新錦園大排檔

营业中

休息中

大角嘴廟會，幾乎封左半個市政大廈。我們18:00抵達幾乎都要等位，而這兒這個時間等位幾乎也等於可以走得，因為有排等。好在我們最後也找到一張門口檯。食品：環境：環境就是這樣一般，而且門口位不容易坐，太多人出入了。服務：落單快，追單慢(因為佢地話追唔到廚房)，不過有電腦單都勻真。衛生：每個麵包已用膠袋包好，衛生情況不錯。價格：其實我地次次去到都差不多叫某個Range的東西。不過上次蒸鱔明顯好過今次蒸倉魚.仲鱔平幾蚊.總評：以明碼實價嚟講真係抵食，而且係少有的大排檔風味。可惜今日撞正廟會，人多到爆，可能因為咁廚房都做唔切，好多檯都叫追單或cancel單。不過對外區人都係可以一試既。對我地區內人係常光顧的食堂之一

大角咀市政大廈實際上只有兩家大排檔，據說都是由昔日九龍殯儀館外的大排搬遷入的。全個場的檯櫈放得重重叠叠，坐下前先要看看是新錦園還是楓樹圍的，不然可會叫錯伙記。雖然兩家大排檔的出品差不多，但名菜不盡相同，而且價格也有些你平，有些你貴。三個人叫了以下小炒：招牌菜：、蒸鱔入味，豆苗勝在大份，而油泡鮮魷則比較油。揚州炒飯，飯底粒粒分明，而且配料豐富。席間啤酒全線加$1，通脹逼人來。18:30前同18:30後係兩個世界，18:30後已經幾乎搵唔到位，或者要搭檯。新錦園勝在有電腦打單，比較勻真。楓樹圍則有例湯同前菜送。各有千秋。

已好一陣子沒來,今日再與家人來到新錦園做冬,唔知上次大廚係咪心情唔好,食物水準下降了,今日再來,食物比上次好番好多了.今次我們叫了個八人餐,因為,唔駛諗餸嘛~樣樣都好食,唯一係果半隻沙薑雞,咬落去仲有血水的,赫死人,叫他們拿去再蒸熟少少,入番廚房都唔夠五分鐘又捧番出來,但...依然係生生哋的,不過....除了隻雞,以其它食物水準,價錢,份量來衡量,新錦園依然係值得去的.

其實大角咀市政真係全天候座無虛席當然唔係味味都好食，但都唔會差咖喇客氣說話都唔多講四人行晚飯叫左五送京都骨椒鹽雞軟骨蒜蓉炒唐生菜煎芙蓉蛋梅菜扣肉先講京都骨，最後黎既一碟送先講佢係因為真係頗差!!講白左就係豬扒+甜酸汁豬扒肉質超差，用紙皮黎比喻最好不過~個汁冇特別又唔夠多汁，只係剛剛好有D汁包住D豬扒跟住椒鹽雞軟骨，例牌菜黎喇其實味道方面OK，以前有D蒜同辣椒，而家少左勁多根本唔夠惹味而份量則少到以前一半咁上下以前約係大半年前左右啦，六個人食六個送，最後都未食哂D雞軟骨而家真係少左好多，價錢當然冇降到啦蒜蓉炒生菜，冇特別好味，油多過自家製既好多好多但又唔見得夠鑊氣，怪怪的煎芙蓉蛋，都幾考功夫，外層煎香但裡面有點漿漿地滑滑地餡料都幾足，有蝦有肉有芽菜有蔥等等味道唔算好好味，不過睇得出裡面有下功夫，算係值回票價梅菜扣肉，用煲仔上，香噴噴熱辣辣送飯一流扣肉入口唔洗多咬，自然會融化係口中真係好正至於白飯，認真差到痺...痴埋一舊舊，唔知會唔會係隔夜飯埋單先$230，每人60蚊唔洗算係咁啦~

十月尾又來生日飯局，今次轉陣到九龍區，光顧大角咀市政大廈熟食中心的新錦園。熟食中心的環境不用多介紹，但最厲害的是新錦園佔了整層熟食中心的大部份位置，只餘三兩檔位為另一間小店。而整個地方都充斥著食客高談闊論的聲浪，再加上電視聲、搖骰盅聲等等，嘈音指數實屬超標！ 食物方面，這裡賣的是一般大牌檔鑊氣小炒，份量十足，但價錢卻很相宜，平均由廿多元到五六十元不等。我們一行連大連小十六人共點了九個小菜再加兩個炒飯，已經飽得再吃不下，要打包外賣哩。 霸皇雞：先來一隻霸皇雞，雞略嫌較瘦，但肉質嫩滑，味道也不錯，加上椒絲薑蔥鋪面，賣相尚算可取吧。 古法羊腩煲：羊腩煲以大鑊上檯，份量十足，不像外間店鋪，其他的配料比羊肉還要多。羊肉不羶不膩，蘸以腐乳同吃實屬絕配。 椒鹽墨魚咀：新錦園招牌菜之一，大大粒墨魚咀酥炸至金黃色，爽口彈牙，配以淮鹽或醋均很美味。 椒鹽九肚魚：外表與坊間的椒鹽九肚魚無異，但入口才分出高下。九肚魚炸至外皮香脆，入口如吃炸薯條般爽脆，內裡魚肉仍很嫩滑，是全晚最好的一道，絕對是推介之作。 蒜子火腩大鱔煲：火腩大鱔煲兩款主菜均很出色，非常惹味，而且份量十足，煲仔小小卻吃極不完哩。 西

星期六晚, 共八個家人一齊來到大角咀, 早已聽過朋友介紹市政廈裡的這間食店, 來到點都要一試。入到市政大廈, 原來不只這間大排檔, 入門口的那間還有很多吉位, 但我們亦一直入到去新錦園, 但這裡已經沒有位了, 要等位! 唉! 我這世人就最怕等位的, 但都無辦法, 足足等了十五分鐘呢!!坐下後, 大家已肚子餓了, 很快已點選了九個餸, 包括: 炒蜆 -- 唔錯, 但很多蜆只見殼, 沒有肉, 但炒得不會太老。椒鹽九肚魚 -- 我的最愛, 不會太咸, 外脆內嫩。紅燒八珍豆腐煲 -- 都ok, 還有一些菜做配料。蒸三色蛋 -- 很大碟, 但到我們吃完飯才上枱, 較咸。砂鍋魚頭煲 -- 味道唔錯, 魚頭很入味。椒鹽豆腐 -- 亦是很大碟, 很香口。豆豉鯪魚油麥菜 -- 份量充足, 油麥菜很香脆。蒜茸白菜仔 -- 亦是份量十足, 蒜味很濃, 但較油膩。粟米石班塊 -- 石班塊炸得較為硬身, 粟米汁少了一點。最後我們還加多一碟椒鹽九肚魚, 因為太好味了! 雖然環境是嘈雜了一點, 但這餐很抵食, 十個餸加十幾碗白飯, 再加兩枝飲品, 只是$500元!!! 實在平、靚、正!!!

一家大角咀好多年既大排檔在地下，變到宜家上去市政大樓而我同老公向度咁多年都只係經過，無食過既大排檔這夜...就去試食喇~網上話佢上菜快，真係超快轉眼就兩碟上左台仲無諗過呢度既野食咁大碟架 @0@ 蝦醬通菜成斤上都係廿四蚊 南乳脆炸豬手比起其他感覺係細碟點不過48蚊碟...平時向酒樓都咁上下價但細碟好多啦 菠蘿咕嚕肉覺得幾足料，平時出去食都係食到粉多，但今次真係好多肉肉 椒鹽九肚魚的肉好嫰，剛剛好，都係好大碟可能因為係炸野，都幾膩但係又忍唔住都係係咁夾黎食...叫左四個送，就好似係六至八人餐咁既份量好在，我這大角咀師奶醒，拎左個大飯盒去不過裝完之後發現，可以當二人飯盒呀~ 哈哈哈我地仲叫左兩支jolly sandy同埋兩個白飯成餐都係$187蚊好抵食只係略嫌環境嘈左點，傾計就難點

補回19-1-2009 食評因二家姐也是住在大角咀的,因此,以前都常來這兒吃飯的,今晚一家大小的去大角咀市政大樓"新錦園"吃飯,我們叫了南乳豬手,京都骨,油墨菜炒豆豉鯪魚,涼瓜牛肉,粟米魚肚羹,蒜蓉炒菜心,椒鹽九肚魚,蒜蓉豆豉蒸大鱔.................這兒最好吃的是"椒鹽類"食物,炸得好好~~南乳豬手都好好食,其他就一般喇~~大排檔比較有鑊氣,我個人就幾喜歡喇~我們一行十二人,連埋3枝啤酒,飯及粥,埋單$480元~抵食又大碟~

跟一眾巴打到這裏吃晚飯，我們沒有想太多，有甚麼想吃便點了甚麼。我們點了蜆芥西洋菜、炒豆苗、羊腩鍋、菜莆蛋、椒鹽雙併、蒸魚、涼瓜炒田雞、沙薑雞腳、梅菜扣肉鍋等等。基本上每個菜都合乎要求，只是並不突出，有幾個菜特別好，例如菜莆蛋，用炒滑蛋的方式來處理，不像潮州式的那種把蛋煎得微焦的，吃起來的口感不錯；涼瓜炒田雞也不錯，田雞的肉很滑，很新鮮。只不過也有不大好的菜，例如羊腩鍋，150塊一個大的，但羊腩不多，而且很羶，味道不太討好；兩個菜也很醎，真的很需要配白飯才能吃完。其實我覺得菜太醎的話，味道有多好都沒用，因為吃得辛苦，便享受不到當中的美味。個人認為可以一試，因為很便宜，而且上菜速度很快，不消一會兒都來了。不過追求質素和乾淨，可以考慮到樓下的埃華街、大全街，那裏有很多食肆，一定可以滿足你的要求。

今日一行六人去食飯, 打電話去訂位,接線o個位阿叔話人數太少唔駛訂枱,大把位.好啦,唔可以留位就算啦.一去到只係得番幾張十二人枱, 唯有坐住先等轉細枱.幾經波折以為終於可以有餐安樂茶飯,點知厨房成日漏單,催兩個"食送"都玩o左半個鐘!一人一"食送"決策下, 叫左唔太心水o既"食送" :豉椒炒蜆 - 成碟得o的殼,蜆削,無肉食,零"wok"氣,唔夠味,阿媽都炒得好食過佢!菜甫蛋 - 一啖鹽, 一啖蛋.菜甫原來係伴碟. 唔該可唔可以搞均o的先炒呀?炒豆苗 - 應該叫油浸豆苗.早知就叫芥蘭啦...咕嚕肉 - 賣相靚, 多配料,可惜主打豬肉唔爭氣.多筋又炸得硬.個汁太酸,好似飲緊醋咁西檸雞 - 全場最正常o既"食送",個汁味道夠,面漿唔太厚,可以食多舊豆腐青菜鹹魚湯 = 滾鹽水全程嘈到傾唔到計,o的o野又唔好食,仲唔快食快走咩...

上兩週分別和不同的食友去了這裡，一間舖號，就幾乎佔了全層的面績，其晚市的生意也旺，而這兩餐的價錢，也只是維持在八十元上下，大杯啤酒加上碟數不少，理應不亦樂乎，不過平心而論，這裡的食物水準，倒有點改進的空間。碟頭份量固然較少，一碟灼蝦只得幾隻，炒班塊也只得數件，不過價錢算平，算情有可原，最大問題始終在烹調和選料上，一條細麟，火侯蒸得過了火，肉質有點粗鞋，至於羊腩煲看似沒問題，可惜其醬汁始終蓋不住那雪味，用蕃茄來滾豬潤湯，味道也有點怪，最後是土魷蒸肉餅，提起蒸肉餅，永遠都會提出一個問題：怎樣才是一碟好吃的肉餅?! 是彈牙? 是鬆軟還是淋滑? 怎樣都好，總不會是帶點粉的出品吧 !好少去得咁盡，平心而論，也未至於十分難吃，其炒蜆、豉油王炒麵、大大個的炸墨魚咀、和火腩大鱔煲，還是吃得過的；個白粥還算幾好吃的...........自己未必主動再去了，如再有食友相約，平平地喝一頓啤酒，可能會再奉陪。

在大角咀吃鑊氣小炒,很多人也會鑽去市政大廈的"新錦園",一來價錢相宜,二來有電視看,尤其是周六,日晚上,有英超轉播看,每人幾十銀有酒有菜,平過上酒吧.我們在周日夜來,沒有球賽看,換來兩個本地電視台的飲食節目,一邊看電視上的美食,吃飯也吃得特別開胃的.這夜一行六人,點些小炒也不是什麼有特色的味道,炒蜆用來送酒,豉油王炒麵炒得乾身有鑊氣,比很多地方做得好.西蘭花班塊,炒鮮魷就中規中矩.番茄滾大眼雞湯就喝得多,用來搭豬潤就少見.這個番茄豬潤湯,甜就幾甜,不過不是原味的甜,懷疑下了不少茄膏在內.侍者奉上炒通菜,說:{這碟是全場最大碟架.}事實上,真的很大碟.仗著人多,蒸條魚吧,是夜的蒸魚是細鱗,吃落魚肉有點鞋,蒸得過老之故.天氣未涼,有人已急不及待要個羊腩煲,$150一煲,夠六個人分.份量十足,羊肉煲到稔熟,但沒有羊肉的騷味.話須如此,點些腐乳,又吃完一件又一件,講一套做一套.吃羊腩煲之最佳時間地點,當然是在天寒地凍的晚上,與自己的心儀對像或者情人,坐在街邊.一同分享熱呼呼的羊腩煲.吃罷大家暖笠笠,有沒有下文?就要看自己的做化了.

星期日晚八點幾重人頭湧湧，唔容易先揾到張三人枱，即刻叫餸，有四樣嘢:梅菜扣肉 :係煲仔菜，梅菜都幾甜，扣肉肥廋適中，又炆得幾入味，送飯一流鹵水掌翼　：主要係叫嚟餸啤酒，比較咸咗少少，但掌翼都幾大隻，幾好菜膽雞 : 叫咗個例牌，有四份一隻左右，不過不失蝦醬通菜 : 鑊氣夠，炒得香，蝦醬好惹味食物水準中上，但勝在份量十足(三個人當然食唔哂d餸)，而且價錢好抵，人均消費同快餐店差唔多。環境方面算企理，但好嘈，講嘢都要大大聲。

星期三晚七個人去食晚飯, 第一個感覺係『好嘈』, 大家要張大喉嚨說話才聽到。坐下後, 我們七人點了十個餸, 諗住十全十美 我們點了的餸包括: 炒蜆 (夠味,good)、砂鍋魚頭(食唔到肉,得d魚骨)、豆腐煲(豆腐好入味,唔錯)、雞肉炒菜心(味道一般,好油)、半隻雞(肉好實,唔滑)、炸生蠔(大大隻,夠香口)、椒鹽九肚魚(好好味)、三色水蛋(好大碟,一般住家餸)、粟米班塊(魚肉好滑, 讚!)、蒜蓉油麥菜(真係好好好香蒜蓉味,未食過咁好食的油麥菜,但就好油膩, 如果可以少點油就更好了)。再加六碗白飯,兩支Jolly Shandy和一支beer, 埋單都係$511元, 真係幾抵食喎!如果想同朋友食飯傾心事, 這裡一定唔係好選擇, 但如果一家大細為了開餐, 這裡一定係唔錯的地方。

19/3(三) 8pm 跟同學們道別後,乘小巴到大角咀會合男友吃正餐.首次到訪此市政大樓的熟食中心.中心內之暢旺人流跟寂靜的街道成了強烈對比.遵守男友意旨,欽點了"新錦園"為晚飯落腳地.此區從前位處同區的大排檔,不難推測客路大多以街坊熟客為主.好不容易覓得小圓桌;甫坐下;再翻閱餐牌,街坊生意街坊價錢,菜式定價低廉.晚餐如下:蜆芥西洋菜$25,咕嚕雞球$42,砂鍋魚頭煲$48蜆芥西洋菜--西洋菜份量十足,唯味道較澀口,蜆芥入口粉粉的,食味不太對勁!或許這是一道錯配菜式.咕嚕雞球--雞球脆漿夠薄帶微脆;肉厚質感彈牙,而咕嚕汁甜酸度剛好,富水準的一味!砂鍋魚頭煲--魚頭談不上極惹味,亦帶點腥.反之布包豆腐頗入口嫩嫩滑滑的,墊底的白菜仔徹底索盡芡汁,唯個人避之則吉.街坊生意,服務還不錯.遺憾地,價廉物不美的大排檔!對我來說,這張感情牌,打不響!