新華冰室

营业中

休息中

今日晏晝做完嘢嚟到龍門居嘆返個下午茶新華呢度個下午茶算係非常抵食例如好似西多咁只不過係29蚊，仲可以揀花生醬同咖央今日有少少肚餓所以嗌咗佢下午茶嘅咖哩豬扒飯雖然係下午茶但係佢份量一啲都唔輸蝕食落去個豬扒仲唔係柴皮豬扒佢係少少肥又夠淋個咖哩汁有洋蔥薯仔，係好classic嘅茶餐廳咖哩汁大家可以睇下個餐牌佢普通下午茶好似吉列豬扒平沙律薯條嗰啲只不過係30零蚊你係食炒嘢呀焗飯嗰啲就會貴返少少差唔多40蚊左右算係非常抵食

今日喺附近做野做到6點幾 周圍好多堂食都收晒舖行咗好耐終於見到呢間餐廳因為太肚餓喇所以就入咗去咁我叫咗個常餐呢度嘅常餐同其他餐廳都係一樣有個包不過唔同嘅就係另一樣嘢係奄列本來都冇乜期望諗住快快脆脆食晒野跟住你返屋企個餐好快就到左估唔到個奄列都幾大份而且我嗌嘅米粉都好大碗五香肉丁嘅份量都好足而且醬汁方面都好多因為好多時其他餐廳嘅常餐個面都係冇乜汁即係清湯埋單嗰陣就係$47 常餐45凍飲加兩蚊價錢都正常不過奄列真係都幾大份如果下次再嚟呢頭都會幫襯

途經見到menu 有t bone 鐵板餐 另一半想試下 又見佢都多人叫外賣 諗住街坊食得都應該ok 啦 點知真係嚇死 湯有曱由 個飯d 肉酸嘅 真係預左茶記唔會乾淨得去邊 但寧比人知莫比人見 飲飲下湯見到有隻曱由 真係嘔出黎。。。唔會再有下次

中午經過龍門居,又唔想食快餐店,就去左間叫"新華冰室" 既餐廳食飯. 本身個人都比較怕熱,仲要坐近廚房位,出奇地唔覺得熱,而且仲有feel到冷氣,啱晒我呢d大汗既人. 講返餐牌,咁啱果陣係lunch時段,好似有幾個餐,我就要左個A餐加凍檸茶,侍應問要唔要湯,當然要埋啦.個湯係合掌瓜湯,無出面普通茶餐廳咁重味精,飲落去唔錯,而且都幾足料到個主餐啦,就係豬扒雞翼飯,d汁仲好足料,並唔係求其整個汁,個汁係有料架 入面有西芹,仲有少少煙肉碎,淨係食個汁都夠撈飯 塊豬扒有少少似香茅豬扒,幾好味,雞翼呢就係炸雞中翼,都有2隻架,算唔錯. 紅茶同檸檬個比例啱啱好,又唔會太多冰,飲2啖就無,亦唔會太少冰搞到杯野唔夠凍,飲落去喉嚨好舒服.間店質素好好,而且冷氣勁,坐得又舒服,啱晒返工同同事食飯, 或者幾個朋友坐低飲杯野吹水

新華冰室已經開了很多年的，每次我去完旅行之後回來就一定要品嚐他的鐵板，因旅行有時食得不是想像中那麼好，所以回來一定食呢個鐵板平衡一下心理因為這個餐份量足又好食鐵板分兩類，有雜扒和西冷排這個雜扒鐵板餐是這裏水準之作，羅宋湯和忌廉湯也非常香濃味道，雞扒是採用很大塊的柔嫩的雞俾肉，有煙肉和火腿，豬扒和牛扒，薯條也非常多這個黑椒西冷扒是這裏的主角，厚厚的一件，肉汁特別鮮味，味道恰到好處，$100可以食到這個份量非常滿足

虽然是一间茶歺厅，但他们的肉醬意粉的確几好味，肉酱煮得好香，加入了洋葱粒、红学箩白粒，带出了肉的鲜味，而且意粉也算爽口，因很多茶歺厅的意粉都是林林的，不太好吃。他们的蕃茄湯底通粉也很好味，一边喝罗宋湯，一边吃通粉，几好味，湯底夠浓，通粉也弹牙，不錯。

新華的出品抵食又有質素。餐廳的扒類、意粉平均水準都十分出色。牛扒餐的牛都是很厚切的，不用一百元，就包含蒜蓉包、餐湯、牛扒（有配菜及薯條）、意粉或白飯、熱飲。是這個價錢很高質的選擇。

今早到屯門龍門居搵早餐食，住個邊的人好喜歡食另一間話炒滑蛋好食。但今天個間沒有開門，改去這一間食個早餐。叫了一個早餐，有沙爹牛肉公仔麵、火腿奄列、甜餐包、熱鴛鴦。沙爹牛肉公仔麵：沙爹汁味道好濃，最好食係個公仔麵硬度剛剛好，不太淋，也不太硬，做到彈牙感覺。火腿奄列及甜餐包：好大份，其實食完奄列加餐包都好飽，味道不錯。熱鴛鴦：淡奶比較多，蓋過了茶味，啡味也不夠強。總結：$29好抵食，好飽肚，大食人應該最like

星期日晚七八點一個人晚飯，間舖唔大，裝修走平民西餐廳格調，而非一般茶餐廳，稍舊，好乾淨。得返幾個搭枱位，是旦坐落去。四圍都係一家大細或兩公婆，仲有三代同堂八九個人拼枱食飯，但出奇冇鬧人聲，冇埋怨聲、冇講是非聲，全部都好開心咁等野食或食緊野，最大聲嘅都係小朋友嘅呼叫，而且冇人拎住個電話/平板電腦嚮樹禁。叫左個「香草蒜蓉煙肉意粉」加凍咖啡，份量夠，唔係用高級材料係意料中事，但意粉軟硬度適中，香草、蒜蓉、煙肉嘅份量比例同臭覺/味覺平衡洽到好處，令我感受到廚師嘅誠意同功力。

2010年4月6日。西 式 早 餐 一 個：「吉 列 魚 柳 配 粟 米 炒 蛋 加 茄 汁 焗 豆 搭 熱 奶 茶」。魚 柳 好 乾 淨，證 明 D 油 都 好 新 下 粟 米 炒 蛋 就 麻 麻 地，好 淡 有 病 唔 食 得 咸 就 OK。焗 豆 直 頭 係 行 貨 啦，唔 使 講。杯 奶 茶 完 全 冇 驚 喜 不 過，第 一 次 係 度 食，係 唔 可 以 下 決 定 既，等 我 黎 多 幾 次 先 睇 下 點 啦 反 而 個 老 闆（我 估）就 好 熱 心 係 咁 係 度 拉 客 入 黎 坐，本 來 係 窗 口 見 咁 多 人 要 等 準 備 閃 人，只 係 見 佢 咁 熱 情 係 咁 叫 我 入 去 咪 試 下 咁 遮

街坊生意,無諗過會有乜野驚喜,以前附近既壹加壹既豬扒都幾好食,而家就唔得喇,講返新華先,佢0係龍門富健黎講價錢算係最貴,但係我覺得貴得黎d野又真係幾好食,起碼好過市中心既椰林閣同珊瑚堡既粗製濫造,好似柴皮咁;

從前在附近讀書時，這兒還是一間補習社。現在已變成一間冰室。又於工作關係，天天的午餐都是在這兒解決。其實附近還有很多選擇，不過不是人多就是不好吃，只剩下這間未試過。內裡裝修算不俗，坐得很舒服，唯獨是餐牌上的價錢略嫌貴了些，平均要$30一個午餐，比我心目中貴了五個大洋！我幾天來食的都是$26~28的午餐，通常只有龍利柳、豬扒大碗飯與螺絲粉的選擇，天天都是這些，變的只有汁料，但很足料又很好吃。不過個人不是太喜歡炸的食物，吉豬我不是太喜歡。飯品沒什麼特別，也是一般茶餐廳有的。ps.不要order常餐，貴得來份量少。