影片
拜完山，要揾地方医下肚，但系出边又落紧雨又要揾位泊车。突然间醒起呢边有间酒楼，就谂住隔涉少少会易啲揾位。都唔好讲笑，就咁屋村都好爆场，仲要都几多大枱。点心望落去好似唔系好多款，但实际上都够食。尤其是𠮶个午市套餐一个烧味一个炒粉面三个点心都系买$188。叫咗个干炒牛河，超有镬气，同埋个份量大大碟。有鸡都几肥美又够大只好好肉。肠粉皮薄多馅。牛仔骨都好慷慨，好大件超抵食。蛋散都好松软。最值得推介系个白鳝饭，𠮶饭好干身，啲鳝又多又好肉，都系$108笼，实在系性价比超高。
继续阅读
卖糭卷月饼劵太滋扰，全部人走来，有无搞错，仲要唔理你咁多，放系你枱度，5-6个人来，一人卖一张，究竟系酒楼食野定系卖食物劵，咁样做法，有无尊重客人，直头强迫消费啦，
继续阅读
未落波，梗系去饮茶啦食埋个点心先返工呢间酒楼，虽然系屋村酒楼，但系真系人头涌涌。不过佢啲点心都几出色，全部都系热辣辣嘅。烧卖四粒全部都好饱满，虾肉爽滑，猪肉亦都唔会有好多肥膏，亦都唔会过咸！凤爪同埋鸡紥都OK，美中不足嘅系鸡扎入边竟然唔系猪肚或者系芋头，将佢换咗做冬菇。冬菇虽然都厚身，但系鸡紥入面摆冬菇就麻麻哋啦。😂整体感觉都OK，同埋佢冷气超大但系就有好多麻雀，会飞入嚟，我觉得有少少影响系雀仔𠮶种麻雀。
继续阅读
新明苑海鲜酒家位于火炭骏洋邨商场一楼火炭站步行需要十五分钟或可以在沙田站乘搭公共小巴直达骏洋邨脆皮烧鸡🍽️热辣辣上枱皮脆又薄肉身嫩滑上汤焗澳洲龙虾伊面🍽️龙虾和伊面份量颇多用上汤焗煮方式炮制澳洲龙虾弹牙，肉厚爽甜啖啖龙虾肉口感丰富清汤牛坑腩🍽️牛坑腩够腍入味份量又多用清汤的做法，突显了牛坑腩鲜味白萝卜很清甜加入白萝卜可以更加提升汤底的甜味汤底清而不浊，鲜甜不腻套餐份量十足，足以够三至四人食用酒楼是大众化的酒楼朴实无华水准以上价钱价惠CP值高
继续阅读
今早再一次相约住喺火炭嘅朋友，再一次到新明苑海鲜酒家，今次饮早茶，闲日饮茶有优惠，比起午市及假日真系平得多，我们点的全都是特价点心，但质素系正常，价钱就平啲，点了两个孖宝，山竹牛肉，干蒸牛肉拼烧卖，叉烧肠，凤爪，另单点凤爪排骨饭，炸云吞。牛肉依然劲多芫茜四大粒，朋友唔多喜欢系咁挑芫荽出嚟，每样食物都系合格以上嘅质素，两个人一路倾谈一边食，最后都系食唔晒，免浪费都系打包走，埋单百三、四蚊，而家饮茶好难做到呢啲价钱。
继续阅读