新泰東南亞餐廳 (興旺閣)

营业中

休息中

星期日下午茶時經過呢間泰國餐廳，未食lunch又見到下午茶時段餐牌全單8折，幾吸引，所以入去試吓。餐廳裝修都幾靚，店員安排我哋坐卡位，好寛闊舒適。後來發現原來上面仲有一層，一大班朋友嚟都唔錯。我們2人點了2份午市套餐+小食，再加一份我最愛的大蜆。海南雞飯，要讚一讚雞肉好嫩滑，味道適中。油飯啖啖油香，連雞湯都好好飲。星洲喇沙蝦米線走芽菜，大大碗，呢度嘅喇沙比較重椰香味，配菜豐富，米線軟硬適中。小食蝦餅，跟餐加$28的蝦餅竟然有4件咁多，完全無諗過。蝦餅食落夠熱夠彈牙，好香口，推介。馬拉盞炒通菜，亦都係水準之作，通菜軟硬剛剛好，好夠咸香味。最後就係辣椒膏炒大蜆，大大碟，食得出有多款香料的辣汁，又唔會太辣，好開胃。而且蜆肉大大隻，無沙，每粒都吸到辣椒汁的味，好夠鑊氣，配凍飲啤酒飲一流！個人十分推介！飲品點了2杯青檸梳打，好清新～另外加杯熱香茅茶。另外想讚一讚呢度店員服務態度十分好，有笑容，亦主動介紹不同類型餐點。睇餐牌仲有其他炒海鮮都好吸引，下次再嚟試。

本身諗住試第二間泰國嘢點知冇開，過嚟買蛋撻見到對面有間泰國嘢就打算試吓#肉碎生菜包 $88呢個生菜包辣辣地所以相對嚟講都比較惹味，而佢嘅辣係食第一啖唔覺，食食吓就開始滲出嚟，到後尾直頭嚟料🤣🤣🤣搞到要係咁飲水#燒豬頸肉 $98豬頸肉係呢三樣嘢入面最好食嗰樣，本身豬頸肉都有少少調味，加埋個醬汁真係冇得頂，又帶有少少甜甜地，令人忍唔住一舊接一舊#泰式蝦炒金邊粉 $118呢一個粉真係最唔推薦，首先食落個味道剩係得個甜味，其餘咩味都冇，就算吱咗青檸汁都補救唔到，啲粉好似煮得太耐，有啲過腍甚至爛爛地咁搞唔掂，真係唔會再嗌呢樣

今晚，我特意帶老婆來慶祝她的升職，選擇了灣仔的人氣泰國菜餐廳——新泰東南亞餐廳。這裡的裝潢充滿濃厚的泰國風情，牆上掛滿了精緻的泰國畫作和各式飾品，讓人彷彿置身於泰國的熱帶氛圍中。店員們親切有善，服務態度極佳，讓我們感受到賓至如歸的氛圍。我們的晚餐選擇了幾道特色菜品。首先是香芒軟殼蟹米紙卷，酥脆的軟殼蟹搭配清新的香芒，口感絕佳。接著，泰式蝦炒金邊粉色香味四溢，蝦肉鮮嫩，金邊粉吸收了濃郁的調味，令人陶醉。蕉葉烤盲曹則是另一道亮點，香氣撲鼻，盲曹的肉質鮮美，搭配蕉葉的清香，讓人食指大動。奄列海鮮炒飯則是我們的主食，海鮮新鮮，米飯粒粒分明，口感豐富。最後，我們品嚐了芒果糯米飯，甜美的芒果搭配香糯的米飯，完美的結束了這頓美味的晚餐。整體而言，今晚的慶祝活動不僅讓老婆感受到我的心意，也讓我們一同享受了美好的泰國風味。

今日同班friend去咗灣仔老字號新泰食飯，佢哋喺灣仔經營多年，而且係雙層設計，裝修好有泰國風味，一入到去就好似去咗泰國咁。我哋一行四人，坐得都幾舒服。首先要讚嘅係佢哋嘅串燒，唔算醃好耐，但食到肉本身嘅鮮味，再點埋佢哋嘅沙嗲醬，都幾惹味 。肉碎生菜包酸酸辣辣，非常開胃，而且肉碎炒得夠香，撈埋生菜一齊食，口感豐富，水準之上。 香辣海鮮炒河粉都好出色，河粉炒得夠鑊氣，彈牙得嚟又唔會太油膩，配料都好足料，有新鮮嘅青口，食得出係用心製作。 另外，馬拉盞炒通菜都好好味，味道幾好，馬拉盞的香氣濃郁，通菜又保持了爽脆的口感CP值都算幾高，食物質素唔錯，價錢都合理，值得一試。店員最後仲有問下大家有咩改善好唔好食。同埋食生菜包前好貼心準備好濕紙巾比我地

好食，服務好好，環境優雅闊落。我哋嗌咗馬沙文咖喱，豬肉串燒，印度薄餅，都好好食，海南雞飯啲飯都好食，啲雞就稍嫌冇咁嫩滑。至於椰香木薯就唔好嗌啦，其實就係番薯。總嘅嚟講非常滿意，性價比高。

呢間泰國鋪lunch平時超多人排隊之前同事介紹已經食過幾次，真係幾好味今日男朋友過嚟就帶左佢嚟呢到lunch返工日子lunch一個人嚟食，或者8個人嚟食預左肯定至少排15mins o家啦同埋一定要人齊阿姐先肯放人入去🍛我叫左海南雞飯次次嚟我都係點呢個，個雞好滑但有dd 肥，因為我唔食雞皮跟個湯又好飲，味精唔重正常會比油雞飯，但可以自己要求轉白飯跟埋份細既炒椰菜都正常的🍜男朋友叫冬陰功海鮮金邊粉個湯有少少椰香味，dd 辣，海鮮份量都足料🥬另外我地叫左碟泰式炒椰菜仔因為男朋友勁鍾意食椰菜仔，仲話去泰國必食呢份係正餐價錢，好似$108，但份量勁大碟呢碟菜仲貴過我地份午餐($80左右)😂呢間灣仔分店有2層咁多待應都好勤力收抬同主動加清水所以加一收費我覺得比得好值

灣仔搵食艱難😩，原本想食尚青，但排第9張枱轉場新泰，但都要排3張枱，等咗5分鐘有枱，上一樓，6人枱同另外3人搭枱。叫咗海南雞飯$75轉脾加$15轉白飯餐飲熱啡，同事冬蔭公海鮮金邊粉$75，同越式豬扒湯河$75。我個咖啡☕️上先，冇乜苦味同咖啡☕️味。之後上海南雞脾🍗白飯，雞🐓脾唔夠滑，份量唔多，皮正。三醬少咗甜豉油，而我又唔點泰式辣醬同薑蓉，變得雞冇味。湯又太多薑。有伴菜。兩個粉面等咗20分鐘太耐，趕食晏既人唔皓叫

Tea time經過見呢間泰菜有全單85折4人行order 3個套餐再加錢升級叫小食和特飲🌟巴東牛肉少少辣加椰奶，味道唔算最正宗但香口🌟海南雞飯嘅雞嫩滑唔錯，油飯如圖幾巨型🌟海鮮炒飯有魷魚、青口、蝦仁，份量非常大方⤴️小食、飲品全部中規中矩不過份量十足我哋4個人都係食唔晒呀😂假日嘆慢板呢度坐得舒服，店員服務快手冇八卦到上面兩層嘅裝修經營三層大舖唔容易希望優惠繼續，味道更好

《新泰東南亞餐廳》位於📍灣仔大王東街21-23號興旺閣地下，由灣仔港鐵站行過去，約3-5分鍾左右。餐廳分上下兩層，環境闊落，坐位寬敞，食物以泰菜為主。🥢香芒軟殼蟹米紙卷 煙煙靭靭的米紙卷，包裹炸至金黃的軟殼蟹炸， 加上適量的芒果、牛油果、青瓜絲等，層次豐富，以泰式醬汁調味，美味的泰式小食。🥢日本南瓜焗海鮮飯整個南瓜焗至香綿軟化，面層加上芝士，賣相吸引，中間海鮮以香濃的咖喱汁烹煮，味道香濃微辣，美味泰式的焗飯🥢泰珍珠椰菜苗炒香菇食落爽口的椰菜苗，加入香菇炒，簡簡單單的調搭，非常惹味泰式小炒。🥢椰汁木薯木薯樣子有點像蕃薯，入口粉綿細嫩，又帶一絲絲纖維，味道香香甜甜，配上濃香椰汁調和，美味可口的一道泰式甜品。

呢日同外地來嘅朋友嚟到囍帖街行行下，好快就到咗個lunch time時間，突然間醒起好多年前喺附近的一間泰式餐廳食過嘢，都幾好㗎，睇下，仲喺度屹立不倒，就係呢間位於灣仔大王東街嘅“新泰東南亞餐廳”。有好多嘢食，睇到頭都暈埋，朋友話不如來個228蚊新泰2人餐，喺2揀1中揀咗越式蝦米紙卷、馬沙文牛腩、馬拉盞炒通菜、和印度烤餅，8樣揀4樣，簡單快捷👍第二度試過D越式蝦米卷個表皮淋晒，饀料唔够新鮮，今次好不同，紙卷通透好透明，可以見到裡邊新鮮的餡，有蝦，青瓜條，蘿蔔條和生菜，好靚加上調較適中的味道，100分來計都有99分。牛腩有牛味，個汁送印度燒餅冇得輸，炒通菜翠綠小辣，馬拉盏味够泰式；另外嗌咗甜品拼盤多樣化，食得滿足。又叫咗個新鮮椰青，汁多椰肉多，我好喜歡💗如果想慳啲，下午2：30至4：30呢段時間來可享所有食物8折優惠，咁就更加抵食👍

今日過嚟灣仔呢邊做嘢，收工約埋friend諗住行吓利東街睇吓燈飾，睇完燈飾之後諗起呢度附近有間泰國嘢幾好食嘅，同埋都幾多位下就過咗黎食。過到嚟都幾多人，一樓已經爆曬棚，所以安排咗2樓嘅座位，2樓只有一台人，所以感覺比較靜同埋寬敞。我哋叫咗個菠蘿炒飯，鮮蝦炒金邊粉，再加個炸春卷。先講吓個菠蘿炒飯，個菠蘿炒飯係原隻菠蘿咁上嘅，肉鬆同埋腰果係另外上嘅，所以感覺非常user friendly，有啲人唔鍾意食肉鬆或者腰果，而我就鍾意食菠蘿炒飯加肉鬆，我覺得呢個感覺非常之奇妙，肉鬆鬆鬆脆脆咁加埋啲炒飯咁樣食係非常之好味。另外嘅鮮蝦炒金邊粉，一睇個圖就知呢個餸菜非常之吸引，炒金邊粉個面有個雞蛋網望住佢，啲蛋片撈埋金邊粉一齊食真係一大享受，仲可以溝埋啲花生碎一齊食添，真係令人垂涎三尺。跟住我哋叫咗個小菜炸春卷，個炸春卷用料十足，非常滿足，炸得好乾爽感覺係完全冇油，同埋煮埋佢個秘製醬料，食落口係同平時普通嘅春卷好大分別。食完之後買單非常實惠，性價比非常之高大件夾抵食，極力推薦大家可以嚟食吓，仲非常之近利東街一出地鐵站就到。#新泰東南亞餐廳

這間餐廳我們經常來吃，因為覺得食物味道不錯，但前天我們再來，發生一件不愉快事件。我們於1:30pm 入座3樓，至2:10pm 左右食完主餐後，因為3樓其他食客已經離去，只剩下我們一枱，服務員開始清理其他桌上的碗碟，但令我們驚訝的是，其中一位男服務員並沒有理會我們這一枱的人還在享用餐飲，已將自己手機用speaker播放着一些強勁的音樂，意圖趕客，當時我們由坐低開始只係40分鐘，難道用餐時間只係40分鐘嗎？那些強勁的音樂令我們感到很嘈吵，最後我們都「屈服」立即結帳離座。難怪現今香港人都喜歡北上飲食，就是因為香港的服務員質素實在太差勁，連一些基本的禮貌也沒有！

擁有3層既呢間泰國餐廳記得岩岩黎食個時好鬼多位總要我地成日都5-6人去食都有位所以以前都成日幫襯呢間野但呢半年開始 多左好多人幫襯即使有3層都成日full哂😮‍💨次次都要排隊✨香辣豬頸肉炒河$75✨老實講 佢既炒河唔算特別高質素唔特別香 又唔特別好食而且質素都幾唔穩定一時ok一時炒到好濕呢個價錢灣仔都好多選擇可以揀✨泰式海南雞飯$75✨呢個海南雞飯算係呢個餐廳最穩陣既選擇我差唔多10次有8次都係揀呢個雞幾滑 總有個雞湯飲下但油飯其實都唔係特別香🤣整體黎講我覺得呢間質素一般而且Ground Floor冷氣極凍如果唔係唔洗等位或者坐得多人都未必會揀去呢到…但都有樣野幾好既就係坐得舒服

除夕夜同朋友喺灣仔附近揀咗間泰菜，食完就去倒數！估唔到有三層咁高，入座率幾乎爆滿😮 睇嚟個個食完飯都諗住同我哋去同一個地方～🤭蝦醬炒飯好有鑊氣，蝦醬味超濃郁。炒飯粒粒分明，仲有唔少臘腸, 腰果同肉鬆, 滋味倍增😋泰式青咖喱雞配蒜蓉包唔會太辣, 青咖喱味道濃郁, 配合蒜蓉包簡直天作之合. 有剩嘅咖喱用嚟撈飯都好好食👍細份甜品拼盤分別有斑斕椰汁糕, 椰青糕, 椰汁西米糕同椰絲蛋黃糕。每樣兩件，用嚟share啱啱好。

經常路過這家店，今次來灣仔特地試了試味道。吃得很滿意👍蒜蓉越南牛油雞翼 外皮酥脆，內里嫩滑，牛油味很誘人，每一口都是滿滿的幸福感！搭配上特製的炸蒜蓉，吃著好香～燒豬頸肉 肥而不膩，肉質鮮嫩多汁。經過精心烹制後，呈現出誘人的金黃色澤，令人垂涎欲滴，蘸上醬料一起吃，口感更豐富啦🥰泰式乾炒河 口感細膩滑爽，加入了芥蘭 胡蘿蔔等多種蔬菜，營養均衡且口味獨特，河粉不是長條的那種，是一塊一塊的，吃起來好軟糯，炒得很有鍋氣。