新豐記魚蛋牛什粉麵

营业中

休息中

今日兩公婆不是太餓，一心想清清地食餐簡簡單單的晚餐，於是隨意地去左呢間茶餐廳。門口已經見到牛腩賣相不錯，於是兩公婆都叫左碗牛腩河。但為食的我們叫了相拼，仲加碟油茶！說好清清的一餐，最後敵不過美食服務員比想像友善，耐心等待我們點餐，而且仲推介佢地手打魚丸比我地。果然！魚丸好有魚味，不是只有麵粉！碟通菜，仲要意外地嫩口！雖然環境一般，但我覺得比起其他茶餐廳已經乾靜，整潔。佢地仲有燒味飯，煲仔飯，賣相都好吸引！下次可以一試！

新豐記今日要接上大人放工，路經觀塘，天氣又好凍，我就提議去試下觀塘煲仔飯，咁就行咗去裕民坊附近搵食。最後去咗新豐記，係果條街食煲仔飯應該係潮豐比較有名氣，可惜上大人想食粉麵，潮豐店內又冇位，要坐外面，天氣太涷，咁就㨂咗新豐記了。牛什河，＄30，多牛什，多牛腸，多牛肚，牛雜嘅牛味依然香濃，冇比湯搶走，幾好食，可惜牛湯太淡牛味不夠，應該用得太少牛骨熬湯，又用太多師傅在湯，令到整體牛什河失色不少，可惜⋯⋯推介指數：6/10菜，跟牛什河叫＄10，跟腩汁，菜新鮮，脆口，熟度剛剛好，加上腩汁點綴，走油，幾好味，幾健康。推介指數：8/10鳯爪排骨煲仔飯，單叫$55，跟熱飲加8蚊，加多一餸$10，其實加下加下幾貴，因此我乜都冇加就算了。煲仔飯，飯底好重要，不能太干身也不能太濕才好，可惜此店做不到，飯底太濕了，用水太多，令到啲飯似粥底咁太棉了。排骨，大大粒，肉爽，不太淋又不太硬，做得唔錯，可讚，幾好味。鳳爪就一般般，正常鳳爪一隻，可以的。推介指數：7/10

朋友公司是在附近，她說每天經過這間粉麵裏面都是高朋滿座，所以今日特別約我黎食，因為今日天氣特別凍，所以就先嘗試暖笠笠的煲仔飯，正當三心二意時，服務員行過黎問食咩，我同朋友想試排骨，鱔同田雞，大家在十五十六時，個服務員話不如雙拼啦，樣樣都可以試下，佢仲話食材係佢地每天去街市新鮮買返黎，聽到這句，不得不試，我朋友就話但我好怕食鳳爪的，服務員就話，我們有一個豉汁排骨的，到最後我們落左二個煲仔飯，一個豉汁排骨，一個田雞➕鱔。終於上台啦，未開蓋已經聞到陣陣香味，仲有秘製豉油。個飯都算幾乾身，配埋啲秘製豉油非常夾，同埋最緊要嘅係呢個煲仔飯個煲底有飯焦，食到最後嘅時候，就可以用🥄刮起啲飯焦，食落非常卜卜脆😋😋，由於今日太凍啦，所以無試到粉麵⋯期待下一次再黎試，因為👂到隔離講雲吞同牛腩都好好食，但見到餐牌寫自製魚蛋，睇黎下次要叫多d朋友黎先可以試多d野食⋯，到我們去門口比錢時佢地仲有問我們意見，覺得點，有無野要改善，所以我們覺得好窩心呀，要比個Like你

話說同友人去觀塘行街 途徑附近搵野食。。朋友推介新豐記 因為新開張數月~~於是就去試試-去到人流尚算頂盛！比隔鄰的茶廳更勝一籌！好快被安排入去坐底食~本人選擇牛三寶面~~D 牛肚 一個字形容..爽！而且腩汁夠味面質都屬於爽口，，有質感！邊同友人傾計 環境算整潔另外推介小食炸魚皮.....香口到不得了 邊食邊傾係享受！d侍應又吾會趕 而且開24小時。。。下次揸車黎食都可以~如果配置大電視 欣賞球賽更好！整體真係不錯

由於在一項工程之前，沒有時間打底😫，結果在該項工程之後，就來到裕民坊；但是裕民坊很多店舖都已經關閉，或是收樓而倒閉了😒。結果，由於選擇不多，又不想走太遠，便來了裕民坊上小小的側邊這兒，一坐下，發現這間餐廳有煲仔飯，魚蛋粉麵等等。結果，不假思索地，便又點了個牛腩米線，不算等得太久，便端了一碗牛腩米線過來，看似份量不少，牛腩密舖整個面頭，匙羹上面有蔥以及炸蒜。筷子夾下，發現米線份量不算太多，反而，牛腩份量比較多，有肥有瘦，即使是最瘦的部份，也有少許肥肉，咬下去非常有嚼勁，但又一點也沒痴牙。肥腩部份則的確比較肥膩，但是如果不怕膩的話，其實挺香口。牛腩米線，有荵有炸蒜，湯底不太濃，剛好，因沒點飲料也不會太口渴。服務友善，即使我只是坐下吃了碗米線，光顧了這間店舖＄30 ，但是職員也非常有禮貌，開口埋口「謝謝」、「勞煩等一下」，服務態度值得嘉許。

星期日晚本來想去觀塘 apm 吃晚飯，但到處都人頭湧湧，又要等位，所以行過對面的牛頭角道搵食。見到有間新開的粉麵舖，門外有人㷛緊煲仔飯，於是入去坐。想叫煲仔飯，但伙記話要等三十分鈡，唯有轉叫蠔仔肉碎粥，但竟然又無，咁就叫碗手轆魚麵啦！魚鮫魚麵$38-魚餃的皮煙煙靭靭，但𥚃面的饀比較油，魚麵粉量亦不多，但好在有幾條生菜。魚蛋魚麵$38-魚蛋和魚片都幾好食，但魚麵唔夠味道，口感有些鞋，份量少，湯㡳略鹹，好在有幾片生菜。

聖誕節同老公睇完燈飾返屋企 . 肚餓搵野食 . 凌晨1點幾都有好多客人. 我叫左煲仔飯.老公叫做牛筋魚蛋牛丸米粉. 牛粗丸真係好好食.侍應話煲仔飯大約等左20分鐘. 原本我已經好肚餓啦. 好彩我只係等左15分鐘就黎啦. 煲仔飯真係好好味.不枉我等左咁耐.真係超正 可能我地太肚餓.飯焦啱啱好.呢餐真係好滿足食完2點幾啦 仲不停見有人入黎.先知原來呢間係24小時.觀塘好少有舖頭開24小時. 仲要係食物質素咁高.價錢又平.真係唔錯.以後會多幫襯

琴日同朋友行開去觀塘，唔知食咩好，唔想食連鎖餐廳，又唔想荷包叫救命…朋友介紹去呢間茶餐廳（後面睇返原來都有三間分店）。叫左個金錢肚河粉，兩個朋友分別叫左煲仔飯同牛三寶。當時已經夜晚九點幾我地都好肚餓，野食黎得好快而且份量足，我牛肚仲多到食唔晒要分比佢地...牛三寶好入味、煲仔飯飯焦啱啱好、食落非常脆口，臨走順便買多包炸魚皮新鮮炸好就咁食都好好味。有少少喜出望外…不過我地食呀食食完至醒起未影相…價錢方面，印象中都係3x-4x，同區黎講性價比算唔錯冇試。下次會再嚟試下其他野。

垃圾，服務態度差就吾再講，食物一樣差，叫左個所謂既廚師秘制既豬手飯，豬手完全系無處理過入口成堆毛，都吾知比人食定比狗食，落單果時就好似吾耐煩甘，問多兩問d語氣差到極！我消費系食飯吾系消費買你地d員工既氣 九吾搭八 叫你換就系到嘈喧巴閉 系甘同其他人講話我地要換依樣果樣，吾滿意既話就吾該吾好學人做服務性行業啦，洗下碗咪算！再系甘樣而又吾作出改善既說話，我睇下依間舖可以做得幾耐，不知所謂 第一次試就系甘 吾會再有第二次！