影片
以上资料只供参考，请与餐厅确认详情
北角新港宴会厅，唔知点解openrice 个名少左几只字，算系一间几有地道feel嘅旧式酒楼。今次叫咗烧肉虾饺、粉果、叉烧肠、凤爪、龙趸饭、鹌鹑蛋烧卖、煎韭菜饺同红枣糕，整体嚟讲都几抵食，性价比高。.烧肉虾饺个皮几薄，虾肉弹牙，加埋烧肉有啲咸香，唔错。粉果、叉烧肠都几滑，叉烧馅同粉果馅都够多，唔会好干。龙趸饭系少见嘅点心饭，龙趸鱼肉滑滑哋。米饭都几香。鹌鹑蛋烧卖睇落几靓，每粒烧卖顶住只鹌鹑蛋，肉馅都几实净。煎韭菜饺煎得够脆，韭菜味几浓。腐皮卷都几好食，不过有少少油。红枣糕甜度啱啱好，唔会太腻，食完几舒服。.总结嚟讲，新港宴会厅点心水准中上，价钱合理，地方够大，招呼都算快，虽然冇咩惊喜，但系饮茶食饭都几舒服，性价比高，值得一试。
继续阅读
传统酒楼系香港比比皆是，水准大都是中等以上，但唔知点解呢，会卖蛋散既酒楼就愈来愈少呢间北角新港宴会厅，个蛋散整得好食㖞！入口松化，无油腻感，甜度适中！另外，佢啲炸物都整得好食呀！可以一试！
继续阅读
5月6日揾食肥华同靓妈，晨早七点二十分左右，就到咗北角呢间酒楼饮早茶，在点心纸上，见到一碟特价，山竹牛肉球，衹须拾弍个八银钱一碟，于是就叫咗，一碟嚟食，估唔咁低廉嘅价钱，此店并冇将货就价，呢碟山竹牛肉球，可说是货真价实，味道和质量都有A级水平，唔食就真喺走宝。而此店其他食品，蜜汁义烧包，北菰棉花鸡都喺B+评级食物，而个香煎鱼饼及柴鱼花生粥，就有B级嘅评语，至于个碟滑鸡丝粉卷，就令人失望，粉皮好削，配料味道平平，衹喺一个C级点心质素。不过此店侍应员工，和环境都oK在北角揾酒楼用餐，此店都喺一间，不错嘅选择
继续阅读
同朋友行经北角又好想饮茶环境装修几传统叫咗几款点心虾饺，外皮好薄，啲虾好新鲜烧卖，入边有好多猪肉同香菇，几好味叉烧包，好软熟，个馅有几惹味！叉烧肠，肠粉好腍，叉烧份量都好多牛肉球，鸭脚扎，正常发挥！整体都唔错！
继续阅读
普普通通家人食餐饭，落左单超过一个钟都冇𩠌来。地方系够大算易揾位，但如果冇足够嘅人手就唔好做甘大个场啦！等到天荒地老都未冇饭食。食左一肚气。食既野不算好食，试过中午饮茶吖笼牛肉丸都未熟。质素唔好人手又唔够，叫人点再帮衬！唔怪之得楼下龙晏排餐死楼上新港冇乜人了
继续阅读
您可能会有兴趣的...