新軒尼詩茶餐廳 (已結業)

聽同事說了很久, 指這間茶餐廳有個很"厲害"的伙記, 可以不用紙記下所有人點的食物和飲品, 今天特地來見識一下~果然,當我們所有人連珠炮般說出自己所選的食物時, 只見他一邊對著我們笑,一邊說"得,得,得..."; 然後不消幾分鐘, 他竟能正確地把飲品和食物放到各人的面前?! 厲害厲害!至於食物方面, 我點了"是日午餐 - 雞扒意粉" 配熱朱古力, 味道普通~雖然這店的面積不大, 但由於這伙記"招呼"好的關係, 我想我下次仍會繼續提議到這裏吃午飯!

四月四日（星期五）返鄉下拜山前一家人一起食早餐，我點了早餐A，有牛油方包（轉多士加一蚊）、煎雙蛋及火腿通粉，再加杯熱檸水，早餐只可以說是一般，多士唔脆唔軟熟，不過火腿通粉算大碗，幾抵食。

去左灣仔會展~之後出黎肚餓就是但係附近搵左間黎食~睇門面都可以喇~入面唔係一回事~如果去食夜晚真係無乜野食,因為佢7點幾8點都收喇~係去食早餐既都勉強可以喇~叫左碗烏冬配牛扒同司華腸~但黎既時候,牛扒焦晒同硬既,司華腸好似紅腸咁~好在叫佢換左件牛扒,佢都肯~但係唔駛兩分鐘就換黎一件唔係好熟既牛扒黎,8成熟都可以接受,但呢件6成都無=0=|| 算~司華腸三件,我個fd得兩件~XDD 不過佢費時叫佢加,免得人地話佢食左話無左喇~

啱啱轉工到灣仔，早兩日求其揾間餐廳去食lunch，見到呢間餐廳人山人海多人到七彩，諗住掉頭去第二間食，點知比個好似老細嘅伙計好熱情咁招呼咗入去。叫個滋味餐-雞扒蕃茄雜菜湯飯跟熱奶茶，杯奶茶OK喎有茶味，諗住慢慢歎，誰不知一個唔小心成杯茶跌落地打爛咗重成地奶茶，心諗今次大檸樂。點知個好似老細嘅伙計仲笑住口咁幫我轉個個位重沖過杯奶茶比我。咁我仲唔拿拿臨食完走咩，返上公司同D同事講噃單嘢，佢地個個都話呢間餐廳D服務無得頂，仲話呢間餐廳以前得一間做到兩間，D野食又好食，所以佢地曰成曰都去幫襯。咁話時話個雞扒蕃茄雜菜湯飯又好食，件雞扒又大塊，成個餐都係廿零蚊,灣仔區寫仔樓，去邊度揾呀！呢間餐廳以後一定會成為我嘅飯堂。

好耐冇到過灣仔,想話揾返呢間軒尼詩,點知仲要有兩間,原來老闆擴充營業,你係得嘅.甘耐冇嚟,梗係要嘆番杯靚奶茶,涸然冇變,茶味夠又夠熱,再食個星州炒米粉,少少棘好惹味,Ｄ籽又夠,鋪頭装修得好舒服,坐低た都唔想走,Ｄ伙計又有禮貌,好親切.抵你哋一間又一間,老闆甘後生又有頭腦,希望你地再多Ｄ分店.

好奇怪!點解寫已結業呢?係咪出錯,我今日先去幫襯,仲鬼死甘旺,星期六嗰然唔講得笑,今曰我試左一個泰式豬頸肉炒河,又幾得喎,不過豬頸肉就厚Ｄ,可以切薄Ｄ就好,唔係好多油,啱啱好,加杯凍菊花蜜潤一潤.簡值good!上一次我話過四眼仔口臭,竟然唔見左,我八下啦!間卞個姐姐,佢話曾經有人係openrice話佢有間題,所以老闆商量檢討下炒左佢,伊,我即刻覺得佢地好接收人地意見,非常好,抵佢地甘多人幫襯.不過最好笑今晚睇一睇小人物寫嘅野好好笑,個肥女人係邊個呢,甘無禮貌,答案係原來罵人都未睇清楚,真膚淺.我覺得將心比己,人地姐姐好客氣,好好禮貌,見到人大住個肚都體諒下,唔使甘冇口德.

因為公司係呢間餐廳附近, 所以耐唔耐都會黎食lunch, 貪佢夠快, d 伙計好禮貌. 不過自尋日起, 呢間野已經比我永遠列入black list 名單!話說尋日lunch hour 跟同事及友人去食lunch, 我跟同事先到, 一去到已經話3位, 有個女伙計叫我和同事坐對對住收銀的圓"木台" ,張"木台"已經有2個女人坐緊, 仲要係岩岩坐低, 野都未嗌, 呀女伙計同我講話會轉"木台" 比我.(因為d人係度出出入入, 根本坐唔到3個人) 點知等了又等, 走左一村人, 都冇調到"木台" 比我. 落單個陣再同呀女伙計講, 點知o個個女人聽到我話調"木台", 即刻撕爛我岩岩落order 個張單, 仲話" 咁等你轉左" 木台" 先好嗌野食喇" "你等到就等, 等唔到就唔好意思喇" . 那時友人還未到, 我跟同事氣得即刻走人.我都係第一次見識有人咁樣趕客, 個肥女人比個收銀老伯丙完收少錢就將d怒氣發洩係客人身上. 仲要黑口黑面. 心諗,返工已經一肚氣,e+仲要比錢受你氣咩~間野又唔係好食過人. 附近一帶d茶餐廳比佢更有水準.服務有零分的話一定會比零分的!

講起呢間餐廳,我都幾鍾意佢地Ｄ干炒牛河,幾大碟,不過多油Ｄ,同杯奶茶冇得頂,好多餐廳Ｄ奶茶唔係太多奶就太淡冇茶味,所以每次得閒都過嚟嗟番杯.不過裏面有個戴眼鏡嘅男仔就唔係幾掂擋,成日大聲講野,有次經過佢鬼死甘大聱叫我覺得佢好口臭,原本好想入嚟食都俾佢嚇走?如果呢條友唔係到,我都會多Ｄ幫襯!

我覺得幾搞笑,呢間餐廳d食評好extreme,差又真係講到好差,但依然又有人撐.好奇怪.結果我同同學今日去動漫,抱住搏一鋪的心情去試,睇下呢間咁大爭議的餐廳到底係點!其實點解咁大膽,係因為我地見到門面都好多人,應該唔差得去邊卦!結果,不得不承認老闆侍應態度的確好好,雖然有點忙有點亂.但係食物真係唔係好差,平平啦!點解會有食客講到咁過份呢?而且我都認為價錢算公道,講真,在香港那邊食野想有幾平呢?唔...不過可能真係好個人"口既",我只能講你唔"口岩"食,只係唔係你杯茶啫!太偏激,損人不利己的~

本小姐一向都間唔中會去幫襯呢間餐廳;因為呢度d待應很醒目好有記性,我每次入去佢地就第一時間送上一杯我最like嘅凍檸茶小甜而旦亦很有禮貌叫我早晨.呢間鋪d人好有活力同笑容,雖然Ｄ野食不算得好好食但都算ok,起碼食碗滋味餐個茄容雜菜湯都幾好味.食得出係用新鲜材料做.其寳茶記來講算ok呢間餐廳環境算好,好有茶餐廳feel所以我成日同d同事落去食野吹水.早幾日d同事話上這個網站睇到好多劣評,所以我不得不撑一撑這間餐廳.這間鋪個老闆如果唔係甘醒,d野食有番甘上下質素同埋甘好嘅服務又點會其門如市.日日lunch落去都爆洒栅.由一間做到又一間甘叻?其實世事又豈能盡如人事,但求無愧於心!希望呢間餐廳carry on 努力做得吏加好我同班同事會繼續suppot你哋嘅.

我都幾認同食飯梗係醫飽個肚啦!不過,我好多時都有嚟呢間餐廳,鬼叫近咩,態度又好,服務都幾好.不過,有時,飯市就要等多一陣,度度餐廳都係咁啦!我好多時都食嗰個乜鬼滋味餐o既雞扒都唔錯喎!我諗同佢哋食嗰個湯意粉o既餐o既雞扒都一樣啫!蟲先生講到話俾豬食都唔食.....咁我間唔中去呢間食午飯咪食豬"哨"..留番啲口德好啲..俾意見啫!唔啱食咪算囉!有樣嘢我覺得蟲先生講得幾好笑,我喺灣仔返工,成鬼日下晏都出去食飯,乜三十幾蚊叫貴,我諗差唔多啦!除非去食啲魚旦粉類啦!Sorry!我真係無人生攻擊,祇係睇唔過眼....同埋我唔想俾人話我食豬"哨"...

我覺得之前個位食客未免過份左姐!我都去過呢間餐廳,未至於佢講到咁折墮掛?豬都唔食,小心折福呀!如果人o地真係好似你講到咁差,我諗唔會越做越大間掛?

尋日行完動漫展夜晚冇咩食，就比呢間野既門面呃左入去.......一坐低見到個餐牌已經唔對路，d野貴到死，平均要成$40一碟咁滯，茶記黎講佢都算收得貴。個環境又唔係咁乾淨，d碗仔仲有漬架，已經起身想走，不過行得又攰叫佢換過就算啦。我地一行5人，set dinner唔吸引，咁我地就叫左3碟炒粉面share，諗住即炒野衰極有限，點知........1) 咸魚雞粒炒飯- 超少，又勁油，一個男人都唔夠食既份量，又冇咸魚，不如就咁叫雞粒'炸'飯啦。2) 鴛鴦炒飯- 冇味，一d都唔好食3) 夏門炒米- 開頭黎錯左個海鮮炒米，明明寫錯單仲夾硬要人食，我地死話唔要叫佢cancal跟住埋單走，佢係咁話等多兩分鐘再整過，整完出黎見到個樣已經唔想食，都唔係紅色既，白雪雪又凍冰冰，不如叫北極炒米，難食到爆，每一食左一啖就掉低左。我個朋友杯熱谷咕仲衰，面頭有層油，見到都唔開胃，都唔知有冇洗過杯。我地一路食一路鬧真係想爆粗火都黎埋，真係未食過d咁難食既茶餐廳。Blacklist呀，以後一定唔會再去。呢度最低得一分，冇得比0分既....

同女朋友去書展前兩個人都覺得好餓,唸住隨便找間食店飽肚就算,所以就入左哩間野,坐係入門口唔遠既卡位,周圍環境好似有d亂,可以行既通道都好窄,但環境我一向都唔注重,所以無再理會,睇左餐牌介紹,好多餐都係假期或夜晚係唔會有,其他可以叫既,我地地覺得一個字講晒"貴"算~~飽肚姐,一餐半餐無所謂啦我叫左個炒貴"雕",加可樂女朋友叫左個有湯意粉既餐,會連一碟獨立上既雞扒之類既,食物上枱,首先係個碟雞扒,好快上.....我由於好肚餓,一上枱就叉件食下......唔熱既....個樣好似炸完,放係度好耐咁...到炒貴"雕"上了,我食左一啖,同女朋友講...不如你試下.....因為..我未食過咁咸既炒貴"雕"...我夾硬食左幾啖....頂唔順....唔想再食了....哩個時候,女朋友叫我試佢碗湯意粉,我試左啖湯~~好稀,好似加左色既滾水.....一d味都無....最後,我碟炒貴"雕",好完整咁放係枱度,女朋友個餐淨一大半係枱度,我地埋單就閃。我地兩個都話一定會記住哩間野既名,因為,哩世都唔會再去。做乜講到咁絕?講服務,招呼都算係咁,仲幾好,熱情有禮貌,但我只係想食餐飯,飽肚姐....難食既程度可以做到咁

我同成班朋友黎食，因為太多人食物等左ok耐先有，叫左幾個餐，廚房出既野真係幾好味，水吧就一般．但係不得不讚奶茶同檸茶好好飲!同埋老闆服務態度好好!