新釗記茶餐廳

营业中

休息中

新釗記喺粉嶺都已經開左幾年，但我總覺得價錢唔平，所以無食過。終於到左打風日子唔想煮飯，四圍行先留意到佢晚市二人餐原來都唔係好貴，所以決定試一試。二人餐$188除左包兩款小菜、兩個湯、飯、飲品外，另外仲有例牌鹽焗雞同油菜，即係四個菜嘅二人餐，聽落好豐富!!其實如果食魚嘅話，揀蒸魚就最抵，不過男朋友唔食魚，所以推以求其次，揀左糖醋魚塊；另一個小菜就揀左蜜椒薯仔牛柳粒，即係有齊雞、魚、牛、豬(湯渣)，豐富!!🤓是日餐湯辣熱熱，陳皮味好香，湯渣有花生粒同豬肉，飲落足料，不過鹹左少少。白飯食得出係大陸米，好實唔彈牙；勝在好大碗，男仔食一定夠飽例牌鹽焗雞係胸連翼位，隻雞細細隻，冰鮮雞肉質，鹽焗雞粉味，正正常常。雖然雞同飯一般，但兩款自選小菜就好有驚喜!!😯 糖醋魚雖然薄，但食果陣仲微微脆，又有魚香。牛柳粒雖然鬆肉粉拿到無牛味，但勝在無筋又唔痴牙，個蜜椒汁又惹味，好好送飯。連埋凍飲加$2，合共$190。如果細食嘅話，分分鐘三個人食都得，我地兩個出名大食，食完真係好飽。😆

見門口大大隻字寫出爐麵包甘就入去坐低食個下午茶叫左個沙嗲牛菠蘿包沙嗲牛包都等左我差唔多15分鐘 覺得奇怪點解會咁耐黎到即刻試下個皮脆唔脆啦 點知係叮出黎....................................以後都唔會再幫襯 做茶餐廳有埋麵包櫃都做到咁做茶餐廳好意思叮個菠蘿包？？

上一次光顧這店已經是疫情期間今天再次光顧食物質素上有點轉變首先是下午茶分量變少了牛腩肉的部份也很少，菜也只有一條而馳名牛腩變得有股牛騷味牛騷味有可能是供應商洗什處理不太好亦有可能是品質出問題除去牛腩的問題，河粉也非常碎沒有一條是完整的河粉，夾起來也相當困難除去這兩個問題湯底跟牛腩的調味都很對胃口不算鹹，味道剛剛好，最少對比起祥華及名都那兩家好只是粉及牛腩就...坦白說質素上比起疫情前差了很多當然附近有很多店撐過疫情也撐不過租金導致結業計算成本是無可口非的事，這個是明白的不過我情願店家為保持食物質素加價也不要將價就貨，不然只會更趕客，生意更難做現在粉嶺多選擇的傳統茶記越來越少而新式茶記只有幾組餐，更甚是掛茶記頭賣頹飯多吃一兩次就悶了附近有一家多選擇的傳統茶記已經很難得真希望這類茶記可以維持下去我寫食評一直強調店員服務質素佔的部份很少更甚是不重要，因為我認為「你付出多少有多少服務質素」如果付出很平民就自然有好服務是花紅所以這店的服務非常親切友善總括來說在粉嶺中心附近的粉麵來說它的味道真的是不錯，有薑有陳皮，調味用料亦很足但以CP值來評價就以前會比較高一點現在嘛....只算是中規中矩，除非解

$51一碟炒飯 份量細到要用精緻黎形容....味道直頭要品酒咁品先食到味😅另外杯凍杏霜係好難飲🥲🥲奶油脆豬合格既不過同理想中係有少少出入外皮唔脆淨係得中間脆就硬係唔做多少少碟炒河油膩左啲望落有色但係都係食落冇味唔多夠鑊氣同埋真係太細份$51唔值🥲紅豆冰正常水平熱好立克正常水平侍應服務唔錯既都有禮貌同好聲氣環境唔算靚不過入面都幾大好多位坐下午茶下次真係唔好幫襯午餐或者晚餐份量先至正常仲要唔係差好多價錢

中午喺粉嶺想搵間茶餐廳食個快飯，新釗記個名好似好熟，都係啲老牌茶餐廳，唔知自己有無喺其他地方食過，但粉嶺中心呢間就肯定未食過。門口好大隻字寫住出爐麵包，又真係聞到新鮮出爐嘅香味，見到個紙包蛋糕好鬆軟又大大件都好想食。裝修屬於舊式茶餐廳格局，入去卡位坐低，叫咗個午市套餐。#鹽焗雞飯 $58望落去鹽焗雞皮比平時深色，應該係淋咗豉油汁嘅關係，同時有雞髀又有雞翼，份量都唔少，食落去鹽焗得好入味，但唔係死鹹嗰隻，鹹得嚟又唔會蓋過雞味，無抱有任何期望的話，以普通套餐嚟講都算有驚喜。#肥牛炒公仔麵 $58炒得有鑊氣，唔肥膩，薄身肥牛片份量都多，麵質炒得彈牙爽身，醬油味夠入味但唔會太鹹，配料仲有韭黃、蔥、芽菜及蛋絲，面頭仲撒上芝麻，完全無求其，加埋辣椒醬食，惹味開胃。茶餐廳午市套餐基本上就一定包熱飲、送例湯，今次係花生眉豆蓮藕紅蘿蔔湯，老火湯煲得濃郁，唔似係味精湯。#新釗記茶餐廳地址：粉嶺新運路33號粉嶺中心地下130號舖

今日初三隔離金記排晒隊，所以快啲嚟呢度食個早餐，見佢價錢都唔平，以為都有啲水準，叫咗個S三餸米線餐，點知包片得兩塊，要三個餸諗住多啲餸，已經冇麵包，食完仲要唔飽，史上第一次！平時成日見佢哋呢間靜英英，原來真係有原因！其實只要老細比D心思，整靚個早餐，客人食飽小小，就會返轉頭！依家食完仲唔飽，仲有少少後悔早知走遠啲去大家樂．．雖然大家樂都係麻麻地，至少他佢哋又平啲都食得飽啲，而家咁樣食咗，返到屋企仲要食啲嘢，唔知佢老細有冇去過金記或者去過附近祥雄食過呢？點解人哋食早餐都可以食到滿座呢？點解呢度唔得呢？唔係其他地方要排隊我都費事入入嚟，而家做老細真係要知己知彼百戰百勝先得！唔係自己蝕錢，都唔知發生咩事，員工士氣又低落，真係要改變一下先得，唔係好快又少一間餐廳！

唔知點解佢仲可以生存到，叫左兩個早餐，芝退治加飲品，32蚊，麵包好薄，個薄過711啲三文治，小朋友份量。沙爹牛肉麵，福字面，主要個包係凍，同個阿姐講你個包凍既？佢唔出聲，唔理你，走左。但另外個阿姐又好熱情同隔離枱食客傾，可能唔志在做生客生意掛？個餐包底痴左好多點點。原本諗住叫三個餐，來左兩個甘樣質素，都唔願再俾錢叫第三個餐。樓面叫極都冇人，之後先知佢地服侍緊個衛生幫姐姐。如果食開連鎖餐廳，如百分之百，來食呢間鋪，會接受唔到。總括係食得唔開心既

去到粉嶺中心，千揀萬揀，揀左新釗記茶餐廳食早餐。叫左一個奶醬多士加熱奶茶。幾分鐘後奶茶送到，但件多士一直未到。由於冷氣有點大，奶茶都開始涼。見餐廳根本冇乜人，怕佢漏單所以搵個侍應追問下。追單下，侍應一問有咩未送到嚟，見係多士就即刻話多士係要時間整、要耐啲。點之轉頭就拎過嚟。一入口不得了，是涼的。即係一早做好但冇人拎過嚟。杯奶茶係唔錯的。但咁嘅「服務」，完全影響我對呢間餐廳嘅觀感。check都未check就assume唔係佢地出問題。

一直都未去過粉嶺，今日有機會同朋友一齊入去粉嶺做啲嘢，做完嘢有時間可以在附近行吓，行左陣朋友就話有d肚餓，我睇吓時間原來已經中午，於是找個地方食個午飯先食完先再行過，入去粉嶺中心睇吓有冇茶餐廳，見到呢間新釗記就入去試吓先睇餐牌都好多選擇，但見午餐又幾啱食，每人就叫左個午餐，有湯，有飯，有飲品我朋友叫左個干燒雞柳伊麵，我就選左個香煎蠔餅飯。干燒雞柳伊麵：伊麵炒得好乾身，伊麵好腍好入味，雞柳入囗唔算鞋，麵和雞柳分量都好多香煎蠔餅飯：蠔餅好大塊，入面好多蠔仔，size都唔细，可口味美估唔到呢間真係抵食夾大件，大碟到食唔晒

十一點左右仲想食早餐的話，就應該去茶餐廳😂經過見到新釗記早餐選擇都多，人少少就入去坐低咗熟蛋雞翼配菠蘿包難得真係有餐廳做到完全熟晒嘅煎蛋👍🏼蛋同雞翼都係即叫即整，食嘅時候仲係熱辣辣😍菠蘿包就暖暖地，質感厚實，可能太耐冇食菠蘿包，食完之後覺得好滿足☺️☺️鍾意食菠蘿包嘅朋友，落單嘅時候記得將提子包轉菠蘿包啊😉沙嗲牛肉福字麵沙嗲味濃郁，麵質有咬口，主角沙嗲牛肉都整得好出色，牛肉夠厚，而且軟淋入味好值得回味❤️餐廳嘅環境唔錯，座位寬敞，唔會同隔離枱貼得太近而且枱櫈都算好乾淨👏🏼

今日來度粉嶺中心新開一間茶餐廳食早餐新釗記茶餐廳點左個沙爹牛肉福字麵，係粉嶺呢區好難食到 咁好食福字麵個湯底！真係要比個👍比呢位師傅、沙爹牛肉好濃縮個沙爹汁，值得一試會繼續幫襯新釗記我點左杯茶走，茶味真係有驚喜！👍👍

今時今日仲可以出到呢碗牛肉麵，原封不動成個麵仲係正方形張牛肉放上去加湯，蛋同雞翼全部凍嘅，杯奶茶飲左3分1都放棄唔想飲，唔出聲都無人執枱，大一大間鋪都周時拍烏蠅係有原因！

見粉嶺中心開咗新店，於是幫襯下，試試佢既出品如何。今次試下午茶餐，要試真廚師既功力，乾炒牛河非叫不可。於是叫咗2個茶餐1)乾炒牛河送紅豆冰 $492)雙拼燒味瀨粉送紅豆冰 $40以上價錢絶對合理，非常抵食👍質素方面，乾炒牛河色水夠，眼見碟底無乜油，河粉炒到夠乾身，成碟有成5~6塊牛肉，最欣賞佢既係面頭仲加咗芝麻粒😋可能下午茶餐關係，份量偏少一點😂雙拼燒味，質素一般般，唔難食，碗瀨粉就味精湯底，最好唔好飲湯😑估唔到紅豆冰居然可以跟餐送👍👍👍紅豆夠綿夠大粒，好正，不過成杯紅豆冰十分甜，飲曬成杯會好膩😅總括來講，咁既價錢，可以值得一試。

今晚收工經過粉嶺中心，見到新釗記茶餐廳 推出抗疫套餐，超級低食48蚊一個小菜仲有飯有湯份量超足哦，重要係好好食，打包返來仲好有鍋氣哦！好好味，會繼續幫襯有個帶眼睛個哥哥仔好靚仔哦重要係態度好好

由於一直買開外賣的食堂在裝修今天決定在這家店買外賣在門外翻著餐牌看到飯餐有下午茶價就試一下點了個馳名牛腩飯加一杯凍檸茶點餐後逛了一下商場約5分鐘就已經有餐可取出餐速度算是不錯。在食評開始前還是把話說在前頭我個人認為牛腩怕肥就不如不要吃要健康什麼的就不要吃牛腩嘛現在有很多食店為支持所謂健康把牛腩是去得一點脂肪都不剩，說實在是很難入口所以我偏愛用牛坑腩的食店。雖然這家店的牛腩飯不是用牛坑腩、亦吃得出不是用鮮牛腩做但脂肪是有的，而且還附有牛根很軟很腍，腩汁亦非常濃厚不是死咸吃後也不口渴我猜算是真材實料的味道沒加味精，而牛腩的腍也不是＂霉＂那種腍是花了時間去燉煮的感覺，肉的甜味還是有的，所以整體上無論食物質感以及味道都是好評的。而說到飯量亦非常足夠，對我來說是有點撐了比我吃開的食堂外賣量還要多，這方面我也給好評的唯一缺點是那杯凍檸檬茶，那個茶底十分微妙很難形容是什麼味道，又不像是立頓茶葉的清香又不像碎紅茶的濃厚，對我來說只有中藥那種茶的味道沒回甘反倒是喝後餘有一份苦澀感，簡單而言非常不對我胃口我亦不太懂欣賞，為了不浪費食物只好勉強把它喝完，全個餐唯獨這個差評。由於粉嶺中心大改後平民級有質素的食