新來發 (新來記食品) (已結業)

五點幾．．．要去搵食，想搵好嘢食．．．由鰂魚涌酒店那邊，行到鰂魚涌另一邊，都見到好幾間有點想試的店子，但是，就是想搵啲喏心水少少嘅．．．所以堅持着，寧願要餓死哦．次次都係咁，天無絕人之路．．．柳暗花明呀　　．．．行到去華蘭路，唔知點解會想轉入條街睇睇，見到間茶餐廳（新來發茶餐廳小厨），唔食都都望吓啦．點知見到一張張貼，上面係介紹有位”的士”老哥報料有好嘢食，當堂精神曬　！－－－＞爽滑豬仔潤米蕃茄湯底．我好鍾意舊式西餐廳啲羅宋湯架，睇落呢個湯好近”膀”．唔諗咁多喇，就佢啦．嚟咗喇，好大碗呀！仲好鬼香添　！！！好真材實料咁喎，蕃茄香氣樸鼻而來　！湯底好濃郁咁．．．豬仔潤一點也不薄切，而且煮得剛好，不會過熟，亦不會太生．這湯底看到的都是蕃茄　！！！是真的美味，味道與湯的口感厚度．．．似足當年我在最喜歡愛的西餐廳所吃的至愛羅宋湯．．．（西環告士打西餐廳）＜－－－已結業． 不過呢間餐廳係好早柵欄架，係真正嘅”唔休做”

3月21日（星期日）早上，是日放假又難得可以早起到身，於是去找女友吃早餐，不過和女友會合後剛好過了十一點，即是早餐時段，但我倆仍然憧憬著想吃早餐，惟有去附近的茶記碰運氣，其實心目中早已想來此店試試，就趁這個機會和女友吃個港式茶記Brunch！我們入到店內人客不少，坐低看過餐牌後，我倆都想試試這裡的招牌蕃茄湯底粉麵，女友就要金牌豬扒湯通粉，我就要鮮滑牛肉麵，餐飲就要熱咖啡和熱華田。等了約五分鐘，兩碗粉麵就先後登場，我急忙喝一口蕃茄湯底，有點奇怪，再試多幾口，為甚麼味道和“甘寶字母湯”幾乎一樣？湯底味道偏鹹，雖然加了幾粒蕃茄粒落湯裡，但完全喝不出蕃茄湯底的鮮甜味，幾乎可以肯定不是真正蕃茄湯底，感覺有點受騙了；金牌豬扒湯通粉的豬扒還算不錯，醃得入味且尚算鬆軟，通粉則一般；而我的鮮滑牛肉麵也不見得很突出，雖然滑牛片的份量頗多，可惜牛肉就算經過化學品洗禮還是不夠嫩滑，是否有點失敗？幸好麵也不算煮得過腍。餐飲則較正常，熱咖啡不苦不澀已經收貨，女友則說熱華田夠味。雖然女友說這裡的蕃茄湯底不能和勝香園的相比，但感覺上依然覺得貨不對辦，如果不以甚麼「健康麵餐」或「蕃茄湯底」作招來，以一般茶記的水準來說，

一瞓醒好肚餓...諗諗今日去邊度食早餐好呢...反正一陣去做gym, 就去華蘭路附近搵野食, 做完去C記做gym就腳d...去幾次新來發都過門而不入, 今朝就去會一會佢地個蕃茄湯通啦~10點幾去到都幾full, 仲有人等位, 好彩我一個人搭到卡位,既然一心只為蕃茄湯通而來, 今日唯有忍心一次, 捨棄我平時心愛嘅炒蛋多士火腿通... 熱奶茶 跟通粉+$4 :先來熱奶茶, 杯邊崩咗, 隻碟又有一大灘奶茶, 隻茶匙就咁放隻碟邊, 好似用奶茶洗茶匙咁... 雖然用厚瓷杯上, 但可能茶本身已經唔夠熱, 第一啖飲落去毫無醒神之感, 茶香欠奉, 茶味入口亦慘淡薄弱, 儘管奶嘅份量夠, 都無法力挽狂瀾...唉...轉頭走去M記飲返杯濃滑奶茶先有返d安慰... 蕃茄鮮牛肉通粉$23 一上枱都幾好樣, 幾大碗, 牛肉份量都唔少, 都係個d用梳打粉醃過嘅牛肉...先來一啖湯通粉...都唔明罐頭蕃茄湯都有咁多人覺得好食...鹹死咗!!! 蕃茄少得可憐, 個湯好似就咁倒d罐頭蕃茄連汁之後加鹽咁, 毫無蕃茄嘅酸味, 之後我淨食牛肉同通粉, 隔晒d湯先無咁鹹...有高血壓嘅人千祈唔好搵命搏試呢個蕃茄呀....見到坐

因為公司由側魚涌搬左去柴灣..而家好少有機會去食! 上星期六同幾個同事放左工一齊去食, 點知發生左一件事, 係一件好離譜既事囉......我同另一個同事叫左雞翼蕃茄出前一丁荼餐, 加埋凍飲要成$39, 不過我覺得貴唔緊要, 如佢比返同等質素既食物比我地, D雞翼黎到, 我and同事食左一隻已經見到流晒血..咁我同事再咬開埋另外2隻, 都係唔熟..咁我地就叫佢換比我地啦...佢埋黎收走d雞翼...過左一陣...兩隻好明顯咬過既雞翼已經再炸熟...我一睇到都好眼火爆...邊有可能就咁扔返落d油到炸...勁唔衛生囉!我比左39蚊, 得到d咁既食物同待遇...好過份!所以我地唔會再去食, 免得再食其他人的口水尾!!!

今日試咗好多人話好味的蕃茄豬膶米, 果然唔錯. 豬膶諗滑, 湯底夠味, 食完又唔多口渴喎. 不失為一個健康的午餐.

10-7-2009睇過食評話呢度有不錯的豬膶麵 / 通 etc 供應, 趁今日「下場」要到港島東嚟試試, 簡單叫個茄膶麵 + 熱奶茶 (「健康麵餐」$23, 熱飲加 $4).熱奶茶少少稀, 味道十足 Lipton 即沖貨色, 叫做 ok 吧.茄膶麵就果然好食 -- 蕃茄湯有唔少蕃茄茸, 味道新鮮, 茄味濃郁, 令人諗起勝香園呢 麵係福麵, 淥得剛好, 同蕃茄湯亦幾夾; 厚切豬膶有成 6-7 塊, 啱啱熟, 爽口豐潤, 正 -- 膽固醇超標都係咁話啦 店內環境原來幾大, 7:xx pm 客人唔多, 除咗我之外個個都電視汁送飯, 諗返起都幾得意.埋單 $27, 有機會食埋通粉先得.

很多報章雜誌報道過該店的蕃茄湯底, 傳說每天都會用大量蕃茄製成湯底. 茄味香濃等等......於是我便帶著興奮的心情去試一試. 店內是一般茶餐廳格局, 但這裡比較凌亂, 而且地面濕漉漉.....對該店打了點折扣. 坐下之後便叫東西吃, 目標當然是蕃茄湯面. 我選配了豬潤和公仔面.公仔面入口較硬, 豬潤不錯很爽滑!! 但令人期待的蕃茄湯底, 卻令我失望, 茄湯入口, 有茄蓉的口感, 但味道有點怪異, 沒有了蕃茄的鮮味, 換來的是一陣很假的甜味, 甜得像糖一樣. 而服務就很一般, 服務員都是懶洋洋.....而且外賣要滿60元才送....總結該店只是一間普通的茶餐廳, 可作充饑之用.

3/1(六) 8pm吉之島一連五天的大割引的魔力全然勢不可擋.三訪吉之島,滿載而歸!離開康怡店,步行到華蘭路的小菜館--新來發.街坊格局的館子,地面有點濕漉漉的,感覺不太良好!把視線轉移至餐牌,點了豬扒意粉$23,白鱔煲仔飯$38,豆腐斑腩$45,茶走加$4.豬扒意粉--頗具口碑的菜式;蕃茄豬骨湯底喝下確之濃郁;只不過以不天然的蕃汁味作主導,喫後更感渴!幸而鬆化的豬扒及彈牙的意粉奏效的將功補過!豆腐斑腩--合二人之力也無法挑戰成功的份量;豆腐跟斑腩雖講不上惹味.但兩者的口感皆不俗,而斑腩脆漿及原味均單薄...白鱔煲仔飯--首回奉上沒啥飯焦的煲仔飯;打回頭後,焦香多!飯焦脆口之餘,還含白鱔的遺鮮!肥碩的白鱔當然功不可沒!茶走--性本善的茶走;質感再豐厚點會更佳.懷著啤酒肚的大叔服務冷淡加上不耐煩的本性表露無遺;為著嚐其功夫小菜,正考慮把其特赦!

開始工作了幾天, 和同組的同事門一起吃午飯組裡有石頭, 老頭, bobo, 金姑同豉油金姑有一大班大同, 所以常常捨棄我地Bobo都是同道中人都很喜歡吃加上返工附近都係豉油的地頭所以食飯都唔難決定去邊食今次去了新來發去到入面已經坐到八八九九要了這裡出名的番茄豬潤通加太陽蛋雖然沒有找到番茄肉, 不過番茄湯底都唔錯當然比不上勝香或者星座啦!豬潤就和維記的不同, 這裡是一大塊, 厚厚的出奇的是唔會粉實, 都幾爽估唔到這個配合是不錯的太陽蛋是另加的, 要成$4這裡就是敗北點, 話明太陽蛋, 煎得一餅咁就算？蛋黃流量, 真的很少…不過廿來蚊, 都算不錯的下次唔加蛋就可以了服務係peak hour都唔會有咩expectation其他都和普通茶記一樣聽聞這裡的咕嚕肉不俗, 看看有無機試試啦

轉左環頭, 想搵間似樣d嘅食店都唔多覺有, 但放飯時間始終要搵個地方醫肚, 於是就盲中中黎左呢間食店!由於係放飯時間所以都幾多人, 不過一條友就好易搵個位, 坐底睇下有咩好食啦, 左諗右諗最後都係揀左叉燒飯, 加杯凍檸茶!一轉眼就有得食, 叉燒賣相絕對不靚, 又乾又瘦, d叉燒完全係唔新鮮嘅感覺, 口感其差, 好唔得囉; 而凍檸檬茶都算幾大杯, 不過味道一般, 可以接受啦!總括黎講叉燒質素絕對唔掂, 環境同服務都係一般, 而價錢絕對唔平, 埋單三十六蚊, 作為一個午餐同一碟叉燒飯黎講絕對算貴, 唔抵食; 今次真係要比喊臉, 皆因師傅真係接受唔到, 但估唔到呢個喊臉會係呢間食店嘅第一個? 莫非其他食物真係好掂? 不過師傅都應該冇下次!

公司剛進住鰂魚涌，四出搜尋可供午膳的食店．　１０月２１日來到新來發，看到大大張海布誇耀自家的鮮番茄湯底，於是點了一客豬排番茄湯麵．雖然豬排一般，但那個番茄湯底真的己值回票價！濃濃的番茄美味，你說不是用新鮮番茄真的沒人相信呢！　當中還有粒粒的番茄肉，為湯加添咬口，喝的時候同時滿足了食的需要，所以小女子把整碗濃湯幹掉！實在痛快　

國慶日的早上還得回公司加班, 先去食早餐。本來我也可以去對面馬路的金峰靚靚粥麵的, 不過見到店外的人多到連門口都見不到就大打退堂鼓。所以就走過來食蕃茄湯底豬膶麵。這邊也不弱, 成個酒樓格局, 人人揸住份報紙在看, 一家大細有之兩口子煙煙韌韌也有之, 我一丁友只好搭枱, 後來轉了兩次位才找到一個單邊卡位。蕃茄湯底麵店家叫健康麵, 由於我要看雜誌, 所以要了可以單手搞掂的蕃茄湯底豬膶通 ($23), 另加 $4 要奶茶。豬膶不羶, 極爽, 裡面卻嫩, 不過有少少筋膜; 蕃茄湯底看得出真材實料, 茄味濃郁加上不少蕃茄碎, 湯頭的酸甜加上點點來自豬膶的肉香, 很讚呢! 通粉則是沒有坑紋的類型 (我很久沒有在外吃過有坑紋的通粉了), 夠彈牙。奶茶我要了少奶, 不過在三聚氰胺肆虐的時候, 飲含奶類的飲品是搵命搏的行為, 雖然店內也有不少人大無畏地在飲奶茶。另見有不少人在吃粥 + 腸粉 ($20) 的早餐, 看樣子也不賴, 不過單為了碗茄膶麵就值得再來喇。

再次黎新來發.. 感覺冇變..都系甘多人..-,-"今次同班舊同事再落去食飯..加晒價.. -___-沙嗲脆皮雞系我至愛!但半隻好似冇之前甘多甘GE??個湯骨多個水..豌就好鬼大囉..! 哈傾計食飯都OK..起碼冇人吹..!但如果裝修下會好D..KA

睇食評話呢度有茄潤面好正. 即刻去試下先晚市, 兩個人叫左個豬潤米, 豬潤通, 加一碟小菜, 百花釀大腸 (原先諗住叫燒雞, 不過話賣晒 ), 真係有驚奇豬潤夠厚夠好味, 味道同維記唔同, 無維記咁濃, 清少少, 好好味茄汁好甜好正, 唔係好西式的茄味 (即係唔係酸酸地似茄膏o個d 味), 係好中式的茄味, 真係自制唔似加茄膏, 感覺幾特別. 同星座的茄汁唔同 (雖然星座話自己唔落茄膏, 但食落都係似茄膏味, anyway, 佢都好好味). 配米粉一流, 但配通粉, 通粉煮得一般, 個湯有幾大陣面粉味, 蓋左少少茄味, 下次試埋湯飯睇下好唔好味 百花釀大腸, 睇個名估唔到係點, 唔通係一圈圈的豬大腸入面釀d 肉? 製作需時, 等左好耐, 終於上碟. 原來係大腸切開打平做個底 (好似釀紅腸咁), 面頭釀左好多肉碎 (應該都係蝦肉豬肉o個d 喇). 豬大腸, 好肥? 原來又唔係喎, 主要淨係留番瘦的部份, 去左多餘的肥膏, 好味得黎未至於好唔健康 幾種味道都帶來左新的感覺, 第二度真係未必試到呢d 味

去康怡JP睇戲, 平時好少在此區搵吃, 在OR找到這間的豬潤 comment都幾好, 仲有茄湯底添, 一於叫小二陪我試試.原來由小二公司行來超近(等我之前仲白擔心會行寃枉路添, 嘻), 可能當時未夠七點, 加上又落雨, 只有一檯客咋! 我當然唔理, 搵個卡位坐低後便點吃.為鮮茄豬潤而來, 當然不作他選. 我地選了配丁麵(百物騰貴, 個麵本身加了價外, 丁麵需另加$2呢!! 之前食友報料是不而加錢的.) 除丁麵, 我地都打算多叫一個小菜套餐, 餐牌和牆上黑板所寫的, 共有數十款供選擇. 最後點了咕嚕肉. 事後發覺此菜於早年雜誌上也有介紹呢!!先來的是店方以一碗滾燙的熱水替客人把碗筷浸住, 感覺衛生, 先加印象分!再來是例湯, 節瓜雖有點渣, 但飲落夠火喉兼沒有味精, 被我喝清!鮮茄豬潤丁上場, 足有5大塊厚切豬潤. 豬潤處理得很好, 沒有異味. 咬落外皮脆口, 中間帶點粉粉的, 加上厚切, 口感很好, 我們一致贊好!! 湯底是很濃的茄味, 相信是落足蕃茄的. 但可能是我們點了丁麵的關係, 師傅將其味精粉也一併放入, 破壞了原本鮮茄湯底, 變得有點怪怪的. 建議配通粉