新聯輝餐廳

营业中

休息中

你間茶餐廳係屯門輕鐵站隔離個商場，餐廳嘅裝修已經幾殘舊，顧客除咗街坊，仲有喺附近工作嘅人，見到仲有唔少老人家係度傾計。屯門既早餐原來已經接近$30。午餐價錢親民D，一律$45，選擇也夠多，有蒸肉餅飯、叉燒炒蛋飯、干炒三絲河、梅菜粒肉飯、豉汁豆卜蒸排骨飯、粟米雞粒飯等等，連一杯野飲，加咗錢算貼地。茶餐廳啲飯份量都幾多，不過如果食唔到咁多，可以提早同店員講。我叫咗一份京都豬扒飯。首先估唔到一份入面有咁多豬扒，有啲意外！另外要讚一讚豬扒煮得好腍，肉質好嫩滑，意料之外既美味。難怪呢度咁多街坊幫襯！

自選小菜二款118元，因我下單時沒有說明要中式套餐二，所以白飯要收取費用，需然二碗白飯只須十六元，但覺得有被取巧成份，下次各位如要去用膳，記得說明耍中式套餐，本人以後就不會再光顧

今日成三點路經兆康先記得忙左一日，原來仲未食中午飯，咁諗住求其係兆康個商場搵間茶記食個下午茶啦，見佢呢個“咸魚雞粒炒飯+凍檸茶”，下午茶價仲要係兆康區，收$44應該有少少想像中空間啦，點知道，一上枱嚇一跳，然後得啖笑！搵晒成碟炒飯，都搵唔到半粒咸魚粒，無錯，係半粒都搵唔到，唔通師傅高手到將咸魚炒至融入成個炒飯度？我唔介意佢如果當午餐，供應至五點，收返呢個價的，但起碼，1，唔好扮係下午茶2，俾兩粒咸魚粒我都可以喎否則，呢個區，呢個時段，交呢個價，收呢個價，好難有下次的。

其實一直都知道這間食肆衞生麻麻，d碗周不時痴有油漬飯漬，不過為求就腳，兆康又無咩選擇，一家大細就去吃晚餐，點知差不多食完之際，一隻超大曱甴由高處掉下到阿仔件衫處，我們當然雞飛狗走，不過整間店既職員反而反應冷淡，應該他們平常見慣不怪，不論食物質素，衞生真是嚇壞人。

係屯門醫院探完病，同親戚行過黎兆康苑呢邊搵野食呢度仍然係舊區間隔，非常懷念餐廳就係兆康商場2樓入面，相信平時都係街坊先會黎食有時去呢D屋邨餐廳，真係食懷舊味都夠而且食物一定夠鑊氣！親戚以前都係呢頭住，所以好熟路佢推介呢個椒鹽豬排飯同星洲炒米豬排飯有成4塊大大塊既豬排，微辣、但鹹左少少，飯係另外一碟上.. 感覺變番碟頭飯會好D星洲炒米有驚喜，炒得好乾身一D都唔油，都唔會鞋口，大大碟每人分到2碗有多！

自從一試此店奶茶就愛上它。雖然是遠，但為了它絕對值得遠赴而來。真可用「色、香、味俱全」形容！一看下去是合適的顏色，不會茶太多（深）或奶太多（淺）；茶香奶滑，沒有半點苦澀，而且難得夠熱，但亦不會燙口。喝下去在口腔內迴盪著一股多層次的好味。茶與奶融洽得天衣無縫。不是誇張，只能說今次的奶茶毫無可彈之處。可惜單點奶茶要＄20好像是見過的最貴茶記奶茶！點餐會較化算。

今天要在附近探朋友，事前search 吓有沒有推介。發現這店似乎不錯，決定要試試其奶茶。店位置位於舊式商場非常隠蔽位置，一定不會是「順路經過」。熱奶茶：茶香奶滑，茶與奶比例恰好，有驚喜！有趣的是茶匙是用長柄大鐵匙另點了火腿鮑魚通粉：出奇大碗！不只碗大，是堅大碗！好少會有食極都有的感覺細粒通粉仍彈口無過腍，正！見到隔離啲焗飯、燒味粉麵分量也較一般多。惜價錢在這地區位置也算貴。奶茶/熱飲單叫更要＄20但會為其奶茶再光顧！

兆康可以食嘅嘢唔多 大型食店得間麥當勞 响附近翻工 無嘢食唯有去呢間 貴錢唔係平 不過無所謂 叫有個地方食下嘢 吹下水 不過個女收銀態度真係衰到無人有 我去食嘅時候已經過左繁忙時段 個收銀講真坐喺度都無乜嘢做 埋單嘅時候 因為條數唔係齊頭 我比左張銀紙之後 摷摷下咁啱有銀仔 就同收銀講話我有2蚊銀呀 嗰陣佢已經拎起八蚊想找比我 隨即佢就怒啤我 鬧我唔早啲講 而我朋友想比錢嘅時候 佢就好差語氣話： 比左喇比左喇佢好唔願意收我兩蚊 將十蚊拍落再枱到 即係火都唻埋 一路走一路忍唔住爆粗鬧佢 當然佢聽到 一路行到門口 我回頭望繼續見到嗰呀姐睥我 成件事我唔係特登做佢 要麻煩佢 我又無無禮貌話要佢收我兩蚊 佢一嘢就ban埋唻 其實佢唔想收可以講 收銀仔我都ok 我後面無人比錢 前面又無人比錢 唔知佢做乜 做街坊生意都咁嘅態度 做乜啫呀嬸？以後都唔會再去

兆康吃的餐廳不多，新聯輝算是朋友推薦下比較有保障的。是次叫了外送，假日下午茶時段很快就送過來。特餐＄38 連飲品 （外賣每個盒+＄1）選擇了沙嗲牛肉麵，麵是茶記正常的大光麵，牛肉算嫩口也算入味，友人說欠缺肉汁，沒有沙嗲的感覺。奄列如圖，比較乾身，麵包也是一般麵包店的，但算鬆軟。炸髀薯條＄36 （凍飲＋＄2）炸脾薯條：有味道，外皮尚留有一點脆口，皮被水汽弄得不夠脆，店吃應該更好。薯條也是，被水汽弄得不夠脆，白白浪費炸得不錯的薯條，而且。。。為什麼沒有附茄汁？為人疑惑的是為什麼用這膠盒裝，可能是為環保，可能是怕炸的膠盒會溶？雖說是貼心，但食物變不好食這點真的可惜，希望下次能更貼心，解決這問題。凍奶茶，凍檸茶：正常茶記味道，凍檸茶檸檬剛好，有點茶香，隨餐的不能要求太多。炸髀薯餅：＄36 （凍飲＋＄2）炸髀薯餅：別奇怪，炸髀薯餅也是有薯條的，份量也差不多，那我叫炸髀薯條的用意是？聽友人說薯餅味道不錯，下次懂叫的還是叫炸髀薯餅吧！近乎獨市的生意來說，價錢尚可，路經這地肚子餓的話可以一吃。

今晚想食魚，行過太x一個客飯要差不多$100，於是決定返屋企幫襯樓下茶餐廳。見到手寫餐牌有「涼瓜炆青斑」，雖然$78唔跟飯，但決定一試。一打開盒見到好足料，原條青斑，涼瓜蒜子亦不少，配料同魚都入味，條魚炸完再炆就更香口。好味推介！

放假，又落去同朋友食下午茶，今次叫左沙爹牛肉雞排米線，32個大洋only，沙爹牛肉唔辣，香沙爹味，送麵一流，另外估唔到雞排幾好食，炸完香口之餘，重幾入味，抵食， 另外叫左杯熱咖啡，夠香夠滑，但有少少燶味，果然係港式咖啡，正

係屯門做完野有啲餓，知道兆康商場都有啲茶餐廳，所以就過左去，新聯輝都幾大，個人偏好焗飯，所以就叫左海鮮焗飯，包一杯熱飲，雖然係焗飯，但都出得幾快，好大份，海鮮好足料，有時啲焗飯會焗到啲餸好腍無哂味，但佢焗到岩岩好，有少少芝士燒焦既味道，仲要係炒飯底但飯粒又無痴到一舊舊咁，啲配菜都難得地幾好食，最後食唔哂啲飯都要食埋啲送先捨得走lol 咁既飯四十幾算係咁啦，仲要都幾快，岩哂我呢啲生活節奏快速既香港人！

星期天同一班朋友行完山，就諗住搵間餐廳食個Tea！！大家為咗方便搭車就喺小康站附近搵咗間茶餐廳食嘢！！！唔講服務方面依家野嘅嘢食算真係唔錯 ～～～我叫左個茶餐分別有沙嗲牛肉麵多士火腿奄列餐飲一杯個沙嗲牛肉麵好多汁令到成碗面都好有味！真係都幾好～食牛肉方面係用"鮮牛肉"去整嘅～又加上肉汁！個味道都好噥！加上好有咬口既感覺！！正正正多士就差少少，吾夠脆口！火腿奄列正正常常冇乜特別嘢！杯茶呢就幾好飲啦！好飲茶味而且唔會澀味！真心讚一讚杯茶因為而家好多茶餐廳杯凍檸茶嘅味道都好怪但係呢一間沖出來的凍檸茶係好港式檸檬茶嘅味道～茶味夠濃的黎吾會苦！但有樣嘢唔好！平日去親茶餐廳啲茶餐都可以亂配搭D野食因為我想將一個火腿今年轉做火腿炒蛋～職員都唔願意同我去轉定真係吾可以！！！其實都唔知行服務算係好定唔好！因為我哋一班人坐低我哋睇都未睇過餐牌就問我食啲咩之後我哋再睇多陣餐牌又走過來問食啲咩完全係未知嘅情況係咁吹我哋要嘢食食物質素就算係咁但服務真係要改善下

前兩日星期日，放假係屋企唔想煮野食，就落左去兆康新聯輝食野， 下午茶只要$33，但因為冇火腿奄列，所以我都係叫返特餐，都係$35，價錢都尚算合理，來茶餐廳緊係要食我既至愛，沙嗲牛肉米粉，沙嗲味濃郁，但唔會太咸，米粉都算爽口，另外火腿奄列都算好滑，算係一般水準，麵包就牛油底，不過不失，但以現時茶餐廳黎講，真係算中上之作，最後，熱咖啡又出奇地幾香濃同幾滑，又幾好喎。

今天番工前落樓食左個"沙爹牛肉雞扒米線"因為時間太早啦 餐廳未預備好沙爹牛肉 所以要等到7:00a.m先有 果然等係值得的 沙爹牛肉非常好味嫩滑雞扒亦好大塊好厚 這個餐真係好低食只係$26 杯奶茶仲好好飲添