新森林焗之專門店

营业中

休息中

是日工作關係路經灣仔一帶。人多、車多、天氣熱，見有卡位，諗都無諗就入咗呢度。深海鱈魚柳白汁芝士焗飯 $50魚柳係預先炸定的。但唔算放咗好耐。飯都係預先炒定的，太少雞蛋，同唔落雞蛋無大分別。白汁稠度幾好，配埋面頭芝士，OK 的。羅宋湯&蒜蓉包 +$8個湯係一般茶記味道。茄膏雜菜辣椒湯。蒜蓉包既蒜蓉同個焗飯飯底雞蛋一樣，少得可憐。凍檸茶好飲。但好細杯。$58喺灣仔區地鋪食個茶餐。要求不能太高吧。咁樣諗會舒服D!

呢一間又係以前成日食嘅一間餐廳, 但個時仲早, 起碼有七八年前, 個時都唔係呢個位置~ 搬左過黎呢邊之後, 所有野都變哂, Menu都無咁多花款...不過都值得試一試, 同友人去have a try!叫左兩個, 分別係鱈魚焗飯同埋雜扒焗飯~ 兩個都包野飲~兩個飯嘅芝士都好足料！呢個係鱈魚焗飯，香味都唔錯，食落都ok，焗飯味重，芝士都夠多，有拉絲效果，同埋有炒飯底，焗飯要有佢都做到，但味道就不太出眾，無咩特別可以指出，一個簡單焗飯～另一個就係雜扒飯，有炸魚柳，豬扒，漢堡同腸，配上黑椒汁，就係一個鐵板雜扒，再加上一個焗底炒飯，就變成一個雜扒焗飯，就有啲唔太負責任😂😂😂 味道都還可以，但都係無咩特別🤦🏼‍♂️可以做得更好，只能講以前唔係咁....

話說好友在網絡見到新森林一人鍋以為是打邊爐一人一鍋所以相約3人去食睇餐牌見到好似好多料好多海鮮所以大家都叫左一人一個海鮮鍋，可配泡飯或稻庭烏冬同包飲品一杯咁我就叫左個番茄魚湯海鮮鍋配稻庭烏冬$74本人就比較愛吃番茄🍅點知來到一舊番茄都無湯就魚味重番茄味少有點腥，海鮮亦比圖少，得一粒好細既元貝、一舊青口、兩舊好似魚肚，同2舊好似魚膠既東東同2隻蝦，仲有少量豆腐同埋菇個個都話吾夠飽重點吾係邊爐只係俾個煲加點火熱一熱，本身個鍋係熟晒，烏冬都係，所以廣告效應令大家好失望烏冬都夠彈牙，但職員幫我地熱一熱收左個爐所以好快個湯同烏冬都涼了熱點會好吃一點另外朋友點的龍蝦湯海鮮稻庭烏冬鍋$76朋友說沒有龍蝦味另一位朋友點的鯛魚湯海鮮鍋$72最後點了一杯熱菜蜜，飲料方面是不錯👍🏻熱菜蜜夠蜜糖下次還是別的餐不別吃海鮮鍋了不用加一，員工服務不錯有主動加水給我們

之前自己嚟過呢間食，後來同屋企人嚟食過一次，都係食焗飯，結果都係 。。其實唔算話特別好食，又不至於劣食咁。因為來咗幾次，儲埋 $5 coupon 共三張，加上 openrice （笑臉：喊臉）比例好高，所以懷疑係唔係之前錯過咗d咩美食，所以決定比多一次機會呢間新森林。大約 6:15 入到去冇乜人，揀咗靠牆卡位坐。今次唔叫焗飯，叫咗個番茄海鮮烏冬煲（$74），同埋軟殼蟹石頭鍋飯（$68）。兩個都跟餐湯+餐包（+$8 x2）餐飲叫熱華田同可樂（+$3）。先嚟餐湯同餐包。典型茶餐廳紅湯，味道唔係特別出色，其實唔使特別加錢叫。跟住來咗個加熱爐架，睇燃料應該只可以燒幾分鐘就熄嗰種，適合加熱之用。海鮮煲，烏冬。呢鍋食物唔太出色，有少少劣/伏嘅邊緣。首先飲咗啖個湯底，有啲奇怪嘅味道，但又講唔出點怪法，總之你唔想大啖大啖咁飲落去。煲內有幾隻蝦，味道正常。其他海鮮有魷魚，唔記得個味道/質感係點，（好似）仲有魚肚。最特別嘅係相中浮面嘅方塊嘢，望落唔知係乜，有兩三塊。咬落去嘅知道係好多細孔嘅結構物，以前應該食過類似嘢，但叫唔出係乜嘢，甚至唔確定係海鮮定合成嘅食材。唔好食。煲嘢食到 6677 時再食咗啖方塊嘢

下午茶時間行到去摩利臣山附近，離遠見到門口寫住外賣自取有折扣，就埋去望下。首先最吸晴就係鰻魚焗飯，因為本身都鐘意食鰻魚，但都要80幾蚊一個，所以考慮其他下午茶套餐。之後揀來揀去又唔想食珍寶腸個d，就叫左個芝士雞肉蛋焗飯。見舖面冇乜人所以索性入去坐低慢慢食，廢事拎走。好快就上菜，賣相正常但都感到好滿意，蛋黃冇整熟可以流出蛋汁，個芝士亦好重手，幅蓋晒成個飯。個燒汁都好味，不過如果多d可以俾我撈埋晒d芝士一齊食就perfect喇。下午茶餐50蚊都算係咁，份量正常普通唔算好多，但足夠暖一暖肚。下次有機會都會再試其他焗飯。不過唯一有一點就係瓦碗同白色碟之間比較滑，有d驚個飯會冼出隻碟..

2017除夕夜， 首先，到中環乘坐幸福摩天輪，計劃再往工展會晚餐兼夾掃貨，惟恐人山人海，好難找到好東西吃。 決定在灣仔附近晚飯再出戰工展會， 灣仔晚上寧靜人疏， 餐廳位於灣仔道，利景酒店附近。鐵板雪魚牛堡腸跟薯角， 單單聽來已經很豐富啦! 上餐時，果然無失望， 從鐵板"是…是~"的聲音， 感受到新鮮熱辣辣， 淋上黑椒汁， 醬油肉汁在鐵板上又響又滾動。全部開演唱會呢! 怕燙嘴， 等三分鐘開始， 一切開魚柳， 嘩! 魚柳鬆﹑爽﹑熱騰騰; 牛堡是流心的， 內藏淡芝士， 可以令牛肉滑一點，香一點， 又不怕芝士味蓋過牛肉。 還有跟餐薯角是分開送上， 份量除了多之外， 每條都是外脆內軟。

喺灣仔上堂，附近有間"新森林"，門口見有啲人氣，入去試下，食番個早餐先上堂叫左個套餐，先上一份蛋同火腿，煎到黑晒，成層油封住個面。牛油餐包就不過不失魚腐米粉，有三大粒魚腐，魚腐好食，米粉都煮得啱啱好，早餐竟然有得食魚腐米線，十分讚餐飲無論凍定熱，全部都係用外賣紙杯，好好好唔環保，好唔支持。叫左熱咖啡，中規中舉，唔太差。總括黎講，喺灣仔區，用$29可以食到一份早餐，真心好抵但係，餐飲用紙杯真係好好好唔環保，好唔贊成

They change their location before they were near tram area and now they are located far from the tramways and mtr stations, . this is my 2nd time in newforest and i can say they never fail in terms of their food and service! all are good and you will be satisfied! all your money will be worth it! will surely come back again !

在灣仔遊走，無意中發現這間店，見裏頭都頗多客人，便進去試一試。✨石頭鍋烏冬🍜材料豐富，魚糕、水餃、牛肉、雜菜，要找裏頭的材料一點也不容易吃起來是泡菜的辛辣非常惹味，令人胃口大開，絕對是重口味之選。😂😂😂重點是還巿芝士呢！🧀🧀🧀 整個感覺邪惡到不行😋😋😋烏冬也是較佳的稻庭烏冬，以普通飯堂級的食肆來說真的不錯👍👍👍整體而言，這間店算是不錯的茶餐廳，款式十分新穎，切合近來潮流，芝士拉絲、泡菜韓風，算是午餐晚飯經濟實惠之選。

今天放工和朋友shopping，個Friend 話想食可石鍋飯，周圍搵下啦! 發現附近有一間鋪個名叫新森林焗之專門店，食物相又好吸引，大家就決定不如今晚的晚餐就入去試試啦！發現裡面的有很多款特別的石鍋飯，十分特別，秉所以我地每人點了一款～龍蝦海鮮芝士石鍋飯半隻大大的芝士焗龍蝦係面，再加脆卜卜的蟹子丶帶子、魷魚、小帶子在飯裏，囗感豐富，又鮮味，值得一試！軟殻蟹海鮮芝士石鍋飯脆卜卜的原隻軟殻蟹，又脆又好味，而飯底亦有脆卜卜的蟹子，有不少帶子、魷魚、小帶子，口感十足。另外，亦都叫左二個小食，分別係帶子芝士焗釀海鮮同埋自選迷你漢堡併盆。帶子芝士焗釀海鮮焗帶子之餘，除了有一層厚厚的芝士，仲有少量的魷魚、蟹柳等，材料豐富，味道不錯！自選迷你漢堡併盆之迷你安格斯芝士漢堡 跟著，就試下呢個迷你漢堡，再加上新鮮沙律，配上炸薯角！簡單配搭，相當吸引！青蘋果梳打這個飲品，比較清新，都唔錯, 唔會太甜 ! 香芒之戀人這個 個飲品，最適合喜歡飲甜野朋友啦！So sweet ga ! 整體感覺質素挺不錯的，而且價錢又合理，大部分都係$100以下，想食豪d 加埋小食特飲都係百頭，下次可以再黎試其他野！

以焗為主題嘅新森林焗之專門店，係我哋其中一間食堂，當諗唔到食乜，就一家會嚟到灣仔新森林。近期去到，見到佢出咗新menu，主打石鍋之選，一於衝激一吓味蕾啦！蕃茄魚湯海鮮石鍋配手打烏冬上枱嘅時候記住小心石鍋，真係好熱架！不過就係靠呢個熱度，keep住餘温，令食物保持一定溫度。蕃茄魚湯鮮甜濃郁，海鮮有蝦、魷魚、帶子、青口、魚肚，仲有菇同豆腐。我哋就最鍾意索晒湯嘅魚肚，好鮮甜呀！至於手打烏冬係另上，唔駛俾熱湯浸到淋晒，所以食嘅時候，夠晒彈牙，加分！原條鰻魚海鮮芝士石頭飯必食！必食！必食！講3次因為真係好好味架！鰻魚好大條又夠厚肉，未食已經俾佢深深吸引住！食落除咗嫩滑無骨，當然唔少得靈魂人物 - 鰻魚汁啦，同芝士撈埋飯一齊食，真係好好味架！低溫慢煮原隻春雞近期興低溫慢煮，連春雞都唔例外！雞皮香脆而肉質嫩滑，原隻上嘅感覺更相當抵食！旁邊嘅薯角金黃香脆，我A姐唔覺意，今晚又大食咗喇。柚子肉梳打同巨峰提子梳打柚子肉梳打同巨峰提子梳打味道唔會死甜，加咗梳打真係好refresh呀！

之前ig 見到新森林新出石鍋有鰻魚飯, 睇落超大條好吸引 咁岩去cwb, 就行過來試下灣仔其實係新分店, 位置係灣仔cwb 中間, 但估唔到晚上都已經爆場. 可能因為價錢實在平易近人, 大部分都係below $100. 想食豪d 加埋小食特飲都係百頭. 係香港來講真算抵食原條鰻魚海鮮芝士石鍋飯 $78衝住佢而來, 無令我失望. 真係好大條鰻魚, 都算肥美, 加埋鰻魚汁好下飯芝士其實份量唔多, 無咩芝味, 不過我覺得都無所謂. 太勁cheese 可能會膩.海鮮有2粒帆立貝同魷魚, 普普通通. 不過淨係鰻魚加飯已經好抵食鯛魚濃湯海鮮石鍋配手打烏東 $72烏東真係out of expectation 地幾唔錯 滑溜唔會太淋, 係我喜歡稻庭烏東. 而且好貼心咁分開上烏東, 确保唔會因為食太耐而愈來愈淋. 湯底呈乳白色, 都幾香濃. 應該無咩味精, 最後我同fd 飲哂都無口渴海鮮有2隻被, 1隻青口同d帆立貝咁. 海鮮就普通, 唔算好新鮮, 味道整體都不錯加左錢試左特飲巨提子同柚子soda, 都唔錯, 唔會太甜. 聽講奶茶都唔錯, 下次可試試另外加錢試小食. 芝士焗半邊龍蝦配紫薯餅$68 紫薯

今晚做完野一個人食飯, 點左個鴛鴦芝士焗飯, 點知好似水浸一樣, 汁多過飯, 無味無道。服務員的態度十分差, 首先係叫極都無人認, 然後想問多少少野都好似犯法咁!  加單叫個甜品又比面色你睇話 (要成20分鐘架喎!)。問佢地要杯熱水就一次過攞幾杯過來, 真不明白這是什麼服務態度! 在趕客嗎!? 

毐男都有孝順時👏🏼👏🏼要帶老母去睇醫生，山長水遠去到佐敦，早到醫生未到叫我遲半小時先好上唻🙄吾係約好咗嘅咩？咁預約唻做咩？立刻后悔點解我要做毒男吾好好讀書做醫生🤣Anyway,落街行個圈，見到呢間小店，個名幾得意，又係個句，小店最啱我👏🏼👍🏼毒男一個箭步入去，見到成憧牆都係焗飯meun,清楚明白大聲👍🏼👍🏼叫個牛肉焗飯，大兜，濃味，做得到邪惡焗飯嘅品質!佢嘅焗飯都有好多款式，有啲都幾無厘頭但我諗最緊要係多選擇👏🏼👏🏼最後一題就係太心急冇影到相🤣🤣

今天放假和朋友搭車前往灣仔買點東西，怎知巴士過到香港行到利景酒店就壞車，全部乘客都要落車等下一班車，在等車期間，同事發現附近有一間食店，名叫新森林焗之專門店，門口廣告和食物圖片好吸引，望入去全店滿座，朋友說不如今晚的晚餐就入去試試吧！鯛魚湯海鮮石鍋配手打烏冬：用又重又厚的石鍋盛載着鲷魚湯和海鮮，石鍋非常熱，石可以保持熱度，食完了石鍋還有餘温，鲷魚湯鮮甜濃郁，海鮮好新鮮，有蝦、魷魚、帶子、青口、魚肚、菇類和豆腐。本人最喜歡魚肚，厚厚的魚肚吸收了鯛魚湯的鮮甜味，特別美味，軟棉棉的但又有口感，其他海鮮也很美味，手打烏冬彈牙，加入石鍋與湯一起食很好味，值得推薦！蕃茄魚湯海鮮石鍋：這款材料和鯛魚湯的一樣，不過湯底有分别，是加多了蕃茄，湯底除了鮮甜外，還多了蕃茄的酸甜味，不錯的另一種口味，還提一提，如果不喜歡食烏冬，可以選擇泡飯的啊！各款套餐一律奉送飲品，或以優惠價轉其他特飲，我們選了雪糕紅豆冰！凡惠顧套餐，即可追加味道提升小食一款，我們選了焗龍蝦(半邊)伴日本紫芋餅一份，我選的味道是芝士焗，芝士混合了海鮮粒，塗滿了半邊龍蝦，焗至金黃色，龍蝦彈牙，芝士惹味，美味極了！日本紫芋餅外層炸得好酥脆，中間