子，充滿異國風情。Shahi paneer內含印度豆腐，比香港本土的硬，而且有芝士味。Onion tomato uthappam $65排列得很漂亮，絕對是賞心悅目。有幾種醬料，任君選擇。Naan $30可跟Shahi paneer或aloo masala裡的咖哩汁一起吃，如果甚麼也不加就會不夠味道。烤得剛剛好，不會熱氣，也不會太軟。gobi fry (dry) $65這是我們今晚的最愛，可能是因為它是唯一一道貼近東方人口味的菜。很有鑊氣，又夠味道。a

平時好小有機會食到印到印度野，但要係香港呢個美食都市都食到正宗印度菜一啲都唔難。朋友就介紹左一間食素嘅印度餐廳比我，話野食好正宗，店員同老闆都係印度人。餐廳店員只有小量識講粵語，好彩餐牌有中文，有咩事都可以叫this this。Veg Sizzler鐵板蔬菜好大份，第一眼睇以為係炸雞。食落好香口，有個豆腐食第一啖好似食緊炸雞肉，啲紅蘿蔔、椰菜花都煮得好香口。佢個調味好惹味，好辣。Aloo Masalo薯仔咖哩本身個人都好鍾意食薯仔，可能因為覺得薯條好味。薯仔都算係我最鍾意既蔬菜，見到有薯仔點可以唔叫。薯仔份量好足，一上台見到碗咖哩好多紅油，但其實都唔係話好辣。薯仔無話煮到好淋，有口感。Garlic Naan蒜香烤餅之前食印度野都有試過烤餅，對烤餅呢樣野食既印象唔錯，加上有咖哩點可以無烤餅dip黎食呢。呢到既烤餅有好多唔同花款，我就簡左蒜香味。蒜香味濃郁，而且仲係新鮮整出黎。拎起仲係辣手。個邊位烤到好脆，咬落去仲有聲。用黎點咖哩食一流。野飲我地就叫左菠蘿汁，size都算多，菠蘿汁飲落酸酸甜甜入面有小小菠蘿肉，真係好似食緊菠蘿咁。佢應該無落冰，飲落唔太凍，反而似係雪凍左隻杯。原汁原味。

早前黎過食印度素菜, 感覺好好, 一直心癢癢想再黎~剛好屋企人話不如揾日食咖哩, 即時同佢提議黎新意達~ XD我地早食飯, 唔使等位, 約屋企人直接响餐廳等 ok 呀~我無咩新意, 直接叫番上次覺得 ok 嘅嘢飲~Rose Milk 同 Mango Lassi~濃厚如一, 我都係鐘意粉紅玫瑰多啲~屋企人叫發板, 我就照辦主碗, 盡力依記憶叫好了~Masala Dosa 唔知點解細塊過上次好多呢, 我見隔離枱哥片好大呀, 可能係我叫錯咗~味道一樣咁香咁脆口, 薯蓉夾心棉棉口感, 配合起黎好味道呀~不過份量少咗啲, 唔係好夠喉~ ChannaMasala同上次一樣咁叫, 但可能又係我唔識叫呀~大碗咗 辣咗, 仲無咗個煎餅...因為唔知啲餅點分, 所以請店員推介餅食配襯番~店員介紹我地食 Roti 麥餅又幾夾喎~hehe, 香脆餅餅, 夾住棉口咖哩豆~Masala Tea 梗係唔少得~濃香得很, 印度一下麻~上次食咗南印度餐, 今次食番個北印度餐先~感覺同上次相近, 不過 我鐘意上次哥個多啲, 感覺多元化啲, 記得餅類有幾款~各款素咖哩有著唔同味道, 我最鐘意配蕃茄嘅, 微辣間 主調酸甜清新

朋友飯局想試新野, 一於試吓比較少食的印度素菜啦！ 識食一定會落尖沙咀, 因為嗰度有好多正宗的印度菜。。。 今次我地仲搵到呢間全素的Sangeetha Vegetarian, 佢係連鎖餐廳, 係全球已經擁有45家分店喇! 呢度啲素菜非常多元化, 反正好多款菜色都未食過, 我地隨意點了幾款來試試~ 必點芒果奶昔, 非常香濃的mango味, 入口好fresh好幼滑, 好清甜可口! 夏天消暑一流! 咖哩角($40)大大隻好抵食, 入口鬆化, 很有油香,入面有薯仔幾特別! 配上兩款特色醬汁, 更添美味! 喀什米爾黃飯($65), 裏面有菠蘿, 提子, 腰果和蕃茄等, 甜甜地好開胃! 加上, 加入了腰果烹調, 口感提升, 相信大人小朋友都會喜歡! 烤磨菇($90)的賣相有點像烤肉, 入口爽滑又juicy! 而且很香口呢！大家不妨試試! 炸黃秋葵($70) 是把秋葵炸起後, 再加入其他配料煮製而成, 令秋葵外軟內脆, 十分美味! Garlic naan($40)是常見的印度菜, 好多時係出面食buffet都會食到。。。 今次食到新鮮製成的naan, 很豐盈, 帶點蒜味, 特別美味!

係香港想食正宗咖喱既地方唔多，今晚搵到間又平又好食既印度菜，而且近尖東站非常就腳。六點半到已經坐左好多人，可見十份受歡迎，望見餐牌，好多野想食，可惜胃得一個，價錢整體算便宜且無加一收費。 🍴煎餅 $55Dosa係印度一種以大米麵糊同黑扁豆為材料發酵而成既煎餅，由於Dosa本身味道單調，所以多數會搭配醬料或餡料一齊食。煎餅烤得金黃色，食落酥脆，另外配有三款醬料都非常好味，其中最愛薄荷香汁同酸奶。🍴莞荽班戟 $60班戟軟綿，鬆軟中帶實在感，表層既莞荽同香料味道十分夾，非常惹味。🍴鐵板蘑菇 $120用印式香料醃過既蘑菇，香料味濃，可自行加青檸汁清新一點。🍴原味菠菜 $60唔好睇佢賣相普通，事實係好味到食唔停口，菠菜煮到碎哂，滿滿印度咖哩香料味，意外美味。🍴酸奶咖哩角 $60咖哩角浸住酸奶當中同吃真係第一次，咖喱角大大隻十分飽滿。🍴印度軟榚 $55甜味較重，軟糯可口，味道有點似馬拉糕。🍹芒果味印度奶昔 $35清甜既芒果香，甜度適中。🍹冰爽薄荷青檸 $45加入左大量薄荷葉同青檸，非常清新宜人。

中式同日式既素食就食得多今次都係第一次食印度嘅素食今次真係望住個餐牌都唔知自己叫咗啲乜嘢望住個菜名真係幻想唔到呢個菜式係點嘅樣所以抱住一個嘗試嘅心態叫咗幾樣菜色意外地，樣樣都好好食又好特別， 一次刺激味蕾嘅新體驗喀什米爾辣黃飯印度飯同食開既日本飯簡單係一個相反，完全係向著稔既方向發展，但係仲有米香保留，而稔身令香料既味道完全進入哂米身，辣黃飯配料豐富，洋蔥，青椒，香葉，辣椒，芫茜，奉勸一句，食唔到辣就唔好亂黎，因為都頗辣，男朋友一向好辣，都覺得有啲辣既感覺，當然會附上一碟用奶打成既醬汁，可以加落飯到，有減輕同解辣作用烤印式芝士 原來印度菜係會打破現有既認識，印度芝士唔單止會有彈性，仲要係質感，食既時間會出現三番四次既問號，我真係食緊芝士？真係素食？間斷咁串上青椒洋蔥蕃茄同印度芝士，經過醃料既洗禮，再去燒烤，上枱既時候我仲以為點左烤雞串，印度芝士食落有啲粗糙仲有豆腐扒既感覺，顛覆左我對芝士一向軟滑既記憶，但係配著兩款醬汁咁夾住黎食又幾特別，變到扎肉既感覺，一路咀嚼會慢慢滲出奶香味，每一次配搭唔同既配料都會有唔同既質感變化，慢慢嘗試鹹味印度奶昔有酸奶或者乳酪既感覺，但係唔酸仲有少少咸，初頭

之前做義工時,認識了一個印度友人,之後都有keep住聯絡,早幾天就說約出來成班朋友食飯,帶我去食正宗的印度菜,我對印象菜的印象...其實不是太深.決定跟住印度朋友一齊,由他帶我去食好食又價廉物美的印度菜。其實地點也超方便,真的是尖東的P2出口,一出便是。未去到門口,已經隱約看到餐廳入面人頭滿滿。近距離一看,發現很多印度人,都是一家大細,或者成班朋友一齊食飯。而我入到去的侍應都是當地人,能夠用著簡單的英文,就可以溝通~印度朋友應該看得出我不安的心XD我的表情應該很驚訝XD連忙安撫我說MENU是有中文的....哈哈哈...看到MENU的確印刷得好精美,而且是中文/印度文對照,也有一些彩圖,所以也容易一目了然。印度友人也為我推薦一些當地好食的東西.我也聽從他的說話,由他拍板幫我叫菜~辣炒蒸米糕這和我想像中的米糕有點不同...哈哈...很老實,賣相並不算好看,但食下去又真的好好食,有微微的辣,而米糕外脆內軟有點香口,但又軟綿綿,不會覺得油膩,個人都好喜歡這道菜式。芝士咖喱薯仔本人是芝士控,所以就很想試試印象芝士是如何的味道。和平時食開的芝士不同,這個芝士有點像豆腐的口感,芝士味並不重,柔軟帶鬆

尖東以前是香港最高尚新派特色煙花之地，熱鬧非常，酒店食市夜總會臨立，令人流連忘返，記憶尤新，處處美食繁多，五光十色招牌，飲飽食醉，但是今時今日，已經是風光不再，居然再次光臨一間印度素食餐廳，其美味可口健康咖哩不是浪得虚名，名副其實，始終如一正宗美味印度咖喱食物，又食物造得出色，清香味美，平民價錢，環境尚算清幽企理，而且其厨師效率其高，出菜奇快，對著精緻咖哩美食，真是滿足喜愛印度咖哩的食客，用料充足，非常濃郁喉嚨，還有咖哩中的薑黃素可以使人更健康健腦，對防止關節腫大及炎症，心血管疾病有莫大益處！不妨多吃一些，是我最喜歡印度咖哩原因！何樂而為，一舉兩得，又美味又健康！！！門面簡約而潔淨，正宗印度素食咖哩餐廳，值得再光顧！印度菜式各類都有，價錢公道，尤其印度咖哩特別豐富香料，十分香濃，而味超正，適合香港人的味道，份量足夠，肚滿而還！印度香料高度口感濃郁而清爽，味道特別，細緻雅香，配合米飯及印度薄餅就更加出色濃香，充滿味蕾，其香料由印度新鮮運到，天然食材料:有薑、蒜蓉、辣椒，丁香，蘿勒，豆，茴香，肉柱及黑椒等等而製作而成的醬料！加強食物的味道，令人耳目一新，細嚐滋味，一吃難忘！香氣芝士味道，

黎幫襯既99%係印度人, 好似飛左去印度甘, 好在有店員識講中文, 仲好細心問我地想食唔食得辣, 素食的口感似雞定似牛等等, 好意外佢地甘NICE.餐牌有齊中英文, 同樣方便香港人去食! 仲好多好多款色揀, 花多眼亂, 好在店員慢慢介紹.2人份量, 我地ORDER左4樣食物, 2個飲品同1個甜品.Samosa 咖喱角 $40 - 一份有2粒, 有拳頭甘大粒架, 入面係咖喱, 薯仔, 青豆等等, 外皮炸得香口!Dosa Platter 煎餅拼盤 $100 - 一份有5卷煎餅, 每個煎餅內有不同餡料, 有D係咖喱蛋, 有D係咖喱薯仔, 餡料只係放係中間, 外面仍然香脆, 2個口感. 仲附有一盤咖喱汁及3個不同醬汁 (白色係椰汁, 綠色係薄荷醬, 黃色係另一口味的咖喱)Paneer Butter Masala 印式芝士黃油咖喱 $70 - 係一隻甜甜地的咖喱, 內有一粒粒豆腐, 口感好似雞肉, 完全吸收了黃油咖喱味, 黃油咖喱汁好香, 好滑, 另外ORDER了Garlic Naan 蒜香烤餅 $40沾黎食!Garlic Naan 蒜香烤餅 上有一片片的蒜片, 真才實料, 不會是太濃蒜頭味.C

成日食indian food, 素菜 都係第一次品嚐，唔知係點解呢？!食飯到7，8點，全間餐廳坐滿人,仲要全部都係indian, 不如所料，啲菜式好好食仲好正宗添。先來一客烤芝士， 軟軟硬硬，同平時食的唔同，好似食緊硬豆腐咁，幾有趣!招牌naan bread黃豆咖喱，我幾鐘意，原來豆同咖喱又幾夾菠菜咖哩, 有濃濃的菠菜香Samosa 我至愛，可惜我地最尾先食，凍左d. 另外加個喀什米爾炒飯，辣辣地有好多香料，哩個我好鐘意巨型dosa, 霸咗成張枱咁大，四個女仔都食唔晒，但用來沾sauce 真係好脆囗好惹味Fresh orange juice食到捧住個肚的一餐

第二次黎食！上次兩個人肚量有限，今次四個食可以叫多啲！叫到成台都係野食好滿足！上次食左個巨型Masak Dosa覺得太好味，於是今次再叫。口感依然好薯片！前後兩端比較脆！好奇佢地點炸出黎？分別叫了一個其扁豆咖哩同薯仔波菜咖哩，加上烤餅（原味同麥）。黃扁豆較少見，豆味幾重下，唔太辣。菠菜薯仔就濃味小小，重口啲，好味道！但都唔辣嘅！印度芝士唔似平時食開嘅芝士可以拉絲，我覺得食落去有啲似雞肉咁，唔好睇少佢細細舊，都幾滿足下！一開頭覺得無咩芝士味，咀嚼耐啲啲芝士味會慢慢出黎，好特別，中意！原來印度炒飯有啲似好短嘅米炒，好得意嘅口感，幾有咬口！但哩個有啲辣！咖哩角個皮比出面賣嘅厚啲，個角咬落去似油角咁，裡面有好多薯仔咖哩，好好味！配埋佢個醬唔會太乾（我中意啡色果個醬）mango lassi係店員推薦嘅😂不斷聽到lassi!哩個味道真係好少食到，佢個質地比較澀身（？），偏酸，芒果味好出，真係好似食緊芒果咁！非常開胃解辣

講起印度美食，我相信大家第一時間諗起重慶大廈……除左重慶大廈，仲有好多值得推介的印度餐廳有朋友係尖東附近番工，路經永安就發現呢間印度餐廳，就決定一齊試下一入到餐廳，除左我地係中國人之外，每圍枱都係印度人，心諗一定係正宗印度餐廳，一定可以食到地道風味但另一方面，又有點膽怯，我地睇唔明印度文，點落order 同溝通呢?好在餐廳好貼心，menu 有中文同食物圖，睇圖order 實冇死……再加上店員熱心的幫助及介紹下，成功完成落order 印度咖哩角- 味道不差，有點似香港新年時食到既油角菠蘿汁 -鮮榨菠蘿汁值得一提，餐廳以素食為主……雖然如此，但食物質素高，值得一試