新記車仔麵 (已結業)

銅鑼灣新記車仔麵😂香港人愛吃車仔麵🤗吃貨有沒有心水介紹？🙌🏻-之前偽文青同黑面神B去左銅鑼灣食新記 勁多人排隊 等了20分鐘左右 店舖小小 擠滿人 就即管試下有幾好食😂咁多人排隊😎 我覺得滷水雞翼 豬大腸 係幾入味既 份量相對少😥 咖哩魚蛋正常 墨魚卷相對下較為遜色😶 不過個辣汁係幾辣 幾惹味既 但要成$50 份量少 性價比低🙈-.新記車仔麵 (銅鑼灣)銅鑼灣登龍街49號地下B

銅鑼灣名物的新記車仔麵，多的是香港人，還有遊客。老實說， 40大元只有三餸和一麵，真的有點小貴。不過在銅鑼灣這個地方，也要乖乖地打開銀包。 吃車仔麵，點油面是必須吧。配料方便，我選擇了墨魚丸，秘製豬腩肉，雞中翼。秘製豬腩肉十分爽口，而且不會一咬開就懶。瑞士雞中翼十分入味，看來是炮製了一段很長的時間，鹵得有家的感覺。而墨魚丸就彈牙，可以吃到有乜完美。而且有四粒還是很驚喜！重點的speak時新記的臘汁，香辣得來十分惹味，香得來不會辣到嗆喉！不過份量真的比較少，我吃一碗也不夠，而且四十真的好好好貴，店員的態度也不好啊！男朋友說也很油呢！

星期六下午三時，一行4人等位進食，響門口等極都叫等等，D亞姐都係果句口頭禪：「我地會安排」，等嚟等去都叫等等，但D亞姐叫極都係2位，4位就當冇事發生，我咪行入去睇下D亞姐點安排，緊係啦，D亞姐一見有人起身找數就叫2位、1位入座，有冇問下我地介唔介意分檯食，我地呢D4人行，等到埋舖都無可能有位，講真，唔食你地呢間車仔麵係唔會死，又唔係平過人。其實，都不只一次，上次又係咁，今次又係咁，唔寫出嚟分享下都對自己唔住！

我本人一向中午時間都好鍾意食麵，尤其係車仔麵就更係好的最愛，今日行開銅記又去咗新記食車仔麵叫左我最愛食既鹵鴨腎、鹵水雞翼同墨魚丸， 識食梗係要食油麵， 仲有最好味最好味嘅辣汁加鹵水汁！ 鹵水雞翼同鴨腎都好入味， 墨魚丸好彈牙細細粒， 不過講真份量真係笑少， 個面底都好食不過都係笑少， 精華就完全係晒個辣汁度，辣得好鮮味，又辣得好開胃，超爆辣最啱我！ 食完完全覺得唔飽， 但真心堅好食，暫時係我人生中食過最好食既車仔麵

諗住去赤柱之前到新記食最鍾意食嘅車仔麵。點知原來入赤柱個小巴站都已經搬走咗， 11點幾新記又未開...應該係話成條燈籠街嘅餐廳都未開-.- 咁我哋唯有入咗赤柱玩先啦， 走嗰時好開心有人肯再陪我返嚟食先走：）我最鍾意食嘅三餸車仔麵，辣豬腩肉牛筋雞翼河粉。呢度用嘅河粉係特別滑，半透明嘅嗰種 ，易入口又唔會太膩。 本人有啲重口味，會叫曬三種湯底，咖哩小辣腩汁，正XD 佢嘅辣汁出名大家都知㗎喇 ！唔係得個死辣,而係好香同會令到你想回味嘅嗰種辣。有人唔食得辣就用我d 湯自製咗個 1：99嘅辣汁湯, 試完之後都話要下次試返個小辣先得：）喺銅鑼灣40蚊就有交易嘅高質素食物, 真係好難得, 忠實fans ah!

車仔麵的所有材料十分新鮮，特別要推薦的配料包括秘製豬腩肉，豬大腸，蘿蔔，和紅腸。我食咗佢哋嘅油麵，我朋友食咗粗麵，我覺得兩種麵嘅味道都十分出色，沒有鹼水味，就算係叫清湯我都覺得好食。值得推介！

唯一屬於香港人嘅美食非車仔麵莫屬!新記係我同我男朋友好喜歡嘅一間地道車仔麵店🍜鐘意食新記係因為車仔麵嘅餸菜選擇多，同埋佢嘅辣汁真係好好味呀!!! 佢嘅辣帶點甜令人很回味通常夏天如果黎食麵嘅話會熱到流汗😅如果唔鐘意食辣嘅明友就應該會覺得呢度普通D，因為佢個腩汁湯底味唔出亦唔濃。如果有得買佢個秘製辣汁返屋企就好了😆不過呢度嘅麵都唔平㗎，3餸一麵要成$40碗 而份量唔算大...飲品罐裝$10推介佢嘅滷水雞翼，好入味同必食辣汁!!!

我從2008年開始，幫襯了n次，每次有什麼不好的，老闆都隻眼開隻眼閉。今次，也是我最後一次光顧。你們打響了名氣以後，質素每況愈下。湯底全部是糖，你以為人客是白癡嗎？大辣也沒有之前的辣。小吃的辣椒醬，也不是之前的味道。這樣子做生意，我就想看一下。之前已跟你們說過，你不不管。我就是让其他人試一下。

《已經唔再好食既車仔麵😭》點解D餐廳一出左名都會變得唔好食😭😭😭😭😭以前中學時候成日都黎食新記，個陣覺得新記好好味，最中意就係食辣魚蛋同埋滷水魷魚。而家再食新記，已經無左以前個味道了。近排再次去食新記，叫左3個餸: 蘿蔔+滷水魷魚+豬紅。蘿蔔: 以前既蘿蔔都好甜好入味，今次再食竟然係無味既❗❗❗而且又燜得唔夠，食個陣都仲係生生地既，好傷心囉～魷魚: 算過得去，都係無乜特別既豬紅: 算係最好味個個餸，入味而且唔易爛總之就好失望了😭

價錢比較貴咁就50蚊3餸加一面$40可樂10蚊罐叫左冬菇 牛腩 同埋雞中翼醃得都幾入味細細舊比較易入口份量都够食可能一分錢一分貨同其他車仔面舖頭比較d 餸都多少少(除左雞中翼，都係得2隻)男士可能要加面底揀錯左汁腩汁好咸下次應該試下辣汁最滿意係煮得好快因為我趕時間20分鐘内可以食曬埋單

新記 米飯班主和小妹對車仔麵都有情意結 除了因為經濟又實惠而且選擇配搭多多 今天可以食牛腩魚旦米粉加辣汁 明天則可以食雞翼魷魚烏冬加腩汁 還有一部分原因是因為我們那時候 學校附近的餐廳最多便是車仔麵了 所以車仔麵很多時是我們的家常便飯 我們最愛點不一樣的餸一齊食 不過通常都少不了鐵膽 豬腸兩份，豬紅，滷水雞翼，蘿蔔，牛筋 這次晚飯時份一個人想不到食什麼 食厭了譚仔那不如到好久沒食的新記 新記點餐採用畫紙方法 想食什麼圈下來交俾姐姐便可 無論麵定餸都係每款十蚊 雖然愛吃車仔麵但老實說車仔麵來說新記的而且確偏貴 小妹最後點了豬腸辣汁豬紅蘿蔔米粉加辣汁 豬腸 豬腸軟腍，洗得非常乾淨 新記最出名便是其滷水 經滷過的食物會非常入味，連骨頭都樂味 滷過的豬腸的而且確十分入味 但又不會覺得鹹好味道 辣汁豬紅 另外新記的辣汁又是另一招牌 辣汁由12種材料製秘製而成 豬紅非常結實無臭味 加了辣汁的豬紅，多了一份香辣 十分惹味 蘿蔔 蘿蔔大大舊，自起來通透 十分清甜而且吃起來沒根 啖啖滋味 總括而言，雖然一點都不便宜而且餸又不多不過無計誰叫喜歡食

好嬲好嬲真係好嬲比個呀嬸屈👿👿👿👿👿👿👿👿我圈3餸一面要米線同辣汁我由中學開始食到而家都十年啦間吾中想快食都會去仲介紹左比好多人點知今次比我預到個甘既呀嬸話說我圈完～呀嬸拎面泥我通常個了下碗麵齊吾齊嘢先食發現冇放辣汁咯甘我咪拎去counter問係咪冇加辣汁～我自己加返囉點知個大嬸話：小姐！你都冇圈我拎住張紙話：有呀（冇怪責成份）點知個大嬸仲要屈我話：你自己之後加上去就加上去啦～比返你啦唉😡～我有冇甘既必要呢？而家加辣汁又吾洗$～漏左加返咪係囉～自己為左證明自己冇錯就要屈個客洗吾洗甘毒先？你漏嘢我拎出泥自己加返仲要比你屈？好嘢好嘢你威L哂👏👏👏👏👏👏

講起食車仔面，係銅鑼灣大家諗到既都係個2丶4間，其中一間就一定係新記(其餘兩間大家想知既就私下問我啦)星期日黎到，好好彩岩岩好有位，拿拿臨叫碗米線食先！我就點左秘制豬腩肉丶咖喱魚蛋同埋蘿白。(食車仔面唔食蘿白不如唔好食)蘿白不如過往冇渣，好甜，加上湯底點左牛腩汁加辣汁，又辣又甜好過癮！咖喱魚蛋的咖喱味唔算重，但係魚蛋好結實，唔會勁腍冇哂口感咁！秘制豬腩肉，即係咸豬肉切片，味道有少少咸，但係好味既，而且肥豬肉的比例幾多，岩哂我呢個肥仔40蚊一碗車仔面，收得你呢個價錢，味道真係有番咁上下！走既時侯，出面排左10幾人等位，我可以唔洗等位都真係算好彩啦！

睇左評論先知 我唔係第一個開帳戶寫呢篇差評 為左令所有港人or旅客唔好再有同樣經驗 真係忍唔住 要光顧呢間野之前 真係要三思 希望大家真係話2分鐘睇我呢篇評論 發誓無虛假成分！第一 講食物質素： 十分一般 可能四五年前都仲算好食 宜家真係已經差左好多 就算未到難食 但完全唔值 貴就出曬名 40蚊三送一麵 無同價錢成正比質素既食物 麵底份量又少 我係細食女仔都唔夠食 料又少 叫牛腩比得2，3粒仔你 雞弈係距招牌魯水但浸到過曬龍 好老 湯又淡 唔加其他汁根本唔會想食！如果唔係附近無車仔麵但又想食 根本唔會幫襯距！第二 係環境： 極奇烏糟 上一手人食完 台都唔抹乾淨 地板又長期好多水漬污漬 門面既野都做唔好 唔敢想像距地準備食物既地方有幾恐怖！第三 就係服務 係我今次寫呢篇野既重點！！今日去到見到多人 咁就琳住拎走橫掂住附近 寫完單比個阿姐 同距講係要攞走既 距就頭也不回咁一野拎走張紙去比整車仔麵個紮辮阿姐 跟住黎到碗麵係堂食 我就話「唔好意思 我話左攞走」紮辮阿姐好惡咁講「下次拎走就講聲啦 又要坐係度 點知你拎走啊！」距仲要係有埋嫌棄既jip jip聲 我有d興但都無鬧距「我有講架 你自己

朋友話呢間既車仔麵唔錯，就過黎試下了。其實我唔係特別鍾意食車仔麵，因為一碗普通3餸既麵對我黎講唔夠大份，除非加多啲嘢，但係加一樣餸就10蚊左右，個人覺得唔抵。細細間鋪頭，但係生意十分之好，應該都有佢既特別之處掛。（雖然我覺得好多時呢個都係假象！好多間根本就勁難食，但一樣好多人幫襯）揀左五香牛肉、魚腐同河粉（2餸1麵:$36），湯底為滷汁，仲追加咗一份腐乳通菜（$20）、小食牛柏葉（$10）同埋一罐可樂（$10）。其實味道真係唔錯，牛肉肥瘦均勻，腐乳通菜淋身惹味，牛柏葉由於揀咗辣既，個味道真係辣得好開胃，正呀！但係對唔食得辣既人來講就有啲受不了啦，哈哈。呢度既份量真係唔大，要食飽最少都要$50以上，所以唔算平，但都值得一試。