新鹿鳴居

营业中

休息中

住大埔同事話帶我食好嘅潮州菜，原來係我都食過好幾次嘅新鹿鳴居 ，正合我意我哋好肚餓，快快手叫咗滷水鵝先，呢度嘅滷水鵝，可以用色香味俱全嚟到形容，上菜時嘅滷水香味，令人垂涎食慾大增，色澤均勻鮮明，鵝嘅選材方面，肥瘦適中，肉味香滑，滷水浸得啱啱好，絕對唔會搶咗鵝肉嘅鮮味，絕對要提係墊底嘅豆腐，真係滑到一個點，非常出色！ 跟住嚟個黃豆涼瓜煲排骨，呢個湯其實難煮㗎，但師傅處理得好好，各款材料都夠腍而不失原味，加入適中嘅鹹菜，提鮮又好有咬口，同事仲要搶着飲熱湯，啱嘅，搶吓食吓證明好滋味 仲諗緊食咩嘅時候，老闆話今日有唔係成日有貨嘅馬友，煎封食最好，咁就真係煎封靚馬友，可遇不可求，一於試吓！上菜時嘅陣陣煎魚香，令人急不及待食晒佢，呢度煎封又係正，皮脆肉滑唔會煎過火，我最鍾意食煎封嘅魚頭，一啖咬落去索索聲嘅感覺真爽！ 三個靚餸一個飯 潮州美食又一餐 座無虛席爆晒棚 新鹿鳴居確係棧

凍冰冰食咩好? 梗係去打邊爐烚吓烚吓暖笠笠la, 不過朋友想食打冷小菜, 就去到位於太和中心的 新鹿鳴居 嘆一餐豐盛的晚餐!一入到去都好旺場, 地方裝修設計雖然簡陋, 但好有地道風味味!老闆就推介我哋食全新推出的濃湯花膠雞鍋, 湯底好大鍋, 當中嘅花膠好長質感好腍, 每一啖湯底都好鮮甜! 真係有半隻雞放入去淆湯, 雞件多肉小骨非常嫩滑! 飲完湯食完雞仲可以用嚟打邊爐!怎少得打冷必食的滷水鵝, 我就request咗鵝背部位, 鵝肉連帶鵝皮多重口感, 味道甘香醇厚, 鵝肉肉質滑嫩細膩, 最鍾意點埋潮州辣椒油更加惹味! 好多朋友鍾意飲番杯啤酒食返一碟蝦乾小炒王, 裏面嘅韭菜花爽甜, 炒香蝦乾豆乾等令整體鮮味提升! 食飽飯, 記得叫杯凍檸茶試吓, 茶味香醇甜度適中, 唔錯!#新鹿鳴居 #大埔打冷新鹿鳴居 (太和) 太和大埔太和路24號太和中心35-36號地舖

正宗潮式打冷經營多年小店伙記親切有禮點了一個滷水鵝例牌，滷水鵝滷水味濃郁，鵝肉結實，而且份量足，10分推介必點潮州蠔餅，蠔餅鬆脆，蠔肉極之大粒，而且有兩大塊，超值之選最後點了一個老闆推介嘅蠔仔粥，鮮魚粥底，鮮味十足，一定要一試

油麥菜，穩陣之選，滾埋辣燙著嘴，爽嫩翠綠。豆卜，打邊爐殷物，索汁索湯一絕，嚥韌香口一咬爆汁。游水海中蝦，新鮮生猛札札跳有如萬馬奔騰﹗直接掉落湯讓她們自由暢泳，睇準時機一熟即食，爽甜無比，蝦肉嬌嫩，蝦膏甘香非凡﹗花雕醉鴿，色香味俱全拍爛手掌！飽滿肥美香甜可口鮮嫩多汁彈彈滑滑的，食到一件接一件欲罷不能，必食推介！超香甜味美，酒氣芬芳不嗆不濁不澀，清香甜味拼上鴿肉肉汁令人不其然瘋狂地吸啜呢！肉嫩而皮脆，超水準表現！鴿肉滑彈，酒香入味帶甜，不澀不濁浸得出色好功夫。老闆話係由兩位資深師傅創作，最後才能得出依個味道同質感。清蒸鯇魚腩，巨型腩肉最嫩滑而無骨的位置，食得到魚鮮味沒殅點泥味腥味，魚肚半滑半黏膠膠的，滾滿魚汁豉油精華所在更加滋味。椒鹽瀨尿蝦，肉質勁嫩滑鮮甜，最可憐就是太過細條無什麼肉食。炸蒜香口惹味，如果有碗上湯河粉勍襯到絕，最少撈兩碗直接灌落肚仔去。西蘭花炒斑球，走過油的厚厚斑塊顯得格外香口而魚味濃濃，質地鬆化不會腍啤啤。西蘭花脆嫩鮮甜高質，不過腍不過熟，可口滿意。果皮蒸泥鯭，游水魚無得輸﹗皮黏肉嫩既結實，骨少啖啖肉，散發泥鯭獨特的甘甜鮮魚味道。豉油皇炒麵，鑊氣炒麵不油不膩不濕，注注彈牙

大埔太和附近小炒店數量不多今次試吓呢間新鹿嗚居（罕有太和打冷鋪）是日，星期五晚舖頭都較多人，要打電話提早book位舖頭位置比較緊張，所以啲人要坐得親密一啲，枱與枱之間都會比較容易有接觸。菜式，揀咗最基本嘅馬拉盞炒通菜👍🏽有少少辣味唔錯。凍烏頭魚👍🏽👍🏽魚質都滑，點埋醬味道一流滷水拼盤👎🏼拼盤有好多種服務，包括鵝片、魷魚、豬腩肉。但比起淨鵝片，呢碟真係較細碟，雖然俾咗鵝髀我哋，骨真係偏多。味道係期次，食唔岀有滷水嘅味道。 炸牛丸👍🏽👍🏽估唔到點啊甜酸醬有驚喜炸蠔餅👍🏽Good茄子煲👎🏼👎🏼味道唔算好濃，冇香味。小炒王👍🏽👍🏽整體某啲主打菜係可以接受嘅，某啲就唔建議嗌價錢對比起呢個味道，整體都偏貴

啫啫排骨煲，骨多肉少杉杉口，肉半生熟。蝦仁炒蛋，香噴噴有鑊氣，厚蛋甜美，蝦仁鮮爽彈牙，不過蛋炒得太老！大豆芽豬紅，平時豬紅十分有彈性而且浸得香甜滑滑，這兜失水準腍劈劈加上味道勁咸呢。筍蝦，首次膽粗粗試試，第一次品嚐。原來筍蝦不是蝦來的，多年都以為什麼海蝦品種。真身為淨筍沒有蝦架喎，個名點黎架？爽甜脆脆多汁，非常使人回味，食完一啖停不了要再食第二啖。成班朋友只有兩個受得到如此獨特的香氣及別樹一格的味道，我係其中一個。以前既我一定食唔到，阿媽由細到大煮客家竹筍炆豬肉我都食唔到筍呢。紅燒乳鴿，乳鴿發生咩事呀？好味到難以形容！即叫即炸新鮮出爐，鴿皮炸得金黃香脆，肉質嫩滑無比，大啖一咬肉汁激射，醃得剛好又不咸不嗆，超水準表現！鴿頸炸到完全鬆化香口，骨都食埋，正呀！鴿頭搭鴿腦一齊食，味道甘甜帶咸香，太美味喇！海外知名遠近馳名天下第一鴿，皮香肉嫩豉油味濃，雖不是脆皮但已香口無比，香料滲入每絲肉之中，啖啖嫩肉多汁水潤，連手指都損得乾乾淨淨。滷水鵝掌翼，掌皮爽脆、翼肉彈牙有嚼勁，滷水清香脫俗，送酒佳品。茄子牛仔骨，鹿鳴居絕活﹗任何茄子菜色都永無失手，點煮都咁好食﹗茄子綿滑索盡牛仔骨吸芡汁精華，滾燙地大大

今日約咗朋友行山，出發前先食個早餐。呢間價錢一般，比佢餐牌個畺蒽牛肉通粉同濃湯鮮豬潤米吸引咗，加埋個火腿奄列同牛油厚多士，、熱飲都係$39👍🏻叫多份腿蛋治烘底，份蛋仲好厚身😍

價錢不合理，亂咁收錢，一碟花螺，得30粒左右，竟然收188仲無甜醬，3個人食飯竟然要9百幾，蒸鱔都178，一d都唔合理，餐牌又無呢d價錢，跟本任佢講，總之無下次

💁‍♀️💁‍♂️3/8/2022(Wed), Dinner🍽今晚🚙揸車經過太和中心果頭～見到間食潮洲野既餐廳～突然❤心血來潮~就同A先生講不如今晚去食潮洲野la😝~但👀眼見餐廳人都較多～我地就選擇左叫外賣返屋企🏢食嘞～今晚我地order左：潮式煎蠔餅🦪🫓煎蠔餅🦪🫓係潮洲既地道小食～每次去親食潮洲菜/打冷必定會叫~呢間d蠔肉🦪都唔少~而且蠔肉🦪都算飽滿同新鮮👍~而餅身煎得都ok👌脆口(但始終我地叫外賣既關係～餅身一定唔多唔少會淋左少少～呢個都理解既～)鹵水鵝拼盆🦢🐙🐷拼盆加咗錢由鵝件轉做鵝片，入面仲有鵝腎🦢、鵝腸🦢、生腸、豬大腸🐷、紅腸🔴、豬耳🐖👂、五花腩、墨魚🐙、豆腐⚪同埋大豆芽🟢。個滷水唔會一味死鹹，食完都唔會口渴😋👍。鵝片都算嫩滑入味；鵝腎、鵝腸、生腸、豬大腸🐖同豬耳🐖👂都好爽口，又唔會有洗唔乾淨既情況；墨魚🐙夠味又彈牙；最後墊底既大豆芽🟢都唔可以錯過，條條都粗身脆口，吸收咗滷水汁真係食唔停呀。方魚蠔仔肉碎粥🦪🍲蠔仔🦪既數量都多同新鮮👍，配合肉碎🐖、方魚碎🐟，仲有芹菜芫荽，味道岩岩好。

新鹿鳴居 (大埔)大埔大埔太和路24號太和中心35-36號地舖豉汁蒸白鱔 $160蒸魚時間控制得恰好～白鱔唔會過老～可惜肉身唔夠爽口彈牙～而魚肉有鮮味～不過調味太重反而有啲喧賓奪主🙈潮式煎蠔餅 $75應該係炸蠔餅🙈蠔仔份量唔多～但粒粒都大粒而且清洗得十分乾淨！蠔餅炸到卜卜脆～如果多啲蠔仔，少啲粉漿會更正！！😋蜆肉濃湯浸時蔬 $68清清淡淡平衡下以上兩道菜嘅油膩感🙈可以揀一款蔬菜做底～另外會配蜆肉 唐芹 同淮山！

同女朋友四圍行睇吓食乜好，見到呢間潮洲菜人頭湧湧，應該都唔錯，加上好耐冇打冷，一於試吓。味菜炒鵝腸,睇落去細細碟賣相普通，但鵝腸一食就知超晒班！炒嘅時間啱啱好，爽嘅！而且肯定係新鮮鵝腸，嗰種甘香超正！飲住杯啤酒真係一流。酥炸大腸，一樣啦賣相都係麻麻地，但食落脆到不得之了，仲要冇出油！我會形容為超班！炸蠔餅，打冷必叫啦！蠔餅鬆化，入邊蠔仔又多又新鮮，而且處理得好好，鮮味十足，正滷水鵝拼墨魚，好驚喜成隻鵝脾上咗嚟，多口問佢係咪次次都有脾，夥計話要睇吓師傅開到邊！咁我哋今日真係好彩啦！兩種滷水菜都比一般滷水專賣店出色。咁餐真係滋味！住咗喺度咁耐咁遲先發掘到呢間餐廳真失敗。應該好快我哋再會嚟食過。　

之前有一次曾經夜晚想來吃打冷小菜，不過內裏人聲鼎沸，又沒有什麼座位，吾等兩個人不想太過喧嘩，於是還是沒有吃。現在，限食令之下，晚上六點都沒有糖食，這間餐廳就可以內進午餐。不過看餐牌，這間餐廳應該本身都有固定午餐下午茶，發現下午茶固定餐牌有廈門炒米，於是一試。發現質素都相當好，炒米份量夠大碟，下午茶不會偷工減料變得太過少量，米粉夠多鑊氣都夠強勁。最重要的是廈門炒米有酸瓜五柳菜，因為很多時候，廈門炒米，都由店家自己發揮，有時加蕃茄，有時加蕎頭，而這兒就是最正宗的用五柳菜，酸味不算太強，輕微酸，開胃加上鑊氣，配料又有叉燒又有蝦粒等等，相當美滿以為這些晚點應該只需要為客人提供多款啤酒，但原來它的奶茶咖啡味道也相當好喝

心血來潮想吃潮州打冷，就相約朋友去到位於太和中心地舖的 新鹿鳴居 食晚飯聚一聚。這裏的地方很大，幾乎全場爆滿，見到有好多一家人一圍枱共進晚餐。餐牌菜式種類繁多，每一款都好想試吓。先點了名廚推介的紅燒頂鴿，乳鴿外皮炸得香脆可口，而且肉質很鮮嫩，很滋味呢！不得不叫這裏的招牌滷水鵝片，半肥瘦很好食，點埋醬汁一齊食更加開胃。小菜方面，我們order了馬拉盞炒通菜、鹹魚雞粒豆腐及豉汁蒸倉魚，當中的馬拉盞炒通菜好有鑊氣，而且好入味，少少辣確實好滋味。另外仲有女士養顏的豉汁蒸倉魚，魚肉很鮮嫩，蒸得恰到好處，配白飯一齊食好滿足呀！食飽飯就叫一罐可樂爽一爽喉嚨。這一餐食得很滿足很飽肚，最重要係性價比很高，門口還有很多游水海鮮提供，已經諗定下次同家人來這裏用餐一齊慶祝生日。

好久沒吃潮州打冷了！ 作為大埔友，今晚剛好和友好路過太和的鹿鳴居，被門口的一列照片吸引，心思思，走入去試吓先！味道不錯喎！先來的白灼新鮮鵝腸，好爽口有彈性，只嫌還不夠肥，但味道基本上已很出色了！鹽焗烏頭香港土產，內置檸檬，外用鹽焗，上枱時才翻開魚皮見到黃油，肉汁完全封鎖在魚肉裏，不單嫩滑，且非常鮮香，抵讚！方魚蠔仔肉碎粥，蠔仔份量十足，加入去的方魚已煎得非常脆，吃落口香口。 加上少許肉碎和粒粒分明的飯粒，轉眼掃光。黃豆排骨煲涼瓜，涼瓜新鮮，排骨大而軟稔，份量也十分多。 飲起來清甜，只嫌有點過咸。至於蝦乾魚肚浸勝瓜，魚肚十分爽滑，勝瓜好甜，吃得十分滋味！餐廳裝潢一般，但服務殷勤，收費便宜亦沒有加一服務費。 不失為一個飲食消遣的好地方，且各種食材新鮮，煮工不錯，值得再光顧。

📍 新鹿嗚居（大埔）作為大埔人一直都好想試，以為普通茶記，原來有d打冷、潮州菜、雞煲、火鍋同小菜。好多選擇！仲要好耐冇食過嘅潮州粥，好懷念爸爸當年成日煲我食.-蜆肉魚湯浸時蔬$65 8.5/10分呢個又好味又抵食！勁多蜆d菜又好好甜！.-鹽焗烏頭$148 8/10分老板推介嘅招牌菜，我本身都好中意食烏頭🤤岩哂！好入味，但面頭略嫌灑得太多鹽，會唔小心食到好多鹽，但我覺得值得推介食。但最好掃走d鹽先.-order 左滷水拼盤$92 7/10分勁大碟，覺得幾好食，唔食豬腸既我食到，兩個人一碟都吃不完：）用餐🌾日子：一家大細、三五知已，平時無飯食都可以去食，好多種類野食整體係好味，唔錯又唔算貴，啲海鮮都新鮮喺門口養既，味道👅：7.8/10服務💁🏻‍♀️：7/10環境🌾：7/10人均消費：$60-200地點：新鹿鳴居 (大埔)