新泰東南亞餐廳 (馬鞍山廣場)

营业中

休息中

雖然家住本區, 這家餐廳開業多年沒有光顧過, 今晚兩個人決定試試。晚上七時多到達, 稍等一會已經可以入座。餐牌的選擇頗多, 我們點了三個廚師推介的菜式: 椒鹽軟殼蟹, 巴東牛展及南瓜海鮮焗飯。三個菜的賣相不錯, 味道也不差。軟殼蟹炸得香脆, 下了較多辣椒, 顯得有點灼喉。巴東牛展值得推介, 牛肉軟腍腍的, 醬汁濃稠, 配撘牛肉一絶。南瓜海鮮焗飯, 海鮮分量不算多, 香濃的椰汁入飯非常開胃, 吃到中段可以用湯匙刮南瓜肉食, 又甜又好吃。

馬鞍山冇咩泰國菜好食，要數就得新泰最好，坐得又舒服。兩個人叫咗四樣野share，頭盤食返個青木瓜沙律開開胃先！夠酸夠辣，唔夠酸就擠啲青檸。青木瓜夠爽口，整體來講好fresh。芒果軟殼蟹越南春卷 - 有驚喜，香甜嘅芒果加埋香口嘅軟殼蟹出奇地夾，有解膩作用，又係開胃菜。加埋個酸甜汁，好好味。越式牛肉河粉 - $68大大碗，兩至三人share一定夠，超級大碗。河粉好煙韌，牛肉又夠腍，湯底香甜，好鍾意。最後點咗個我最愛嘅芒果糯米飯，芒果好清甜多汁，同埋分量都多。以為淨係得一球糯米飯，冇諗過會仲有一球紫米，又係好抵食。糯米飯好煙韌，紫米又有咬口，好夾。重點係個椰漿唔甜，唔會食兩啖就唔想食，推介👍🏻唔止係區內好味泰菜，可以話係全香港最好味嘅泰菜！

今日入到嚟馬鞍山玩，同老婆有個小旅行，先晌「新港城中心」睇場早場（男兒當入樽），平吖嘛，再晌附近食個午餐，然後上「鞍山探索館」兼嘆杯咖啡，最後上埋昂平欣賞吓西貢碼頭一帶全景。晌「新港城中心」同「馬鞍山廣場」兜咗個圈，最後決定嚟到「新泰東南亞餐廳」食嘢，一來東南亞嘢有啲特色，二來啲午餐都喺賣$75一客，唔貴喎。 晌門口望落，裝修已好東南亞風，走進餐廳，環境闊落之餘，正中間喺一大排卡位，寧舍寬敞。佈置上更充滿泰式風情，例如牆上大象嘅壁畫啦、一啲小擺設啦、燈飾啦，卡位放上咕臣，其他座位加入藤織元素。 左右兩邊亦好大，更擺放啲大型8人圓枱，方便傾偈。大部分員工都似喺泰國人，因為聽到佢哋之間溝通都喺講泰文（我估喺喇），但你又放心，佢哋又識講廣東話，完全無溝通障礙，仲非常有禮貌，感覺如置身晌東南亞一樣。 主餐牌有非常多選擇，雖然喺嚟食午餐，都貼出嚟俾大家參考。話就話東南亞餐廳，但主力都喺泰菜！而午市套餐每款只賣$75，一共有7款選擇，並包一杯餐飲。此外，有加配小食、炒菜優惠，以及飲品升級。另外，仲有二人及四人套餐，可以食得豐富啲。 椰香青檸海鮮湯粉絲 $75呢個組合真喺啱晒我老婆呀，所以，一打開餐

位於馬鞍山廣場裝修有feel坐得舒服——新泰正正喺馬鞍山地鐵站過條天橋就係大圓枱啱晒一家人一班朋友食飯聚會另外裏面主要以啡木色作主調 加上東南亞特色嘅裝飾 整體感覺寬闊 空間感十分強烈裏面嘅店員好多都係泰國人 純正泰國口音泰國人講粵語其實幾得意有啲似譚仔三哥姐姐講特色譚仔話🤣海鮮叻沙 鳳尾蝦三隻 已去邊處理湯底幾好飲 香噴噴又唔會好辣一啖米線一啖湯 泰式西冷牛扒個人喜好七成熟裏面紅紅地色 配上兩款泰式醬汁 一試無妨 😼絕對唔會投降千層糕泰式奶茶其中一個特點就係好甜 茶香味重 如果唔想咁甜，記得同店員講聲少少甜新泰東南亞餐廳 馬鞍山西沙路608號馬鞍山廣場2樓259及260A號舖

放假去咗馬鞍山行山，行完去咗馬鞍山廣場睇吓有咩食依吓個肚。見到新泰東南亞餐廳啲午市套餐幾岩口味。唔洗諗即沖咗入去勁肚餓😆午市套餐除咗主食仲可以加配小食升級優惠。7.星洲喇沙蝦米線加咗個升級優惠蒜蓉炒貴妃苗同綠豆沙冰星洲喇沙蝦米線喇沙個湯底好正好夠味仲有好多餸，米線彈度岩岩好唔會太淋。蒜蓉炒貴妃苗原來呢種菜苗叫貴妃苗😆配蒜蓉炒又幾好食😋4.鮮椰汁海鮮焗飯朋友叫咗呢個焗飯佢話都幾好味又足料。行完山梗係要放縱下我哋仲叫咗個泰式甜品小拼盤食😍

抵食好味泰國菜呢間泰國菜簡直係馬鞍山食物沙漠嘅一點綠洲。食物又平又好味😋而且服務好好。好好彩有卡位坐。我哋兩個人叫咗越南烤蔗蝦、豬肉碎生菜包及泰式蝦炒金邊粉。性價比好高！真係出乎意料！越南烤蔗蝦係炸嘅，蝦肉幾彈牙，其實同蝦餅一樣。中間蔗酸酸甜甜。呢個仲有少少檬粉沙律，味道唔錯。豬肉碎生菜包肉碎都幾香辣，洋蔥好香，包生菜食幾好。泰式蝦炒金邊粉面上有蛋網幾靚。炒金邊粉有蝦、豆乾、花生碎等。金邊粉煙煙韌韌，不錯！

週日三點幾四點喺馬鞍山搵地方食tea,見到呢間門面都ok,入去試下。店舖座位相當闊落,部分去泰國風味嘅藤椅,我哋三個就坐咗闊落嘅卡位。下午茶時段冇下午茶餐牌,唯有睇午餐menu落order,埋單先知道下午茶時段全單八折👍。午餐每份75蚊,餐飲都係大路嘢,熱飲免費、凍飲加3蚊、特飲加8蚊,好合理。泰式海南雞飯啲油飯特別黃,明顯加咗好多黃薑粉,冇乜香味,一般。海南雞件嫩滑有雞味,但只有4、5件,份量超少😅只有一款薑蓉醬汁,普普通通。巴東牛腩配白飯,巴東牛腩分量相當多,牛腩好惹味,椰蓉香料分量足,醬汁好餸飯,可惜太多鹽過咸。泰國街邊豬肉串配糯米飯,賣相吸引,糯米飯用別緻竹編小筒盛載,東南亞風味出曬嚟😀,豬肉串燒有3串,味道唔錯,份量偏少。糯米飯軟糯香甜,但下午茶又唔得幾多飯,有點浪費。分別叫咗椰汁冰同埋青檸梳打特飲,都係正正常常咁啦。帳單$249,加一服務費後再八折,最後只需畀$219。🍽 餐廳: 新泰東南亞餐廳🏠 地址: 馬鞍山西沙路608號馬鞍山廣場二樓259至260A號舖#foodiehk #hkfoodie #foodie #香港美食 #foodporn #foodphotograp

食泰國嘢真係不分春夏秋冬馬拉盞炒通菜，夠曬惹味，一試難忘。而且可以揀小辣/正常辣。我鍾意佢惹味得來但係唔會感覺好熱氣腰果炒雞丁，夠哂味道，似大排檔。佢啲雞丁嘅做法有少少似整緊咕嚕肉咁樣，有一層簿粉漿喺出邊包住咗，另一番風味。泰式菠蘿炒飯，原個菠蘿🍍咁上，味道偏淡，但佢有腰果同肉鬆係隔離，夾埋一齊食又唔錯下甜品心思思揀左好耐，原本想要雪糕芒果果個糯米飯，但佢係menu 上面又刪左🫣原本唔係咁飽就諗住個泰式甜品大拼盤，太飽就留番下次了。所以最尾就咁叫左個芒果糯米飯就算。最後甜品的芒果糯米飯係兩式糯米，白色糯米同黑糯米，一次過滿足晒兩個口味。椰汁份量好足，芒果冇絲得來仲酸酸甜甜，食落口感唔會硬梆梆，每人分少少，過下口癮

馬鞍山廣場行完街之後發覺原來依度有一間新泰，一於就去食返個晏晝啦。今日我哋都多人食，所以就可以散叫，唔使叫lunch set。但其實現場都好多人會一set set咁叫其實個Menu好多頁，各式各樣的種類都都包括在內。我哋首先就叫咗個泰式柚子蝦沙律，可能因為係凍嘅食品，所以佢好快就已經上咗嚟。呢個沙律比較特別嘅係佢嘅汁水會比較多，柚子肉去晒皮，食落一啲都唔會苦。而且再加埋佢本身嗰啲醬汁酸酸甜甜咁，感覺就會非常之清爽。一碟沙律裏面除咗柚子仲會有蝦同埋有魷魚。 魷魚同蝦都幾大嚿，整體來講四個人分好夠。食完之後就點會比較多汁可以叫侍應幫手換咗隻碟佢。另外因為我哋都想叫㙰食， 但係佢哋比較驚食到呢呢啡啡，又要落手食。於是我就提議不如叫軟穀蟹食～ 依一款咖喱佢唔係太辣，我哋另外仲叫咗個印度薄餅去點佢嘅咖喱汁食。咖喱蟹裏面嘅嗰啲麵包非常之趣，但係佢又真係地地道道麵包嘅味道。呢個咖喱味仲幾有層次，唔會過分單一。軟殼蟹好大舊，佢本身已經切開左一個適當嘅入口size，冇雪味又唔聲，好正。我鍾意用佢嘅印度薄餅再掂一啲汁包住成隻蟹咁食真係好正。

📍馬鞍山 新泰東南亞餐廳📍嚟到馬鞍山，突然好想食泰國菜！記得之前聽朋友講過新泰東南亞餐廳嘅嘢食係高性價比，所以呢次既然嚟到附近，就決定去試下！😆入到餐廳，環境好闊落，座位同座位之間嘅距離都好夠空間，而且裝修都好有心思，幾舒服。😌😌✨食物方面，首先就點咗一個砵酒羊架 $108可能臨近聖誕 ？羊架上面有D三色椒做回綴，好有聖誕氣氛。😳😳羊架先炆咗再焗，裡面軟外面脆，再加咗醬汁喺面，好有風味。😍😍羊肉唔會「穌」，有三支骨，啖啖肉，好食！🥰🥰✨仲有泰式明爐魚(烏頭) $188好足料嘅配料，好重濃嘅泰或酸甜味，每一啖都覺得好開胃。🤤🤤條魚都好有魚味，唔會淡而無味，加上有明爐熱住，Keep住都熱辣辣，正。✨蝦醬炒飯 $88足料、濃味，飯炒得粒粒分別，但又唔會太油，讚！🤭🤭整體嚟講性價比真係高，會再嚟！

同朋友去完馬鞍山行街突然間心血來潮，想食泰國嘢結果喺OpenRice度搵到呢一間啲食評都幾好，望落都好有泰國feel所以馬上去試試佢門口裝修都幾靚，睇落幾舒服入邊嘅裝修都有泰國嘅風味店員都好有禮貌餐牌食物種類都好豐富有海鮮、有炒野亦都有好多唔同嘅飲品叫咗杯泰式奶茶，味道啱啱好唔會太甜仲有叫咗一個香草肉碎炒飯味道拿捏得啱啱好唔食辣嘅朋友，亦都可以同佢講要唔辣服務非常貼心我哋亦都叫咗一條烏頭魚share佢右上角嗰碗湯其實係放喺碟魚尾嘅位置因為當滾嘅時候，啲水又可能滾咗出嚟所以店員都好貼心咁樣放定一個碗喺個魚尾位置裝湯如果條魚煮得太乾，亦都可以喺呢度「不」返啲湯上去整體嚟講呢間餐廳食物好味（唔使出到九龍城都有好味泰國菜）店員服務態度好好值得再encore

今日放假去咗馬鞍山新港城中心行街影相🫣晏晝附近都好多嘢食，呢間泰式餐廳裝修幾靚好有泰式風味呀🥰晏晝星期日都有午市套餐，每款$75泰式海南雞飯海南雞即叫即切，肉質嫩滑，同新鮮雞冇乜分配油飯就最夾！套餐配埋餐湯，雞湯清甜有鮮味，質素唔錯👍🏻青咖哩雞配白飯 $75呢款都係午市套餐，青咖喱甜甜地好好味呀即使唔食辣嘅朋友都食到，青咖喱微辣，冇飯食就一流啦配料除咗有雞之外，仲有茄子、蔬菜等等分量十足！🤤另外叫咗款小食💕必食之一蒜茸越南牛油雞翼感覺似避風塘炸雞翼，雞翼面鋪滿炸蒜，非常香口食落去好香濃牛油味，好滋味呀

早幾日同朋友去呢間泰菜餐廳食飯，餐廳環境都令人好舒服，座位好闊落，職員態度都幾nice我地最後揀咗下面呢幾款：日本南瓜焗海鮮飯（$118）大大個南瓜包住個海鮮飯，賣相好靚，份量好足料，海鮮飯配搭住新鮮既南瓜，再加埋芝士，味道好夾，好香口冬陰功海鮮金邊粉（$78）好大碗，裡面既金邊粉同海鮮都好足料，好多唔同款既海鮮：魷魚，青口，蝦仁等，全部都好新鮮，加埋冬陰功湯底，好惹味，酸酸辣辣好開胃泰式奶茶（$25）甜度適中，而且有濃郁既茶香和奶香，正呀椰汁木薯（$58）好煙韌彈牙好有口感，加埋椰汁好入味，而且份量都好多整體黎講，我同朋友都幾滿意呢間餐廳，下次會再幫襯，我地都覺得食完呢間餐廳之後，感覺好似去咗轉泰國甘🤣🤣

抵食泰國菜 🇹🇭😋估唔到馬鞍山美食沙漠一d都唔沙漠！食到好食又抵食既泰國菜真係可遇不可求 😚😚🧡串燒沙爹 $8888蚊有6串，本身以為係牛豬雞各兩串，後尾發現原來可以自由配搭～沙爹醬好食，雖然花生粒唔算好明顯，但味道非常香，串燒火候都控制得唔錯，少少憹邊，好香口，88蚊黎講cp值好高❣️❣️🧡日本南瓜焗海鮮飯 $118本身唔係特別鍾意食南瓜，但見呢個係原個南瓜上幾得意就叫黎試下，上菜既時候發現附近幾檯都有叫😝😝南瓜味唔算重，幾清甜，飯底帶少少冬蔭功味，偏甜唔辣，飯粒乾身伴有大量海鮮，份量大概有2－3碗飯，相當足料🥳🥳🧡冬蔭功海鮮金邊粉 $78呢個價錢本身以為平時一碗粉一人份量咁，點知份量係類似酒樓例牌粉麵咁大碗，海鮮食黎食去都仲有，冬蔭功偏辣，好香椰汁味，金邊粉索晒d湯一齊食又酸又辣好惹味🤤🤤🧡椰青 $45最後因為冬蔭功太辣叫左個椰青，呢個就都係正常發揮啦😗雖然野食幾好食，但真係要預多d時間🥹當日去係繁忙時間，我地入座後落單到有第一碟到大概半個鐘🫣餐廳人手極度不足，餐廳都幾大但落單帶位上菜全部夾埋得3－4位員工，可以搵日唔趕時間先食🤣🤣味道：9/10性價比：9/10📍 新泰東南亞餐廳 馬鞍

新泰東南亞餐廳 馬鞍山西沙路608號馬鞍山廣場2樓259及260A號舖貫徹佢哋嘅特色 裏面裝修風格 比客人有置身於泰國嘅感覺黃黃地燈光 比人感覺舒服溫暖 木🪵系色 回歸大自然星洲喇沙蝦米線個人認為喇沙湯底淡左少少 可以spicy少少不過呢個好取決於個人口味 值得一讚係足料多蝦 蝦肉大大隻米線滑滑的 軟硬適中燒大虎蝦堅大隻 多肉 見到好多蛋白質 即刻心心眼爆多蒜茸滿滿地係蝦肉之上好遠都聞到勁香千層糕熱🔥熱的 加上椰醬愈食愈想食 好似講緊廢話🤣