新金堡餐廳

营业中

休息中

周不時也會到灣仔搵食，星期日好多出名食店也不開門，之前在大街上的店已經吃過，今日決定穿插多幾條橫街，由於時間尚早，有些食店未開，穿過利東街，原來後面有一條短巷，見到呢間店已經開咗，望完餐牌，探頭入店，舖內好窄，只有兩張枱，老闆出來招呼，叫我上樓上雅座⋯⋯樓上另有天地，大概八張枱，整齊乾淨，睇完餐牌決定試鹹豬手，因為平時唔會自己動手做。老闆好有禮貌地招呼我，套餐蒜蓉包是即叫即整，餐湯亦都非常之熱，令我滿意！到主菜了，豬手一早已經切開一小塊，肉質夠腍豬皮非常之脆，最緊要係鹹豬手唔係太鹹！整碟份量好夠一個套餐嘅價錢喺同區冇辦法可以搵到。另外餐廳氣氛非常之好，燈光柔和，加上播放舒緩音樂，令人可以慢慢享受食物。

在灣仔搵食，見到哩間。第一次試下，有驚喜。到門口好似好差咁，但原來坐位是在二樓，裝修得好靚。服務態度非常好，食物都唔錯。👍👍👍最特別的是連服務費加一都無。唔使北上，留港支持小店好過拉。

放工想平平地鋸下扒，推介喜帖街附近呢間 \•新金堡•/🥳 ！門口細細，上到樓上有幾張四正枱仔，地方唔大但好企理二人餐$388好吸引，簡直應有盡有🌸前菜三選一：忌廉白酒煮青口，忌廉味濃，青口鮮甜🍲紅白湯配蒜蓉包，正常發揮🥩主菜各一：揀左頂級牛柳同新西蘭西冷，兩個都選配蒜蓉汁，牛柳五成熟剛剛好，唔係成口鬆肉粉！切落軟嫩有肉汁，一流！西冷都好味但相較之下覺得牛柳出色啲🧡😙🍨甜品各一：有芝士蛋糕同杏仁巴菲，因為唔食杏仁所以兩個都揀芝士蛋糕🍰，薄身啲，唔怕食唔落😂🍹餐飲各一：有凍熱飲橙汁等，揀左橙汁，唔係鮮榨，係比較淡口嗰隻，不過ok la咁嘅價錢仲想點🥹成晚最欣賞嘅係服務好好，樓上主要一個人做哂幾枱客生意，落單上餐全部係佢，但節奏掌控得好，又好親切好有禮貌，食得好舒服🥰埋單無加一，388走得🤩不過記得呢間係收現金架！（一路食都聽到隔離枱話可以encore，下次再嚟）📍新金堡餐廳 (灣仔)灣仔麥加力歌街13號加達樓地下G號舖

最近情人節去咗一間新金堡餐廳，兩個人點咗一份德國脆皮鹹豬手飯同美國雞扒伴什果沙律，每份餐都會跟送羅宋湯同蒜蓉包先講豬手飯皮香肉嫩多汁，至於沙律係我見最多人點，蜜瓜夠鮮甜，成碟食哂最估唔到係碗羅宋湯超足料，一個字，蒜蓉包夠香脆，整體上野食質素都係性價比高，平均消費都係$88咋

無意中喺社交媒體網站見到有人推薦餐廳，八卦上openrice 睇下，見到咁多好評仲心諗係唔係打手，今晚食完之後決心做一次打手，因為真係好食又抵食。（本人第二篇食評）真心覺得好食又抵食，忍唔住要寫一遍食評給點鼓勵及讚讚！現今經營食肆真不容易呢！今晚晚餐點了雞排，朋友點了牛排，忘記叫汁另上，上菜時，原來汁不是淋在排上，非常好，而且份量大，雞排肉嫩好味，連薯菜都好味，西蘭花夠淋。下次會早點去，因為餐廳比較早關門，8:30pm 就關門。

在熱鬧的太源街，轉入隱秘的小巷，才會發現這間小店。點咗主菜會奉送餐湯，我通常揀紅湯-羅宋湯，足料又濃郁，仲有即刻焗熱嘅蒜蓉包，好香脆。😍已經食過好多次，每次質素都好高，無試過失望。今晚點了龍脷魚柳配意粉，要求少意粉多菜，老闆娘都冇托手踭。😝龍脷柳煎得外脆內軟，配杏仁牛油汁唔會好腬。😋之前都係食佢個牛柳多，今次另一半叫咗香煎雞扒，一睇賣相就知個皮勁脆，簡直好似生炸咁正！塊皮脆卜卜，但係雞扒仍然保留到Juicy，亦完全冇油膩嘅感覺🤩。 （本身影咗相可惜鬆郁矇，所以冇得post俾大家睇）😅唯一比較弱嘅係帶子，因為係急凍冇咩鮮味，但係都唔會腥同幾大粒。而餐飲會最鍾意點老闆特製嘅熱檸蜜，老闆一定係用靚檸檬，因為放耐咗杯檸蜜，都唔會變苦同澀，每個細節都感受到老闆嘅用心。💖佢地下冇乜位，通常係上閣樓坐，因為樓底矮，如果多人可能傾偈會有啲嘈，但我一般放工後才去晚餐，每次都差不多包場，所以好寧靜，坐耐啲傾偈都好舒服。但係夜晚咁少人，有啲擔心會否做唔住，所以都寫返個食評等大家知道佢嘅存在，最主要係擔心，呢個咁好食嘅飯堂會消失咗😝 不過相信佢係做外賣同埋午市較多。臨近聖誕，見佢擺咗好多好靚嘅裝飾，有心思又有

街角的扒房，很不起眼。但是出品非常好，兩人來吃了兩次，不重複的四個餐都沒有令人失望。難得的是，服務也非常好，阿姐阿叔禮貌客氣，賓至如歸，然而卻沒有加一服務費。餐包上之前會用烤箱額外加熱一下，餐盤也是溫的，十分講究，街邊小店的標準也很高，配菜裡最推薦的是薯菜，餐湯也很有味～餐後甜品水準也令人印象深刻。下樓的時候發現門口晚市更加抵，只要五六十蚊，唔知午市有冇咁樣既套餐，日後灣仔返工既時候可以考慮。推薦！delicious

灣仔巷裏扒屋 外店看像間普通的餐/外賣店 午飯途過見餐牌 黑毛豬呀 新西蘭牛 法國咸豬手 紅酒脷 etc 名似勁 今晚特襲去食 望入 地下不大 原來上有雅座 環境雖不大 但舒服 晚上只有一枱像包場 haha 還有音樂伴食 兩人 叫了 新西蘭牛& 紅酒脷(簡寫/詳看相）ha 按老闆?(當係）建議牛扒要5成熟 過了良久 來了來了 看相 很不錯 牛扒肉質豐厚 滿滿的 一口 切 入口 - 嫩 五成不是那血淋淋的 （忘拍下）是剛好 肉包了層肉 內是酒紅色 咬口不是撕口 好質感 我喜歡 紅酒脷 份量 足 有4塊 一般餐廳 貴的都是 一兩塊 且最怕弄原脷上碟 成條脷個d 真見到五想食 這個單看相頭 不似脷 一大片 厚度的適中 試了一口 嘩 美味 也是嫩嫩的 兩款都選了配菜/薯角 比普通波浪薯條 軟軟又脆脆的 牛扒選了蒜汁 不是一般醬汁 濃濃的沒過多蒜味 沒搶走牛肉肉味 沒作大 雖然不是 「米之蓮」級 也不是一般啊 飲品 coffee & lemon

朋友介紹下今晚來這間小店試試。點了紅酒燴牛舌及香煎牛柳套餐，先來蕃茄湯、粟米忌廉湯及蒜蓉包，味道不過不失，牛燴得很入味、肉質鬆軟，牛柳煎得香脆、厚身有肉味好淋還有香脆薯角伴碟。整體食物質數很好、價錢大眾化，除此之外，餐廳環境優雅，坐得舒服，適合一家大小或朋友聚餐。

🔅呢間新開張，仲係試業期間一開始見到佢門口真係唔覺得吸引，就好普通一間茶餐廳咁，係同事帶我去食先發現搵到寶🤩舖面好細，要上去2樓食，裝修幾日系，真係估佢唔到，有木櫈木枱木牆咁😮午餐$68-$150不等，包蒜蓉包+餐湯(羅宋湯/忌廉湯)+熱/凍飲，而且大份兼唔洗加一，灣仔嚟講超抵食，良心價😱前菜蒜蓉包🥖 有蒜蓉味但唔夠重，香啲就更好，咬落幾硬，配湯一流〰️羅宋湯🥫 好濃，應該落咗好多茄膏令佢好有蕃茄味🤣忌廉湯🥣 好淡，唔夠忌廉味，溝太多水了，不過有粟米同火腿，尚可接受🫡德國脆皮鹹豬手🐖 💰80 ❤️‍🔥8/10分🔅可配飯/意粉/薯菜肉幾嫩滑，香，份量多，配燒汁意外地match🤤略嫌有啲鹹兼唔係舊舊都皮脆，好多都係豬皮feel，食落係幾有骨膠原嘅，不過想食脆皮多啲咁😗薯角有薯仔味，但唔重兼有啲燶，同上，唔係舊舊都係脆，少失望🫠粟米蘿蔔仔同西蘭花就唔多講了，正正常常咁😌懷舊芝士鮮茄焗豬扒飯🍚 💰68 ❤️‍🔥7/10分好有芝士味😍茄味都有不過畀芝士搶咗個味，無咁明顯😶‍🌫️豬扒都大塊但唔係話好重豬味，有層粉喺上面嘅感覺，我麻麻😕服務都幾好，會同你講拜拜，提你落樓梯小心啲😆🔅留意番佢營業時間星期一至日

雞扒沙律外賣沙律同雞扒都好大份雞扒唔乾，剛剛好餐廳仲好有heart咁加左哈密瓜唯一一樣覺得有改善嘅地方係沙律太多醬，尤其是當份沙律好大份嘅時候，會覺得好"流" 但呢個價位呢個地段真係好抵食，會再幫襯

今晚路過見到..又未食晚餐一於試試佢😝叫左2個餐，一個慢燒頂級牛柳， 肉質細嫩👍6成熟剛剛好🤤另外叫左一個香煎安格斯新西蘭頂級肉眼，份量足😬肉味香濃，絕對值得一試😍

lunch time 得一個鐘求其快快買個飯返公司食。 行過呢間應該係新開既，都幾多人排隊， 好快諗好食咩就係門口同老闆講， 老闆係超快手，真係10秒倒就包好份外賣，我就可以極速返公司喂飽個肚。 本身怕啲外賣咁快搞掂，會唔會擺左出黎好耐凍曬或者好求其！ 事實係！ 熱辣辣！ 味道正！ 大大份！ 正呀！ 重要近公司🥳🥳🥳🥳好開心搵到呢間餐廳，將佢變成我御用飯堂先希望可以一路keep到水準呀！💝

行過太原街，路過小店～港式西餐廳好多都買少見少，首先有熱辣辣蒜蓉包醫肚先，加10蚊就可轉龍蝦湯，個人建議一定要轉！好Creamy但又有濃濃既龍蝦味有田螺有白酒煮青口，鐘意食蒜味濃既呢個田螺好放心有薯蓉底🤭另外，青口果個白汁好夠白酒味，不左少少黎飲主菜，因為今行有7人，所以都比較多野試到～本人比較鐘意羊架牛脷，兩樣都煮得好軟熟～羊架好想再食…同埋唔係SO囉，牛扒家人叫左紐西蘭同安格斯肉眼佢地都話好夠肉味，另外叫左個白汁魚柳意粉，都唔錯！平平無奇小店真有驚喜！會再次光顧

星期一見這小店新開張，想去試菜，中午時份可能很多附近街坊人同此心，很快滿座。咁就試吓外賣焗豬扒飯，咦！有驚喜，只係$52有杯飲品，性價比高喎。星期五，約2個老友去試吓晚餐，問咗老闆，不會收開瓶費。新開張，暫時晚市比較靜。只有幾枱客。三個人自備紅白酒各一支，老闆備有紅酒杯，細心喎。叫了法國蝸牛，青口送酒吹水。水準唔錯叫了羅宋湯，龍蝦湯，非常啱口味主菜2份牛柳，1份羊架。羊架好嫩唔騷。牛柳肉淋有牛味，而且居然套餐$160，真係黐線咁平，點為皮？跟著老闆推介芝士瓶及巴菲，本身很少吃甜品，和老友分享，又幾好喎，我唔食甜野都覺得好食。呢間小店真心覺得有驚喜，味道幾好味。性價比冇得輸。