新高麗苑韓國餐廳

营业中

休息中

晚上八點半去到餐廳，冇訂枱但餐廳唔滿，侍應堅持要我哋（二人）等，唔肯比張乾淨冇人坐嘅四人枱，而要等佢哋執乾淨張細枱。入座食咗廿分鐘左右，發覺塊燒烤鐵板燶咗一大片而且黐底，叫佢換過塊啦，侍應竟然話只可以換一次喎！大佬呀，你哋啲肉類大部分都用汁醃過，你估我想搞燶你塊鐵板咩！我食韓燒不下二十年，都係第一次聽到只可以換鐵板一次。另外，除咗熱茶（棕色清水）外，係冇包任何嘢飲嘅。好在餐廳對面有七仔，食完對面見啦！估計應該因為喺西環係獨巿生意，啲咁嘅服務先可以生存。奉勸各位如果想幫襯，不如搭幾蚊地鐵落銅鑼灣，海闊天空大把選擇！

食物味道：80/100環境：80/100入西環探朋友，岩岩遇正lunch time佢話帶我食韓燒，好正咁話。入到去環境ok，枱與枱之間距離不算太迫，而且沒有很大的油煙味。一坐下，侍應放低數碟前菜，而且有得畀我地選，我地要多左碟淹薯仔和炸魚仔，薯仔好濃味，魚仔咸咸地好脆口，還有其他泡菜都唔錯。原來呢間有做韓燒午市套，一個set有六七塊肉，加碗飯和湯，超級飽。肉類好新鮮，自己烤完送飯食，好好味。我地叫左牛和豬還有一d配菜，雖然不是任食，但以午市來說已經非常足夠。

星期日同老公拍拖拖去左西環和堅尼地城一日遊. 夜晚經過卑路乍街時, 聞到陣陣燒烤香味, 心裡突如其來好想吃韓燒, 枱頭一望之下， 發現陣陣燒烤香味是由呢間餐廳傳來， 於是老公同我到新高麗苑韓國餐廳吃晚飯.  行到2樓， 門口有一缸錦鋰魚裝飾， 室內座位亦寛闊， 枱與枱之間的空間大, 完全沒有擠迫的感覺.當晚有日本三文魚刺身、雜錦壽司， 沒有太大獨特.  熟食前菜有很多， 有泡菜、青瓜、粉絲、鳳爪、蘿蔔、皮蛋、 炒飯、豬腳薑... 泡菜酸酸辣辣夠爽口， 青瓜辣辣地， 經已去骨的鳳爪味道甜甜酸酸， 非常爽口， 極力推介必吃鳳爪.  另一推介必吃前菜是蘿蔔， 蘿蔔酸酸甜甜帶有辣辣的泡菜味道， 食落去亦到非常爽口， 必吃推介.主打菜同一般韓燒店一樣沒有太大分別， 材料有大蝦, 魷魚, 豬扒, 雞扒, 牛扒, 牛仔骨, 椒鹽牛俐, 雞軟骨, 雞腎, 豬頸肉, 腸仔, 紅腸, 煙肉, 五花腩, 翠肉瓜, 冬菇...... 最好味必吃推介係豬頸肉， 豬頸肉薄切， 肉質腍， 味道甜甜地像半肥瘦义燒， 味道不錯.

今次是第一次帮撑这间餐厅，海鲜石窝饭ok，但海鲜不算多，只吃到鱿鱼粒。跟餐三小碟就一般，白菜仔还伴有芥末，不是我喜欢的。餐汤不错，很浓的胡椒味。p因为是闲日埋单一个餐58也算抵食，但服务态度太差不会再去了

人生最失望的韓燒，就响呢度出現！食物款式不多，味道非常一般，三文魚，話就話無限供應，點知响我坐低呢90分內只出現過兩次，而每次只係罕有咁出現十數片，而且亦唔新鮮！我唯一推介比大家嘅啫哩。九十分鐘的時候對於任食黎講，時間唔算長，而呢間食店竟然雪上加霜，响大概八十分鐘的時候，店員攞張單埋黎再加多句(仲有五分鐘）！唉！呢間店真係---不可一,不可再！！

試過它的午餐, 感覺良好, 看見有自助晚餐, 還是特價, 所以試下我們很早到, 不用迫, 但壽司要等耐少少時間才有, 店員說不能放得久, 故等人多些才出場,食物種類繁多, 爐可以換一次,最好吃是牛舌 和牛仔骨, 骨一條, 肉很大塊, 很滿足, 味道不錯, 推介,刺身只有三文魚, 也不錯, 壽司款式有三,四款, 也不錯,燒烤的蝦不錯, 起碼沒有"梅", 算新鮮,最好, 最令我們喜出望外的其中一個短頭髮帶金色的女侍應, very nice , 見我們很喜歡吃牛舌,送上一碟鹽燒汁, 令牛舌升級, 格外好吃, 之前我們問了多次鹽燒汁, 店方說自助餐不提供的, 這位waitress, 我要高度表揚他, 我俾貼士也心甘情願,整體來說, 我收貨!

少說我都有10年冇食過任食韓燒,以前留下來的感覺是座位擠逼,一堆熟食和生肉,食完好口渴,話說朋友仔某日路經此處,發現任食每位$128,有1.5小時,西環其實都有好多好食店,之前試過自己友的火鍋和嵐川的串燒,都好正,今次又黎試下,基於我胃口不大,1.5小時應該足夠了,心想閒日西環應該不會full,7時walk -in到,尚未滿座,但到8時許,差不多8,9成滿了,環境:此處好多卡位,坐得舒服食物: 前菜款式很多,差不多平時韓式食店見到的都有,泡菜,芽菜,大豆芽,蘿蔔,薯仔,甚至其他涼伴菜都有,如青瓜,雞腳;薯仔煮得甜甜的,幾好味,泡菜不夠辣,炒粉絲配料多,有少少醬油味 由於朋友仔不吃牛肉,我們集中食五花腩,豬排骨,五花腩是原雪藏片, 豬排骨雖有醃製,但偏淡;蝦肉雖是雪貨,但肉實而不霉;熟食有豬腳薑,一煲越飲越咸的雞湯;重有三文魚刺身和壽司,甜品有涼粉,生果有西瓜,總之,款式雖不多,但質素尚可!起碼食完冇口渴!服務: 服務生有禮親切,主動添茶此分店不算大,但座位舒服,增添少許分數,食物樣樣款式都有,其他分店好似收$148,可能地理問題,此店平少少!吃罷,個人還是喜歡非任食的韓燒!

很久沒有食任食的韓國燒烤, 因為年紀已大, 食唔到太多, 而且任食的食物一向也不太美味...日前太太與朋友到訪此處, 發現食物質素還可, 便同我再一試任食的地方, 一向比較擠迫, 不過還算坐得舒服.食物方面, 有大約 10 款韓式涼菜, 味道還可. 而我最喜歡是薯仔的一款燒烤食物方面, 有大約 20 多款不同的生肉. 老實說, 來來去去也是豬牛羊雞肉, 不過這裡就沒有魚柳了.以往韓燒的食物會比較鹹, 但這次的食物, 沒有死鹹, 醃味較淡, 起碼食完成餐晚飯都不覺得十分口乾以 140 元的價錢, 算是抵食, 雖然食物不是十分突出, 但對一眾食肉獸來說的確超值