新橋美食屋

营业中

休息中

呢間嘢已經開咗好多年，屋企人成日都去食嘅。今日放假陪屋企人去買餸，順便嚟呢度食lunch。每一次嚟我都係食牛肉炒公仔麵，佢啲牛肉好腍好滑，但係又唔似係乸過好假咁。公仔麵都好爽口彈牙。最重要嘅係佢炒得一啲都唔油。依間餐廳已經食到認得我哋，媽咪一段時間冇去，個店員問我哋係咪搬走咗😂點解咁耐冇去

店舖主打學生同街坊生意，住附近嘅我亦都係常客之一。自己最鍾意食係佢嘅雞扒炒烏冬，有辣/唔辣，而辣度可以再分小、中、大，佢嘅辣並唔係加一般嘅辣椒醬，而係一條剪碎咗嘅辣椒🌶️鍾意食辣嘅朋友一定岩，因為小辣我都覺辣😅不過好惹味👍🏻 雞扒之外仲有蘿蔔絲同青瓜絲，炒公仔麵/炒烏冬絕對冇偷工減料，小店嚟講真係好食，不過細店環境就比較迫但食物搭救😎🚩 新橋美食屋 (柴灣)柴灣小西灣道23號富怡花園地下43號舖

🔻位於小西灣富怡花園既新橋小店，湯粉炒飯炒麵咩都有得食😋 自己試過之後其實就最鍾意食佢嘅日式炒烏冬，有辣有唔辣！辣度有分小、中、大🌶，鍾意食辣嘅我一定係揀大辣嘅😋😋😋📌日式雞扒炒烏冬💲42🌟推薦指數：★★★★☆超級足料嘅烏冬， 有圖有真相😆，雖然自己揀咗大辣， 但絕對冇蓋過烏冬本身嘅味道，唔會太濃味，味道啱啱好😋 配料亦都好足！除咗雞扒之外仲有蘿蔔絲同青瓜絲，絕對冇偷工減料，小店嚟講真係好有誠意‼️絕對會再encore😆😆😆

細細間嘅餐廳，只係開到夜晚六點就收， 真係好少餐廳夜晚係唔開嘅，有時夜晚想食都食唔到。細細間大約坐到16個人，坐低叫咗雞扒炒公仔麵（辣度可以揀小、中、大），我當然叫大辣啦，哈哈😆😆😆個人覺得新橋嘅公仔麵要加辣先食到佢真正既味道，新橋嘅炒公仔麵大家唔係大排檔嗰隻炒公仔麵，係自家製既☺️真係好好味仲加埋芽菜同青瓜，算叫做有d蔬菜入口🤣但係好match既！屋企人就叫咗鮮茄營養餐通粉，連多士同煎蛋，其實真係特別鍾意佢嘅蕃茄湯底，清清地唔會落味精，而且真係有「蕃茄」可以食，唔會得剩湯👍🏻讚！😋依家有親切咁既小店少之又少，真係要多d推介人去😋☺️

今次食新橋嘅照燒豬扒飯，噉佢嗰啲飯會有啲照燒汁嘅，啲飯佢唔會煮得太腍嘅，噉變咗啲汁撈埋啲飯嚟食會比較有口感嘅，另外佢個豬扒都煎得幾香口同埋幾鬆軟。價錢36元，另外仲有杯嘢飲嘅。

雞排炒公仔麵 有時候經過就食或者每日中午都過去食。有不同的配菜，例如青瓜、紅蘿蔔、芽菜等等雞扒都算多。面的份量都足夠，假如你大食的可以叫加底。如果你鍾意吃辣的話，可以叫大辣或中辣。炒公仔麵加咗辣之後，令到這個面非常嘢味。雖然是一間小舖，但是員工的態度是非常好的，與顧客有一種朋友的感覺。每次食完，都可以同老闆一起吹水，這是小店的其中一個特色。經過小西灣的朋友，可以去橋底美食品嚐一下，和體驗小店的情懷。

放假天與太座來柴灣戲院看特價早場，順道試試小西灣室內游泳池，我喜歡去各區不同的公共泳池游，皆因設計和設施上都有些不同。泳池是室內的，太座沒有游，說去圖書館看看書，一小時後在泳池門外等我。游完已是中午十二時，肚子也餓了，問太座想吃甚麼，她說剛才聽到門外的職員交談，說去「新橋」午膳，她估計應該是他們去慣去熟的地方，試一次無妨。其實我們都不知「新橋」是甚麼類型的食肆？茶餐廳？酒樓？甚至在哪裡也不知道！我們一於上OR找找，原來是一間小食店，就在附近。這是一間非常非常細小的店子，只得十來個位，還要是很狹窄的，但在這列店舖中，算是最多人光顧的一間，門外張貼了餐牌，價錢由$29至$40左右，我們見仍有兩個位，立刻進去。點了豬扒拉麵$40和咖喱雞扒飯$36，有飲品送。飲品很快送來，我們點的熱奶茶，味道屬於中上，夠熱，奶味夠，合格有餘。咖喱雞扒飯，份量頗大，雞扒是煎好斬件，上淋咖喱汁，雞扒煎得香口，醃料簡單入味，咖喱汁不算辣，也算香，配飯最好，值得一讚是用的米很靚，軟糯有飯味。豬扒拉麵，除了豬扒，有紫菜絲，鳴門卷和粟米，豬扒薄薄的，煎得軟腍，拉麵質素不過不失，也算可口，惟湯底略鹹，速速吃飽就離開，因門外

小西灣茶記執下又一間執下又一間，得返d連鎖店。。。。想揾間好食少少嘅都無，今日好想食個好少少嘅早餐就唯有新橋（富景嘅有煙味，又懶得行去富欣😪）叫左個雪菜肉絲火腿米粉，清清地，話哂嘗試減下肥嘛😂😂其實真係正常味道，雪菜係幾好食，火腿都有心機煎左兩下，唔係普遍直接解凍放塊火腿落湯就算，但湯底真係好味精。。。。我食左兩啖已經想飲野🥺內在環境都係咁，做街坊生意嘅格式，話乾淨就唔算㗎啦，但一個餐先$29，仲想點💆🏻‍♀️

小西灣富怡樓下小店食肆選擇不少，但新橋美食經常是我的第一選擇。上次試過豬扒炒公仔麵，火喉夠，豬扒惹味份量夠，公仔麵夠乾身，上枱時香氣撲鼻。今次就試咗黑椒豬扒炒飯，加咗$6轉炒底。個黑椒汁其實都夠啦係我接受到嘅辣度。豬扒都唔錯，但係份量真係多到夠兩個成年人食，比出面的店鋪多好多。唯一可挑剔嘅地方就係個炒底炒得唔夠乾身，啲飯多左小小濕氣，如果夠乾身嘅話我相信成個飯會好好食。不過成個餐連埋炒底再加野飲都只不過係$40左右，我覺得性價比非常高。食完呢碟飯真係飽咗幾個鐘，連晚飯都唔想食住。

新橋美食，我最鐘意嘅就係豬排炒公仔麵！佢有得揀大中小辣或者唔辣，適合每一個人，而我就永遠都支持小辣喇。普通嘅公仔麵加上豬排同啲芽菜可以炒成一碟美食份量啱啱好！每次都差唔多迫爆個盒。啱晒我呢啲食得多野嘅人喇

新橋七點前必定收工，只有星期六日先吃到。小舖座位唔多，人流卻相反，有固定的街坊食客。放假想吃得自在舒適，外賣會是個不錯的選擇。炒粉麵飯大盒，價錢唔使$40跟飲品！每檯必點鰻魚飯，唔大食份量足夠二人！炒飯有大量蛋絲，幾乎每啖飯都有鰻魚粒，加埋鰻魚汁更加美味！辣雞排炒公仔麵，唔吃得辣必定要叫好少辣，辣源自紅色辣粉，第一次吃正常辣真是辣到流哂口水。炒公仔麵最緊要夠乾身彈牙，味道都是其次。新橋的炒公仔麵彈牙爽口，從食品質素吃得出是間有誠意的小店！

我地一家四口 有的時候不想煮飯的時候就會選擇出外食晚飯或買/叫外賣這一天也不例外 本來是會親身到該店享用的 但是因為家中有人發脾氣拖延左 最後決定叫外賣飯好多 有用照燒汁炒 鰻魚都好多呢個係一個套餐黎既 所以係有野飲既(凍飲要加2蚊)飯也是很多 感覺到有d 獲氣 如果係店入面食仲好食啊~呢個都係一個套餐黎既 所以都係有野飲既(但凍飲要加2蚊)呢個我剩係飲過d湯同d飯xD但真係好正啊 冬天飲仲岩 可以驅寒TIM!!總括來言 真係幾好架又算抵 份量又多 又幾好食如果你地黎開小西灣可以黎試下架~!!!!!!!!!P.S 星期三佢係唔開架!!!!!!!!!

去完醫院黎到小西灣都6點幾，個肚開始打鼓...係富景周圍「搵食」呢間『新橋美食屋 』新開冇耐，見外表幾有特色，一試無妨叫左個有營常餐，係煎蛋配多士+蕃茄牛肉通粉多士ok啦，普普通通煎蛋幾油下...蕃茄牛肉通粉，我就認為唔多得，牛肉煮太老，過硬，我冇一件吞得- 而且呢碗通粉太多味精啦...又鹹，食完超級口渴餐飲係西洋茶蜜，都係咁既味，但份量過少，而且個杯都唔太乾淨....總體而言，呢間冇咁好啦...