新東記火鍋店 (已搬遷) 新店位置

呢幾日凍冰冰唔打邊爐唔得，要食港式打邊爐又要有質素的，一定會諗起新東記。門口已經見到牛肉掛係度，就知力sell 牛肉。醬料費 ($25)，有成車俾你揀。自家製竹庶茅根水 ($38/酌)，清甜滋潤。時菜豆腐魚雲湯 ($178)呢個鍋好有特色，坊間少有。建議先喝湯嚐真味，材料豐富，有魚雲、白菜、豆腐、草菇，魚雲炸過再放湯，令到魚湯更濃郁更奶白色，仲放左薑去腥味，非常有水準。鮮嫩肥牛肉 中 ($310)，呢度出名靚牛，揀頸脊/小肥就冇錯，嫩紅色的，油脂分佈平均，唔會好肥，呢個部份的牛肉嫩滑無比，真係好好味。墨汁墨魚丸 ($55)內的墨魚肉大大塊，十分有口感。香滑魚皮餃 ($55)幾新鮮，肉汁滿滿的。臊香油鴨脾 ($38/隻)的鴨肉咸香味濃郁，冇諗過肉質咁嫩，咸味ok，唔會死咸又帶鮮味。第一次打邊爐食油鴨，令人再三回味。時令雜菜籃 ($55)有西洋菜、白菜仔、唐生菜、茼蒿菜、油麥菜，品種繁多，抵食。炸魚皮 ($52)都幾脆，不過硬左D，碎左D。椒鹽九肚魚 ($68)魚肉嫩滑帶椒鹽香，點醋食，酸味味，很開胃。整體黎講食物都好有質素，服務也不錯，幾細心，有好多大枱和vip房，很適合一班人黎gath

單點的打邊爐雖然就貴D, 但係食材兩者比較之下, 一定係單點既會優勝, 人多既話其實單點仲比較化算TIM! 配料架, 幾有霸氣!!食材來都得好快下, 個湯底未滾就已經到齊了 首先要推薦的是珊瑚蚌, 到外面的餐廳食珊瑚蚌絕對不止這個價錢鮮味非常, 加上少少既醉雞酒味道更上一層樓, 不過最正都係個海鮮味好濃, 一看便知是新鮮貨 絲滑鮮腐竹真的如其名, 如絲般的嫩滑, 很高質的鮮腐竹, 吸收了湯底的味道, 口感更佳 牛肉打邊爐又點少得肥牛, 今次揀左既係牛脊骨, 個個食到都讚不絕口, 強力推薦這個牛肉塊, 下湯不消幾十秒就已經可以食得, 而且好嫩QQ!!   

成日食開個D任食邊爐雖然就選擇多, 但係講真食材既質素有時真係完全唔係個回事今日食既呢間, 係位於尖東既火鍋店一入去都唔算好爆滿, 見到在場有一部份係遊客, 主要因為附近都有幾間酒店吧我地點左個醉雞鍋, 店家好細心的將雞件同鍋係分開上, 怕雞一直在煮會太老雞件數目都算多, 不過最正都係佢個醉雞味, 一開個火, 滾起既時候就已經聞到好香既花雕酒的味道雞件全都放進去, 因為想佢入味一點, 原本以為雞件要煮一陣子, 沒想到不用10分鐘便可以吃了雞件有一點點的醉雞味, 食落非常過癮, 真係連D汁都點埋棉花魚肚口感有點像豬皮, 但個鮮味和爽滑程度則有所不同, 這個嫩滑得來又吸味, 正四寶丸很少可會主動的吃四寶丸, 但這個令我食不停口, 因為他的丸是手打的, 看上去的外型都與眾不同, 一放下去大約5分鐘就已經會浮上來, 鮮味真的比起處理過的丸子更加鮮味, 口感一流蟶子王新鮮的蟶子王, 別看這個價錢比其他的食材貴, 但其實平時自己買的價錢也差不多, 但這裡是被廚師處理過, 完全係超抵食, 勁鮮甜, 吸埋湯底味道一流

尖沙咀呢間老牌牛肉火鍋店，相信愛牛之人一定會識，主打鮮嫩手切牛肉～我已經黎食過好幾次～必試牛肉 $238 牛頸脊平時打邊爐最常食肥牛，黎呢度就必試手切牛肉，例牌牛頸脊，雖然叫做例牌，但份量都唔小，兩個人食岩岩好，叫得老牌牛肉火鍋店，牛肉質素自然好高，油花均稱，厚薄適中，牛味濃但唔會騷，肉質鮮嫩。海底椰濃豬骨湯$82湯底揀左海底椰濃豬骨湯，非常足料，有海底椰、蘿蔔、豬骨等材料當然要襯湯底滾起未落火鍋料時飲返兩碗新鮮黃油雞$75見到有新鮮黃油雞，必點！出街食飯食得多，食雪雞食到怕，尤其打邊爐一定要叫鮮雞，結果都係無令我失望，好滑好鮮甜！臊香油鴨脾$38第一次打邊爐打油鴨脾，平時煲仔飯就食得多，打邊爐又另一個感覺，啖啖肉，咸咸香香又有咬口，我地怕油就最後先落，岩岩好呀豆苗$58非常新鮮，無渣 海道帶子$128被日本食材寵壞了，見到北海道帶子自然會點，大隻厚肉，焯一焯就食得啦日本廣島蠔$80蠔身巨型肥美自家製三色丸$98對自家製呢三個字無抵抗力，三色丸分別係墨魚丸、蝦丸、鯪魚丸，有支木棒比你，好似小食店d阿姐咁隨自己喜好大細放落去湯底。粒粒都好彈牙自家製竹庶茅根水（右）$10自家製酸梅湯（左）

呢排凍到咁，唔打邊爐真係搞唔掂!於是就趁星期五晚約老公打番個邊爐暖下身一上到新東記，就見到個手切牛肉檔牛肉有肥有瘦，師傅就喺旁邊密密手咁切牛肉！好，睇下食咩好。食物同湯底都好多選擇！唔係款款款湯底都可以雙拼，我哋揀咗洋蔥牛肉清湯同埋胡椒味菜湯。侍應話，洋蔥係焗過再煮成湯嘅，個湯底的確係愈煲愈甜，冇介紹錯！個胡椒豬肚湯唔係太辣，都幾多豬肚食！先叫咗個炸魚片頭小食，炸到吹卜卜熱辣辣，魚片頭又爽口彈牙，好正！之後當然唔少得要點手切肥牛！我哋冇指定肥瘦，師傅就切左呢碟偏瘦嘅牛肉俾我哋！侍應話應該算係頸脊嘅位置，牛肉嘅味道好濃郁，厚薄適中，咬落一啲都唔硬！中size兩個人食其實都幾多呢個醉雞翼好好味，淥完之後都仲食到酒味，幾特別！唔係周圍有得用醉雞翼打邊爐！我鍾意食生蠔，叫咗碟日本廣島蠔，size 都幾大隻，而且煮完都唔會好縮水，味道重好鮮甜！見到點餐紙有油鴨髀，一於試吓好唔好食！估唔到油鴨髀打邊爐又幾盞鬼，味道都幾好，不過唔可以淥太耐，如果唔係啲鴨肉就會好實！打邊爐當然唔少得要炸魚皮，一份唔算太多，但好香脆，食到停唔到口其實已經食到好飽，不過又貪得意點左豬大腸～豬腸好淋，淥兩淥就食得～今晚食到

牛肉控要試試佢-花雕醉雞窩🐔($220)花雕同藥材味都唔算重，但因為雞件超多，有成隻雞，而且雞都夠肥，所以滾耐左個湯會變得好濃。-油鴨脾🦆($38)第一次見到用油鴨脾打邊爐，貪新鮮又試試佢，滾完肉質幾軟，有油香但唔會成嘴油，又得喎😱。-肥牛肉🐂($379/大)牛肉可以揀肥瘦程度，司令就揀左中肥啦。牛肉果然係店內招牌，選擇夠多之餘，牛味都好濃，岩曬鍾意食牛既朋友仔，記得一定要叫大碟先夠滿足啊。

咁凍既天氣只係想每晚都打邊爐😂。所以積極每晚都搵唔同邊爐打，呢個絕對可以再戰。先黎已經有大量醬料可以任揀，撈到岩自己口味冬天凍冰冰，見到有醉雞鍋揀諗都唔洗諗，即叫。上到黎見到好足料，酒味香濃藥材配料十足，湯底口味適中，食完一定暖笠笠主菜要左個炸魚皮，大塊香脆重頭戲之一既雞件🤤，完整成隻雞上，舊舊都連晒雞皮，放入湯底滾一滾，不得了大大隻廣島蠔配料選擇都好多其中見到油鴨脾比較少見，叫左一份黎試試。原來係招牌菜之一，過一過湯已經食得，香躁味香濃同樣都試左招牌之一既手切牛頸脊，肉味極香濃，亦唔會過份油膩，食多幾塊都唔怕濟

香港人好鍾意打邊爐，林林總總五花八門選擇入面，牛魔王一定聽過新東記一開lift 門，成堆牛肉掛係你眼前，仲專門有個師傅企係到切切切無停手坐低，自劃邊爐紙，仲有小食menu, 不過為左留前鬥後，呢次唔食lu調味好架世，人頭$25位，不過絕不馬亮，連少見既唐芹都有我仲extra order 左個碗黎網腐乳調味醬before 牛肉的到來，店員好efficient 地埔滿我張台：蕃茄薯仔湯（牛肉湯）$65 - 清清地既湯底，開頭有d 清湯楠feel,食到最後好有住家羅宋湯味，我同朋友各隊左兩碗鮮雜菇藍$52 - 咩菇都齊晒，係即日新鮮料，無出水，一落落個湯到索晒d 牛味，yummy鳳城水餃$75 - 用料十足，有埋鮮蝦鮮荀炸魚皮$52 - 比較厚身，要放入湯到耐小小再食千層涷豆腐$33 - 同平時d 涷到硬kwak kwak 既雪貨唔同，好重豆味，我幾乎一個人可以啪晒10件日本廣島蠔$80 - 性價比高，鮮度不錯墨汁墨魚丸$55 - 最抵食係佢，粒粒大粒又彈牙，啖啖墨水鮮主角出場：牛頸脊（中）$310肥瘦平均，肉味香濃，口感柔滑食牛一定要食新東記鱔片$135份量唔算多，而且薄切，本身有d 失望

以前係尖沙咀返工，成班同事最鐘意放工去新東記打邊爐，但無係尖沙咀返工後，就好少去，今日舊同事約食飯，地點依舊新東記。先叫秘制沙嗲湯底，鐘意佢好香好濃，又香花生味，必叫。手切肥牛肉叫咗中肥例牌，滾一滾已經食得，入口好嫩，牛味又濃，少少肥肥地，更加香，又唔韌。脆肉鯇魚腩，肉質好脆好新鮮，但係好多骨，要小心食。自家製墨魚膠，好彈牙爽口，鮮味十足，而且都好大份，抵食。桂花蚌，吸咗沙嗲湯底嘅貴花蚌，除咗口感好爽彈，仲更加滋味。鵝腸，唔算好肥，不過味道都ok。鮮冬菇，放落湯底等佢慢慢滾，吸曬沙嗲湯底嘅鮮菇特別好食。茼蒿菜，朋友最愛嘅打邊爐蔬菜，青綠鮮甜。雖然好耐無離，但裝修都無變，食物依舊好味，完全係以前食開嘅感覺，打邊爐始終覺得老牌火鍋特別正。

天氣又開始變冷了，抓了辦公室的"阿妹"一同吃晚餐，吃火鍋吧，應該是很穩陣的了！來到了這家老店，就在K11旁，要坐車回家也很方便呢！老店的話服務也到位，店員先推來一車調味，蒜蔥，醬油香油全部一應俱備，要再加就請店員幫忙就成。湯底點了味菜胡椒豬肚湯底，暖胃但不會太熱氣，豬肚留在最後吃，剛剛好！手切牛是這店的must eat item,加上我們都是牛魔王，實在是不可錯過，現點再由師傳手切，油花很散但吃下鬆化軟稔，是很合心意的一味，最種要是，新鮮手切，更是提高了鮮度呢。自家製三色滑也是我想吃的，有蝦，墨魚與鯪魚3種，份量很足，3-4個人吃也行，吃下富彈性又鮮美，也是很討好的。沒有點上大桶蠔，來了一份廣島蠔，吃下沒那麼豪氣，但蠔味香濃，也好留點位置吃其他吧！ 阿妹很想吃香芋又點來一份，質感很粉，放太耐不吃就會溶掉了。我吃了一塊，也不錯。其他點的都是來貨，吃得出是不錯的，吃那天沒有很冷也全店滿座，大概是個很不錯的指標吧。那個手切牛，可再吃的。

由於天氣急速轉凍, 一想到夜晚醫肚時, 就諗起火鍋, 而在朋友口中得知這間食材上盛的火鍋店"新東記", 好值得一試. 點菜紙的配料選擇多到令人選擇困難症又發作.金蒜醉香雞翼 ($68)屬於小食類別, 炸雞翼配以炸蒜及少許微糖, 整個味道不會單一的鹹, 很入味得來,伴火鍋食很是不錯.海底椰濃豬骨湯 ($82)咁凍的天氣要選擇返滋補一點的湯底,揀左海底椰濃豬骨湯,都好足料.日本黑豚肉 ($88)單看賣相會覺得好似脂肪部份好多,但煮熟後又意外地不會油膩,反而油脂中的香味令黑豚肉片更鮮味.香滑豬軟骨 ($52)由於朋友好鍾意湯底的豬骨,所以另外再點了一碟. 肉質比較易咬, 夠淋, 而軟骨的部份都唔會硬,反而好爽口. 放入湯內亦都為湯底再加重味道.珊瑚蚌($138)感覺很爽口, 富有彈性, 帶比食客咀嚼時既咬感. 顏色證明鮮嫩程度相當有水準.  四寶丸($65)普通的丸類, 每款只有2粒上海白菜餃($55)白菜餃反而幾好,餡料十足,皮又夠薄.豆苗($58)火鍋又怎能冇豆苗呢?豆苗當造,甚是嫩和香.

天氣冷，打邊爐是必定的活動。這天跟寶寶和媽媽到新東記，溫暖地享受晚餐。還好有預先訂座，8時左右到達已經座無虛席，而且似乎熟客都蠻多，其中幾枱都跟侍應熱絡地談天。湯底和配料的選擇都蠻多，真的令人很難選擇呢。不過媽媽不能食辣，想選擇滋補一點的湯底，所以海底椰濃豬骨湯就正合我們了。調味醬料要推車仔般推到枱邊，每人收費$25。海底椰濃豬骨湯($82)用上很足的材料而煮成的湯底味道很濃，湯底內滿是海底椰﹑紅蘿蔔﹑大量豬骨，單食湯底內的豬骨已經飽了一半。肥牛肉(例)($238)同事都說這個以牛肉為主打，所以選擇很多，單是肥牛就已經有肥廋幾種可選。另外還有金錢腱﹑安格斯肥牛粒﹑肥牛粒等。平時一般比較少見到的牛白肉﹑牛心頂等都有。不過寶寶比較喜歡啖啖肉，而且香牛味的，所以我們選擇了肥牛肉頸脊中肥的部份。牛肉很新鮮，脂肪很幼細地分佈在暖紅色的牛肉上，所以煮熟後牛肉正如想像一樣很嫩很軟，而且好香牛肉鮮味。鯇魚咀($68)媽媽指定的鯇魚咀，原來是差不多整個魚頭，不過魚頭本身不會太飽肚，所以每人分2-3邊都沒有問題。淥熟後魚皮很滑很軟，而魚肉沒有很多。自家製三色丸($98)很大份量的三色丸，有墨魚滑﹑蝦滑和鯪

寒冷天氣警告下當然要圍爐來到尖沙咀的老牌火鍋店被安排於露店的帳篷位有點冷但吃火鍋就有氣氛先來經典的皮蛋芫荽湯淡口湯底更能突出食材鮮味牛頸脊選擇了腍身的果然新鮮牛肉就是不同牛肉鮮甜味濃有嚼勁涮十秒至半生熟就足夠然後再來紐西蘭羊肩肉羊味甚濃是我的最愛黑牛柏葉未經漂白味道鮮美自家製墨魚膠味道天然吃不出有化學調味劑成份鱔片新鮮脂香味濃每次吃火鍋也是必點項目之一最後的西洋菜也令我們滿意好火鍋其實很簡單只要食材新鮮就起碼有七十分了唯這裡職員態度就是最需要改善的地方

最近天氣咁凍梗係去打邊爐啦, 今晚朋友約左我去新東記火鍋店打邊爐=]一坐低, 侍應先推架車仔黎比我地混醬，之後叫左jar竹蔗茅根水，好清甜！我地揀左個海底椰豬骨湯底，入面好足料，有海底椰、豬骨、紅蘿蔔、無花果、南北杏，湯底夠濃，亦甜！點左桂花蚌，食起來彈牙，帶點鮮味~另外, 叫左個自製三色丸，有墨魚丸、蝦丸、鯪魚球，啖啖都爽口彈牙！仲有必食既牛頸脊-中肥；偏瘦帶少許脂肪，牛肉薄薄地，淥幾下就食得！食落好重牛肉味，不靭亦不膩，真心推介 =]另外仲點左d 金菇、牛骨髓、芋絲、潮洲魚蛋、生菜～overall 食物質素好好，環境亦舒服，下次一定會再來！

有人話打邊爐梗係食任 貪佢份量夠多 不過人大咗就開始追求質素 呢間係尖沙咀嘅新東記 好出名食手切肥牛 今次就打算大灑金錢 試一試到底有咩分別 入到去人都幾多 以酒樓形式去裝修 如果預先book枱同埋人夠多 仲有包廂添 可以同班friend玩得癲啲都唔怕 我哋就叫咗個牛肉清湯鍋 佢有娃娃菜同埋豆腐喺入面 真係夠曬清 叫咗個鮮嫩肥牛肉 佢仲有得揀小肥中肥定大肥 或者安格斯雪花肥牛等等 仲有得揀size 例牌中定大 啱曬唔同口味嘅客人 我哋就揀咗個小肥 中size 呢啲肥牛片片都係起雙非 夠曬大塊 厚度片片都二至三毫米 師傅好好刀工 口感啱啱好 淥熟咗之後啲油花入口即溶 而且肉質有咬口 可能就係手切嘅魔力 而且牛味超濃 同一般嘅機切肥牛冇得比 之後仲追加咗一碟例牌嘅美國安格斯雪花肥牛 油花的確比較多 而且油脂分佈好平均 同樣地入口即溶 不過牛味明顯冇咁濃 個人都係喜歡食鮮嫩肥牛少少肥就夠啦 留返啲quota 仲叫咗個牛舌片 明顯係機切嘅 因為塊塊都好平均 肥肉唔多 夠曬薄 淥一淥變咗色就食得 牛舌比較爽口 不過略嫌牛味唔夠 走地三黃雞半隻 呢個係我今餐好滿意嘅菜式 走地三黃雞唔係好肥 預先