影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
食家推介
收到消息話九龍灣無印良品入面間Cafe就快會結業，會裝修變做賣其他野，所以同班朋友即刻約係結業前食番餐先。除咗平時佢嗰啲可以自選熱食或凍食既三品、四品料理之外，今次我就叫咗煙三文魚蟹肉開面三文治試下。上到黎都好大碟下，薯條、沙律同個三文治塞滿左個碟。煙三文魚同蟹肉好夾，個麵包皮都好鬆軟，所以成個三文治都好好食。另外仲叫咗個All Day Breakfast，當然唔少得要有薯餅啦，佢哋個all day Breakfast仲跟埋個麥皮，所以份量好足，一定夠飽。
继续阅读
餐廳位於Muji內，設計風格簡約、現代，以素淨的白色為主調。注重食材品質量及營養，料理風格融合了日本傳統料理及現代創意，重現日本味道。🌳🍂- 四品料理套餐 HK$143 🍱套餐包含飯及湯，可自選冷盤及熱盤各2款，亦可另加菜式。- 十六殼飯 🍚健康之選!!米香，濕度剛好有彈性，感覺非常健康!!- 柚子胡椒醬伴日式叉燒沙律 🐷🥗酸香開胃!!沙律加入洋蔥、青椒、紅蘿蔔及椰菜，以酸味香子胡椒汁調味。日式叉燒味道健康無添加，質地緊緻。- 和風高野豆腐蟹肉沙律 🦀充滿蛋白質!!絹豆腐質地扎實，口感豐富。蟹肉份量非常多充滿鮮味，和風涼拌汁味道清新，吃起來非常舒服!!- 茴香奶油雙花蝦 🧈🦐香氣十足奶油蝦!!蝦肉爽口有蝦鮮味，搭配椰菜花及西蘭花口感十足。濃郁奶油汁散發香濃奶香，令蝦肉更加甜美!!- 明太子炸雞 🍗咸香之選明太子!!鹹香明太子醬加入蛋碎配搭炸雞，非常香口!!- 醬燒比目魚 🐟超嫩滑比目魚!!魚肉煎得剛好，肉質鮮嫩帶有魚香。表面以微酸照燒汁調味，降低魚油油膩感，非常美味!!- 黑椒牛舌海帶麵 HK$120 🐮👅🍜健康海帶麵!!牛舌切得厚實且口感軟嫩，用黑椒及燒汁調味，非常濃郁!!海帶麵爽口有嚼勁，富有營養又低卡，健康都可以飽肚!!
继续阅读
Potato Wedges Barbecue Flavor $15MUJI無印良品這個🤤BBQ味的薯角,外面脆脆的，有咸咸的BBQ味,但不會太油膩。不過有些沒有太多粉。裡面的薯仔很配BBQ的味道🤗儘管是BBQ風味,但整體口感還是偏向軟嫩多於咸辣,口感平衡，怕辣的朋友完全可以試，沒有辣味。👍這款BBQ薯角售價略嫌有少少貴 ,份量有些少。總體來說,這款BBQ薯角利用簡單的醬料很好地凸顯了薯角的原味。👌值得一嚐。
继续阅读
燒牛肉牛油果三文治牛肉燒過令整個三文治充滿煙熏味加上牛油果果蓉，令整個內饀帶點濕潤烘過底面包超級香脆，又帶點嚼口薯條很香脆新鮮，應該不是冷藏薯條沙律超級新鮮爽脆，配上醬汁超級清爽
继续阅读
之前食過蛋糕甜品，但未試過食晚餐，經過見到有齊湯菜肉飯，營養均衡，所以試試。6點幾到，完全唔洗等位。餐廳闊落，木牆+木枱+木凳+暖暖柔和既燈光，一貫Muji style, 又無乜人，寧靜舒服。今日食 晚市二人套餐 $328:4個冷盤+2個熱盤+ 餐湯+餐飲+甜品3百幾蚊，試到咁多款食物，都幾抵食。4款冷盤：1.芝麻醬拌菠菜冬菇》爽口紅蘿蔔絲，軟軟既菠菜，有少少咬口既冬菇，唔同質感既食材交雜搭上芝麻醬既香氣.好味😋😋😋😋2.紫薯青蘋果沙律〉紫色圓碌碌，雪糕球咁，超靚。紫薯蓉淡淡甜味，混合住細有少少爽脆感既青蘋果甜酸味，味道清新，比較似甜品，幾得意。😋😋😋😋3.芝麻醬醃烤南瓜》平時食開既南瓜都係全熟透軟林既，但呢個沙律既南瓜係爽口既，菜單話係微烤，應該生生地，但又無草青味，拌埋芝麻醬都幾夾，醬汁帶出南瓜既清甜味！😋😋😋4.忌廉煙肉馬玲薯沙律》白色圓碌碌，雪糕咁既樣。食落綿滑，有香濃薯仔混合煙肉咸香。味道可以。😋😋2款熱盤：1.蒜香味噌雞翼》雞翼好有屋企味。平時食飯唔太鐘意好多汁張住d餸，但呢個醬汁收晒落雞翼度，雞翼幾香同入味。😋😋😋2.黑醋醬豚肉》豚肉肉質鮮嫩，切成條狀方便食用。豚肉煎到邊邊脆脆地，但無油膩感，加上甜酸酸既醬汁，好味開胃。😋😋😋😋麵豉湯：》麵豉湯湯料入面有紅蘿蔔粒同白蘿蔔粒，唔太咸，都OK la~無乜特別～😋😋十六穀飯：》好鐘意十六穀飯，比普通白飯多一陣種子既香氣，D飯粒粒分明，有口感，但一d都唔硬，Good～😋😋😋梳乎厘奄列：》平時好少食梳乎厘，好似食空氣咁，無乜實在感，但呢度既梳乎厘做得頗幾實淨，有質感。 無印梳乎厘有超香濃既蛋味，唔會好甜，剛剛好。本身有配置朱古力醬同蜜糖，但我都無沾醬食，因為本身表面覆蓋了一層脆焦糖，十分夠味！好味.😋😋😋😋😋二人餐既份量有點大，都夠三人食了。前菜份量看似每樣少少，但其實食完前菜都有點飽了。兩碟熱盤 下次食可能會改叫一碟菜+一碟肉，今次叫兩碟肉既份量真係太多了，根本吃不完。 整體來說，食物都好食，尤其四款前菜，顏色豐富，一上枱就覺得十分吸引。食材新鮮，調味剛好，帶出蔬菜本身既鮮甜，好味，祈待下次試下其他野食。
继续阅读