新森林焗之專門店

营业中

休息中

灣仔抵食下午茶之選，選擇配搭多😌今次嗌咗沙嗲🐂牛肉+台灣貢丸+🦐蝦條公仔麵，配雜菜沙律，半隻🐷豬仔包，飲凍奶茶少甜=$46公仔麵🍜，爽口（落單時可要求），湯底好濃郁，絕對係杯麵味精湯🤣（預期之內），少量沙嗲牛肉，一粒貢丸，一條🦐，下午茶嚟講好夠😌雜菜沙律，正常發揮，小食份量，幾啱中和返公仔麵嘅油膩👍🏾奶油🐷仔包，外表香脆，少少燶邊，熱辣辣，最後食埋好飽肚😆😆，已經唔止一份下午茶既份量。最後飲埋杯凍奶茶，正常發揮，幾鍾意佢奶味重☺️☺️

Hello 大家好👋🏻！今日我嚟到位於灣仔道嘅「新森林」，一間以焗物出眾嘅茶餐廳。今次同大家分享一下佢哋嘅早餐。 佢地早餐優勝之處係多選擇之餘又可以自由配搭。首先，佢哋有一啲set好嘅早晨套餐， 配搭簡單。佢地有呢款可以自選追加嘅早餐， 想健康啲三文治餐可以加粟米或麥皮， 想份量多啲麵餐可以再加多個通粉/ 米粉。 而追加種類都多， 有脆豬包、 粟米、 薯餅… 等等。美食攻略：今日我點咗「牛油多士+嫩滑煎雞扒+煎雙蛋+熱奶茶+追加鮑汁火腿通粉」。多士夠熱😋，烘得外脆內軟👍🏻。雞扒真係夠嫩滑， 配埋燒汁，味道好好。煎雙蛋真係要讚， 係燶邊太陽蛋👏🏻👏🏻👏🏻。有蛋味夠認真。火腿通粉加咗鮑汁唔會太咸，當中加咗齋鮑魚絲，令到口感豐富，有𡁻口而唔會韌。佢哋杯奶茶比例都可以， 味道平均。美食指數：5🌝最高味道：🌝🌝🌝🌚🌚環境：🌝🌝🌝🌚🌚服務：🌝🌝🌝🌚🌚賣相：🌝🌝🌝🌚🌚

今日開會冇時間出去買lunch所以就成班同事一齊嗌新森林焗飯外賣套餐包括左飯, 餐湯同飲品, 比平時堂食單點大約貴20蚊.不過好彩外賣送到黎無論賣相同份量都同堂食差唔多.我叫左芝士鮮茄焗牛脷飯, 餐湯冇得選擇一定係跟羅宋湯. 牛脷係大大件厚切嘅版本, 仲要有成五六件咁多. 基本上飲完湯食完牛脷已經半飽, 飯都只係食到一半🫣不過唔知係唔係外賣既關係, 飯底比平時濕左啲有少少糊口既感覺, 仲一餐半餐外賣黎講可以接受啦😌

Lunch唔駛等就有位，但店員態度奇差，明明有5-6張空枱，都要食客同人搭枱。我食左30分鐘，果幾張枱依然係吉既，咁你仲迫我同人搭枱你話我要一個坐卡位就話啫，我只係唔想對面坐住個唔識既人，萬一中左肺炎都唔知佢係邊位，想追查都難，你搵多塊紙板隔住，令食客安心啲都得掛？野食方面上菜算快，味道中規中矩，叫做不過不失。唔知係我錯覺定點，由落單到上菜只係用左5分鐘到，煮得幾快希望佢哋有所改善，短期內都唔會再幫襯住。

因為工作嘅原因成個星期都會喺灣仔同銅鑼灣中間岀沒，咁每日做嘢最緊要就係有餐飯食，行行下見有間食焗飯，五十幾蚊就有一大碟飯，睇落唔錯就決定咗係呢間。餐牌上有成二十款焗飯，岀奇地仲有素肉添，不過就對素肉呢樣嘢冇乜興趣，我覺得如果你係諗住食素咁點解要去食啲模仿肉嘅嘢，有種本末倒置嘅感覺。我因為好肚餓嘅關係最尾決定咗嗌個經典鮮茄大胃皇飯。個焗飯唔駛等好耐就有得食，望落雖然唔係特別吸引，但係聞落好香，而且都幾大份，肉有四種，分別係豬扒、雞肉、漢堡扒同脆皮腸，每一款都好大份，而且咬落去都好鬆軟同入味，茄醬嘅味亦都好濃郁，非常開胃。平心而論，係咪超好食？唔係，但係呢個價錢嚟講叫做非常抵，比起大家樂嘅焗飯好食幾倍。

有時朝早黎開灣仔，都見到入邊有唔少食客食緊早餐，今日心血來潮打算買份外賣三文治。點知一等等咗成20分鐘，搞到做嘢都遲到🥶🥶不過食物質素都可以，餐蛋治都幾厚，唔係嗰啲呃人嘅超薄切！咖啡就一般，係普通茶餐廳咖啡，下次喺茶餐廳都係嗌返奶茶好啲🤣價錢黎講26蚊都可以接受(不過而家快餐店啲早餐真係仲平)。收銀姐姐態度都未係其他人講到咁惡劣，我催過佢一次，佢記得我等得耐，好似都有真係去廚房幫我望吓，之後就真係咁啱出咗份早餐俾我🤣

E間野店員服務態度差..間鋪唔係大..係門口入去沒坐低 已經比人呼呼喝喝..又唔比坐e度 唔准坐果度 重點間鋪 跟鋪唔係大. 普通茶餐廳 我唔祈望你向我相敬如賓，不過普通禮貌 也要知啊？ 話晒我都係客 你d野品質平下口感不太好 價錢不算很平宜 唔好話 物有所值 就連 均等價值 也差一點點！ 建議：你點對客 客點對你 如果係好既 人地排住隊等位食 希務在服務態度上加以改善 如果想客人再幫襯 另外坐位相格之間太密 都唔知會唔會受到影響 失望失望..

Went here for a quick lunch during my break time. Food was okay, not too bad. Got the ramen with the dumplings which costed me HKD 46 and additional HKD 3 for iced lemon tea. Also added myself a salad on the side which is an additional of HKD 16.Overall, it’s worth a try!

食物方面，以呢個價錢算係咁。80蚊的鐵板扒餐，扒無得選擇幾成熟，西冷牛扒無牛味，無肉汁，好乾。扒餐跟既飯反而味道不錯。服務方面，建議店舖可增加電子付款系統，例如八達通、信用卡等。

朋友提議去附近新森林食焗飯 午飯時間好多學生食 因為都幾抵食 一個迷你焗飯或意粉加一款小食都係40零蚊有埋嘢飲香滑流心蛋免治牛肉飯配雜菜春捲朋友揀咗呢個餐 見到佢篤開個流心蛋 蛋汁混合免治牛肉食 佢話幾好食 我哋小食就一齊食 什菜春捲味道比較淡 份量都好足 兩款小食都有四件黑椒芝士焗豬扒飯配豚王菜肉煎餃子我就揀咗豬扒飯 焗飯係迷你size 對我嚟講個份量啱啱好 男士們可能就爭啲 芝士份量唔係太多 反而個黑椒汁就好濃味 我就最鍾意佢夠多汁 夠汁撈飯食 豬扒都夠腍呢個餐配埋小食夠哂飽 飲品我揀咗熱蜂蜜 天氣涼涼地夠曬滋潤

新界牛表示，港島食飯周圍都好貴呀！食個lunch冇返$60-$70都落唔到樓到有日同事介紹咗間平靚正嘅餐廳，一個字，抵！新森林無焗飯專門店，佢焗飯選擇真無超多，而lunch hour同tea time都有個set，一個迷你焗飯/意粉配一至兩個小食。呢個set我就食過好多次喇，但我嗰日貪得意，試咗素牛扒黑椒汁焗飯，又有啲驚喜喎！利申第一次食素肉，口感同牛扒就唔太似，不過好神奇咁有陣牛味而且個飯好多菜，夠晒均衡飲食。下次會試埋個素豬扒，聽同事講都唔錯

今天星期天都要反工對面的茶記無開又去番呢間茶記本來都放棄了沒有吃一星期，因為朝朝早都見唔到太陽心情極差下過了對面即時有太陽。其實雞蛋或太陽蛋或反蛋是不是這麼難的。 十隻有8隻都穿旦旦漿一碟都係咁都比人，問到侍應佢又話批雞蛋唔靚。 批雞蛋唔靚午餐都做到溫泉蛋啦。 如果個水喉師傅係你屋企裝水喉然後四圍漏水佢可唔可以玩個客比佢d料唔靚然後收錢走人? 我其實都唔想出post, 但係見佢午餐既配搭見到該集團老細是有心做飲食，但前線沒有認真做。 講真丫下下隻雞蛋穿o左就唔好出啦，如果打隻雞蛋出黎都下下穿既就諗下應唔應該再做落去啦～

第二次幫襯，其實都係想坐好d同飲杯啡。叫左個焗豬扒飯同凍啡。凍啡岩我口味，甜咖啡。不如所料，焗飯真係好難食，唔怪得餐牌咁多9唔搭8選擇，有拉麵，豬油撈飯都有（笑）講番個焗飯，除左包裝似，味道完全唔係果回事。唔熱已經係死罪，仲叫自己做焗之專門店尤如用大頭砸自己對腳。個炒底毫無靈魂，咁當然都好過無炒既......芝士又拉唔到絲。其實熱到辣手對焗飯黎講真係好重要。做焗飯醬汁要落好多，凍既汁真係食唔落口，哂quotas.豬排份量多既，但質素尤如香港政府，正正經經用一塊靚豬排好過啦。其實佢可以碟頭飯咁上菜算，何必洗多隻碟？

第三次黎食，之前都打左篇關於佢既焗飯好廢。今次食都係想飲佢杯咖啡，同埋卡位幾好坐。但為免中第三次伏，所以叫左個日式咖哩吉列豬排飯。估唔到個飯仲熱過前兩次焗飯，真係比佢吹脹。日式咖哩味道一般，唔夠甜，但唔難入口。但我無撈均哂d飯。個飯唔係珍珠米，無期待無失望既。但稍微有點硬。吉列豬排上台時個面仲炸炸聲。面果層炸漿好味。但都係果句，用塊靚小小既豬排啦。經過今次，更加肯定唔好叫焗飯。下次都會為左杯凍咖啡再黎既。

溫泉蛋芝麻醬雜菜沙律 - $16即炸脆薯角 - $14炸單骨雞翼(孜然味) -$22吉列豬扒 - $18焗肉醬意粉焗白汁雞皇飯小小肚餓，喺灣仔經過見到呢間野個餐牌就俾佢吸引咗入嚟食下午茶: 每樣野細細份，一個下午茶餐包一個前菜迷你焗粉/飯同小食先係四十幾五十蚊，再加杯嘢飲真係好抵又可以食多幾樣野。應該有好多人都俾佢吸引咗所以下午茶時段都有好多人。佢啲小食係真係唔錯，焗飯同埋個芝士焗肉醬意大利粉就麻麻哋。可能個人對於主食嘅要求比較高，炸野就冇乜技巧，所以都可以做到出面乾身入面Juicy, 不過因為平個豬扒雖然望落去好大塊但係好似一張紙咁薄xd 孜然單骨雞翼就少少辣。最加分係呢間野好似新生餐廳咁有招募義工同埋請啲更新人士(?) not sure didn’t fact check不過就應該同救世軍有聯繫嘅！當支持下做個善事囉😛