新森林焗之專門店 (已搬遷) 新店位置

今天帶外國來的親戚買衣服，親戚想買約100多元一件的衣服，銅鑼灣太多人了，於是向灣仔方向出發!電車路旁有連續數間的服飾店，可試上身，而且款式一應俱全(類似旺角中心的款式)，親戚一買買了20多件!之後到旁邊298電腦商場買USB手指,外置充電器等。餓了，走過對面的新森林歎下午茶!當時2:25，心想會否需要2:30入座才有下午茶? 原來不是~入座後還是會有侍應更換menu!吉列豬扒+薯角 ($24)薯角看下去很燶!不過還是香口的~份量不少!吉列豬扒炸出來香脆~ 親戚拿來佐飯，不錯，很飽肚!豚肉拉麵 ($29)豚肉拉麵如果和拉麵專門店比較，不太公平，因為這裡畢竟不是專做拉麵~而且$29有一碗拉麵及飲料，不太貴~豚肉脂肪和瘦肉分明，有以醬料調味，入口軟而鬆化!餐廳無魚目混珠，以即食麵扮成拉麵，拉麵沒有梘水味，而且份量不少，讚!Lemon Tea沒有苦澀味，比較甜!

去探親戚後有點肚餓所以就坐底試下了,聽見有人話扒帶子墨魚汁意粉好食, 所以我就跟風啦~我好怕D意粉無咬口架, 好彩佢就煮得恰到好處岩岩好!而另一半就ORDER左咖哩雞扒飯, D咖哩汁汁真係好香又唔太辣, 無諗過咁平都有咁好既水準! 如果再比多少少咖哩汁就VERY GOOD LA ^0^飲左杯紅豆汁, 豆需然夠淋, 但不夠多, 所以無咩特別.  

返工放LUNCH係銅鑼灣行下行下到灣仔、揾到呢間餐廳。見價錢都OK就入去試下佢個午餐:蒜茸雞排併照燒豬排、D員工講野好快你即使叫佢講慢D佢都係講得好快、我去食我LOAD左一陣先知佢原來係問緊我加唔加湯同飲乜野最後我加埋3蚊試佢地個忌廉湯同蒜蓉包、飲熱朱古力。蒜蓉包太硬!沈湯沈左成分鐘都未軟。忌廉湯好粉、飲蓉去一粒粒好似未熟咁。 蒜茸雞排都OK、雞雖然細舊但都OK滑。但豬排真係FAIL、咬落去好似咬柴咁、又薄又過熟。不過呢間俾咁既價錢你又唔可以要求太多。算OK但應該唔會有下次 

今天終於試了這間店一直都比佢既價錢吸引住, 30幾蚊有個餐真係算平環境:一般, 有D污租既感覺-_-服務:粗聲粗氣既長髮阿姐服務有D差-_- 人地未食完野 就想收我隻碟.....雖然我都知門口好多人排緊隊另一位短髮服務員 態度好好 叫佢加汁都冇托手爭味道D咖哩汁汁真係好正好好味 夠稠身 唔會稀到成PAT水咁!但d飯真係好大改善空間, -_- 又乾又硬 主食黎嫁!!!!豬軟骨...全是肥肉呢個有d失望....紅豆太少 太甜大快活既仲好飲不過整體黎講 試得過!

午餐: 芝士鮮茄焗珍寶大胃王飯 (+HKD$3 跟羅宋湯 及 蒜蓉包)羅宋湯味道剛好, 但太稀了! 蒜蓉包涼的! 太硬! 難咀嚼, 不多熱!熱檸蜜夠味, 但用紙杯裝不多環保, 以及太細杯了, 如果用紙杯就最好用大紙杯, 否則用一次就唔再用就太無價值了.檸檬夠酸, 只是蜜糖不是太濃. (但本人能夠接受)芝士鮮茄焗珍寶大胃王飯好多料, 夠酸味,夠熱, 以雞翼同豬漢堡最好味,牛仔骨太難用口撕開了, 舊骨太大, 不合格!珍寶腸: 得半條既? ......同埋它的外皮又是太難咬了.....外表看來大條....原來只是為了上菜是好看些....總括而言, 能完整吃完的只有 雞翼同豬漢堡 (有點無奈), 還有感覺此飯食得多幾啖, 好易有飽滯的感覺更重要的是, 本店在煮食上該用了很多味精, 吃完後, 一整過下午都有點味精所引發出來口渴的感覺 (如它自稱是焗之專門店, 而又不是一般茶餐廳, 那跟我如期所盼望的, 有好大出入, 食材及落太多味精方面不合格!)但價錢又不算是太貴, 至少比其他連鎖快餐店便宜些有待改進

之前同友人去過2次呢間度食晚飯,都很滿意的..2次都係叫2人餐..捧住個肚仔離開近日決定再去幫襯 但..有點失望 今次照舊2人餐 2個湯 1款主食 2款小食 2杯飲品湯冇咩特別..同平時既一樣但熱菜蜜略嫌太細杯,味道好淡..只用普通既紙杯裝,有點不太環保天使面既蕃茄味不大 我同友人都覺得味道太淡 份量都略縑太少但隻軟殼蟹都幾脆 不錯 呢個我最中意 可能因為中意食薯蓉YUMMY

16th July, 2012今日接女朋友放工後搵晚餐食, 銅鑼灣果邊又貴, 於是穿過鵝頸橋街市, 行行下見到依間晚餐價錢ok ($40~$50 一個set dinner), 而且果陣大約7點, 晚飯時間既開始都有好多位唔洗等, 於是入去試下入黎果陣見到有人食墨魚汁意粉, 於是玩玩下叫一個黎試下於是就叫左 *扒帶子墨汁意粉 $47 +$5 變set dinner (紅/白湯) + 蒜蓉包, +$5 試布丁紅豆冰女友叫 *黑椒牛肩肉, 鴨胸肉焗飯 $47 + $5 變set dinner, +$8 飲個cream 紅豆冰(野飲(熱)叫飯果陣一定奉送埋, +$2 凍飲)*total 埋單$117 (不需加一服務費)上餐時間都好快, 先黎湯同蒜蓉包*紅湯: 好濃, 居然飲到有肉味*o*, 真足料*白湯: 都好濃, 微微地黃色, 都飲到有肉味, 入面仲好足cream soup 料, 正*蒜蓉包: 蒜蓉味岩岩好唔會食到口臭既地步, 個法包都脆, 中間軟, 唔會界到口之後就黎野飲, 個杯既樣冇想像中d快餐店既紅豆冰咁, 有高腳杯裝住, 只係佢地店既膠杯, 但我都唔太介意*布丁紅豆冰(下方): 相

中午，成team人一齊出去食。大家沒有提議過要食要喝什麼，自自然地就找來一家大家啱食的餐廳，食返個快樂午餐。就近，而且大家又未食過，連鎖經營又地方不錯。這一間新森林自然地成為了我們的首選，價錢不貴，環境衛生舒適，亦自然地受灣仔銅鑼灣一帶既打工仔，尤其是OL歡迎。所以，門口總有一條小小既人龍，等位。幸好，5分鐘內有位坐，而這餐廳亦幾識做，係我們排隊等位時，已經把是日的午餐menu派了給我們仔細的研究，所以大家一坐低冇耐，就可以點選自己心儀的午餐。大家都想快食怏走，所以大家都沒有點選焗的美食，一人一份的午餐，就以葡國雞飯，不同的扒餐為主，吃回我們香港式的西式午餐。食西餐，當然是配上西式的湯，而我當然是千篇一律，濃濃的紅湯，羅宋又好，雜菜又好，濃味，有少少蕃茄味開開胃，感覺良好。而這一個羅宋湯，蕃茄味濃；料，算是多菜多料。可是，同花園的一樣太多油了，好味，但感覺不太健康。 我叫的扒餐是炸芝士燒汁牛柳，牛柳是正宗港式茶餐廳見到的牛扒。雖然不韌，但若是沒有汁，沒有用中式既方法醃製過，相信這牛肉就同茶餐廳的沒有分別，而這就是一分錢一分貨的重要依據。炸芝士，是chadd

新森林已經食左第2次啦..每次都係選擇2人之選..幾抵食..有主菜..有小食..有湯..有飲品次次都係食到飽..幾鍾意佢地既薯容蓉..因為好好味..佢地d小食..雖然選擇多..但係對於自己個人嗜好黎講..就係少既..幾鍾意佢地既湯..白湯好好飲..

It was one of those evenings to find a place for a simple dinner after a busy exhausting day again. We walked past the shop, and most seats were vacant at that time. It looked adequate and comfortable enough for a simple dinner.There were quite a lot of choices on the dinner menu and, most importantly, it's not pricey at all. A soup with toast or a drink will be served along for adding $5 for each, and still it's not pricey.We ordered several dishes to share. First was the squid ink spaghetti wi

係會展睇完show去左灣仔食野叫左個晚上套餐，連飲品焗鴨胸茄汁意粉,賣相不錯，味道一般茶餐廳水準如果呢個價錢黎講都ok既～合符預期～So far so good la~

Tried the prawns and scallops with squid-ink spaghetti. It was very saucy and even though I ended up getting black sauce on my lips, I didn't really care because it tasted so yummy. Lots of cheese on top The prawns and scallops were cooked nicely as well, although the squid that came with the sauce was too hard to chew and I couldn't really bite into them so I just ended up leaving it on the plate. The restaurant didn't look glamorous or anything but it was adequate and enough, considering the

晚上路經灣仔新森林焗之專門店，品嚐了一客二人煲仔晚餐。先來的羅宋湯味道頗濃，略為辣咗少少。附上的蒜蓉包則有點過氣，口感有少許硬。美式煙燻汁雞中翼炸得老火乾身，所謂煙燻汁酸味就有，煙燻味就冇喇！煲仔黑胡椒牛仔骨以燭台慢火燒着，噱頭味濃。牛仔骨肉質韌了一點，幸好黑胡椒醬汁調味不俗。主食海鮮豬扒鴛鴦焗飯除豬扒外，海鮮有魚塊、炸帶子、魷魚、蟹柳等等。焗飯給我的感覺是火喉未夠，醬汁炒飯溶入度不足，質素普通。比起一哥焗飯，還差啲喎！

以前常常見到要等位，可能有幾天假期關係，冇咁多人，所以入內一試，見到全部也是卡位，可以和女友試下這裏的焗飯。坐下大約五分鐘，便叫了一個牛扒餐和一個馬德里羊扒咖哩焗飯，而頭上的風ロ吹到頭髮亂了，便叫落order的侍應關閉頭上的風ロ，等了五分鐘有位黑衣的女子經過，(應該是經理)她聽了後立即關了，在此多謝她的服務。而食物方面，牛扒好味，而羊扒也可以，份量也足夠，女友也開心，只不過點解Ｄ食物加$10先有呢樣，唔set個餐？而食到一半都冇人取水給我們，應該可以再好，我會再來幫襯的！

其實我想來這裏吃東西很久了，經常在店外的巴士站,看到餐牌實在很吸引,無奈一直找不到伴兒。 適逢轉了新工滿一個月，邀請了姑姐和媽媽和我同來，我特別喜歡座位與座位之間的圍板,好像比較有私隱,說話聊天都比較方便。 我很喜歡吃薯蓉,因此要了蒜蓉香草帶子焗薯蓉, 感覺很油, 牛油味和蒜蓉味都很重。而軟殼蟹蕃茄天使麵也不錯, 軟殼蟹比較油, 而天使麵的醬汁不夠,感覺很乾。芝士焗吞拿魚野菌螺絲粉有很多野菌,但是芝士味不夠。而香芒白咖喱魚柳鍋, 原來這麼細,但咖喱汁很香很濃。 可惜餐湯餐包要另加五元才有,餐飲也得加五元,我不明白為甚麼不設計成套餐呢？ 我們分別要了紅豆冰、好立克和即磨咖啡為餐飲。飲品味道夠水準。 但整體來說，我覺得食物的味道只屬一般。