新東記火鍋店 (已搬遷) 新店位置

天氣又開始轉凍, 又係時候打個邊爐來此店的食客多是老顧客, 我們也是, 呢間火鍋店由好多年前在後巷已經開始食, 到今日仍然迄立不倒, 利害!這個調味架車裝著好幾款配料, 有蔥, 芹菜粒, 麻醬, 沙爹醬, 辣椒粒等等….一定滿足到各位喜歡混醬的食客他們的牛肉非常出色, 當然價錢就貴一點點, 但值得的我們2人叫了例牌, 鮮嫩肥牛肉, 中肥, 紅白雙間, 未食已經很吸引. 牛肉很腍, 咬落很有牛肉味, 比起急凍的肥牛真的好吃很多湯底叫了招牌沙爹湯, 果然係招牌啦, 濃濃的沙爹味, 有些芽菜, 不用再加豉油其實已經很有味道了還叫了脆鯇腩, 真的很脆呀, 只是份量不太多自製墨魚膠很彃牙, 是值得推介的. 下次再來的話, 一定要試埋其他牛肉.

冬天來了，這樣的日子，不約朋友打邊爐是說不過去的，冬天必定會有的一個節目，就是打邊爐，一班人聚埋一齊，唔系打邊爐就系日本任吃。尖沙咀好友話依家好好吃，食物一流哦！醬料可以自己調，少有的腐乳醬，還是挺惹味的。先說湯底，由於大家都不想太濃味，於是我們叫了一個清淡的湯底，這樣才能夠令新鮮的食物感覺容易呈現出食物本身的味道。不喧賓奪主很重要呢！粟米：粟米很甜，好吃得不得了。魚麵魚麵很滑，鮮甜的魚味，吃起來很淋。比起吃公仔麵，實在是健康得多了！鴨臘肉髀第一次吃用鴨肉臘肉的髀去打邊爐，吃起來不咸，倒也是很特別，還有臘肉的香味。喜歡吃臘肉的人，果然會喜歡這個吃法。日本帶子帶子很新鮮，海鮮就該這樣，應該擁有該擁有的鮮味。然後放入火鍋中，很快就要吃掉，否則就會太硬了。時間的掌握也很重要！手切牛肉牛肉可以選擇大肥，小肥，我選擇均勻的鮮牛肉，不肥又不瘦，快速煮至變色已可，太熟會浪費如此鮮嫩牛肉，油脂花紋分佈平均，吃起來很鬆化，肉味極濃，遠非一般肥牛可比，一碟例牌不一會已吃清光，大家欲罷不能，追加多一碟。可惜牛展賣光，下次再試吧！

我常常懷疑自己是不是中了火鍋毒,每兩三天火鍋癮就起很想去食火鍋不論一人一鍋還是一大班朋友總是想去食火鍋，每次經過尖沙咀K11都會看到這間新東記火鍋店今次一班朋友就選了這間新東記火鍋店試試先😋這間新東記火鍋店和現在十分流行的雞煲加任食火鍋有點不同，是傳統的火鍋店而且以手切牛肉馳名手切肥牛還可以選擇小肥中肥大肥，我還是頭一次可以選擇肥瘦的程度。至於湯底也有很多選擇而今次我們選了新加坡叻沙湯底，湯底湯一滾我們二話不說齊齊飲了一碗先，再打邊爐這個湯真的好味微微的辣而且非常香濃，至於食物方面新鮮就是無敵，每樣食材新鮮到不得了，我們叫了手切肥牛（小肥)，肥牛油脂分布平均放湯5秒入口軟腍牛味重，安格斯肥牛粒這個肥牛粒真的很特別放落湯裏無論滾多少時間入口也爽脆絕不韌也沒有渣，水魷鬚大大條而且很粗身食得過癮，蟶子皇不用多說一看就知非常新鮮，肉身粗壯放湯10秒入口鮮甜爽脆，鯇魚咀如果喜歡食鯇魚咀的人這個絕對不能錯過，新鮮不在話下肉質結實魚皮滑溜，鬆化響鈴卷放湯3秒盡吸叻沙湯汁，入口又軟又脆正，其它材料質量也十分高樣樣也好好味，食到最後加多過日本手打讚岐烏冬這間店真的很細心還附帶了一個器皿放烏冬入鍋中煮好後

今日又開始轉冷，晚餐唔洗唸緊係火鍋啦!我地兩個都係同牛有仇的。超越級牛魔王。上網搵搵尖沙咀有邊間食牛係正嘅。見到河內道新東記，好多人都讚牛好食。Book位試試火鍋店都幾大，除咗一出就見到裝修唔錯的環境。有卡位，有圓枱。心唸……環境唔錯喎!到職員帶位，原來唔係坐呢度，帶咗我地去另一邊。入到去環境比較間單。安排我地坐近門口張枱。適逢今日超級大風，吹到頭髮亂了。要帶住頸巾打邊爐。（要求轉枱但不受理會）冇得轉枱, 嚟到唔通走咩! 唯有叫嘢食 先叫湯底~海底椰濃豬骨湯~$82材料充足。海底椰，豬骨，紅蘿蔔，無花果，南北杏。豬骨肉好腍，好少湯料豬骨係可以食到。因為通常都係“鞋”。而且湯非常甜。我預先飲咗半碗牛頸脊-腍~中肥~中$310。每件牛肥瘦分明，滾兩滾已經食得。好香牛味，腍，肥嘅部位甘香。走地三黃雞半隻~$86。雞味濃，肉質軟，雞皮係爽口的爽口肉眼筋~$52。真係冇改錯名，肉質真係好爽口。而且價錢好抵。鮮蝦雲吞~$75。size適中，味道唔錯。每粒雲吞都有隻細蝦仔的四寶丸~$65。魚蛋（味道比較咸），豬肉丸，牛根丸，貢丸。味道一般  脆炸鮮枝竹~$33。冇油益味。飲品~竹蔗茅根~$ 38唔

我真係好想全香港九龍新界邊個介紹話好味嘅火鍋都食遍😝😝新東記個名就聽左好耐真係未試過，一於約齊三五知己就起行，火鍋最好約多幾個人一齊食先可以試多啲唔同嘅嘢嫁😋經過大堂見佢哋掛住啲新鮮肥牛，即叫即切一定冇得頂啦👏🏻新加坡喇沙湯底喇沙湯底味道濃厚，而且香噴噴聞起來有點像咖喱味，食落就喇沙味好搞笑😆微微酸酸辣辣惹味十足👍🏻鮮嫩肥牛(小肥)牛肉油脂分布靚到不得了，牛味濃郁細緻柔嫩👏🏻安格斯肥牛粒滾到過晒時忘記了沉曬底才撈起，但食時一點也不會老又唔嚡，牛味依然很重👍🏻英國蟶子皇蟶子皇鮮甜無比，肉質細嫩爽口美味魚鰾，鯇魚腩，鯇魚咀有些食物來不及影相已給朋友仔放入鍋中😅本來想叫脆鯇腩，點知叫錯，錯有錯着，鯇魚腩很新鮮，肉質細緻嫩滑，魚味十足。鯇魚咀更不得了，色澤晶瑩的鯇魚咀既鮮味又黏口，真的令人食指大動😋粗筋牛丸，鮮枝竹，火腿午餐肉粗筋牛丸味濃，鮮枝竹吸收晒喇沙湯底很入味，午餐肉切得夠厚身👏🏻自家製墨魚膠，自家製鮮蝦膠自家製墨魚膠和鮮蝦膠很彈牙，十分足料生菜新鮮爽脆

今次去到尖沙咀新東記打邊爐，首先個湯底已經令到我哋非常滿意。用上足料豬骨烹煮嘅湯底，用上新鮮蔬菜一齊，令到湯底鮮味入味，放食材前飲一啖，實在最佳享受。接著海鮮，日本帶子、生蠔、鱔片賣相唔單止吸引，選材仲一流添。帶子色澤白淨，而且夠厚身，食入口夠晒口感; 生蠔隻隻肥美，滾熟之後亦無過份縮水，更能食到滿滿鮮味; 鱔片已經起左骨，加上薄切，非常快熟，而鮮味濃郁!走地雞，用上少少酒醃過，所以食嘅時候食到微微酒香，加上雞身嫩滑，強烈推薦俾各位!肉類方面有雪花肥牛、牛舌、羊肉片，肥牛嘅雪花紋非常平均，入口順滑嫩口，又帶有牛肉香味! 而牛舌帶有爽勁咬口，羊肉片亦無半點羶味，肉質亦夠厚，夠晒高質!

呢個冬天都食咗唔少餐火鍋，今次去到尖沙咀新東記，一啲都無令我失望。菜單上選擇唔少，包括湯底、火鍋食材都非常多選擇。呢個日本九州豬骨湯，材料非常之多，用上好多豬骨、冬茹、粟米等等煮沸而成，湯底香味濃郁，能夠帶起食材味道，但又唔會太咸，非常出色!接著嘅海鮮亦極為新鮮，加拿大肥蠔、日本帶子、桂花蚌等等賣相唔單止吸引，味道仲甚有水準。肥蠔隻隻都非常飽滿，入口時唔會過份縮水，滿口鮮味; 而桂花蚌帶有爽勁口感，兼且唔係間間餐廳有，絕對要必點!雪花肥牛肉，脂肪比例非常平均，所以入口時帶有少少油香味，兼且選料新鮮，係滾湯中滾十數秒，都已經食到嫩滑口感。最後有呢幾款食肉，手打三色丸、牛舌片都帶俾無窮滋味。三色丸有蝦丸、牛肉丸、墨魚丸，款款都係手打，所以膠質特別重，入口時亦有爽勁口感。牛舌片亦無羶味，反而有牛肉香味，兼且口感比牛肉更豐盈，亦係另一重點推介。

天寒地凍，友人提議去打邊爐，我好自然想搵下啲任食放題火鍋，但友人忽然說最怕堆到成枱都係食物，想食一個簡單而精緻的火鍋，碰巧人在尖沙咀，又聽過朋友說這間的牛肉不錯，便決定行去一試。上到餐廳，門口有一個像街市肉檔般的檔口，掛滿各種肉類，觀感已令你覺得這裡的牛肉應該新鮮的，傍邊還有魚缸養著生猛海鮮呢。火鍋紙上的選項算幾全面的，湯底亦有很多選擇，今晚我們選了一個清清地的皮蛋芫荽湯。火鍋另一重點，汁醬，這裡沒有太多古靈精怪的選擇，全都是大路的，對我來說，火鍋料夠新鮮，簡單的辣椒絲豉油已足夠了。從來都覺得肥牛係一個火鍋的靈魂，如果個肥牛唔得，成餐火鍋就好似冇左個主角，其他配角幾努力，終究都註定失敗！今晚位主角完全交足功課，肥瘦均稱的肉質，輕輕一焯，伴點豉油，牛肉香充斥口腔，咬口嫩中帶點彈性，以火鍋牛肉黎講，絶對稱得上是上品。呢碟牛係今晚最精彩的配料之一另一驚喜，鱔片，我自己唔太好食魚，但友人喜歡，當然尊重地叫一碟，佢食完第一塊已話碟鱔好得，咁我姑且烚塊試下，嘩，肉質爽口，鱔香濃郁，最後碟鱔我好似食得比友人還多。當晚還有兩樣配料都不錯，水餃和三色丸，最估唔到三色丸係比三舊大大舊的比你自己切落火鍋，每

尖沙咀好多卧虎藏龍的火鍋店~~今次去呢間叫新東記的火鍋店食好野~~呢間出名食牛同海鮮，一入門口就見到個牛肉櫃同海鮮魚缸，一入到去就知今晚一定有好野食了~都好多人呀~我BOOK兩位, 入房SHARE大枱~火鍋紙一頁睇哂~~好多野食~價錢唔平~但質素應該有保證的DRINK LIST有好多酒~~不過我叫左竹蔗水JA~叫左個湯底同配料就有店員推呢架調味餐車入黎，混下醬先~今次叫左洋蔥牛肉湯，都幾濃郁~叫左竹蔗水JA~打邊爐必備~~~呢碟就是必點我醉香雞中翼，上菜時以為佢上錯左，因為平時見D醉雞翼通常有D酒浸住，顏色會呈淺黃色。問過店員話係咁架~~一陣淥完就會食到好入味架喇~~呢個係師傅秘制的~~我問佢點整佢話係秘方~~熟左了~~皮都算薄，食落真係好濃酒香!!!究竟點可以做到架呢?!! 仲要係，其實我已經有D 將佢OVERCOOK左少少，淥左好耐先食，估唔到咁入味~~唔怪得我睇咁多人嘅食評都話為左呢碟雞翼而要重臨新東記啦!!酒香仲要比一般花鵰更香~~好想知點樣整呀~~之後仲有次次都點的響鈴~呢個冇咩特別, 都係街買果D仲叫左個雜菜盤除左牛肉、海鮮呢兩樣主打，我仲在MENU見到有新鮮三黃雞，身在香

天氣尤其寒冷，吃些暖呼呼的食物下肚就會感到很幸福。位於尖沙咀的新東記火鍋店，主打手切鮮牛肉，星期四8時入座，人流有算幾多。 點餐紙，配料大至和一般的火鍋店差不多。 手切鮮嫩肥牛肉(中)$310: 只能說這盤牛肉真的很好吃！ 牛肉一上桌單看就知很新鮮，牛肉切得薄而平均，每塊呈鮮紅色，牛肉十分軟熟。 灼一會，放入口中，肉軟而不乏輕微嚼度，牛氣濃郁，十分推介另外點了響鈴，墨汁墨魚丸，龍蝦丸，黃金龍蝦球，千層豆腐，珊瑚蚌。 響鈴: 不是即炸那種，似是現成買回來，吃下有點鬆散，整體一般。 丸類質素也是不過不失，相價比一般 。 整體來說，火鍋不算很抵吃，但若很喜歡吃牛的，也可以一試。新東記火鍋店 (尖沙咀)尖沙咀河內道5號普基商業中心5樓

突然又勁凍 又係打邊爐之夜加班過後拉大隊落尖咀食餐好嘅4條友 先黎個雙鍋湯底 清熱嘅芫茜皮蛋再加重口味秘制沙嗲湯底魚生師父見得多 餐廳內有牛肉部真心第一次見有廚師即場切牛 感覺特別新鮮㨂左最愛嘅牛頸脊 啲油脂分佈靚到呢入口嫩滑 有牛味 除左好味 無其他形容詞重有魚頭雲 估唔到咁大個 夠鮮 冬天當然要食西洋菜啦 洗得好乾淨 夠嫩口重有叫左鯪魚釀豆卜 黑柏葉 水魷鬚宜架好難食到齋鬚了 雖然份量唔算多 不過夠精重有炸魚皮 口感比較厚身 大滿足

餐廳既鮮牛, 應該係即場師博切出黎,湯底如果雙拼既話 係計最貴個個加30蚊!沙爹湯有個奇怪既位 就係加芽菜, 我覺得好似有小小唔夾~湯底濃度正常 ,不算太濃~我地叫肥牛既中肥! 超正! 可以話係招牌+特色,點解咁講呢, 首先最正既係牛味真係好重, 基本上唔洗點醬都ok!牛肉味濃之外, 口感偏爽, 如果問有幾濃? 大約係10倍普通美國肥牛百佳個d!如果我再黎, 都只會係為左牛再黎!醬料種類算係多既, 我個人中意多醬料選既火鍋店, 除左因為我中意食唔同既醬之外, 撈醬自己調味既感覺好正!同埋火鍋有好多料其實都係需要調味, 因為餐廳唔會幫你調!豬肉我覺得就比唔上佢地店既牛了, 不過口感都係偏爽既,豬本身味比較淡身,所以配醬食會比較好!呢個係第2個特點, 麻辣醬黎,要另外加20蚊!但又真係幾好味, 麻味好重, 辣味香港人接受到 唔算過辣!佢係麻得黎又幾好食, 底部勁多料, 我用黎點鳥東食非常不錯!!! 

天氣好凍呀！最好吃甚麼？一定是火鍋啦。這晚來到尖沙咀的「新東記」，這是一間傳統火鍋店，最出名是靚牛肉，價錢雖然不便宜，但一分錢一分貨，質素真的不錯！ 吃火鍋之前，例必要混醬吧！要注意的是，這裡的醬料是要收費的，每位$25。這晚我們吃了好多東西，簡單的食材就不介紹，以下只重點推介我覺得是必食的四款。 肥牛肉 (中，$310) 肥牛可以選較瘦的頸脊又或雪花較勁的美國安格斯，更可以選小肥、中肥、大肥，因為我本身個body已經算中肥，所以還是吃瘦頸脊吧！ 牛肉上桌，偏瘦帶少許脂肪，正是我理想的肥瘦度。牛肉薄薄的，淥幾秒就可以吃，一放入口，不得了，果然好重牛肉味，好香，不靭不油膩，實在很喜歡，和朋友你一塊我一塊的，很快就幹掉！ 醉香雞中翼 ($52) 見網上食評有人說是為了這個雞翼而再次光顧，所以都叫來了一碟。一個字：掂！想不到淥了這麼久，酒香還是那麼濃郁，而且雞肉好滑，十級美味，而且$52有六隻，絕對affordable，於是後來忍不住再encore了一碟。 北海道帶子 ($128) 本來是想叫蟶子的，但售罄，於是轉了這個帶子，不算厚身，但味道鮮甜，淥時記得注意時間，否則愈淥愈小就

今年係第二年同另一半再嚟呢度打邊爐慶祝聖誕節，訂檯時指明要坐露台，因為空氣流通啲打邊爐會舒服啲。我哋揀左麻辣湯併蕃茄薯仔湯，麻辣湯嗰邊湯料有豬紅同肥腸，蕃茄薯仔湯就清清地，淥菜同醉雞翼出味啲✌🏻火鍋料方面，由於我唔係好舒服，而另一半唔食海鮮，所以我哋就冇叫好多嘢食。首先講下呢碟牛頸脊，例牌嘅份量對於我哋兩個啱啱好，肉質腍，肥瘦適中。我哋都點咗毛肚，佢切到咁大片，淥好真係好爽脆好好咬口。主角係醉雞翼，我哋真係為咗佢再嚟架！因為打邊爐嘅醉雞通常都冇邊間特別好好食，但係呢個真係好驚喜！好入味！所以極力推介放去啲清清地嘅湯入面淥。至於個墨魚汁墨丸，口感唔錯，爽口，入面有啲墨魚粒咬下，但係味道唔夠鮮味，主要係調味料嘅味道。我哋都點咗牛舌，通常牛舌都好少食到好差嘅，呢度都係啦。

食過兩次 貪呢度lunch冇乜人 但其實味道平平 冇乜特別紙火鍋($68)叫左沙爹湯牛肉 配飯上次叫左烏冬 但放落個爐度成個滿晒 夾野都夾唔到🙈所以叫飯食得比較方便基本上唔洗另加配料已經夠飽 但個火好弱下 都等幾耐先滾起 配料有啲似吉野家 牛肉數量都唔多 不過有碗飯跟 都夠飽既