新榮記粥店

营业中

休息中

是日收工後約好友陪我食宵夜，本身病未完全好的我口痕想食粥，所以好友介紹呢間俾我望到餐牌感覺價錢幾抵我叫咗炸兩和柴魚花生豬骨粥，炸兩d油炸鬼唔夠脆，粥幾好食，但唔覺有柴魚~~~不過講真我本身唔喜歡在夏季食粥，通常在冬天或者病才會多吃粥

今日推住個仔經過，唸住買個外賣粥返去食！咁佢門口都無人，見入面仲有位置，咪推架車仔入去叫囉！點知一入去叫，個阿姐見到架車就話外賣就唔好推架車仔入黎啦！咁你門口無人，唔推入黎點叫，唔通漏底架車係出面！係見入面有位先推入去，唸住叫完就出去等，又唔係要阻你地方！最後咩都唔要走人！真係忟！個阿姐仲要話唔要咪唔要囉！可人地生意好！唔志在啲客呱！我唔係話要咩服務！但你一見就鬧！真係好乞人憎！唔比推入去就貼返張紙！唔駛再去光顧！

是夜只是運動後同太座想食少少野就回家, 途中經過這間近年新裝修後嘅新榮記, 好耐之前幫襯過但經已係上世紀嘅事, 無咩印象! 現在新裝修後白磁磚牆面俾人感覺乾淨一點吧, 一入店見幾個阿姐條頸似梗咗咁向住大電視方向, 我地坐低落單佢有反應, 重複一次我們要了什麼, 及第粥/ 炸兩, 及第粥同佢講走腸, 佢同廚房講即係豬肚豬潤粥, 幾時及第粥連豬肉丸都省埋??? 好快及第粥來了, 先講個粥底係無任何味, 包括米香/ 塩的咸味, 豬肚係已經煲淋身咗嘅但都係無任何味, 更唔使講什麼豬肚嘅甜味, 豬潤係焯至剛剛熟不過因為無醃(無添加)過嘅關係又係無咩味, 唯有自己落幾粒塩啦! 第一次食及第粥要”落塩”!!當食咗幾啖之後,落單那個阿嬸隔空問我們是否”一豌粥?”我們以為佢想問我地係咪一碗粥就夠?要否叫多一碗?的意思! 我們答”係”,到碗粥食到一半我們都覺得好奇怪,一碟炸兩要斬咁耐嘅, 一味聽見半開放式廚房係咁斬係咁斬, 斬咗幾分鐘, 無理由斬唔到碟腸粉出來架, 於是開口問那大嬸, 是否漏咗柯打? 佢居然話頭先問過我地係咪一碗? 佢問我地”係咪一碗粥?”咁我地真的叫咗一碗粥呀嘛! 原來佢重有一句沒有其他

早上經開深水埗，想食粥，好多食店未開，見呢間近近地就入左去。叫左個白粥，牛肉腸。白粥不過不失，但係碟牛肉腸粉就......我目測都好厚皮，一夾起......捲得幾下，包唔晒啲牛肉，啲牛肉好薄，啲皮好厚。食落去，......啲腸粉皮唔柔軟烟韌，有厚到爽口嘅感覺，啲牛肉薄到食唔到牛肉味。13蚊係好平，但係我寧願加多幾蚊食好啲。

今日閒遊深水埗黃金腦場後，很隨意隨心四處走，由於下雨關係，唔想特登上網搵有咩好野去食喇很隨心的見到有間粥店有位就入左去。分別點左「鮮牛肉粥」，牛肉是滑牛肉，肉味一般，最令人失望粥底非常稀，食落去好似d稀粥水，唯一覺得好是粥底食完唔會有口渴感覺。「炸腸」上枱時，食物是凍的，除此之外油條亦非常之林身，整體黎講呢餐兩樣食物加埋非常失望。

在深水埗營盤街既<新榮記>, 一入去就係傳統既格局， 一張張圓台圓櫈陳列， 側邊已經係一個矮櫥窗擺哂腸粉 , 炸兩， 一大窩粥等等叫左個滑雞豬腰粥28 蚊， 一來勁多料， 粥好綿， 豬腰爽口， 雞肉彈牙有雞味， 咸肉粽12蚊形容吾到， 只能話係細個食開既味道！(皆因肉蛋王米樣樣料都落得比例好好！), 下次要試下蒸腸粉， 炒面等等， 又平又大又好味 大家可以試下！

這幾天傷風，先是喉嚨痛，再來是流鼻水。前天晚上還發燒，半夜頭痛欲裂，便想叫媽媽煲粥給我吃，幸好昨天沒那麼辛苦了，也就沒有請媽媽煲粥，但還是想吃粥，是以來了這裏吃粥。　　這是我第一次來這裏，地方雖小，還算乾淨，環境也算安靜。　　我要了皮蛋瘦肉粥，加一碟蘿蔔糕。　　粥看起來很清，表面看上去不是太濃稠，但皮蛋和瘦肉都沉了底，而鹹淡度剛剛好，沒有太鹹，沒有味精感，吃起來不錯。也算是大碗吧。最重要的是它是熱騰騰的。　　而蘿蔔糕蠻特別的，它是蒸的，而不是煎的。很大件，入口即溶，雖然沒有甚麼配料，但感覺很清，因為是蒸的，不怕熱氣，而醬油是鹹中帶甜，甜中又帶點微辣，十分惹味。　　因為坐的是圓桌，椅子又沒有靠背，坐得不是太舒服，吃罷就得走了，無法逗留太久，所以我吃後就離去了。傷風還是早點休息為妙。

今晚有點腸胃不好, 於是來這間。叫了一碗艇仔弼 ($14)。裏面有魷魚, 豬皮, 花生, 蔥花。不過足料的艇仔弼主要配料為魚肉、蝦仁、瘦肉、油條、花生、蔥花，亦有加入浮皮、海蜇、牛肉、魷魚等。我想很難食到這樣的弼。之後叫了一碟蒸蘿蔔糕 ($7), 都ok的, 可惜個人嫌細。晚上時分非常多人幫襯, 可能剛放工, 當食少少。 

環境：晚上八點，無乜要求，正好在黃金附近有這間粥店，見乾淨企理，就它吧。地方小小，人也不多，剛好有位不用等。旁邊有一個可愛的小孩在做功課，應是待頭的孩子吧。食味：看一看餐牌，大路的粥都有（如碎牛，皮蛋瘦肉等），雖然沒什麽太特別的，炸梁腸粉等油器也是不缺。選了皮蛋瘦肉粥+炸梁。基本上，用料夠，味道一般，分量中庭。由於價錢不貴，只要粥的口感合格，也就沒有挑剔了。看看照片就更清楚。總結：環境乾淨，不會很嘈，兩三朋友去是很好坐的。食味基本可以，價錢相宜。旁邊有一些士多，食完買個喝的，也是很方便。看到很多人都吃碎牛，也許下一次可以試試。

想吃清淡得很的1餐~order $5 明火白粥可惜無芝麻提供呢~加d胡椒粉食~~我本身想要雞絲腸..但係未有.,所以要1碟叉燒腸 真係幾多叉燒~好味!!可惜腸粉整定左好耐..只有25%暖的.. .......幸好中間d叉燒都算係熱的.....剪開左9件,滋味的~桌上有甜醬,花生醬~店鋪不大,做小規模的生意~十居其九入去吃的也是單1個的上班族

前排天氣就係最反覆,流感高峰期!!!身邊個個都病晒無計啦~無咩胃口底下,唯有去食粥!!!都好既!!正所謂:耐唔耐食下粥,呵屎都會好暢通!!哈哈入到鋪頭,只有幾張圓枱,細細地無咩特別~但勝在乾淨企理!一坐低,兩個人就好快叫左:明火白粥一碗(好夠火喉,好綿)艇仔粥一碗(料都係一般,粥底好自然就會好味!!)油炸鬼一條(嘩...熱辣辣,正!!)咸肉糉一隻(都係綠豆,肥豬肉,蛋黃之類..幾好食)炒麵一碟(又係熱辣辣,簡簡單單用椰菜,蘿蔔絲炒就已經好好味!)p.s當你order完食物後,阿姐好快就會送到你枱上,我會認為下次逐個step order會好一點,因為你係食唔切同埋會好快凍晒,但唔知逐碟嗌會唔會比人罵呢??

今日上午食左太多熱氣野最後一餐就決定食得清小小食粥la男朋友叫左花生豬骨粥($16)同叉燒腸 ($8)自己就叫左皮蛋瘦肉粥 ($16)唔太清楚男朋友碗粥好唔好食但見佢食得既開心應該唔錯但男朋友話叉燒腸完全唔得好似食緊粉，好硬 皮蛋瘦肉粥 - 就好好食la, 粥好綿，好滑， 容易入口。皮蛋同瘦肉就一般材料,不過不失

深水埗食食食之旅都差不多近尾聲，食唔到明將壽司，怕屋企人唔夠飽，但又好似食唔落正餐，就走左去食粥。行左入呢間新榮記，得1枱客，冷氣幾大，地方又幾乾淨喎，第一次去粥店食野會覺得環境唔錯架喎，感覺幾舒適。點左:艇仔粥--$11—都係一般材料，有生牛肉，魷魚咁lo。炸腸--$7，因為飽到上心口關係，加上係油炸鬼唔脆的，食左一舊，留返比屋企人掃清光。白粥--$5，幾香米味，唔錯。食左幾啖，又係自動轉賬。粥類唔錯，但炸腸未夠新鮮有D扣分。是夜深水埗食食食之旅，飽到上頭頂回家。回到家，回想起今天狂食，記起本來自己身在台灣食食食，因H1N1，將行程延期了，算是補返數罷。

柴魚花生豬骨粥$11蝦米腸$7見到係足料煲，碗有件大豬骨，柴魚花生味濃，粥都箅杰，不過食完碗粥，口渴咗成日，味精作怪蝦米腸冇蝦米味，腸粉皮又厚，冇米香味

坊間大多粥品店的蘿蔔糕,十居其九也是"沽名釣譽".沒有蘿蔔味,一味溝大量生粉便算.見到Dragon Fire兄推介這間在桂林街的"新榮記"蘿蔔糕,就找個早上來吃個早餐.艇仔粥差不多是去吃有味粥的必然之選,新榮記的粥底略為稀薄,米未煲到完全爆花.材料都尚可,大路如魷魚,肉碎,魚肚不缺,但花生粒太重油溢味了.這個早上的蘿蔔糕,不如友人所說的有粗壯的蘿蔔絲,平滑無味,又是九份生粉一份蘿蔔的貨色.希望是偶一為之.