影片
营业时间
今日营业
11:30 - 23:00
星期一至四
11:30 - 22:30
星期五至日
11:30 - 23:00
以上资料只供参考，请与餐厅确认详情
知道启德近几年开咗好多新嘅商场，今日决定过嚟觅食😝坐地铁去到启德站，一出行冇耐，就见到启德双子汇，地点好方便👍🏻今日想食泰国菜，所以最后拣咗「新泰东南亚餐厅」，佢环境境都好舒服宽敞😌充满泰式风味，令人好放松！打开menu，都见到有好多选择，三心两意咗好多耐，终于决定到点咩菜😝🔸泰式明鲈鱼$228呢道𩠌真系好正，见到热辣辣原条鲈鱼上枱，又闻到好香好清新嘅香茅、柠檬叶同芹菜香味，食落味道酸酸辣辣，有啲梅子肉，鱼肉吸满汤汁的味道，越食越开胃，仲有啲肉碎同菇菇🤤最后极速清晒！重点完全唔会有腥味！🔸香芒软壳蟹米纸卷$98一碟有八件大大件米纸卷，份量都好足！入面有满满炸到好香嘅软壳蟹，仲食到蟹膏嘅香味，搭配埋生菜、红萝卜丝、青瓜丝、牛油果、檬粉同甜甜嘅芒果，面头仲有炸干葱，一啖咬落去真系好满足！旁边仲有鱼露甜酸汁「碌冧」👍🏻🔸烧西冷牛扒$138牛肉烧得好香，好够牛味，我哋叫咗五成熟，完全唔会干柴，系出色的，个底仲有啲杂菜，旁边又有啲腌咗嘅蔬菜，可以食下fresh下，佢仲有两个酱汁，钟意可以再加埋泰式酱汁同辣汁，转换下口味！🔸泰式冻奶茶$48超钟意泰奶𠮶种好香嘅泰式茶味，如果你都同我一样，嗌佢唔会令你失望，嘻嘻😜不过我有叫小甜，觉得个甜度啱啱好！🔸咸柠七$42泰国菜通常比较重口味！所以食食下，饮啖咸柠七，真系好爽！员工服务态度热情，食物价钱合理，下次会再嚟🥰🥰🥰
继续阅读
同班friend约饭最烦拣餐厅，今次杀入启德双子汇新开嘅「新泰泰国餐厅」，门口大大个打卡位IG-able，入去发现装修走轻奢风，服务员姐姐超nice，加分！**🍤香芒软壳蟹米子卷** 透明米纸卷睇到爆馅嘅橙黄色芒果同炸到金黄嘅软壳蟹，面头撒咗啲炸红葱头。芒果酸甜balance返油腻，最惊喜系里面夹咗薄荷叶，成个口腔即刻fresh晒。**🍢串烧拼盘（鸡牛猪各2串）鸡肉串啖啖肉又juicy，猪颈肉带焦边最正，牛肉就稍为韧咗少少。精髓系个**自家制沙嗲酱**——花生碎多到泻，仲有淡淡椰香，个酱浓到可以捞饭。**🥬鸭肉生菜包（小辣）** 鸭肉碎炒到干身又镬气十足，生菜叶新鲜，包住鸭肉+薄荷+青柠汁一啖塞入口，辣劲慢慢涌上嚟（小辣都好够kick！）**🦪铁板蚝仔炒蛋（$148）** 铁板「滋滋声」送上枱，蛋边脆到似煎堆。蚝仔肥嘟嘟无沙，仲落咗大量九层塔同鱼露，咸香带微甜，朋友最like,邪恶度满分。 **🍝泰式炒金边粉** 摆盘靓到不舍得搞乱——金边粉堆成小山被脆网蛋包住，十分抢眼。炒功一流，酸甜酱挂晒上粉条，仲有淡淡罗望子香。特别赞佢用粗身金边粉，索汁得嚟唔会烂腍腍。**💬后记** 埋单每人$250左右，饱到捧住个肚走同打包。朋友话下次想试埋佢个火山排骨😝 **📍 新泰东南亚餐厅** 启德双子汇14楼（启德站行3分钟） P.S. 记得订位！平日晚上都爆满㗎～ #启德美食 #泰国菜 #软壳蟹卷
继续阅读
「新泰东南亚餐厅」在尖沙咀的分店已经食过，仍然记住佢哋嘅食材和味道有多出色，依旧人气晚晚排长龙，今日再嚟到启德Airside 分店食晚餐，一样系超爆场，装潢充满泰式风味，地方好大座位够晒宽敞👍▪️串烧沙嗲（鸡、牛、猪）每枱必点即叫即烧，上枱热辣辣充满肉香，而且每串都非常大串啖啖肉，鸡、牛、猪烧得一样出色，外焦肉Juicy ，沾上惹味嘅沙嗲花生酱，超正宗泰式风味▪️泰式去骨海南鸡 （半只）/ 鸡油饭泰式海南鸡饭，海南鸡份量好多，鸡件已经去骨，鸡皮爽脆，鸡肉滑溜又够入味，唔需要点任何酱汁都好够味，当然沾上泰式风味辣汁和姜蓉更有风味，配上泰式鸡油香饭超美味▪️明炉乌头鱼泰式明炉烧鱼，热腾腾原条鱼上枱，有肉又有汤，味道酸酸辣辣，鱼肉吸满汤汁的味道，越食越想食令人特别开胃，香茅、南姜、辣椒、柠檬叶及芹菜香味特别突出▪️芒果雪糕配糯米饭不能错过这里的甜品，这个用原个椰青起肉，再放上热辣辣嘅糯米饭、芒果雪糕、新鲜清甜芒果、甜椰浆和白芝麻，所有食材配搭一齐食，味道超级惊喜▪️椰青椰青超大个，够晒冰冻椰水清甜好饮，消暑解渴一流▪️芒果沙冰即点即打既芒果沙冰，口感浓厚，芒果味香甜浓郁，完全好似食紧芒果一样
继续阅读
香草肉碎炒饭($98):本身以为会系平时白饭配上一兜嘅香草肉碎，但系呢个系炒埋一碟嘅。本身都会惊会唔会过辣或者过咸，但系完全将个味道教得好好，越食越上瘾。而且火候十足，正！马拉盏炒蒜心($88):本身泰菜舖头通常都系马拉盏通菜，见到有蒜心拣，所以就试吓啦。每一条都系精心拣过，完全食唔到有筋，食落系嫩滑鲜甜，而且好多汁，呢个价钱绝对抵食。巴东牛𦟌($118): 牛𦟌好淰而且好入味，而且酱汁虽然较浓味，但系食完唔会觉得口渴，亦都唔算好辣。如果配上面包应该更加好食！香兰叶包鸡($98): 朋友对虾敏感，所以净系拣咗呢个银包鸡，上菜嘅时候真系热辣辣即叫即煮，份量有四粒，食落去美味多汁，有水准之作。芒果雪糕配糯米饭($68): 上菜嘅时候吓咗一跳，卖相劲靓，冇谂过系呢个价钱食到咁样嘅质素同份量。糯米粉摆咗喺最底，配上芒果雪糕同埋新鲜嘅芒果，完全系一个美满嘅晚餐。咸柠七雪碧($42): 正正常常每一次食泰菜都觉得杯咸柠七或者椰青。总结：自己对新泰嘅认识系尖沙咀𠮶间，之前食过好食，所以今日睇演唱会之前见到有都即刻encore。真系不负众望，完全还原到泰国嘅原味度。
继续阅读
新泰东南亚餐厅位于启德双子汇一期的14楼，环境优雅，设计灵感源自东南亚风情，让人感受到一丝异国情调。菜单上琳瑯满目，特别推荐他们的泰式生虾，鲜虾新鲜，搭配清爽的酸辣酱，口感极佳。另有香芒软壳蟹米子卷，外皮酥脆，内馅丰富，搭配酱汁更是绝配。主菜方面，泰式炒金边粉的面条香浓，搭配丰富的配料，让人一吃成主顾。最后，不妨点一瓶青柠Singha汽水，清凉解渴，完美结束这顿美味的用餐体验。服务方面，员工亲切，反应迅速，整体用餐感受非常愉快。整体而言，新泰东南亚餐厅是个值得再访的地方，无论是与家人聚餐或是朋友小聚，这里都能带来难忘的美食享受。
继续阅读