新源茶餐廳

营业中

休息中

今日去左油塘呢間餐廳買下午茶外賣。下午茶餐有好多選擇，特別係拼薯條或沙律餐，選擇好多，例如香茅雞翼🐔、豬扒🐷、雞脾🍗、🐔我見顧客食嘅雞翼色澤好靚，就心郁郁想試下😆雞翼炸到金黃色，脆卜卜，仲有肉汁嘅，唔係乾’爭爭‘，香茅味好香😍😍。唯一美中不足就係鹹咗少少囉。薯條🍿都係金黃色，脆卜卜有口感。杯熱O茶☕️都啱我口味。呢間舖頭細細地，職員唔多，我等咗差唔多20分鐘。樓面職員好有禮貌，不停講唔好意思。呢間舖裝修麻麻地，裡面較局促，原先對呢間餐廳期望唔係太高，但係整體感覺唔錯喎，食物都算有水準，所以我哋唔好以貌取人呀😁

放假唔想出得太遠，諗住求其落樓下搵下野食。今日大x營勁多人，咁就行過去嘉x商埸附近食。見到間新裝修既茶餐廳，有下午茶食。地方細細，有幾張卡位。餐牌選擇都多，價錢唔算太貴。豬扒米腿米線，豬扒幾好食。份量就比較少。雞扒雞蛋米線，雞扒細塊，米線都比較少。由於唔夠飽，我地再叫多份西多士。可能要炸，等左15分鐘。花生醬超濃，唔燶，好味。整體其實唔錯，可能係因為下午茶，所以份量比較少。個人好欣賞樓面姨姨，間餐廳其實都好多人食，全程只有佢一個人落單出餐又要收錢，大家都好體諒，盡量都唔想麻煩個姨姨，執野都自己搞掂。👍