新金榮打冷小廚

营业中

休息中

今晚難得咁太餓又即刻有位就去食呢間潮州菜而食潮州菜一定要試佢地d滷水我地偏扁冇order到滷水鵝片而揀咗滷水鵝腸不過有d可惜係鵝腸應該係同d滷水分開煮完全冇入味變相就好似白灼鵝腸另加滷水汁但滷水汁又好似唔太夠味好彩叫佢比d潮式辣椒油點咗差好遠好遠係好味好多另外我地仲order咗蠔餅同啫啫雞煲蠔餅係油炸style同較淋不過就好大碟但有好多位over cook咗有d失望……反而啫啫雞煲就好香味道都唔錯餸飯好啱

幾個朋友約食飯吹水，有朋友提議想食打冷，我諗起屯門杯渡站下面有間人氣打冷店，所以早啲去攞位😀。煎蠔餅，啲蠔仔脹卜卜肥嘟嘟，又新鮮，而且剪得好香口。滷水鵝腸拼生腸，兩款腸都很爽口。滷水鵝片，滷水好入味。椒鹽鮮魷，鮮魷口感好彈牙，外皮又脆。韭菜豬紅，韭菜很嫩，個汁好好味。滷水魷魚，煙煙韌韌好好味。

工作過後，有時候跟朋友一起吃飯輕鬆一下是必須的，打冷小菜是大家的至愛，跟三五知己小聚選這個菜式是一項不錯的選擇，有時候不計環境，風味也很重要的，所以打冷小菜配大排檔是必須的😂香腸大腸鵝腸三拼很多腸😂這款是打冷中最基本的，夠爽鹵水鵝打冷吃鵝必須的吧，不過鵝肉有點韌🥺幸好還有牙力咬😂蠔餅香口爽脆，內裡也有蠔仔在，用來配飯一流呢🦪韭菜豬紅這個差不多每次來也吃，有辣味，豬紅又不會一夾便散開，不錯🐷椒鹽鮮魷這個香口小菜就算不是吃打冷也要叫吧，炸粉不會太厚，肉也很多塊，椒鹽惹味🦑新金榮打冷小廚屯門仁愛堂街1號麗日閣地下10號舖

想坐得耐、嘈得、傾得計，真係非佢莫屬😆😆香港人先識欣賞既地方👍🏻👍🏻一坐坐足4個鐘，好正！黃金蝦球、椒鹽鮮魷同炸大腸真係冇得輸！！！冇晒限聚令，除左約埋一班人去飲茶，記得要約埋一班人來大排檔食返餐！😋😋回味無窮♾️

The restaurant is always lining up with people when we come to have meal everytime.Pig blood curd is having good taste and textureBraised goose with tufu, I always like the tufu haa, with soft texture, though it’s a bit too salty laaFried Squid with Broccoli having good taste, yummy sauceSweet Corn Fried Fish is my number one choice haa, always tastyFried Rice filling up my stomach as our last dishesThe food quality isn't bad, you can expect Dai Pai Dong feeling, not bad choice.

呢間之前食過好食, 所以周不時都會再幫襯次次都會食呢個鹽焗烏頭. 加番碗潮州白粥白粥吾系熱的. 系凍, 有D稀, 飯仲系粒粒分明吾同香港的白粥, 但系加埋個鹽焗烏頭, 清清地真系好正個鹽焗烏頭真系好好味, 一D都吾腥兩個人SHARE覺得太少, 因為真系好味, 一個人都食得晒成條覺得太清, 可以加番碟灼篤腸, 飲番枝啤酒咁就一餐, 正

今日我入了屯門找親友，素聞何福堂有不少食肆，中式小炒有鑊氣，價錢合理，份量足，決定一試椒鹽鮮魷拼多春魚鮮魷炸得香脆，魷魚爽滑彈牙；多春魚炸得香酥無腥味，沾喼汁減少油膩感，好送飯。黑椒牛仔骨牛仔骨牛肉味濃，肉質軟滑，黑椒汁香辣惹味。滷水什錦鵝腸爽口、墨魚爽、豬耳爽、腎片有咬口、香腸、豬頭肉香，全部入味，滷水味突出，配酸辣汁或辣椒油，更添滋味。蒜蓉油麥菜蒜蓉味香，菜新鮮。潮州煎蠔餅有大、小之分，蠔新鮮肉厚，煎得香脆。店面是大排攤，但有冷氣，坐得都舒適。

今日約左家人去左屯門食個晚飯早早地去到就可以唔需要等位就有飯食我們叫左豆豉蒸烏頭魚,避風塘炒蟹,啫啫通菜煲,拼盤豆豉蒸烏頭魚-幾香魚香味道,有埋豆豉更好食仲要唔係咸避風塘炒蟹-廚房話煮多左100蚊有交易,抵呀,仲要好好食,實肉蟹啫啫通菜煲-夠晒香口好味道拼盤-這個就一般左少少

今次大長征入到屯門，朋友介紹就黎到呢間大排檔，雖然好人食客，但都唔洗等位，埋位既時候參考人地食D咩，竟然每枱都大同小異，就即刻試試佢。所以我叫左蠔仔粥，炸蠔餅，韭菜豬紅。豬紅浸住濃濃既汁非常野味，豬紅結實有咬口。蠔仔粥我2個人食叫左細碗，每人都有2-3碗👍🏻，啖啖都食到蠔，蠔好飽滿，每啖都好鮮味。炸蠔餅，蠔飽滿鮮甜，炸得好鬆脆，點少少魚露，提升蠔餅豐富層次。我朋友果然無介紹錯😋👍🏻美中不足蠔餅有少少碎殼，但整體比好高評價👍🏻👍🏻👍🏻

收工同朋友傾下計飲下野, 唔想去排長龍, 又唔想比人趕走, 就決定食打冷！我地3個人, 7點幾黎到, 唔洗等, 上菜好快, 又大碟,  友人好中意食一字骨, 食落脆脆地又幾香黃金鮮魷都好正, 好多鹹蛋黃, 粉漿唔會甩叫埋2枝啤酒真係無得頂!!

今日一大班人飯聚大家都諗起食大排擋勁耐無食啦屯門數一數二雲集大排擋既地方—何福堂附近我地揀左名氣較強既-新金榮我地今次六個人，一人叫一款首先係大蠔餅炸得好脆又唔會好多油，粉又唔會好厚蠔仔足料蠔餅大大份抵食西檸雞酸酸甜甜好開胃食返啲綠色食物先西蘭花🥦粉絲技術性錯誤...我係未影相之前就比人食左啦呢個係我揀既菜色三色水蛋比相像更好食雞蛋🥚皮蛋同咸蛋配飯一流西蘭花🥦班腩碟碟份量都勁大碟好抵食我地有四個男仔，但最後都食唔晒啲野幸好都盡量食到得返少少餘下最後賣單每人：$80好便呀！推介

瀨尿蝦「鮮食」，80蚊兩大隻，正，鮮！鹽焗海蝦，肉質非常飽滿，味道鮮美，殼與蝦肉之間有一層厚厚的膏，90蚊，超級平靓正！豬耳生腸鹵水拼盤，滷水鵝，每次必點！一個熱炒，2隻大啤，兩位埋單，從未超過400蚊！老闆師傅及姐姐都好nice！信我，來試下啦！

屯門食打冷好多選擇,今次試試近馬會啲間凍瀨尿蝦-好新鮮肉彈牙,冷凍做得好唔痴殼好易食,味道超鮮味蠔餅-炸得好酥脆但得面果塊,第2塊已經油膩膩,蠔又小只似食脆餅卤水什錦-腎爽得來好易啖,鵝腸都夠肥美,墨魚彈牙,大腸夠晒林入味,豬頭肉唔夠爽又唔入味多毛,生腸唔夠爽,豆腐好滑入晒味正金莎三寶-豆腐炸得夠乾身夠脆又入味,墨魚夠林粉夠簿,茄子最重味但又最油膩,但食到停唔到手送酒一流總結-味道唔錯不過地方就迫同比較嘈雜油煙大,係食野嘅好地方但朋友聚舊就唔適合

屯門人打冷一定會去新金榮，因為抵食又有保證。蠔餅一定要叫，size有大同細揀，揀細就ok。始終蠔餅太油膩，少食多滋味。一定要夠熱先好食，太滯就食唔到嘢。新金榮啲蠔餅唔會得麵粉，蠔都多炒通菜石鍋上，我都估佢唔到。整個菜立即變得抵食，而且份量多！炒得惹味。好鍾意呢個豬紅質感。佢比較彈牙，唔會好似出面嗰啲咁散。個汁又好食，小小小小小辣。一咬開舊豬紅，就啜到入面啲汁。夠鑊氣！又夠味！椒鹽九肚魚好滑，炸得好脆，但好熱氣。打冷平靚正！但今餐食得重口味同熱氣。不過揀得呢啲小菜，預咗咖嘛！