新泰東南亞餐廳 (馬鞍山廣場)

营业中

休息中

屯馬線開咗都冇搭過去沙田，剛好有同事有事要去馬鞍山廣場走一轉，我一於跟佢入去行吓，真係好方便，一出地鐵站就係廣場，行咗一陣又係時候揾餐廳食嘢，剛好比同事見到間之前係尖沙咀食過嘅新泰東南亞餐廳，菜式味道唔錯，今晚就請我食返餐。餐廳地方都好大，座位濶落，坐得舒服。我哋都鍾意食魚，叫咗鹽焗爐魚，鹽焗鱸魚味道濃淡適中，烘焗時鹹味滲進魚肉，只要撕掉魚皮味道便剛剛好。至於因受熱而變硬的鹽層又有鎖緊魚肉水分的作用，令肉質保持濕潤嫩滑，令人再三回味。日本南瓜焗海鮮飯，南瓜配以海鮮、炒飯和香濃惹味的醬汁，焗至香氣滿溢，飯中有南瓜味，南瓜又有飯汁味，香甜可口，海鮮豐富，有爽口嘅蝦，彈牙嘅魷魚和青口等，絕對是色香味俱全，啖啖滿足！泰式凍奶茶濃而不澀，口感順滑。

屯馬線馬鞍山站，馬鞍山廣場內的食肆，交通算方便，鐵路、巴士、專線小巴都可方便到達，餐廳環境舒適，座位寬躺由兩人枱至大圓枱都有，適合不同人數食客聚餐，裝修具有泰國特色，食物達到平均水準，有特色飲品供選擇，味道唔錯值得一試，侍應整體招呼有禮，並且會提醒客人掃描安心出行，而價格屬於中上水平和需要加一服務費，特別提醒於午市12:50前結賬及離座，可享九折優惠，而且接受多種付款方式，包括八達通付款，方便使用電子消費券消費。

屯馬線開通左，去沙田交通方便好多，今日就同老公去馬鞍山廣場行吓，經過2樓見到新泰東南亞餐廳，原來呢度都有分店，之前係其他分店食過都唔錯，今晚就試吓呢間分店先！餐廳裝修雅致，座位寬敞舒適。串燒雞、豬沙嗲：串燒有豬、牛、雞 ，可以自由配搭。雞肉燒得腍身，肉質滑溜。豬肉亦嫩滑，兩樣都好入味，比唔少泰國菜嘅串燒出色。我最愛嘅係佢哋嘅沙嗲醬汁，調得夠惹味！鐵板蠔仔炒蛋：滑蛋包住粒粒飽滿既蠔仔煎，蛋煎得香口，蠔仔清洗得好乾淨，無雜質、無腥味，重有蠔嘅鮮味，用鐵板奉上特別有風味。泰式濕炒海鮮河：賣相吸引，河粉炒得夠鑊氣，海鮮分量亦不少，魷魚、鮮蝦、青口等樣樣都好新鮮，鮮甜爽口，再加上濃濃的獻汁，河粉口感Q軟，吸收醬汁後，一入口就令人回味無窮。

環境佈置都見得到有泰國風情多數夜晚八點幾果時段嚟食又有位,亦都冇咁逼今次叫庶蝦-唔油膩米紙卷-好喜歡個汁,個卷好fresh好爽菠蘿炒飯-原個上,配菜同個飯好夾 (好肚餓，未影相就食左...)再叫埋個青檸soda完滿嘅晚餐

山長水遠入到馬鞍山搵朋友食飯，佢話介紹我食好嘢。第一次嚟呢間餐廳，裝修好有特色，充滿泰國風味。6:30已經好多人排隊啊，等咗半鐘終於有位啦，兩個人太肚餓在三樣嘢，分別係喇沙蝦米線，燒春雞壤香茅薑黃飯，鴨肉生菜包。燒春雞出面脆卜卜，啲肉好滑好入味，不過我覺得最好食係薑黃飯，大概有2碗飯，d飯索曬雞油但食落口一d都唔油，超級香，另外伴碟既沙律酸辣酸辣好開胃，呢一碟好滿足啊。鴨肉生菜包既鴨肉，酸酸辣辣，有好多香料，好一d唔so, 不過d生菜得6塊，太少了又唔大塊。最後我地用鴨肉撈飯。喇沙米線個湯底有超香既椰子味，好香濃，睇得出落足料熬湯，米線索曬汁超入味。不過我覺得d料唔太多，d蝦細舊唔太新鮮，魚片同雞蛋無咩新意。

新～泰菜😛馬鞍山 終於慢慢脫離食物沙漠啦😂馬鞍山啲商場裝修左之後都好少過黎，咁岩今日屋企無煮飯 出左黎食泰國菜 試下依間好多分店既泰國餐廳～兩個人order左 一個飯、生菜包、燒豬頸肉同炒通菜～🍍泰式菠蘿炒飯：7 / 10分 $118好食既菠蘿炒飯 ，都好大碟，味道都唔錯飯粒粒分明就一定啦，啲配料都好足料，最鍾意好脆既腰果，不過美中不足 扣左分既位係 佢得兩隻蝦 好似又少左啲 而且蝦係完全無味 依點就真唔ok啦～🥬 雞肉生菜包：8 / 10分 $72超級鍾意食生菜包呀我😍肉既款式有得揀豬同雞 因為order左豬頸肉 所以試下雞 本身仲覺得會唔會好怪 因為平時食生菜包 多數都係豬肉多 一食 竟然好好味😋雞肉好嫩滑 口感都比平時食豬肉好 因為食豬肉生菜包 經常食到咁多肥膏 唔太鍾意 反而雞肉好岩我而且 依間餐廳做得好既係 佢個味道偏酸d 泰式既酸辣味比較出 個人覺得好開胃 好惹味 不過都有少少扣分位 就係 太少菜 同埋餐廳裝菜既竹籃竟然有d發毛 當我食到最尾先發現到既時間 感覺我d唔衛生😿🐷 燒豬頸肉：8 / 10分 $78正常 好食 無咩太大特別 燒到邊邊脆身 肉質嫩滑 醬汁都好好味

首先我必須要讚一讚呢間餐廳嘅裝修👍🏼餐廳位於商場嘅角落，係會有少少難搵，但餐廳嘅環境好闊落，而且設計幾靚，啲碗碟都好有心思，絕對唔hea！食物方面，我哋今次叫咗麵包焗咖喱軟殼蟹、飛天通菜同串燒沙爹。🇹🇭麵包焗咖喱軟殼蟹咖喱味道香濃，而且軟殼蟹分量都ok，啲麵包點埋咖喱好好味呀～呢個推薦！🇹🇭飛天通菜通菜就正正常常，少少辣幾惹味🇹🇭串燒沙爹(豬、牛、雞)醬汁嘅味道係甜甜哋，三款肉之中覺得雞肉嘅味道最好。牛肉食落會有啲似叉燒😂

一行三大一細普通食晚飯，嗌咗五樣嘢，最正常既係個菜，不過不失，但其他都各有問題，首先，半隻海南雞好明顯唔夠半隻，雖然去咗部分骨，但我地仲未傻到唔識分咩係雞髀同雞鎚。菠蘿炒飯個菠蘿啲肉並沒炒落飯度，個炒飯極少菠蘿，而且面頭嗰兩隻蝦係完全無味的，明顯是雪蝦。番石榴沙冰番石榴味極淡，最慘係個生菜包肉，食完個生菜發覺有啲怪怪地味，睇吓裝生菜個籃，發現發晒霉，嗅吓一浸臭味，即時反胃。埋單$49x ，講真呢個價一啲都唔值，要我憑着良心比最多值$250。

早幾個月母親節黎食完，已經講定一定要再返嚟食，因為難得去馬鞍山食咗好味嘅泰國菜😋😋😋今次就放工，同男朋友兩個人撐枱腳😊😊今次我哋叫咗前菜，醃無骨鳳爪😋😋起初都擔心呢個份量會唔會唔夠食，但都要同你講其實都好足夠👍🏻👍🏻食一舊唔會覺得辣，但識識吓就好辣😂另外今次我哋就冇嗌嘢飲，就反而叫咗新加坡肉骨茶👍🏻👍🏻👍🏻喺度第一次食，食得出入邊有好多香料，好入味，個肉骨唔會太硬食落去啱啱好😋😋跟住再嗌左一份串燒，一共有六串，我哋就揀咗兩串豬、兩串雞同兩串牛😋😋再配返沙嗲醬。其實可以再食多半打😂😂最後，仲叫咗一個主食越式蟹肉炒粉絲, 蟹肉拆咗出嚟，炒落粉絲度，粉絲唔會太淋，炒完都好爽口😋我上次都係食咗幾款菜式，其實仲有好多都好想食，餐牌都好多嘢食揀

跟久遣了的朋友飯聚，她推介了馬鞍山站附近的新泰東南亞餐廳，果然有驚喜。原來除了馬鞍山店之外，尖沙咀和灣仔也有分店。餐廳是典型東南亞餐廳格局，空間感大，座位寬趙舒適，適合家庭或朋友之間飯聚。我們點了越式小食拼盤 (大) 和蟹肉炒粉絲。 越式小食拼盤 (大)越式拼盤有大小兩個選擇，我們都愛越式小食，就選了大的，賣相很吸引，置於碟子正中的是微辣的炒豬肉碎生菜包，旁邊則圍放了香煎魚肉餅、越式春卷、香煎蝦餅，全部都新鮮熱辣，咬下去十分香脆，點些魚露及酸辣醬，十分惹味。越式蟹肉炒粉絲主菜點了蟹肉炒粉絲，份量十足，炒香了的蟹肉和札肉絲滿滿的，還有當造的芽菜絲，和其他蔬菜如棷菜絲及青椒絲等，跟粉絲一起炒香至稍微乾身，口感極佳，蔬菜絲也十分脆口，值得推介。另外我們點了泰珍珠棷菜苗炒香菇，還有我們至愛的新鮮泰國椰青，今餐非常滿足。

冇幾耐之前食過一次覺得唔錯，今日又嚟馬鞍山，咁啱朋友想食泰菜，就嚟食多一次朋友唔係太餓，但我就超級餓，所以就唔叫上次食過嘅咖喱海鮮焗南瓜喇，因為都比較膩，不過焗南瓜都好好食㗎，成晚都有唔少客人order，如果餓嘅都好推介我地就叫咗麵包焗咖喱軟殼蟹，咖哩一如既往地好香，撈埋麵包食真係一流 軟殼蟹都有唔少，但因為我比較肚餓，如果係啖啖肉嘅牛扒或者燒雞就好喇為咗滿足我想食肉嘅慾望，我地叫咗個沙嗲串燒，雞肉最好食，夠香juicy有肉味 牛肉食落似好乾嘅叉燒，豬肉都麻麻，唔知有冇得全部都係雞肉串呢呢間餐廳嘅菜通常都好遲先上，其他餸食得七七八八先會到，不過都幾好食所以就算數啦～呢間餐廳嘅咖喱真心唔錯，下次想試吓青咖喱羊架同埋燒雞配薑黃飯，希望又有機會去轉馬鞍山啦

朋友是馬鞍山地頭蟲，這間新泰位於商場的角落，雖然低調，但人流爆燈😂六點幾到已經要等位😳醃無骨鳳爪沙律🥗醃得入味的無骨鳳爪配上各式各樣的配菜，有蕃茄仔、西芹、洋蔥等等，吃起來開胃，幾位女士都很喜歡💕馬沙拉咖喱雞平時吃得多泰式咖喱，見到這馬來西亞食的咖喱，大家都心郁郁想試。面層有椰漿，吃起來有陣陣椰香味，但不算太辣😋另外我們家點了印度酥餅，酥餅脆卜卜，似是自家製的，配上這咖喱汁，好吃。蒜蓉炒貴妃苗網上看到圖片這貴妃苗的份量不少，蒜蓉炒清清地，我反而喜歡這純粹的味道，幾喜歡這一道菜。泰式甜品小拼盤拼盤共有八件糕點，有椰汁西米糕、泰式千層糕、椰汁糕等等😋椰汁西米糕，西米粒粒分明；泰式千層糕都甜甜地有椰香味，幾好吃👍🏼這小拼盤的性價比幾高，樣樣甜品都試少少，剛剛好。

今晚三個女人一個墟，上次來過這間新泰，覺得環境同座位都好舒服，最重要是沒有限時，可以盡情地傾🤤蒜蓉炒貴妃苗必點餸菜，貴妃苗平時少吃，不會油膩，份量合適幾個人分享。馬沙拉咖喱雞見到一圈又一圈的椰漿，非常重咖喱香味。雞肉份量不少，配上青椒、黃椒和洋蔥等等的配菜，不錯。還有必配的印度酥餅，點上咖喱醬，冇得彈😁印度酥餅印度酥餅並不是現成的那種😂，見到酥餅有發酵而成的洞孔，口感軟熟，外皮鬆脆🤤炸物拼盤同事對這拼盤信心滿滿的，除了擺盤靚，用椰菜葉盛載碎肉的生菜包，還有泰式魚餅，魚餅裏還有豆角粒，是正宗的泰式煮法。蝦餅啖啖肉、春卷爽口脆卜卜👍🏼三位女士都滿意這餐飯，吃得高興，坐得舒服😎

馬鞍山廣場新開了泰國菜，終于有時間去試，晚上与老公7:10一去到，已經有不少人在排隊。等了10分鈡，終于入到。內部環境大，寬敞，位子不迫，感覺不錯。干淨亮麗。一坐下，迫不及待，看下菜譜，各款菜价格中挺。點了串燒，柚子蝦沙律，鉄板蠔煎，南瓜海鮮焗飯及至愛冬陰公湯。好期待。服務員好有效率，一陣間落好菜，吃了一半，還主動替我们收碟添水，態度幾好。等了一陳，柚子沙律先上，之後串燒，呢2位都好ok,尤其是串燒，好軟熟好味，哋沙嗲不醬滑。鉄板蠔煎至好味，哋蠔大大隻，蛋香滑包住蠔，好JUCY...冬蔭姑湯叫小份，真的是份量不夠2人吃，下次叫多1-2人，叫大份一起吃。而南瓜海鮮焗飯要等15-20分鈡，但值得等，足料香滑好味。2个人吃，好飽，下次試椰青大菜糕。

今日好難得入馬鞍山 知道呢度有間泰國菜好正 之前去灣仔都食過新泰 果陣已經覺得好好食一定要再食 估唔到馬鞍山呢間仲大 環境舒適 食得開心坐得又舒服😌 睇餐牌又係好多嘢都想食 今次我哋三個人叫咗好多🤭🤭🤭 泰式柚子蝦沙律 $98呢個柚子沙律有蝦仲有墨魚 醬汁調較得啱啱好 酸酸甜甜作為開胃菜一流👍🏻 串燒沙嗲（雞牛豬各2串） $88串燒好香 肉質唔會燒到乾晒 加埋沙嗲醬好好味😋 南瓜焗咖喱海鮮 $148蒜蓉包 $32印度薄餅 $32 先講南瓜焗咖喱海鮮😛 一拎上台已經覺得一定要打卡 滿滿嘅咖喱醬入面唔知有啲咩海鮮 邊食邊估都幾有趣😆 仲有兩隻超大青口 厚身又多肉好味呀☺️ 印度薄餅同埋蒜蓉包基本上係食咖喱必備 一啖一啖好快清晒 食到最後仲可以食個南瓜 不過好飽刮咗少少黎試下 都幾甜😬 泰式蝦炒金邊粉 $108上面包住嗰層蛋絲 一開始都唔捨得整爛佢😂 未撈啲粉已經見到隻大蝦起面 炒得好香好好味😋 泰式烏頭 $188重頭戲要來了🤩 好耐冇試過食泰國嘢係會叫魚黎食 今日朋友突然間話好想食 咁就叫啦☺️ 烏頭既肉大大嚿 佢嘅湯係好鮮甜 點埋嗰醬酸酸甜甜咁好好味😛 同埋唔驚佢會好多細骨 啲骨都好明顯好容