新香園

营业中

休息中

香港老字號茶記買少見少，真係要把握品嘗到港式傳統滋味嘅時光 。呢日下午茶就喺深水埗就食咗呢間茶餐廳，食咗多款馳名美食 🤤麻辣蛋牛治呢個係餐廳嘅名物，好多客人都係嚟食呢一份蛋牛治。呢次係我第一次幫襯，感到非常有驚喜。呢度嘅蛋牛治唔係用罐頭鹹牛肉整成㗎，而係用鮮牛肉剁碎，所以食到絲絲嘅牛肉🐮 食落口更加有口感，真係夠晒真材實料。麻辣口味嘅蛋牛治可以話係全港首創，麻辣帶點刺激，鍾意食辣嘅朋友一定會鍾意。呢份蛋牛治加埋烘底會更加正，記住過嚟試吓。夾心花生醬西多士呢一個賣相好特別，因為佢新鮮炸完出嚟脹卜卜，上面仲放咗一個心形嘅牛油💛 我哋仲額外加咗錢要夾心花生醬，加咗真係更好味😆 西多士雖然個麵包唔算好厚，但係配埋個餡料就啱啱好，炸得勁脆，加埋糖漿就Perfect🍯主食見到餐廳除咗有麵包類嘅產品，都有啲主食。♦️咖哩牛脷撈公仔麵公仔麵嘅份量都幾大個，牛脷厚身又大大片，整得好軟腍，入口會比塊牛脷溶化🐮 餐廳用上港式嘅咖喱作醬汁，醬汁唔會太過多，但用嚟撈麵份量幾夠♦️鮮蝦雲吞麵入面有四粒大大粒粒雲吞，仲食到入面有原隻蝦仁同埋豬肉餡料🐷 我覺得呢個價錢真係性價比好高👍🏻小食食完兩個主食之後，食過返尋味，仲

.#foodie #hk #hkfoodie#HTB美食推介【深水埗港式茶記｜🌶️大推麻辣蛋牛治下午茶】🐨麻辣蛋牛治 $26推薦度：⭐️⭐️⭐️⭐⭐未行入舖頭已經見到勁大幅圖係麻辣蛋牛治，又點可以唔試吓呢？牛肉醃到好腍麻辣味慢慢滲出來，先麻後辣認真過癮，有啲驚喜麻辣背後，竟然牛味都仲好出！！而且牛肉份量都好多，加埋烘底嘅三文治同雞蛋，口感層次非常豐富～ 飽足感滿滿🤩 唔怪得可以成為舖頭嘅招牌！！鍾意食辣嘅朋友，必試💪.🐨南乳豬手粗麵 $34推薦度：⭐️⭐️⭐️⭐坐低發現好多街坊都有叫到南乳豬手，一於就試試佢🐽豬手肥瘦適中，醃得好入味！啖啖都食到南乳香，仲有豐富膠質，食得出師傅嘅用心！.🐨黑白涼粉冰 $26推薦度：⭐️⭐️⭐️黑白涼粉冰上枱打卡一流📸涼粉一粒粒好有咬口，唔會好甜...今次揀咗糖水底，飲落奶香味好重～ 佢仲有得揀奶茶、咖啡或鴛鴦底添！！.🐨青檸梳打冰 $28推薦度：⭐️⭐️⭐️⭐⭐熱辣辣嚟到試埋杯梳打冰，梳打係原樽上，好有懷舊士多嘅感覺！！整體味道清新、微酸唔會苦澀，飲完即刻透心涼❄️——☼——☼——☼——☼——☼——新香園📍地址：深水埗汝州街186號地舖🐨推薦度：😋😋😋😋/5 🪸環境：👾👾👾👾👾🗣️服

同老友去咗附近一間茶餐廳，都係懷舊又經典嘅味道👀👀🍛🍛沙爹牛肉公仔麵沙爹香氣嗰股濃郁得嚟帶住微微辣意調配嘚啱好，牛肉片厚切又大片入口嫩滑，肉香同沙爹香完美融合。公仔麵保持住彈牙口感，一啖面一啖牛肉，再飲啖沙爹湯，嗰種滋味正到痹!!🍲🍲肉片通粉通粉軟硬度啱啱好，咬落有彈性。肉片新鮮嫩滑，湯底清淡鮮美，襯托出通粉同肉片本味，食落好舒服唔會膩。🍞🍞餐牛治煎至兩面金黃，外層酥脆內裡嫩滑，一口咬落去，各種味道層次豐富，每啖都充滿港式茶餐廳嘅經典味道。

為了一試麻辣蛋牛治，與同事早點出門口放lunch，仲搭埋uber衝過去。由於未到1點食飯時間，所以唔使等位，但就要搭枱坐，同台是遊客，佢哋三人各叫了一份麻辣蛋牛治，好誇張！我哋想試其他食物，所以4人叫了兩份麻辣蛋牛治烘底，再分別叫了咖哩牛脷撈公仔麵、瑞士汁雞髀蛋飯、雲吞麵及炸醬麵，連埋兩杯嘢飲，一杯係跟餐，盛惠$230，都算合理價錢！麻辣蛋牛治係夠辣，但因為比較辣關係蓋過了牛味同蛋味，我食牛脷撈公仔麵，咖哩汁唔夠多同埋唔夠辣，我要再加辣椒油，麵太淋，牛脷好厚，尚算夠淋咬到入口！普遍食物正正常常茶餐廳水準，食只係個分懷舊氣氛！

深水埗有太多美食選擇！新香園最愛‘’ 麻辣蛋牛治‘’👍再加一杯熱奶茶，滿足😋熱奶茶已不是大排檔風味！麻辣蛋牛治麻辣恰到好處！可惜比以前細份咗牛扒通粉豬潤鲜牛公仔麵猪潤爽口！鲜牛肉麻麻！早餐👍

呢間舖新開嘅時候已經帶三歲嘅小朋友嚟食蛋牛治，點知一試愛上😍以前每個星期都會食三次以上🤭咁多年來都一直keep到水準👍🏻👍🏻，每次一去到深水埗第一時間就係去新香園，每次都會叫兩份蛋牛治，一份唔辣一份麻辣😝仲一定要烘底開四🤭🤭唔烘底都好食嘅，不過烘左就脆口啲🤤牛肉又彈牙又滑👍🏻唔會食到筋位👍🏻即叫即做熱辣辣👍🏻平時去開仲會食淨豬手超級大件👍🏻同埋牛筋都係必食👍🏻👍🏻

有冇人覺得其實個蛋牛治好似無咩特別。個蛋牛治就係將d 牛肉碎混埋d 蛋 ，就禁煎乾佢，再配兩塊包，我加左烘底，唔係難食，但仍唔稱得上美食，但唔覺得會一食好難忘個種🙈 凍檸茶還可以 。

深水埗「新香園」一直好受網友的追捧！見過好多食評，都表示餐廳嘅蛋牛治好好食！今次經過深水埗，一於去試吓啦！今次叫咗一份蛋牛治，多士烘底！麵包烘的剛剛好，又香又脆！熱辣辣好好食！至於內裏的蛋牛治味道屬於正常！不過個人覺得雞蛋煎得太熟！導致比較乾身😅個人喜歡滑蛋牛治比較多！至於價錢方面亦都好親民，絕對稱得上街坊食堂！難怪有咁多食客捧場😉當日光顧人流好多，不過食物上枱嘅速度都算快！服務質素都OK☺️

新香園個名好响，經常聽到有人話要去食蛋牛治，不過我一直未有機會去試。星期六去完大角咀，行去撘車時，竟然見到呢間嘢响車站旁邊，見係下午茶時間，就決定試試。下午四點幾，門口企咗大概七，八個人等位，不過唔駛十分鐘就有位。因為我向來喜歡麻辣，見到有麻辣嘅款式，唔駛點諗已經決定好食乜。至尊麻辣治至尊治即是蛋牛治加火腿，麻辣味有少少，不過唔算太出。麻辣牛脷感覺有少少似咖哩牛脷，切到細細粒，都算爽口，不汁醬停留在表層，唔夠入味。反而杯咖啡雖然冇影，但有點茶記味道。綜合而言，就是間有點特色菜的茶記，香港人會覺得冇乜特別，但適合遊客感受地方特色。

創新港式茶餐廳，環境幾好，不過要搭枱，想試呢個麻辣蛋牛治好耐，試左兩款三文治麻辣蛋牛治 加烘底 $27 3/5口味創新，作為麻辣fans可以一試，不過口味偏辣，辣度大概似譚仔小辣，麻辣蛋牛味道香濃，牛肉肉汁豐富，烘底加添了口感，幾得意可以試一次至尊麻辣治 加烘底 $38 2.5/5係麻辣蛋牛治基礎上加左火腿午餐肉，口感不及麻辣蛋牛治多汁，麻辣蛋牛味道香濃，掩蓋了火腿和午餐肉味道，可以不用試凍奶茶 $18 1/5偏淡 不建議

想食呢間好耐，今日終於有時間過嚟食，見到門口勁多人，估唔到等咗5分鐘左右就有位！入面係懷舊香港嘅裝修，好靚★̆̈ 麻辣蛋牛治（$26+$1烘底）佢同平時啲蛋牛治唔同，牛肉係用鮮牛肉而唔係咸牛肉，食落好嫩！麻辣味都真係幾辣吓，應該有譚仔3小辣。個蛋包住左厚厚一層牛肉，加$1烘底，個包脆得嚟食落好香，見到勁多人都係嗌呢個😂！★̆̈ 奶茶 （熱:$16/ 凍:$18）叫咗熱奶茶同凍奶茶，茶底唔澀，飲落滑啲。熱奶茶奶味重啲。凍奶茶就有而家好少見到嘅碎冰，冇叫少甜都覺得唔係太甜，個味啱啱好❣️★̆̈ 南乳豬手麵 （$34）南乳湯底，豬手炆得好腍好入味，聞落去已經好香，食落去勁有南乳味，但又唔會太鹹，至於個面就冇乜特別。

由細食到大嘅懷舊味道蛋牛治🥹🥪～突然間諗返起都一段日子冇去食過～ 最近再一次去食仍然覺得好好食😋❤️係懷舊加上人情味啊！而且價錢平民化👍🏻我會推薦為深水埗名物必試✅新香園蛋牛治🥪-🥪麻辣蛋牛治加烘底 $26+1新香園名物！遠近馳名～而家新口味加上麻辣又是另一番風味呢！仍然係咁好食～牛肉餡超厚一層！記得一定要轉烘底啊！-🍝鴨胸蔥油伴公仔麵 $43超級香嘅蔥油～配上公仔麵還有鴨胸！誰能抵抗這組合？-👅麻辣牛爽脷 $36喜歡麻辣的人一定要試這個牛脷！辣的過癮！-🐔生炸雞中翼 $29雞翼大大隻炸的剛好～-🟠酥炸陳皮魚蛋 $22香港特色陳皮魚蛋～炸魚蛋非常香脆可口！-🫘傳統紅豆冰 $26香港茶餐廳名物嘅紅豆冰～超級多紅豆！-🍋‍🟩青檸梳打冰 $28半杯滿滿嘅青檸汁！唔係淨係得兩三片青檸㗎～

而加要最低消費$25，所以要食佢$24 馳名蛋牛治 要加杯$18凍奶茶；唔抵lo,埋單$42；而加多左好多內地遊客食， 而加唔好食了，水準低左，我諗唔會再幫襯，多謝晒！

新香園蛋牛治🥪有辣有唔辣🤩深水埗新香園有兩間，一間有(堅記)係舊店，另一間係新店，今次去深水埗買完電話卡搵小店食下午茶就去左新店，坐得舒服😗大大隻字寫住馳名蛋牛治‼️一定要叫黎食，原來宜家仲有麻辣蛋牛治，一於試埋🤣黎得真係唔好慳個一蚊一定要烘底🉐個包烘得脆身真係好食好多😋未食落口已經見到好多牛肉，好似仲多過蛋咁😂質感嫩滑又入味！仲有蛋汁架😍 $24一份真係好抵食😍自己一份都幾飽😗鍾意食辣既一定要揀麻辣蛋牛治🌶️佢係堅係辣🥵🥵都幾惹味，辣得好過癮😍呢到仲有各款港式粉麵，我哋要左個牛筋腩撈粗，份量都幾多，牛腩好入味。另外豬手麵都幾出名，下次可以再嚟試吓😎飲品方面梗係要加返杯絲滑奶茶，除此之外，仲有好多傳統港式特飲，例如紅豆冰、菠蘿冰、黑白涼粉冰等等，絕對係比一般冰室茶餐廳更有特色💯🔸麻辣蛋牛治🔸馳名蛋牛治🔸牛筋腩撈粗🔸絲滑奶茶📍#新香園 (#深水埗美食)#深水埗 汝州街186號地舖

為咗食麻辣蛋牛治，喺門口等咗十分鐘都冇問題，不過原來只得麻辣蛋牛治烘底係惹味好食，個咖哩牛脷撈公仔麵完全唔得，咖哩份量少兼唔夠味，公仔麵太硬，兩者完全唔夾咁，失敗！