影片
开饭介绍
香港少有的新疆菜，特色菜包括羊肉手抓饭，羊肉软腍，味道正宗，亦有新疆炒米粉、大盘鸡等供应，是品味地道新疆菜的不二之选。
继续阅读
营业时间
今日营业
10:30 - 21:00
星期一至日
10:30 - 21:00
公众假期
10:30 - 21:00
公众假期前夕
10:30 - 21:00
以上资料只供参考，请与餐厅确认详情
有关奖赏计划
今日终于有机会去咗 无疆道新疆抓饭，一间专做新疆风味嘅餐厅。作为一个钟意试新口味嘅人，呢度真系俾咗我一个好大嘅惊喜！餐厅嘅环境简单朴实，带有少少新疆嘅民族风情，啱晒想食特别嘢嘅我。羊腿抓饭羊腿肉煮得超级软嫩，入口即化，啖啖都系羊肉嘅鲜香，完全无臊味！抓饭嘅米饭粒粒分明，油润又唔会太腻，配埋羊腿肉一齐食，味道层次好丰富，真系好正。羊腩抓饭羊腩嘅油脂比羊腿多，食落去更加Juicy，肉质同样鲜美无比。抓饭吸收咗羊腩嘅肉汁，香气扑鼻，每一啖都系享受。无酒精奶啤呢款饮品好特别，带有淡淡嘅奶香同麦芽味，饮落去清新爽口，解腻一流，配搭羊肉抓饭真系一流。皮牙子胡萝卜丝+包包菜配菜好爽脆可口，皮牙子（洋葱）同胡萝卜丝嘅甜味，配上包包菜（高丽菜）嘅清新，食落去好解腻，仲好营养。饭汤任装更加系一个大bonus，食到好饱都唔使担心口渴。如果你想试吓特别嘅新疆风味，又想食得健康，呢度绝对系一个好选择！食完真系令人回味无穷，一试难忘。
继续阅读
见佢新开，就喺外卖平台点咗$88招牌羊腿饭。 出餐时间劲耐，耐到外卖车手都投诉！点知嚟到，只有羊腿没有饭！ 同店家理论，对方仲要话：「你个＄88只有羊腿没有饭！」仲要话只赔$10俾我当冇左个饭。哇多谢哂，我落街买个饭都唔止$10，更何况你个饭系特色新疆抓饭。睇返外卖平台订单记录，见到餐名字的确只有「羊腿」并没有饭，但图片是有「羊腿+饭」。饭呢？图文不符？之后我想外卖平台想揾返该餐睇消楚个餐既内容，结果店家更直接将令我觉得有误导既「羊腿餐」下架。作为食客我觉得餐厅嘅处理手法令我觉得非常不满。所谓招牌菜「$88羊腿饭」，在外卖平台想点呢个餐，原来付出$88+1.5hrs既等待时间，只得到一条羊腿。咁当我睇错啦，$88得到只有一条羊腿没有饭当系教训。撇除以上不愉快嘅经历，咁我都可以就「条羊腿」做个食评既，始终系个人感受。等左1.5hrs, 虽然我好火，但羊腿是冻的！味道超咸，冇新疆味道，骨比肉多。总结：$88只获得一条羊腿+一肚气，此餐CP值极低！加上餐厅态度恶劣！永不帮衬！
继续阅读
男朋友曾经食过嘅外卖，深刻好味😋所以今次嚟开佐敦，就带钟意食羊肉嘅我嚟💕一到左就比佢价钱吓亲，五十几蚊一个饭😍因为OpenRice见要book位，男朋友又担心冇枱以为系高级餐厅价钱，结果原来系咁平民，真心惊喜第二个惊喜位系员工劲亲切，又会提我食羊腿要手抓，又会因为我外卖走啲食物送多碟前菜比我👍接落嚟，就讲下食物啦，真心大大只腿可以两个人分享食，仲要讲紧佢可以任加饭，其实真系唔叫盘鸡都得，但嚟得就想试多啲嘢。羊腿抓饭：羊有羊味，送上嚟食时唔系热辣辣，热到出烟，只系微温，暖暖地，但拎上手影相就都热嘅。饭系有红萝卜、黄萝卜、汁、饭，食过翻寻味，所以有叫人加饭👍加嘅SIZE都一碗㗎，绝不手软。大盘鸡：就可以试埋烤𫗵，因为盘鸡有加入埋𫗵入去煮，啲鸡嘅质地系煮到熟哂，唔系滑鸡嘅感觉，$98对比大羊腿抓饭先$88就有少少逊色。下次唔会嗌，味道系OK㗎👍只系因为我觉得贵啫！最后，有机会嚟开佐敦都会再食，亦都会推介比朋友食✨❤️BTW环境都几舒服，唔系大铺头，入到去真系似去左小部落咁，都几chill，似可以饮酒慢慢㗳，慢慢坐。但实际上都多人食，不时会有人入座，比得几十蚊都好多意思坐咁耐，但环境真心舒服，服务真心好👍所以孤寒庹缩如我都比左尾数$2贴士，就知真系好好啦👍👍👍
继续阅读
超乎想象能在香港吃到新疆菜🥹，还这么平！手抓饭，皮伢子菜还有饮料都有。味道很正宗，我们点的羊腿饭，现在正在搞活动，58一份（原价88），羊腿很大一只，软烂脱骨，配上辣椒粉真的非常香！米饭粒粒分明，胡萝卜也很软嫩。而且听说米饭可以无线续补过根本就吃不完，真的量太大了。桌子上都配有纸巾和一次性手套。老板娘说一天闷两锅，中午和晚上，羊腿一般一锅只有15只，所以限量，先到先得，晚了就🈚️了！如果套餐能配个喝的就好了。
继续阅读
昨晚光顾，叫咗手抓羊腿饭，睇相，真系好正，好味道，有汤有小食，汤和饭可以refill! 饭记得要热食，冻咗冇咁好味。我食完呢碟手抓羊腿饭，都饱晒，新开张特价58元。
继续阅读