影片
港铁九龙湾站 B 出口, 步行约5分钟
继续阅读
电话号码
31711218
付款方式
其他资料
酒精饮料
以上资料只供参考，请与餐厅确认详情
相关文章
幾年前誤打誤撞入左去試人生第一碟螄蚶，覺得好好食，價錢合理份量唔錯又好味中間出去食過唔同餐廳既螄蚶，都覺得唔及呢間好味幾年後終於再去食啦!!呢間啲螄蚶清洗得好乾淨，而且保持到新鮮爽口，醃得岩岩好唔會過鹹滷水拼盤 & 鵝件大約二人份量，樣樣有啲，唔算好入味不過鵝件幾香，中規中矩白飯魚煎蛋，一份4大片，白飯魚份量都多，調味偏淡不過寧願淡口啲都可以再加調味，好過太鹹就救唔番兩支啤三碟野埋單三百鬆啲，食得開心又滿足估唔到咁多年都仲保持到水準👍🏻
继续阅读
呢間隱世小店-新記茶餐廳 正宗潮州菜真係真心好食！我真係唔想睇住一間又一間傳統餐廳執，想食倒正宗菜色🙈佢地價錢ok (平時潮洲、小炒價），滷水雜足料（魷魚🦑好爽口），欖菜四季豆味香濃又岩岩好。蠔🦪餅唔太油膩。2個人食左呢3樣餸都係$250倒。可能位置夾sip，星期五果日唔多人。個門口同窗位俾餐單擋住，睇唔倒入面。舊餐牌既衞生有待改善，但接受倒。非常適合一班人去啤一啤🍻我都係「拖」左2年先去試（成日走左去隔離果間天誠 - btw之前既天誠既魚係幾好食既）我唔係d咩foodie KOL, 但見d嬸嬸叔叔咁用心做好潮洲菜，又體貼親切，想幫下佢地介紹俾人識大家試倒又有口福🤗
继续阅读
經過見到呢間餐廳，就同個朋友入左去試下，呢間係食潮州菜為主。我地就點左幾個小菜，價錢不算太貴，正常大排檔價錢。1)蜜糖骨 (全名唔記得)呢個餸真係好好食，好香口，脆卜卜，味道幾特別，仲要岩岩炸起，熱辣辣 ，必點。2) 啫啫炒菜心呢個餸真係普普通通，比新南苑個d大排檔就比下去， 唔夠惹味 ，但味道嘗可。3) 豬紅韭菜呢個餸都唔差，個汁好夠蒜香味，有d辣，豬紅夠淋入味，唔會似出面個d硬骨骨又冇味。4) 胡椒花甲豬肚湯呢個湯就好普通， 花甲有少少雪藏味，湯不是太濃， 但胡椒味夠重，夠 辣 。5) 蠔仔碎肉粥個粥都係正常味，冇咩特別，但都幾多蠔仔。整體黎講都講都算好味既，特別係個個蜜糖骨，正。
继续阅读
住係呢區， 實在有太多美食， 要再訪同一店舖，實在要有札實的根基。 呢間位於嘉和園的小店， 晚上變身潮式打冷，之前到訪過一次，冰梅骨做得實在不錯。今次試左三杯雞， 佢以煲仔上， 上枱時仲炸炸聲， 好有已違忘左既大排檔鑊氣， 熱騰騰的， 味道也相當不俗！ 另一菜式為黑松露蓮藕餅， 估唔到黑松露和藕餅係咁夾既～ 唔錯！最後係華梅脆豬手， 嘩， 呢個真係不得了， 一咬落去， 咔的一聲， 冇諗過豬手可以咁脆！ 表面仲有華梅粉， 香之餘也減油膩感～ 呢間小店， 真係好值得推介！ 有心思，味道也很出色！
继续阅读
若不是看到網友的食評和推介，我真不知嘉和園地下，有這些出色的小店。之前試過百喜，今次試新記。這間新記茶餐廳，就在天誠冰室隔離，儘管並不起眼，但卻有甚多熟客，大部份是在九龍灣的打工仔。與隔離巷的百喜一樣，地方雖然細小，但除了食物不錯之外，還多了一份買少見少的人情味。我去了兩次，都是叫台式飯，因為配搭豐富，有不同的組合，已大致試了店中的名物。台式飯賣$49，看似不便宜，但飯的份量和餸菜十足，還包了例湯和熱飲，計起來也合理。本來菜牌寫著，只有台式飯送例湯。但兩次都見到，客人進去一坐下，店員便二話不說地放下一碗例湯，有點像孩子回到家中，媽媽盛出愛心湯水一樣，頗為窩心。雖然是例湯，料頭卻豐富。上次是蓮藕鱆魚紅豆蘿蔔豬骨湯，這次是雪耳木瓜蘿蔔南北杏煲瘦肉。喝下去飲到有點味精的味道，不過亦似家常湯水，之後也不口渴。網友推介這裏的走地雞，原來台式飯可揀的兩款餸之中，也有走地雞。我想試多些款式，第一次點了走地雞和煎豬扒，第二次點了鹵水豬脷和鹵水大腸，加上飯款已配的香辣肉碎、鹵水蛋和咸酸菜，上桌時大大碗，十分豐富。現分別說說，幾種食物的味道。1. 三種配菜香辣肉碎、鹵水蛋和咸酸菜的味道都不錯，香辣肉碎類似台式鹵肉飯，雖然是配菜身分，但絕不比主菜輸蝕，味道較濃有少少辣，醬汁十分惹味，佐飯吃一流。鹵水蛋和咸酸菜的味道則較淡，咸酸菜徧甜，惟其如是，整碗飯的味道方能平衡，不至於過份濃烈。2. 走地雞果然十分好味，當然不會是新鮮雞，但雞肉醃得入味帶鹹香，肉質滑溜，雞骨綿軟帶點煙韌。特別是雞皮，皮下的脂肪不多，實在較為少見，因此連皮吃也沒「罪惡感」。3. 煎豬扒斬成了六、七件，味道令我有點驚喜。肉質豐腴腍滑，但又不是鬆肉粉的傑作，肉味帶點甜和焦香。假如說，牛頭角街市二樓熟食檔北記的豬扒，可以吸引到區外客專程來吃的話，那麼這件豬扒，也應該有此號召力。最低限度，它沒有北記豬扒那麼乾硬。4. 相對而言，鹵水豬脷和鹵水大腸，則稍為遜色了。可能是因為珠玉在前，兩樣鹵水食物，好吃是好吃，但又沒有讓我有眼前一亮的感覺。我喜歡鹵水食物較腍軟，有種在口腔內溶化的口感，但這裏做得有點煙韌。我也明白，兩樣都是耐火的食物，製作需時，同時亦要顧及不同食客的喜好，不可能遷就個人的口味。鹵水汁也是徧甜，飯內沒有放汁，因此吃起來不會味道過濃。最後是附送的熱飲，我分別點了奶茶和鴛鴦，竟然意外地都很好，甚至比大部份的茶記出色。奶茶重茶味又有濃滑口感，鴛鴦則茶和咖啡的比例合宜，不會搶走對方的味道之餘，又能發揮到各自的香醇，實在是少有的佳作。
继续阅读
您可能会有兴趣的...