新金豐餐廳

营业中

休息中

街市呢邊食市都好多，而呢間茶記就晚晚都有人係出面等位，茶記要攞飛仔係門口等位真係第一次見，所以呢既決定試下，兩個人入去，要搭枱茄子斑腩煲，我超級中意食茄子 ，雖然吸哂油好肥下但真係好好食茄子預先炸過，好香口，斑腩肉厚啖啖肉，肉夠滑，醬汁十分惹味，全部用哂黎撈白飯咕嚕肉，炸得香脆，肉夠腍，但較多骨，，醬汁酸酸甜甜，都唔錯呀！仲有中湯同飲品送！

黎呢頭探親戚, 黎到食個早餐先, 呢間新金豐好多人食, 選擇都幾多, 試下先.一入去侍應哥哥好有禮貌問你幾位, 到寫單既哥哥都同樣有禮貌.要左雪菜肉絲米粉$27, 米粉軟硬適中, 夠爽口, 份量亦幾多. 雪菜夠味, 甜甜地既, 不過肉絲就少左D, 成碗唔會淡茂茂.跟餐腸蛋厚多士, 腸蛋唔會煎得太油, 正正常常. 厚多士微暖, 唔似隔夜麵包, 搽左牛油係真係會食既多士, 唔係放埋一邊.餐飲熱奶茶, 奶味重D, 不過都夠滑, 夠提神.呢間茶記人流量好大, 所以就算等位都好快有位坐, 食物出得都幾快, 係飲品耐少少.

以前覺得小社區唔會搵到好野食，到自己大個，慢慢發掘屋企樓下食肆，原來有咁多好野。就算依家搬走，都掛住某間茶餐廳或米線店，這間當然榜上有名。是日下午茶時間到，就點樣邪惡野-- 西多士。 水吧師傅負責埋，每件都是即叫即做，心急的朋友勿點！其實此店職員與佐敦某出名茶仔"澳X"好似，男職員為多，個個都好快手，好身手。先來飲品- 凍華田。凍阿華田- 都係用現成粉沖，有咩技巧？錯錯錯!!!就是因為分量的配合、熱水是否沖溶、淡奶糖水多少等等，令華田的質素一向都好參差。先從顏色可見一斑，愈深就表示愈重料, 入口除了既有的麥芽味, 淡奶味都調和了麥芽味, 令口感及滑。西多士- 一向都少點這項目, 參差得要緊, 現在有些茶記竟然拎一塊厚多士就去炸, 中間完全無餡, 變質嚴重。這間是少有我會點的西多士, 味道依舊, 質數反而比以前更好, 每件點叫即炸, 方包比坊間買到的厚少少, 中間搽花生醬, 每件都6面上好蛋漿才下炸鍋, 是6面!!!上枱金黃色, 顏色及厚度已很吸引, 而且出奇地少油, 罪惡感覺降低更多。牛油會放上面, 令西多士熱力溶化, 一絕。糖漿會一早預備給你, 要落幾多自助, 方便。切開無漏氣. 西

適逢星期六日 西甲英超都有得睇所以就相約朋友一齊到茶餐廳睇波因為未食晚飯 所以就叫左一個焗飯食咖哩海鮮焗飯好多芝士好正 好好食 而且海鮮都清楚見到可想而知幾足料 而且價錢都唔貴 (42包凍飲)值得推介另外凍朱古力都好香 應該係加左奶既關係 在夜裡 即使唔睇波 都係宵夜好去處

翻学午膳成日黎依间 常餐好抵 30几有野饮有面有厚多士/方包/脆猪 不过装修完加左价 冇的简脆猪虽然平时12点去到脆猪已经冇晒 有幸食到一次 口感几好 冬阴功金边粉试完又试 分量好多好多好多 次次都食唔晒 两个女仔食一碗都够 料足 最中意既系次次送既汤 饮开中汤 都算浓 好鲜 真材实料 平时系茶餐厅饮柠茶都系得3片薄薄的柠檬片 但新金丰d冻柠茶柠檬超多 好中意 奶茶都好好饮 黑白淡奶同平时d植脂奶真系差别好大 绝对好评

我喺屋企叫咗份金豐外賣,唔使半個鐘就送到嚟,啲飯仲係暖㗎不過我好想知點解有隻雞蛋喺咖喱度囉,我明明淨係叫咗黃咖喱雜菜飯㗎囉我自行喺飯上面澆上菜同咖喱,即係「蓋澆飯」,不過澆之前我都有試下啲飯係點嘅,啲飯係煙韌,唔會太硬,亦唔會太軟,更加唔會黐牙,好適合撈汁,啲咖喱微辣,並且香味十分濃郁,而啲菜味道十分鮮甜同脆,胡蘿蔔嘅味道更唔會令人難受,蕃茄酸酸地同蕃茄味特別濃,青椒亦十分鮮脆

早前在下曾經說過，公司包伙食，平日不需要出外的話，就乖乖坐在公司食飯，可是今天仍然要出外，由尖沙咀來到葵涌，已經是午飯時間。石蔭路一帶有好幾間食店，有燒臘飯店，酒樓和粥麵店，但是以茶記居多，因此平日午飯又是以茶餐廳開餐，一來方便快捷，食完就走，二來時間上可以拿捏得較好。新金豐餐廳看來都唔錯，而且較新，再看看餐牌，只有快餐和下午茶，以及泰國粉麵和常餐為主，其他碟頭飯欠奉，因此今天無緣點來碟頭飯了。羅宋湯是在下必然選擇，原因就是恐怕中湯加了味精。湯頭有辛辣味道，都幾辣的，幸好還有酸酸甜甜的味道。生菜炒豬頸肉。這是接近小菜類別，跟一碗飯，實在有點驚喜。不過在下略嫌生菜炒得肥膩一點，少一點油也無妨，豬頸肉是半肥瘦，脂肪只是佔了一部分，不過在下依然喜歡瘦一點，這樣會健康一點。豬頸肉稍欠了一點爽口，腍了一點，生菜同樣腍了一點，多一點爽口的話就好了。夠順滑，亦夠茶味，醇厚度不錯夠茶甘，是一杯好茶，好喝。其實這一道菜，如果是沒有這麼油的話，那就最好不過了。

上星期四響公司叫呢間外賣，揀咗豬頸肉炒公仔麵。D麵黎到，隔咗十分鐘就開餐，點知一打開就見到D麵發脹哂，而且好淋，對我黎講只係醬汁撈麵，完全冇炒嘅感覺，另外汁唔夠，食落冇咩味，D豬頸肉得三四片，仲要又乾又硬。唔明塊生菜做咩要墊底，索哂D油叫人點食？總括黎講係好難食！

新金豐轉左裝修後係好食左,位置又坐得舒服左今次食下午茶試左炸雞脾 + 茶走炸脾新鮮熱辣, 雞皮下已炸到無乜脂肪粗薯條又香又茶走練奶份量啱啱好, 唔會過甜盛惠$25 一份

金豐餐廳由細幫襯到大，早前擴張改名新金豐，上次食飯啲飯好硬，今次食炒麵就一 pat 嘢，啲麵都唔可以一條條咁夾起，連慳家嘅亞媽都叫我唔好食，仲千叮萬囑以後唔好再幫襯!!

日日週圍遊做嘢！响街搵食都係日常要煩嘅重要事！今日四個人去到石蔭！已經係下午茶時間，連午餐都未食！穩陣啲都係上openrice睇一睇！揀咗呢一間茶餐廳，茶餐廳最好，乜都有得食，人人都一定揀到！因為要睇住架車！所以坐响近窗卡位！好快已經揀咗下午茶餐嘅「星洲炒米」($31)包熱檸茶！因為呢間餐廳未食過，揀呢樣係要穩陣！都要等10分鐘先上菜（要等即係即炒）賣相好靚，份量男仔食都夠飽，米粉炒得乾身！條條分明！唔會碎濕濕！仲要煙韌！其他配料足料！蝦唔會爽而無味，好多叉燒同火腿絲，仲有雞蛋、洋蔥同芽菜，見配料多過米粉！咖哩粉香而不辣，好均勻痴住米粉！講真星米嘅材料好簡單，又唔係貴價嘢，但炒得好嘅好難！呢碟真係近期食茶餐廳嘅最好味星米！茶餐廳熱檸茶茶膽有保證，香濃但唔澀，雖然唔係用瓦杯，都用厚身有耳膠杯！有啲茶餐廳用透明無耳膠杯裝熱飲！熱嘅時候攞唔起嚟飲，攞得起時已經涼咗，唔好飲！餐廳裝修新淨光猛，桌椅唔會油淋淋，難得廁所乾淨，有齊吹手機，洗手液同廁紙！地下無水漬，唯一係無個勾掛手袋！唔方便女士！呢間茶餐廳衛生真係唔錯！因為見到侍應趁下午茶時候少人，執拾餐具櫃桶！而且侍應有禮！同事讚侍應上飲品時，會

之前因為停業裝修, 令大家誤會執笠, 事實當然是沒事啦!! 只是擴充營業以及重新裝修而矣!! 不過亦是乘機加價, 由以前30-50元的平均晚餐價, 加至40-60元, 不過當然, 作為忠實擁躉, 多10元而可以更有競爭力, 不用輸給日漸上漲的成本及能與其他附近的同業者競爭(特別是翠河及港麗), 我覺得仍是可以接受的!! 而重開的第1餐, 我選擇了啫啫雞煲餐+忌廉湯+凍檸茶, 啫啫雞煲雖然等左好耐, 但係夠晒鑊氣, 味道不錯, 配件落足, 如洋蔥, 蒜頭, 雞腎......等, 非常之惹味, 唯獨是份量以前少了一點, 不過以一個人的食量來說仍是足夠(我算是大食量的人), 至於忌廉湯方面保持原有水準, 有點CREAMY, 不錯!! 凍檸茶與以往一樣夠晒茶味, 以屋村茶餐廳而言, 算是保存了原有之水準!!至於埋單是49元+4元(?唔記得2定4元)=53元, 比以前貴了不足10元, 以質素而論算是可以接受!! 始終以前一向便宜開, 新金豐算是加價加得遲了!!(我以前在家中叫外賣晚餐連湯連嘢飲, 都只是38元左右, 絕對平通全港九, 因為送埋比你仲要水準唔錯)

雖然這裡是舊區, 但餐廳環境及服務質素都唔錯 。近11:30 p.m. 叫左兩個午餐:鼓油汁肥牛拉麵配凍華田 : 鼓油汁真係湯的顏色及味道反映, 肥牛:不是太肥,爽口;拉麵少少爽, 彈牙, 配以芽菜、半隻雞蛋、紫菜, 味道唔錯 ! 但杯華田都好甜下, 凍飲但摸落去係熱加冰, 粉多, 溝左一杯半凍水才沖至適合, 唔溝真係好甜。牛肉炒河配凍奶茶: 河粉幼滑炒得顏色好均勻, 牛肉嫩滑, 配以芽菜爽口, 油多了少少, 但賣相唔錯, 味道也得 。凍奶茶, 奶味多一點, 但好少茶味, 中規中矩。配粟米忌廉湯, 好飲 !

琴日我叫咗B餐馬來炒貴习, 西湯羅宋湯及11月免費精選特飲(只適用於跟餐)-桂元茶(熱)。不過馬來炒貴习入面d咖喱一d都唔辣,羅宋湯夠入味。 桂元茶係用乾龍眼肉同蜜糖嚟煲,不過甜得濟。 咁抵食,下次我都會再去呢間。

是日公司九成同事外出進修，剩下小貓三幾隻，我係其中一隻！買個外賣返同事慢慢歎，我認為新金豐係石蔭區內最好味茶餐廳，金豐附近開多間小小新喜樂園，有得揮喎！食物新鮮員工有禮，勁敵喇！其實金豐早餐都好好食，可惜係貴咗啲同埋勁唔環保囉，好似我叫一個早餐可以有成三個發泡膠碗盒，依家轉咗仲湯還湯，麵還麵咁用發泡膠碗，真係唔好！仲有厚多士同奄列又要一個發泡膠盒裝，一份早餐，成個降落傘咁大，誇張呀！講返食物，厚多士真係好嘅my favour，熱辣辣加上原盒仔butter，喜歡塗與否，自己決定！奄列都係熱辣辣，加上通粉上一同食，好味。其實最好就係一個早餐任你點拼都得，服務又唔差，難怪lunch要輪位！不過為咗地球好，環保啲喇！啲客應該唔介意架！