影片
港铁尖沙咀/尖東站 B1 出口, 步行约8分钟
继续阅读
电话号码
37071136
63663699 (WhatsApp)
附加资料
客人可從天文臺道入口或金巴利街入口到達餐廳
营业时间
今日营业
11:00 - 23:00
星期一至日
11:00 - 23:00
公众假期
11:00 - 23:00
以上资料只供参考，请与餐厅确认详情
有关奖赏计划
今日媽子唔想煮飯就約埋一家人去左新竹園軒食晚飯😊難得齊人可以叫多幾款小菜一齊食👍招牌小炒皇嚟酒樓就一定會嗌小炒皇嚟食😂呢間嘅小炒皇用左韭菜、菜甫爆香油鑊再加蝦米🦐蝦仁落鑊炒😊鑊氣十足👍真係食到停唔到口🤟瑤柱蛋白炒飯😊炸得金黃色😊炒飯炒得乾身得嚟又唔油👍飯粒粒粒分明而且調味啱啱好🤟秘製欖角骨外層炸得好香口😊秘製醬汁焦香有脆皮☺️甜甜地好好食🤩排骨肥瘦適中😊好食鮮蟹肉扒露筍賣相好靚😊蟹肉搭配蛋花同清爽鮮甜露筍🤩蟹肉份量好多😊食到我地好滿足呀😍呢間服務正常正常👍上菜都算好快👍唔錯
继续阅读
今日同屋企人過嚟飲茶，呢間我係第一次嚟，見咁多人寫食評講到咁好就嚟試吓。點知開頭就俾職員話。話說我填完點心紙交俾職員，我見個職員睇都唔睇張點心紙，我就同個職員講我叫左四款點心、一款炒烏冬。跟住個職員同我講「唔使同我講咁多野」，我當堂呆左，究竟係咩態度？老實講，我呢個level 4已經好耐無同人寫食評，但你迫到我要特登寫食評，你呢位職員都算世一。其實去到呢個位，基本上我介紹啲食物都沒意思，因為心情一定唔多唔少都有影響。但我都要公平啲講，食物方面有一定質素，特別係個芝士蝦球烏冬，芝士味濃，蝦球肉質彈牙，夠滑。蝦餃、燒賣夠大粒、足料，味道唔錯嘅，再配埋枱上嘅XO醬，更加好味。其他食物都不過不失，整體食物質素都係唔錯嘅。但想問大家究竟一個職員態度惡劣會唔會影響到你對呢間酒樓嘅觀感？你問我嘅話，我就話一定會，就算食物質素唔錯，但我要受職員氣，點都有影響，好難有下次。
继续阅读
午餐同屋企人嚟食中菜，已經回訪呢間中菜館好多次啦，佢哋嘅餐牌有好多種菜式，非常豐富🥰 每一次嚟都必點以下幾道菜～▫️香煎蘿蔔糕由細食到大嘅一道傳統小食～ 蘿蔔糕每一塊都好大，外皮煎得好香脆，食落去內餡好軟糯，而且調味啱啱好😋 蘿蔔糕嘅清香，再點少少辣椒醬一齊食味道更加豐富👍🏼▫️豉汁蒸鳳爪呢個真係每次嚟都點，鳳爪蒸得好軟好爛，入口一吸就脫骨！獨特嘅醬汁令鳳爪充滿咗鹹香味，仲有少少微辣嘅口感，非常入味好食🤤▫️椒鹽鮮魷鬚呢道菜要趁熱食！外衣已經炸得好金黃酥脆，魷魚鬚新鮮彈牙🤩 椒鹽嘅香味非常濃郁，一上菜冇幾耐我哋已經食晒😂▫️蠔油芥蘭最鍾意呢度嘅蠔油芥蘭，一點菜苦味都冇，反而帶住一股新鮮嘅清香味🤤 芥蘭口感爽脆，配搭簡單嘅調味料已經鹹香味十足～ 簡直就係米飯殺手！🙌
继续阅读
新竹園軒 🎋 位於尖沙咀 🥢 主打中菜 ⛩️ 環境舒適 服務幾好 💫🐔凍藥膳鳳爪 軟糯嫩滑 豐富膠質 藥膳清香 🐥濃郁不澀 滲透入味 鮮美可口 🫘🐟 鹹魚蓉煎肉餅 總共六件 外表金黃 煎香酥脆 🐣鮮嫩多汁 配上鹹魚 鹹香四溢 🌊🐄 沙茶芥蘭炒牛肉 鮮嫩牛肉 份量不少 翠綠芥蘭 🥬脆嫩爽口 沙茶味道 微辣惹味 🌶️🍖 秘製欖角骨 酥脆外皮 肉質嫩滑 醃製入味 🐖欖角香味 微酸鹹香 油而不膩 🌱🐦 紅燒乳鴿皇外皮酥脆 肉質細嫩 嫩滑多汁 💫又有彈性 醬香入味 鮮美濃郁 🤎
继续阅读
嗰日我阿媽嘅遠嫁表姐返咗嚟香港，我媽就book咗呢度同佢一齊食晚餐。自從我開咗工，我好耐冇同阿媽一齊嚟新竹園軒食嘢啦，所以嗰晚就湊熱鬧一齊食。我哋點咗佢哋幾道招牌菜，特別係紅燒乳鴿皇同埋招牌小炒皇。 佢哋燒嘅乳鴿皇可以話係我食過最好食嘅， 外皮脆脆，但係肉質好juicy，而且仲食到肉原本嘅味道。佢哋嘅招牌小皇炒睇落去就好吸引我，裡邊有蝦，有江魚仔，肉絲等等，所以顏色非常鮮豔。裡邊嘅料全部搭配到超好食，超送飯。接落嚟就係我從以前到依家都鍾意食嘅蜜椒雞翼同埋黑椒脆薯牛柳粒，味道冇變過。蜜椒雞翼嘅味道仲係一樣甜甜嘅，最鍾意佢哋炸到雞翼外脆內嫩，好食😋 黑椒脆薯牛柳份量十足，黑椒嘅味道好香，而且牛肉柳的口感唔會好難咬，唔會驚老人家食唔到。仲有我特別記得佢哋嘅秘製欖角骨嘅味道，無知如何形容，但係係好食嘅。食入口嘅口感唔錯，肉搭配豆豉同芝麻味好香，好入味。椒鹽鮮魷鬚就一定唔使講，酥酥脆脆，椒鹽調味都啱啱好，佢哋知我鍾意食就卑晒我食😆 做細嗰個真係好，哈哈哈！
继续阅读
您可能会有兴趣的...