新泰東南亞餐廳 (興旺閣)

营业中

休息中

好耐冇食過泰菜，今日經開灣仔就試下呢間 , 其實好耐前食過呢間喺灣仔既泰菜記得開左好多年 初開時得一間灣仔 而家好似有好多間分店 , 呢間都算好大 環境幾舒服 好多泰國裝飾。感覺好泰國 ,d staff整體都有禮， 有泰國人 , 食物上菜速度都算快 同埋有好多菜式揀 佢有個香矛黃飯好鬼正 成隻燒春雞 入面 d飯吸哂 d雞油 飯夠香 雞又燒得香脆 炒花甲 ,夠新鮮 辣辣地 夠惹味又入味 另外佢有個椰菜仔 好耐冇食過 泰國特有椰菜仔 細細粒但有好多層 好爽口有層次感！！

I recently dined at Sun Thai Restaurant, a Thai eatery located in Wan Chai. During my visit, I decided to try their lunch set, which offered a 20% discount if ordered after 14:30. We opted for the boneless Hainan chicken set and the fried glass noodle with crab meat.The food at Sun Thai Restaurant was delicious. The boneless Hainan chicken set was tender and flavorful, accompanied by a satisfying soup. The fried glass noodle with crab meat was a delightful combination of textures and flavors, wi

灣仔新泰餐廳係一間泰菜餐廳，試咗幾道菜都煮得非常地道，經理都好好客好健談，體驗一流～首先試咗大蝦冬陰功湯，湯底酸辣開胃，加埋兩大隻新鮮嘅大蝦，真係好味到停唔到口😋湯嘅香辣味道剛剛好，唔會太辣，又有啲酸味，作為一個頭盤暖暖胃吊起食慾非常合適。之後到奶油大蝦，大蝦炸得香脆，裹埋一層奶油醬汁，味道濃郁香滑。大蝦肉質鮮嫩多汁，同埋奶油醬汁真係好夾，而且呢個配搭好特別，同普通嘅香煎大蝦唔同，有驚喜～泰式炒花蛤新鮮彈牙，配上泰式醬汁，味道鮮香。醬汁辣辣地炒得好夠鑊氣，同花蛤嘅鮮味融合得好好，送飯無得彈。最後個飛天炒通菜炒得爽口無渣，帶有微微的辣味。通菜保持咗蔬菜嘅鮮甜，同埋炒得恰到好處，唔會太軟太爛。總括而言，灣仔新泰餐廳係一間值得推薦嘅泰國菜餐廳。佢地嘅大蝦冬陰功湯、奶油大蝦、泰式炒花蛤同飛天炒通菜都非常美味。服務態度亦都好好，環境舒適。下次再黎一定會試下其他嘅菜式！

#fafafoodblog泰國菜 #fafafoodblog灣仔🍴燒原條魷魚98 蚊🦑魷魚大條新鮮 切得厚度適中 醬汁帶 d香咸 再點埋惹味辣汁 正🍴泰式燒春雞釀香茅黃飯188蚊🐥🍚燒春雞燒得好香脆 一切開熱辣辣 入面既飯好足料 辣椒香料 香茅味夠 點 d甜酸汁 或者食下甜沙律菜都好正🍴泰式炒椰菜仔 95 蚊🌿泰式特別既椰菜仔 細細粒一層層 好爽口 配埋蘿蔔 同蒜一齊炒 正🍴泰式炒花甲108 蚊三色椒 洋葱一齊整 蜆夠新鮮彈牙 盡吸辣汁 好正🍴椰青沙冰58 蚊🥥椰青新鮮 整成沙冰 夠哂冰涼 🍴椰青班戟55 蚊班戟有 d暖暖地 咬落好軟熟 椰味香 咬落帶 d彈牙 有 d椰子香味 好正#泰國菜 #椰青 #沙冰 #花甲 #椰菜仔 #魷魚 #黃飯 #春雞Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#新泰東南亞餐廳灣仔大王東街21 至23 號興旺閣地下至2

今日午餐時候約左朋友食飯，12：30見無人等位就隨意選這間餐廳食飯。一進去，環境好闊落，裝修好有泰國風味，2層高。好適合跟朋友聚餐同聊天。食物方面，中午有午餐選擇大約$75,加28有小食。今次選了串燒糯米飯及喇沙米線。食物味道正常，一般泰國菜味。評分（5分最高）：環境：食物：價錢：

以前喺灣仔返工都有去過食lunch，印象中係平靚正之選，今次經過見到好似唔係以前個位置，搵返OpenRice先知佢喺灣仔間舖搬過幾次，今次入到去見到餐廳有三層，連樓梯轉角位都有泰國style嘅裝飾，當然唔少得店員嘅熱帶印花圖案恤衫🤣 都令我哋好似去咗泰國咁樣今次叫咗個二人餐，小食、主菜、蔬菜、主食都係二揀一，仲送兩杯茶，都只係$228，咁多樣嘢單叫起碼都$3-400，所以係幾抵另外叫咗一份炸春卷、燒菠蘿同埋糯米飯，炸春卷不得了，好足料又炸得啱啱好，仲配個超特別嘅菠蘿醬，酸酸甜甜好解膩芒果糯米飯又係驚喜，喺港島只係賣$68 ，勁抵食，紫糯米更香，白糯米更甜，鋪滿椰汁，白糯米、椰汁、芒果嘅甜全部都唔一樣，成個甜品好有層次，絕對值得encore！

👧🏻😋👅🍽✨泰國二人套餐超抵食 單點甜品更驚喜🤤-新泰東南亞餐廳🇭🇰 灣仔大王東街21-23號興旺閣地下至2樓 🇭🇰-🇹🇭 其實佢weekend都有七十幾蚊既午市套餐, 不過唔太岩當日口味, 加上佢二人餐再豐富D, 同埋都好經濟就揀左🇹🇭 餐廳有3層超多位, 我地坐2樓入面有超靚泰式裝修既大圓枱, 好岩一家人去食-🍱 二人套餐 $228✔️越式蝦米紙卷: 蝦肉好soft, 滑身米紙包住生菜同蝦肉再點辣汁好開胃✔️馬沙文牛腩: 咖喱汁好香, 洋蔥同薯仔煮得超腍, 牛腩好入味✔️馬拉盞炒通菜: 有鑊氣, 馬拉盞汁夠濃味但唔會過鹹, 醬汁收水岩岩好✔️印度烤餅: 同平時食既好唔同, 佢較乾身冇咁油, 但超酥脆好好味!!!✔️咖啡或茶兩杯: 餐飲可加$8轉椰汁冰, 椰子味重唔會過甜-🍢泰國街邊豬肉串 $68💯單叫豬肉串甜甜地好juicy, 四大串好大塊肉, $68好抵食!-🥧椰青斑戟 $55✨泰式甜品一向都唔會令人失望, 賣相似蛋糕仔, 咬落有濃濃椰香, 入面仲有椰肉碎同椰肉條, 又冇落好多糖, 熱辣辣超好味-🍵香茅茶 $33💯感冒未清就想飲熱野, 香茅茶唔係度度有, 餐飲冇得轉配都單叫杯, 另一杯餐飲

今天想和家人吃泰國菜，一般比較熱門而性價比高的餐廳都需要限時交枱，除非價錢較貴的才可以讓你遲到遲退，由於budget所限最後還是選擇了只能夠坐一個半小時的Sun Thai 🥲book 6:45，結果家人慢吞吞要改為7:30，店員都好有耐性幫我處理，最後順利入座。 五個人Order了柚子蝦沙律、炸蝦餅、炒椰菜仔、鴨肉生菜包、咖喱蝦跟薄餅、鹽燒鱸魚、南瓜海鮮焗飯。全部都十分出色，份量足夠而且價錢合理，回味無窮。由於有時限，吃得有點急，但後段上菜速度太慢，所以我們還是超過1.5小時才離座.

一去到 見咁多人 應該ok la ，又無乜負皮點知就中伏。食物味道偏鹹環境嘈吵，不停聽到放碗碟跟餐具的聲音食物上菜速度極慢，唔講以為食緊法國菜叫左三樣野食。烤西冷牛扒不建議點 好孩 好乾 無肉汁。香葉肉碎炒飯味道正常，但成個飯好濕同偏咸。唯一好食少少係魚餅最後泰式奶茶就完全唔係嗰回事 至於職員態度敷衍 因為等左半小時 什麼也沒有同佢催單 就話其他人等得仲耐 🤷🏽‍♂️入坐既時候又唔同人講上菜會係咁耐。。。。。。。。。

收工經過見到，見到好多人等位 好奇之下就排隊攞飛等位入座淨係用咗5分鐘當時我們7點25分入座唔夠3,4分鐘就已經下單第一個菜 我吹單2次 先上魚餅 😅 等了35分鐘第二個菜 我又吹多次先上個飯 每隔半小時就上一個菜😌耐過食fine dining 食物仲要好鹹 我知泰國菜重口味 但係over 咗好後悔入去餐廳前 無睇食評 啲職員極度敷衍 仲特登話俾我哋聽 其他枱等咗40幾分鐘都冇上菜 幫我哋特登催單lol 好似你哋上菜慢 係理所當然甘😅Anyway無下次

疫情期間都黎過幾次，覺得環境都適合聚會。價錢合理同食物都可以！無人等位都唔會要你走嘅！今日再幫襯大概6:00到（二人只接受walk-in，不設訂枱), 無問題，都預左有位嘅！等入座時有另外3位walk-in客人，侍應問佢地人黎齊未？因為限時1.5小時。咁佢地答大概6:30，侍應就叫果3位客人咁你地6:30再返黎！3位客人就走左喇！咁我都有問以前好似無限時，侍應答：今晚真係好full! Ok 我都唔想你拍烏蠅嘅！咁我同朋友就入座啦！待應叫我地：你地自己計住時🤣！我心諗我唔會自己計時喎，我點解要限住自己幾時食完？坐咗10分鐘都無，隔離枱安排左一位女士坐低，一聽就感覺到有唔同待遇，拍好晒啲櫈俾佢擺野！仲話專登安排好呢個窗口位！大熟客！我諗呢位女士都坐左30分鐘，朋友終於都黎！6:45就問侍應仲有兩樣食物未黎，噢，原來漏單，問我地仲要唔要，咁佢問都岩嘅，我地要！到7:15問要唔要甜品，要就宜家要叫。當然慢慢開始清枱啦！7:20 就俾張單我！咁佢最人道係無7:30趕我地走！咁最後我地7:45起身走！隔離枱仲上緊菜啦！落到樓下果層見到有吉枱啦！門口無人等位🙏🏻！真心，你唔限我1.5小時，我仲可能想

灣仔一帶餐廳都算多，但人更多，所以唔打算周圍行就打電話去book 左12:45，但去到人齊都未有位，要等佢搞左一輪先入座。入去到環境都算正常，夠冷氣，但會上層都有陣異味。我哋一同4人都係叫左當日嘅午餐menu lunch set。叫左嘅食物全部都有個通病，就係完全唔熱，甚至係凍，平時都冇乜幾何食個焗飯黎到會係完全唔熱，只係碗米線相對微暖。而另一個問題係送餐速度比例控制差，理論上都係點lunch menu嘅幾個餐，送餐時間都差不多，當焗飯都送到同埋同事食完時，我點果份炒河追問左兩次情況下都未到，結果時間關係，要趕返公司同避免要其他食完嘅同事等，就決定cut單，都淨收杯檸水成$3x蚊，飲到一肚氣。當然店員態度惡劣，我追單時已經不耐煩，仲寸返我話只係過左2x分鐘... 所以結論係當掉左幾十蚊，冇咩事唔洗食呢間😂 有興趣就試下伏

我不嬲都係會對面bakehouse買pretzel 今次睇到下午茶有20%off 就入去試下 有我鍾意嘅奶油芝士伊麵！總配特飲！？總要係綠豆冰沙！？真係震驚 因為出邊啲普通茶餐廳啲普通嘢都要收你哩個價錢總要唔好食😅等佐有段時間 因為冰沙要現整 入口真係覺得真材實料 質素好高！奶油大蝦芝士伊麵都係現焗超多奶油同埋芝士 好滿足！！！芝士星人超級滿意👍🏻 大蝦都係質素OK 好似係有4-5只 真係夠大夠肉多 真係抵到爛 想食一定會調返轉頭❤️

一年嚟咗呢度三次，每次都食得開心，水準穩定。今晚前菜係泰式柚子蝦沙律。非常開胃，酸酸辣辣嘅味道加上新鮮柚子肉，帶出一份清新。湯就揀咗大家都好鍾意嘅椰青冬陰功。呢道菜叫過幾次，椰味香濃，冬陰功嘅辣味都被平衡咗。上菜時，佢會用小蠟燭滾住湯，保持住熱度，令味道更加突出。小食沙嗲串燒（雞、豬、牛），比較普通嘅一道菜，肉有點乾。我最喜歡嘅一道菜係麵包焗咖喱軟殼蟹。咖喱香濃，加上蛋花，口感更加軟滑，軟殼蟹炸得香脆，麵包份量多，用來點咖喱真係滿足啊！主食蝦醬炒飯味道十分不錯，令人驚喜嘅係炒飯裏面加咗臘腸，炒飯同臘腸夾落一齊真係好好味。另外唔少得蔬菜。飛天通菜，味道非常惹味，但係有啲辣，要留意啊！如果你鍾意椰汁，甜品可以試下佢哋嘅椰汁木薯。椰汁木薯甜品喺泰國都唔容易搵到，難得呢度有。呢度嘅椰汁好香，而且木薯煮得淋，可以考慮外賣一份。不過，要注意整體嚟講，呢度侍應生好似都好忙，可能上菜要等耐啲。

我哋七位12:40開始攞飛等位，12:55就一直同你講下一枱就到你，1:10幫我哋落咗order 先，1:15話可以上樓，上到去又叫等陣，跟本未有枱😡😡，最後1:28入坐，焗飯即到，5分鐘後海南雞飯，5分鐘後串燒糯米飯，2分鐘後喇沙，5分鐘後炒飯，再多3分鐘先上最後的炒河……即係有人1:45先有得食，但仲未有野飲，結果2:15返到公司俾老闆鬧，奉勸大家要準時返工就唔好搏。午餐仲要收加一😡，濕炒河啲粉貼埋一大疊厚厚一舊，同埋6號餐串燒糯米飯真係好難食，全部用微波爐叮既！