新斗記 (已搬遷) 新店位置

食咗七百蚊左右（仲有个粥）三个人饱到想呕，谂起上次两个人食咗靓煲王火锅家常到乜鬼咁嘅菜式都要七百就唔觉新斗记贵啦。(靓煲王味道真系好普通，讲好食嗰啲系唔系上世未打过边炉）

Roast suckling pig is probably one the most iconic feats of Cantonese cuisine. How they take a pig and roast it over a flame to make the skin so crispy like a potato chip yet, the meat is still moist and tender. It seems every single one of my expat friends remember this as their favorite Chinese dish.新斗記 (English name: Xin Dau Ji) won a Michelin star in 2013 for their roast suckling pig. That's how good it was. It has since expanded from their humble Jordan branch to various other branches arou

老媽子生日，佢鍾意食乳豬，打去訂位，居然乳豬唔使預訂，反而燒鵝要定，佢話乳豬即叫即做，去到一坐低，咁梗係叫咗乳豬先啦。唔使15分鐘，上乳豬⋯⋯皮係好脆....但係唔熱嘅？燒鵝.....分分鍾上海街間燒臘舖仲好過佢，至少人哋隻燒鵝仲熱嘅，蒜味無骨魚原來係九肚魚，蝦醬骨，完全係炸五花腩仲要冇蝦醬味，薑蔥蠔煲，隻蠔蚱到干哂，對唔住.....呢餐飯......10分！唔會再幫襯食晚飯 ! 公平D講，飲茶OK ,食晚飯no way !

<新斗記 十年如一日都係甘好味>🐷😁#fafafoodblog佐敦鍾意食中菜既朋友都知新斗記出名 雖然開左好多分店 但個人都係比較鍾意食番佐敦總店🤓入面酒樓格局 坐位都算舒服 好多人幫襯都幾full下 , d待應好熟食 感覺全部都係做左好多年😁 menu有平有貴風檢尤人 今次試住佢d小菜先👍🏻🍴生炒上肉排 98 蚊🐷用葱花青椒紅椒🌶🌿 炒成 既咕嚕肉 咕嚕肉 🐽 每一舊都切得大細好接近 豬肉排肥同瘦佔一半半 . 咬落去豬肉肥膏juicy肉比例煙靭 . 甜酸醬濃度剛好 食落去有鑊氣又開胃🐽 好食 👍🏻🍴粟米大魚塊 158 蚊🐟粟米汁同魚塊分開上 唔會令到炸魚塊變林 十分細心🙂 魚塊好大件 夠哂香脆 出面既茨粉厚度適中 入面既魚柳熱辣辣煙靭得黎魚味香濃🐟 而粟米汁🌽 有好多鮮甜粟米 又有好多香滑既蛋絲 同魚柳撈埋一齊食好好味👍🏻🍴招牌即燒乳豬 4 分1 188 蚊🔥🐷 乳豬 有甜酸醬同白糖分開上 乳豬皮燒得好夠薄同香脆 😁 好少可可以甘薄皮 豬肉嫩滑 亦好夠肉味 唔會話太肥 點埋甜酸醬真係襯到絕👍🏻🍴豉油皇銀芽炒麵 72 蚊🍜有葱花 洋葱 芽菜🌿 一齊炒 炒麵外面色澤均勻

朋友生日，想吃中菜，篩選後選擇左呢間所謂的米芝連餐廳，不知所謂其他分店可能值，但佐敦呢間😡首先我提早2日，已經訂枱 8點吃飯朋友7:45到，想拎枱等我地，門口個位姐姐不停話執緊枱，等等，一等等到8:40，其間有問過4-5次，都只系答等等，足足遲左40分鐘卑枱我，甘我訂枱做乜？到樓上有枱坐底，個呀姐，叫佢落單，完全無視你，仲要扮見吾到，直至見到經理，先落到單，你吾識落可以講聲，吾洗無視客人上菜速度算快，我地叫左燒鵝（預訂半隻）、乳豬（半隻）、咕嚕肉、豉椒炒聖子、琵琶豆腐（吾知有無記錯個名）、啫啫生菜煲、例湯、炒飯麵的確佢既燒鵝同乳豬，真系好好味，皮夠脆其他餸不過不失⋯重頭戲黎，全晚最嬲之處，朋友生日諗住卑驚喜送上蛋糕，個呀姐見我地吃完，用9秒9速度清枱再用9秒9擺低堆碟，放低句，「切蛋糕啦」，今次真系有驚喜囉，乜都卑你破壞曬，我知你趕收工，個陣10點，仲有幾枱客，你想我地走，都吾洗甘呀你早d卑枱我，我一早吃完啦，洗等甘夜仲坐系度阻你收工乜

很久前跟一班同事去新斗記食晚飯, 食物質素絕對一流, 特別係乳豬, 好食得街知巷聞。位於佐敦既一個街角, 地點不算是旺區, 但總是吸引唔少食客幫襯。平日晚收工7點左右, 入座時, 餐廳內幾乎座無虛席, 果然是人氣之店。入座後, 侍應送上熱茶同前菜, 茶芥每位HK$15, 對於晚市黎講算是合理。我地點左幾款推介菜式試試。【招呼即燒乳豬】HK$188 (1/4隻)乳豬即叫即燒, 薄薄既乳豬皮跟肉分拆開, 更把之間的肥油層去除。乳豬皮一咬脆卜卜, 乳豬肉很嫩滑, 很林, 而且仲KEEP到原汁原味既肉汁。【馳名脆皮燒鵝皇】HK$148 (1/4隻)燒鵝皮同樣帶點脆, 肉質軟糯而juicy, 而且更沒有肥油層, 鵝味濃郁, 正! 【豉油皇銀芽炒麵】HK$72炒麵唔會炒得太乾身, 炒得很有穫氣, 當中夾集爽脆銀芽增加口感, 整體味道亦唔會太鹹, 點少少辣醬, 食落很惹味。餐後還送上紅豆沙做糖水, 令今晚既晚餐畫上完美句號。呢度既價錢相對其他酒樓貴了一點, 但食物質素跟多年前黎過既水準絕對沒有退步, 非常難得, 值得一試。

佐敦有一間食乳豬和燒鵝好出名的食店，名叫新斗記，同事昨晚去食過說好味。今晚我就和喜歡食燒味的老公專程往食晚飯。新斗記是間中式酒樓，入座後即開茶位。金牌即燒乳豬1/4隻：乳豬皮卜卜脆，而且已去除肥油，不怕油膩，食得健康，還有乳豬肉好入味又嫩又有口感，點些乳豬醬，十分惹味！馳名脆皮燒鵝皇1/4行隻：真的皮脆肉嫩，鵝味濃郁又惹味！豉油皇銀芽炒麵：夠穫氣，麵爽口，夠味夠乾身，十分美味！飯後還有紅豆沙糖水和生果送，西瓜好清甜！

之前一直都想食乳豬，但係好多地方都要好大份量，我哋兩個人都好難會食得到， 之後就聽朋友講話新斗記原來仲有啲細分啲嘅乳豬， 所以我哋就過咗嚟食飯，因為要等男人收工，所以我哋差唔多十點鐘先至去到 。去到待應好快招待我地，我哋最後嗌咗一個乳豬同埋三個餸一個小食， 因為叫多左，最後 鎮江骨同魚塊仲可以拎返返屋企第日再食添 。價錢合理而味道講真吾錯，值得再去……即燒乳豬1/4隻$188……份量其實都吾少喎，乳豬皮勁脆又香帶微溫，肉質吾鞋好嫩滑有豬肉香，之後走去樓下見到即燒十分吸引。銀山鎮江骨$108……黎到見到錫紙包住，一開醋味好香，肉質好軟身，配上醋酸酸地好開胃，送飯一流！粟米魚塊$158……為何只有炸魚塊？！原來仲有碗粟米，魚塊炸得脆口而吾油，魚質新鮮有驚喜，之後自己再加粟米汁味道好味，吾似出面其他店舖咁淋身。干煸四季豆$88……四季豆炒得夠乾身，味道濃度剛好，配上碎肉食十分香口。份量而且仲吾少添。白灼墨魚片$58……當然見到小食不容錯過，墨魚片仲以為得幾片，但原來都吾少，煮得彈牙又吾鞋身，加辣椒醬配啤酒都不錯。

好耐無食過花功夫既菜色，所以老公帶我黎依度食依度竟然自已有地方自己燒乳豬！咁新鮮無理由唔叫架！金牌即燒乳豬4分1份原來都幾多架～塊皮好鬆化又脆，每咬一下都聽到卜卜聲係口入面迴盪唔好淨係掛住食皮，佢個乳豬肉帶點咸香，都好吸引糖心皮蛋酸薑好耐無食過，唔係度度有得食。酸薑夠酸夠辣夠甜，皮蛋好香，皮蛋心仲係流心架！皮蛋心既外圍又夠滑，又creamy，皮蛋既外圍又彈蒜香蟹飯原隻蟹煮，一上枱已經聞到蒜香味蟹蓋好多膏，蟹鉗，蟹腳好多肉，連蟹腳都有膏。由於係蒸飯、蟹既鮮味係蒸既過程浸入左d飯度，加上乾瑤柱、蛋白混係飯之中蒸，所以......我食左好多飯碧綠蝦籽柚皮依度功夫菜，媽咪成日整，但都唔夠林，而且有種澀味，自己好難整依度既蝦籽柚皮佈滿蝦籽係柚皮面，質感軟夠綿，又入味有時有d野真係要係有質數既地方度先食到佢既特色同美味窩貼小棠菜見到個名好特別，所以想試下脆卜卜既外表，包住切碎既小棠菜，外面脆，內裡爽，再點個甜酸汁，口感好豐富老公仲叫左支啤酒，係用雞雞碗裝～

每年都有幫襯新斗記買月餅買幾盒送禮自用已經好幾年話好食大把月餅好食過佢總係有種情意結鐘情於佢個月餅盒設計好靚老是常斷貨好多年都打定電話去留貨留電話聽電話個職員都有禮貌問我貴姓幾號電話幾時去拎但今年！！一打去佐敦總店！！講唔咸唔啖廣東話果個女人答有貨！我好忙！好多人！你自己黎拎！就cut 線！我說話都未講完想講我唔係立刻黎拎架！我已經唔係第N次你地話有貨但去到無貨喇係第日黎拎我打多次俾你地留貨都好正常合理但同樣講講下又話好忙好嘈好多人聽唔到就CUT線！今年係最後一年幫襯你地買月餅中秋流流谷鬼氣btw其他分店有禮貌好多！只係唔就腳去同埋無哂貨

有好多人一直都話佢個乳豬好好食，終於都約埋一班朋友去試，環境就麻麻地，因為好窄，枱與枱中間根本好難行過去，一轉身就佢隔離枱🤦🏻‍♀️🤦🏻‍♀️，講返個乳豬，好脆，好好味，真係冇得輸😍😍，真係值得食完再食，粟米斑塊，雖然唔係d咩出名菜，但好有驚喜，仲有個燒鵝，都係值得一試，總括黎講雖然比較貴，但確實可以一試🙋

食物質素：份量小，味道一般，大眾味道，周街都有。餐廳環境：係炎熱既夏天餐廳既然無冷氣，最後連侍應都話個冷氣壞左幾個月，我一行7人食左唔夠一個鐘就走人，個個食到成身大汗，相信大排擋一定比尼度涼。

位於佐敦長樂街的新斗記，食物味道不錯，略嫌有些食物太油膩太鹹，所以偶然一吃okie的。值得介紹的，是豉椒炒聖子皇，因為是12人的份量，所以份量是很多的，而且聖子炒得很有鑊氣，入口頗鹹香。 另外要推介的，是即燒乳豬。在餐廳外見到師傅正在燒乳豬，豬皮燒得熱辣辣脆卜卜，點了甜醬更美味，乳豬肉的味道則正常。其他菜如鹵水豬腳仔、青椒皮蛋等，味道也幾好。可能餐廳的泠氣壞掉了，所以用餐時有點熱，吃得不太自在。可是，侍應也搬來了風扇來降溫。

服务员的态度太差这样的服务态度比一般街上的大排档的服务员都要差很多！水壶里的水喝完了打开半个小时都没有服务员走过来加水！叫了三个服务员都说在忙等一会……等到一肚子气买单走人！

新斗记的服务态度越来越差！前几天母亲节想和女儿去这里饮茶！忘记了提早订台！抱着试试看有没有位的心情去了新斗记！谁知道到了那里门口接待员的态度非常不好的说你也不看看今天什么日子哪里有位！这样的语气真的是有点接受不了！今天又一次和女儿来新斗记饮茶……服务员的态度不但不好！连买单柜台的收银员态度也非常恶劣！吃完饭买单时女儿走过去买单顺便买多一个胶袋打算把没有吃完的食品打包带走！收银员说要收一元胶袋费用！付了钱之后女儿问他拿胶袋他就很凶恶很不耐烦的对我女儿说你（等阵了）！然后一个服务员走过来说一个胶袋五豪仔！我女儿说收银员已经收了一元胶袋钱了啊！搞得我女儿很委屈眼里含着泪的走过来说以后再也不要来新斗记吃饭了！花钱买难受！服务员的态度太差！