新金豐餐廳

营业中

休息中

星期六日最怕叫外賣，因為人多多數要等好耐！黎到d野又凍晒，不過今日好神奇竟然等左半個鍾到就送黎！有幾次等左成個幾鍾，好啦入返正題！想食得開胃d所以叫左茄汁雞扒飯，d茄汁個味冇咁濃淡左少少！塊雞扒d肉就唔係咁淋口感硬身左少少反而塊皮就好淋囉。如果60蚊呢個價錢10分我會比4分

今天冇人煮晚飯，自己又費事煮，附近又冇乜選擇，只有新金豐最多人排隊，即係唔錯呱！我今晚想食滑蛋蝦仁飯！好想食好想食！就叫左個滑蛋蝦仁，晚餐有埋靚仔一碗，涷檸茶同例湯，價錢好抵我冇期望架對附近茶記，所以外賣回家後就開動啦，一打開，嘩，勁大盒，滿瀉咁濟！真係好足料，D蝦仁大大隻，起碼有十幾隻！蛋香而且真係好嫩滑，蔥花又多，仲有蛋汁，蛋一D都唔老，唔鹹唔油，味道很不錯，淸淡健康之選，飯又多！例湯正常，涷檸茶不會太澀，甜度適中，茶味ok,咁熱天氣飲杯涷檸茶簡直係種享受

石蔭呢邊其實都好多餐廳，由其係茶餐廳，講到最旺就係呢間新金豐，無論幾點行過望入去都好爆場，食飯時間就一定要等位。我地叫外賣多，打電話叫左，半個鐘度過去拎。通常都食蒸魚餐，有一個魚，加一個小菜，兩個飯，兩個湯，兩杯野飲，需則係二人餐，但兩個人食其實勁飽。豉汁蒸黃立倉倉魚大條肥美，蒸到岩岩好熟，肚位好滑好好食。魚香茄子煲份量都唔少，茄子唔會話吸哂油油淋淋咁，個咸魚肉碎醬汁夠咸香惹味。餐湯必揀羅宋湯，呢度羅宋湯真係好正，味道好之餘又多料。

每個禮拜既宵夜餐都唔同，每月第三個禮拜先有呢味泰式黃/紅咖哩豬頸肉拼雞翼飯。今次叫左黃咖哩，咖哩味唔會勁咸，濃度啱啱好，豬頸肉唔會太硬，雞翼又唔係煲到爛晒個隻。每個月先有一個禮拜可以食到，仲要等到十一點後先有得叫，呢個好食過拼蟹柳同豬扒,強烈要求日日有得食！晚餐應該要加呢款啦!

平時都系餐廳入面食，d食物資素都算幾好！但系今日買個外賣返到屋企一打開，d餸都算ok，但系個飯就接受唔到咯，一舊舊，好似漿糊甘，60幾蚊比d甘噶飯人食絕不能接受！本來對e間餐廳噶印象分都幾好，但系今日個外賣實在令我對e間餐廳個印象分大打折扣

新金豐係我外賣之選之一味道好又大份每次都要預早一個鐘打去叫因為佢地煮加埋外送時間最少一個鐘..蒸魚套餐最常食 豉汁黃立倉 火喉剛剛好 魚肉十嫩滑又有多魚油椒鹽豬排就普通d 唔夠香口羅宋湯就必試既 夠酸夠濃又多料個套餐仲有跟熱飲添

中學畢業 之後都好耐無返黎 學校附近 學飯喇😞😞。琴日 難得有d 事就約左一班中同 返返去 細個 成日lunch 既餐廳。 感覺真係有d 懷念😢😢琴日就叫左 細個 成日叫既 焗飯呢到d 焗飯 我覺得質素係唔錯既 而且 會有好香既 芝士味我就叫左蒜蓉汁焗雞扒飯 個飯 多汁 又夠 芝士味 d 芝土係可以拉絲既😂認真唔錯 塊雞扒皮有有d 脆 跟餐仲送埋碗白湯 算係唔錯啦😽十分我比7分啦😬

今日原本要返工，但咁撞岩打八號風球，但又心驚驚隨時落波又要換衫返工，好彩公司話5點後除波都唔洗返！我一過五點仲見到未除波就即刻換衫落街食野，因為堅唔洗返工，打風緊係落去搵野食醫肚餓，我落到去石蔭，都好多餐廳無開，咁我見到新金豐開左，就入左去！原來好多打風都會落去食野哈哈咁我就叫左個扎肉撈金邊粉，我諗我應該叫錯左，出到黎好似豉油王撈麵果類咁！應該叫撈朦先係加酸醋果隻掛！但呢個麵真係好咸囉，同埋扎肉配撈粉真係好唔夾！唉～如果打風仲食到好味既野應該會心情更加好囉

晏晝食唔夠飽，下晝四五點諗住食個tea，望到呢間泰國菜餐廳有15蚊下午菜，於是就行入去睇下。之前食過呢度既泰式青咖喱雞飯，味道都唔錯既。今次就點左佢既海南雞米（$15），凍飲（+$5），點左凍檸茶食之前聞左聞，有陣味，唔識形容。碗入面米粉份量十分，唔係一兩啖食哂個啲，仲要啲雞都有五六舊，無呃秤，唯一可惜係食落有少少似鹽焗雞。總體黎講，廿蚊食到碗足料既雞米，唔錯既。 合共$20。以今時今日既物價，廿蚊食到餐下午茶真係好難得。

奉勸大家絕不要到這間餐廳吃飯，這間餐廳食物質素差劣，服務態度極差，收銀員還會因顧客查詢價格而講粗口，我剛剛「享受」了這種待遇，已經決定不會再去這間餐廳，亦不想再有其他人貼錢買難受。

小弟响附近返工，經常都去呢間食早午餐，食物整體黎講响呢條街算係最好，特別係鴨腿湯飯，同埋佢d冬蔭功湯粉真係無得頂。而且好難得每個侍應服務態度都幾好，咁多年都一直支持，但最近換左個聽電話兼收銀員，佢既態度差不在話下，每次聽電話仲要十問九唔應，有時打電話去叫外賣仲要刻意攞起電話然後放响一邊唔聽，我以為佢忙緊收錢，唯有等一陣啦，點知佢原來同其他人响度傾緊計，過左3分鐘後佢仲未接返個電話，我就收線打另一個號碼，點知佢又係攞起電話就放低，然後繼續同其他人吹水，我又等左一陣佢都無理我，唯有放棄。隔左幾日，我又想食下佢既湯粉，同樣既待遇又重複發生，兩個電話都係攞起就放低，我寫咁多野，係希望有關管理層可以注意一下，唔好比一個咁無質素既員工影響佢地咁多年既良好形象，特別响呢d街坊區，良好既服務態度係非常緊要，長此下去，損失既只會係 貴公司

同朋友響附近打完波, 一齊黎呢間茶餐廳食早餐. 假日人流非常多, 但速度好快, 等左一陣就有位.要個雪菜肉絲米粉, 雪菜味道唔會太咸, 米粉夠幼, 個湯唔會太咸, 味道唔錯, 份量亦非常足料.跟餐要紅腸餐肉, 呢兩樣比較求其, 無咩煎過, 不過唔油膩, OK.而個厚多士新鮮烘, 幾香脆.

賣相都還可以，不過佢可能炸耐左導致塊魚唔係金黃色咬落去都係脆身唔會食到成口粉！！沙律方便都好豐富有好多雜果同菜配答～～成個餐都低食又有野飲30蚊算係咁杯凍檸茶比較澀左少少啦

外賣大約等左4，5個字到都算快！！個賣相都差唔多架啦冇乜特別，係d汁少左d～～好似投其倒係四周圍側邊之後再倒落塊扒中間到咁…望落好似好多汁，至於塊雞扒咬落去d皮都算脆！！肉就唔係好林咁啦～～建議撈汁食會夾好多飯都軟身既，唔會話太硬。凍咖啡d色水都光澤，可能係我叫左多奶！！因為個人喜歡多奶。呢個餐10分滿分我比6分啦

今早去左吉陰運動埸跑步,跑完步就去左對面食早餐,黎左依到,好多人呢,坐下我點了五香肉丁麵,多土煎蛋,五香肉丁麵味濃,有DD辣,肉丁大柆口感豐富,麵質彈牙,多士非常厚但太多牛油了,腸仔煎得脆脆的,是廚x腸來的,正...