新高麗苑韓國餐廳 (已搬遷) 新店位置

今日落雨，同同事lunch行去公司附近韓國餐廳吃飯，我叫左個紅燒腩肉飯，個腩肉焾到真係入口即溶感覺，而另一個叫豬扒也不逊色，我最喜歡韓國菜原因係有前菜食，四個甘多可以任揀，最後仲送埋甜品，飽飽

我地叫咗三個餐,有開胃配菜,牛骨湯,白飯&甜品...配菜仲有6碟,每碟都幾大碟配菜有泡菜,小魚乾,豆卜,芽菜,豆角&白菜....Waitress 放底配菜前仲有問我地,如果要換配菜就宜家換,放咗係枱就唔可以換啦~~泡菜辣度我覺得啱啱好,淹得好入味,又夠爽口,小魚乾甜甜地,好好味牛骨湯裡面有牛肉絲,蛋絲,仲有好多蔥花,好重胡椒味,真係夠曬暖胃牛肉,豬肉,雞肉煮得好入味,都幾好食但每碟嘅味道就好似都差不多....甜品有啫喱

現時韓風在亞洲吹得特別烈，而韓式食物也越來越受歡迎。我今天午餐吃的就是這間在灣仔開業多年的韓式餐廳。這間餐廳的面積頗大，座位也不少，但每日午餐時段等位的人很多。其實十多年前第一次光顧這間餐廳，無論是裝修的格局，還是套餐的款式，和現在都沒有甚麼大的區別。雖然午市也有韓燒，但因為這裡的顧客大部分為上班一族，午膳的時間有限，所以已做好的免燒套餐很受歡迎。今天我們選了牛骨和蛋包魚套餐，而每款套餐還配二款配菜。配菜可選擇的款式也頗多，例如有泡菜、芽菜、酸蘿蔔、粉絲、白菜等。牛骨的份量很多，肉質鬆軟，一點也不韌。而且肉味很濃，味道很好。蛋包魚是我每次來都必食的菜式。顧名思意，就是用蛋漿包着魚柳煎至金黃色。菜一上桌，香味已經扑鼻而來。急不及待咬一口，外面是煎得微脆的雞蛋，而內裡是又嫩又滑的魚柳，口感好極了。這裡午市套餐的價錢也不算貴，而且食物的水準十年如一日，怪不得餐廳能吸引這麼多顧客。

打電話去訂餐 對方直接以過忙不得空為由，直接掛電話！！這樣環境的餐廳 大家想像下飲食體驗會怎樣真是⋯一家餐廳的服務是最基本的 也是餐廳門面，口碑的體現，食物再好，服務態度糟糕，體驗也會直線下降。食客來食野，其實就是一種體驗！體驗不好，食客心情不好，自然也沒有心思去吃東西，這樣意義何在做餐飲服務業的，味道是一，另一最要緊的即是服務員對待食客的態度，如果這一點都做不好，那麼我認為也是沒有必要去的。綜上，不是很推薦以上

呢間餐廳係樓上舖，佔地好大，午市都有分Set Lunch同韓燒。時間有限，我就揀咗Set lunch。首先會上咗牛骨湯同4款涼伴小菜。佢有好多款小菜嘅，會隨機上俾你，兩個人食會有4款，多人食就可以試多幾款。牛骨湯個味好濃，胡椒味有啲重，有少少過鹹。涼伴小菜調得幾好味，唔辣。主菜就揀咗：紅炆腩肉 (Lunch set $57)入面有齊腩肉、冬菇、蘿蔔，炆得好入味。腩肉肥嘅部份可能多少少。唯一要挑剔嘅係腩肉炆得耐咗，搞到有啲淋同爛。豬扒 (Lunch set $57)呢樣冇單獨影相，第二幅圖右上角嗰碟就係😂呢間嘅豬扒係韓式風味，甜甜哋嘅，好適合配飯食。最後就上埋個甜品，係啫喱加多花奶！！好味！記得留肚食喇新高麗苑係一間好抵食嘅餐廳，成個Set好豐富，男士去食都一定夠飽。雖然味道未算係好韓式，但都係好味嘅！推介

今天下午約了好朋友到新高麗食午餐， 食物質素方面, 好食， 環境也一般, 不太差， 唯一差的是坐在收銀的服務員， 不知是老闆還是員工， 真的要再培訓。對著食客是以呼喝的語調對話，本來是想這位收銀的大嬸員工幫忙找散100元，她不但不肯找之餘，還被她教訓一輪，覺得這樣的服務態度很不好，下次不會再去。

閒日約朋友七點鐘黎食野，注明係任食90分鐘。我地食到超晒時，伙計都無催過我地。所以其實食得幾輕鬆。呢度既前菜有十幾款，泡菜都有兩三款。其次大豆牙菜，牙菜，菠菜等菜類都佔左大多數。可以中和返燒烤既熱氣。我地主要烤扒，腸仔（紅腸同雞肉腸），菇，蝦，雞腎，牛舌。熱葷方面，人參雞湯我唔記徥影，參就應該切碎晒。雞就成煲都係。出黎雞味好濃。不得不提既係佢地既甜品。有南瓜西米露（西米太林）、涼粉（有罐頭什果）、青檸味啫哩、芝麻湯丸、仲有獨位包裝既雪糕。今次黎已經比上次黎既時候多人（上次都係閒日）但係都仲係好多位，wall in 都應該無問題既。人頭費加到$188 位。但二百奨左右就食到任食。真係超值𠺢。伙計招呼好周到。不停會幫你收碟。轉燒盆永無托手踭。野飲方面，茶基本上係會不停幫你添加既，但你亦都可以叫果汁、啤酒、酸梅湯等解熱氣飲品（另收費）

係灣仔，想食嘅中菜一個裝修，一間近排有朋友食到肚瀉，所以。。。。轉戰韓烤。對我，黎講，韓，烤嘅，主菜係佢嘅前菜同甜品。燒嘅嘢保持水準，叉燒同雞翼幾好味，可以推薦。不過雞軟骨唔多掂 前菜，正到無論，唔食辣都好鍾意食佢嘅蘿蔔，魚仔同粉絲。。。。食多幾轉。雪耳糖水，同波波雪糕，又係食左2次。個朱古力味超濃，唔知邊到可以再買到。又係我最愛嘅芝麻湯圓，個薑湯無上次咁夠薑，但都夠味，最正係個芝麻好夠味。啫喱正常嘢囉！春卷加炸曼頭，侍應教我地係個爐到再烤下，會再脆D喎，係正嘅。壽司好正常，不過唔食得多，食飽左就唔抵啦！糖水有陽枝金露，木瓜雪耳南北杏，仲有涼粉，都係有水準嘅，總之，好似去左轉buffet咁。188加一，抵。有時會有coupon，可以留意下雜誌。

我同朋友一行八人到新高麗苑飯聚，第一次幫襯唔知有咩特別好食！當一上到去，幾個職員就行出嚟招呼，起初以為時間尚早，因為無咩客人先會咁，點知成晚都咁鬼好招呼！真係要俾個讚佢！當坐低後，我兩個識飲識食嘅朋友已急不及待咁去攞嘢食，首先就係前菜，不單止種類多，仲好鬼好食添！有魚仔、泡菜、無骨雞腳等等！食完幾輪前菜後，就到主菜包括我最喜歡嘅肉類喇，嘩佢地啲肉呀海鮮呀，樣樣都好鬼新鮮又好味，真係好高質，唔係講笑，我呢兩個咁識飲識食嘅朋友都讚不絕口，食到飽飽地，休息一陣再嚟過，我呢兩個朋友就攞左啲西瓜入嚟，又係一絕，又多汁又甜！每人食兩三舊又再食多一兩轉肉呀海鮮！最後就員可以捧住個肚埋單，見到張單真係唔可以唔嘩，估唔到非常合理，以食物、環境及服務嚟講，簡直係「抵」、同「正！正！正！」去形容。我一定會再帶唔同嘅朋友及家人再嚟幫襯多幾十次！

今晚特登去灣仔追月!追完月之後緊係要去揾食啦!之但係星期五晚，正值dinner time 7點半，周圍都係等位嘅人龍，邊度先可以唔洗等位，舒舒服服咁食餐飯呢?!突然醒起有間港式任食韓燒喺灣仔，好耐之前去過一次，唔知仲係咪存在。一search 之下，呢間任食韓燒依然健在，超開心飛去開餐!話說90年代，當年呢種任食韓燒喺香港好流行，果陣連日式放題都未開到成行成市。我同屋企人想食最近都要去沙田廣場，再唔係就要去到旺角先有。餐廳位於駱克道，都幾易揾。全座building有好多食肆，同層有一間日式放題。一入去完全唔洗等位，兩個人坐6人卡位~爽! 店內有唔少外國人幫襯，喺灣仔用呢個價錢任食真係幾抵!尤其是d大隻鬼佬，食肉多過食菜，對佢哋嚟講簡直係超值!相比而家d扮正宗韓燒抵好多~門囗呢個擺晒紫羅蘭嘅位最吸引我!呢度就好似個玄關咁，喺佢後面就開始係座位。加隻朝日生財貓!另一邊有一缸錦鯉。睇下有咩嘢食先，首先緊係唔少得韓式小食前菜！老實講，我哋係為咗呢d前菜而嚟架！之前喺尖沙咀d韓食店，比得3、4款，每款仲要得少少兼d味基本上全部一樣，refill又眼超超咁，孤寒都死！其實喺果d餐廳散叫一餐同呢度任食

今日週六爸媽來接放工，一早諗定食韓燒，之前睇过評語大致批判服務欠佳，照試心態感覺竟截然相反週末午餐自助餐，每位128+食物種類算多，甜品小食則較晚市少，但質量味道均維持水準基本上以禮相待，侍應態度好，經理有点cool，但都友善，收銀也有禮，走時侍應還多次説慢行，多謝光臨所以予以平反

簡易午市套餐，有兩小碟，主菜，牛骨湯，甜品。小碟有多款選擇。主菜，韓韓炒豬肉，炒魷魚，太甜，絕對適合港人。甜品，啫喱，勁多花奶。好似甜品餐咁唔可以算為正宗，韓式，但好合港人口味。六十文，灣仔區，算可以了。坐得舒服。但部分服務員，態度就欠佳。可以再光顧。但唔好其望太韓式。午市去，要預時間等。同樓，有酒樓，餐廳，但只有一部。

上星期一，同事帶我到一間韓式料理店食中午，同事介紹話這間十分抵食，即管來試試，想不到都幾抵食，所以就推介一下。午市的套餐包括有主菜，白飯，加2碟配菜和牛骨湯，仲送甜品，睇起來十分吸引和抵食，所以我亦點了一份中午套餐。所謂韓式料理，又稱為韓食或朝鮮料理，主要以清淡，少油膩，多有辣，韓國料理蘊含著中國傳統文化中的陰陽五行的概念，將「甜，酸，苦，辣，鹹」五味和「紅，綠，白，黑，黃」五色融入菜肴，韓國料理重視菜肴的賣相和桌擺滿盤的協調，因此我們食韓式料理時常見有很多細碟的配菜和菜色的外形都是色彩繽紛的。我點的是牛肉，同事點的是蛋包魚，因為樣樣都想試下，我們就share來食，蛋包魚這個名字很特別，原來是炒蛋包著魚塊，有點像奄列或者白飯魚炒蛋的味道，牛肉很鬆軟腍身，而且很多汁，用來伴飯很美味，小碟有涼伴通菜，芝麻豆角，小魚乾和酸瓜，小魚乾甜甜的，酸瓜酸酸甜甜的，很開胃，芝麻豆角和涼伴通菜都很清新，消暑醒胃，牛骨湯的胡椒味很重，湯料有牛肉絲，冬瓜和腐皮絲，飲落帶有微辣，同樣十分醒胃，甜品是花奶橙味果凍，味道有點奇怪，但都可以食到。想不到中午在灣仔可以食到這麼豐富的一頓餐，真是十分滿足。

今朝早靚仔跳出咗自己嘅comfort zone, 努力爭取自己想要嘅嘢!! 超級叻😍 畀個愛的抱抱佢先😘 今次係我哋返工日子第二次一齊食lunch~呢間新高麗d位比較有私人空間。 我哋叫咗個紅炆牛腩 同埋牛仔骨。 紅炆牛腩一向都係我嘅最愛， 炆得好林好入味， 用啲汁來撈飯就最正！ 牛仔骨就正正常常啦~ 呢度另外一個好處就係， 每個午市套餐都會 連兩個前菜， 如果你唔想要嗰樣嘢可以同佢講，佢會換畀你。 前菜亦都有好多選擇。 我特別推介炆薯仔。個湯真係太濃味太鹹喇，我哋兩個都冇飲到。個花奶啫哩都係青檸味最好味：）靚仔加大油！！ 最緊要係自己開心，知唔知？？

食食下會係有個服務員走埋黎熄左我個爐，之後同我講，要慳gas.....但我係未食完仲燒緊！！！(註明:我係叫左個lunch set....沒有時間限制....)當時我係食左半小時都無！果碟生牛肉只食左一半！好過分.............