新記美食

营业中

休息中

新記門口有得買小食﹐好似掃街咁﹐入去坐低就緊係食埋個麵啦。辣醬都有2種唔同﹐跟魚蛋燒賣嘅係辣D﹐亦都軟身D﹐好適合點野食。車仔麵辣汁就好適合配湯﹐同個湯都幾夾﹐食完真係好夠辣﹐平時出面道道都麻辣風味﹐地道港式係唔同D辣魚蛋夠實夠彈牙﹐燒賣唔會粉﹐有咬口﹐撈埋一齊食﹐夠晒地道。

細個曾經覺得個汁好好味，隔左超過十年都有，水準已不復當年勇。現在有一半在座的都是內地旅客來探店不知道他們是滿意還是失望呢？三餸一麵$45從前辣汁係必點，今日食嘅中辣都唔係好辣，雞亦就唔係好推介，肉散。豬紅同羅白都可以嘅。無俾蔥花。若果以一般車仔麵來說，是普通。但以一路走來的新記來說，是失望。店內亦會發現有烏蠅周圍飛環境衛生要注意我嗰張枱仲要喺最裡面，座位背面就係廁所淨係想快啲食完走人😭

排隊打算食兩串魚蛋（一串辣，一串唔辣），見前一個客人叫咗好多小食，店員用港普好努力咁做生意，不停「痴士」「痴士」(HKD 70) ，然後排隊輪到我哋。.店員阿姐第一句就問（普）「要什麼？」回覆（粵）「一串辣，一串唔辣魚蛋」.阿姐跟手用個發泡膠碗裝左兩串魚蛋落去，預備放啲辣醬落去，見勢色唔對，我哋再重覆一次（粵）「兩串魚蛋，一串辣，一串唔辣」.阿姐就問可唔可以將辣醬到喺個碗入面，但就係因為唔食得辣，所以先要分開，所以想分返開兩串魚蛋，而唔係將兩串放喺同一個碗度，叫阿姐幫我哋分返開做兩串魚蛋.阿姐立即勁晦氣「之前又話二串魚蛋」然後我哋再一次重覆一次（粵）「兩串魚蛋，一串辣，一串唔辣，所以要分開」.阿姐旁邊嗰位光頭大叔就幫口表示阿姐俾一個同一個碗係出於好心🙄🙄🙄.去到最尾，阿姐係俾咗兩串唔辣嘅魚蛋我哋🙄🙄🙄⋯⋯叫阿姐俾返其中一串辣.阿姐又勁晦氣咁樣講「依家又加返一串辣」！.結論：想食嘅人可能用普通話落單會順利啲～因為阿姐好混亂講極都唔明，然後仲要好晦氣

本身係附近做完嘢諗住過嚟買啲小食好細個就食過佢呢間老字號佢餐廳最標榜係個經典辣汁打算買兩串魚蛋一串燒賣外賣拎走點知一個中年男人大搖大擺咁行過嚟就插咗隊嗌咗好多串嘢食之後終於到啦然後另一個中年女人又行過嚟直接問啲嘢食幾錢？明明個餐牌已經寫晒，唔知佢有心定無意啦講多兩句之後個阿姐就問佢食咩呢個係咩服務？一個係咁。兩個又係咁。跟住我話係我排先明明我叫外賣佢一路拎住個堂食兜叫嘢食要講三次先聽得清楚最後叫咗三串嘢，佢竟然收咗$40 超級垃圾嘅點餐體驗

細細個已經過嚟食食左咁多年 依然好野味今日落到勁大雨 又諗唔到食咩好咁啱經過新記 就心血來潮整碗車仔麵每樣餸都好邪惡，必食豬頸肉豬大腸！老細依然咁熱情每樣餸都重好足料😌我仲叫咗一碟通菜 依間鋪係我食過咁多間舖最細心因為佢會將通菜剪細 我每次夾黎食都覺得好方便咁大碗都係40幾50蚊喺銅鑼灣呢啲咁嘅地段真係好抵食.不得不提佢個湯 雖然有少少甜但係配埋米粉一齊食 食返以前小學嘅味道人老咗就開始懷舊哈哈哈哈哈😂😂😂😂😂

新記車仔麵係銅鑼灣好似都少有名氣🤣呢日特登黎試試佢.位置係世貿中心附近🤣門口有啲小食可以買都有唔少人買完直接企係度食👍🏻店內環境唔算大 少少逼繁忙時間需要搭枱🙈自己圈落單紙堂食每人有最低消費$40～叫左4個餸🙆🏻‍♀️蘿蔔/腩肉/白菜仔/雞翼蘿蔔 3大舊 清甜冇渣👍🏻腩肉🤦🏻‍♀️ 冇乜調味 好un 不推介😢白菜仔 有少少硬滷水雞翼 2舊 好軟👍🏻好入味.醬汁叫左小辣一pat醬 唔算好辣🌶️份量一般 大食嘅可能唔飽🙈整體黎講 如果係銅鑼灣想平平地食個飯都可以考慮😂但唔算特別推介🙈

這碗車仔麵首想講麵條煮得剛剛好，有著彈性和口感。魚蛋是這碗麵的獨特之處，它們彈牙且鮮美，為整碗麵增添了豐富的海鮮風味。牛筋是另一個令人驚喜的配料。它們經過燉煮，肉質鮮嫩多汁，與麵條的結合使口感更豐富。湯頭鮮美，充滿了牛筋的鮮香味，每一口都帶來滿滿的滿足感。這碗車仔麵具有濃郁的風味和豐富的配料，是一道令人滿足的麵食。

每次想食車仔麵，一定會嚟食新記，食車仔麵有一個好處，一碗麵可以叫好多餸，啱晒有選擇困難症嘅朋友，呢樣想食嗰樣又想食，完全唔使諗，就可以全部叫晒🤣加埋新記自製嘅辣汁，真係無敵。最重要係佢呢度啲侍應嘅服務態度好好㗎，雖然只係食平民價錢嘅車仔麵，但係佢哋嘅態度好親民，一啲都唔惡，仲會時常保持住微笑。所以如果要食車仔麵嘅話，首選一定係新記。

銅鑼灣車仔麵話多唔多, 話少唔算少, 如果講食辣野, 一定要去新記啦, 貪佢地D辣夠晒多款啊, 咁今次叫左豬紅 豆卜 紅腸 蘿蔔, 都逐樣講下啦。豬紅: 多數都會叫, 因為口感滑, 咬落去唔會散, 辣味同其他送唔同, 唔會一個汁煮到尾, 呢D就係想食車仔麵嘅位。豆卜, 紅腸 : 好耐無食紅腸, 肥D都想食下, 正常發揮, 切得幾厚, 但題外話點都係煎最好食, 豆卜就煮得偏軟身, 比較索湯蘿蔔: 夠甜無乜渣, 配個湯底同D辣醬都幾夾, 會互相中和, 唔食菜嘅話, 蘿蔔都算係必食。

咁多年黎第一次寫食評大家無咩事都唔好黎叫左三餸油麵中辣45蚊加多串辣魚蛋10蚊辣魚蛋十蚊五粒 辣醬係無靈魂可言三餸分別為豬頸肉 牛腩 黑魚卷全部都係白烚再配上死咸一種味道油麵也是只有死咸湯也是死咸好啦諗住中辣都起碼會有辣味並沒有 譚仔十少辣都好過佢

家陣食乜都貴, 銅鑼灣食個飯都6,70蚊, 有時唔係太肚餓, 食碗麵40蚊都叫ok啦, 新記開左咁多年, 見好多行過嘅人都會食下, 就算唔食麵, 門口都會篤串魚蛋, 印象中個汁真係好辣, 冬天食就夠晒暖嘅, 但依家咁熱, 飲汽水好過入面食碗車仔麵, 份量可以接受啦, 至緊要係出得快, 坐低無耐就食得, 整體味道幾夠濃, 我就多數食白菜仔, 幾夾D汁, 芝士腸雖然係烚出黎但都脆身喎, 又有芝士,  簡單食完咁咪繼續行街囉。

仍記得十多年前一諗起新記，就會諗起佢既「辣醬」「咖哩魚旦」…..只要係食得少少辣既，都心思思想試……從$5/6 一餸，食到$10一餸。前幾年開始，雖然發現整體食物水準下降，但個「辣醬靈魂」仍在。今日再試，已經完全唔係之前既味道…..個辣醬辣而不香、鹵水唔入味，已經無咗「新記」既特色。今日既雞翼尖仲有d怪怪既麵粉味。而侍應阿姐係會企向你隔離「望實」你點咩野。可能因為疫症，生意難做，轉手咗無限次。軀殼雖在、靈魂已滅….可惜、可惜

喺登龍街諗住搵嘢食 晏晝唔知食咩好突然心血來潮好想食車仔麵咁啱就見到新記我都聽過啲朋友講就話新記嘅湯底好正 特別係如果係想食辣嘅人就一定要去入到去就唔使排隊不過就要搭枱坐 感覺上都好多人真係專登嚟試一試新記佢嘅配菜都好多我就叫咗三餸一個面食車仔麵嘅話 我覺得個湯底真係好重要同埋真係夠唔夠辣 湯底就一定要夠濃味佢哋嘅湯底有得加腩汁多重同埋辣到都有大中細 真係可以啱唔同口味嘅人麵底都好爽口牛腩嘅味道都好夠我叫咗咖喱魚蛋雞翼牛腩大辣同埋多腩汁，非常正。再加個coke zero 真係好好食

一去開銅鑼灣就會必食生記車仔面，個人比較喜歡距個辣汁，配上一串串小食同車仔面辣得黎非常好食，不過堂食的話店員態度只是一般，店內的坐位比較逼，所以個人比較多外賣帶走

昨晚買了新記的魚蛋燒賣等食物外賣，回到家食完之後什麼都沒有食過，半夜開始不舒服😭 到早上又痾又嘔！聽我朋友講返他之前都試過食完這間的車仔麵都是又痾又嘔，結果要去看醫生！ 我一會都要去看醫生了，一直作嘔🤮 這間店永遠黑名單，太恐怖了！