日出茶太

营业中

休息中

呢間嘢已經開更有10年陪住我成個小學中學嘅生涯，唔多唔少都有少少地位，雖然佢飲品唔算太高質，但係平民嚟講算唔錯！！最緊要價錢實惠！最特別嘅係佢有細珍珠同大珍珠可以選擇，珍珠咬口煙靭比較淋身奶茶比較重茶味。

還記得我當初喺其他分店飲嘅時候候覺得驚為天人，現在我覺得珍珠奶茶只是個平平無奇既飲品，佢嘅味道一般般，但好在珍珠夠彈牙，而且也算很好可以讓客人選擇大珍珠或者細珍珠，不過佢既莊園可可可以一試，另外加Oreo粉嘅珍珠奶茶都幾好飲，最好加埋布甸佢嘅布甸係值得一試，非常好吃

今日我行街期間突然好想飲珍珠奶茶，經過呢間幾吸引。於是試試，我飲了招牌珍珠，中杯，少糖80%，我覺得少甜都略甜，大家試可以再少d糖，珍珠好食，有咬口。下次會再試試其他口味

唔知係咪近排台式飲品比較盛行選擇比較多 相比之下呢間舖頭就比較遜色茶底係用粉珍珠亦都煮到林晒甜度亦都好唔穩定 明明嗌微糖都可以好甜服務態度都變差飲品方面做咗咁多年都冇乜新嘅改變同埋嘗試個價錢亦都對唔住呢個質素同樣嘅價錢係同區可以有更加好嘅選擇希望店家可以與時並進改善飲品嘅質素同埋態度

附近唔係有好多飲品舖，通常都係比較貴（起碼$30個啲），呢間就相對平。不過味道方面就真係爭啲，比較水，份量普通唔大杯，都係間唔中買黎頂下癮就算。通常都係買珍珠奶茶🧋

之前試過呢間野既薑母茶，覺得都ok。所以今次就同朋友一齊嚟買，諗住今次試下桂圓紅棗茶。於是我就點左杯微糖既 。點知…杯野唔單止係好甜，仲好似多左陣蜜瓜味🤮下次一定唔會再買🤢🤢

之前試過日出既烤奶茶，又真係幾香幾好飲既。而今次我說試個烏龍奶綠少甜少冰，個甜度都算正常，但就無咩茶味，我個人就唔係幾buy 。如果唔係試過烤奶茶覺得唔錯，我都唔會試其他產品，但係下次再飲，應該只會飲番烤奶茶了...

當天探完朋友後買杯       冬瓜嫰仙草 $11呢款飲品只有凍飲,但係個杯身實在太軟了……不用什麼力已經可以整到個杯變左形~~個杯蓋的DESIGN也不見得好..我明明篤飲管方法沒問題的~點知飲品也會滲晒出來………就連職員幫客人插飲管,飲品也會爆出來的… 連其他客人也跟我一樣o晒咀………….幸好選走冰~~微甜,咁甜度就岩岩好了,仙草Q度2.7 / 5~一般水準~不是每次也啜到仙草來吃…不過等候時間真是很久…明明無乜人買….都等左起碼6.5mins~

近幾年台式飲品店係香港開到成行成市, 係鬧市一個街口便有數間台式飲品店, 各出奇招花多繚亂。現在更滲入屋邨商場, 今日就試試樓下商場新開的。間野門面都幾大, 用具擺設簡潔, 兩邊亦有清晰易見的飲品牌。當然每個台式飲品品牌都有自家的特色飲品, 呢間就有"十勝紅豆奶茶, 濃香珍珠奶茶, 多多綠茶及台灣士芒果綠茶..."。而店舖正進行飲品試賣, 有十多款的飲品都以較便的價錢出售。不時有多達十多來人排隊購買，當然呢d都係新店舖開張會出現的現象, "路遙知馬力"還要一段時間看穿它的實力。今次叫了珍珠奶茶少冰，等了約5分鐘飲品便送到手上, 店員亦詢問顧客是否代為插入飲管。飲品的大小與其他台式飲品店所採用的膠杯大致相同, 雖然少冰, 但飲品的溫度都夠凍, 珍珠的數量亦適中, 奶茶成色方面頗為濃。而此杯珍珠奶茶的味道對我黎講應該分為三部分, 等一下入口的感覺是十分甜, 甜味大重, 亦喝不出任何茶香及奶味。喝下3份1後, 味道方面平衡返黎, 開始嘗到那陣微弱的茶香。到最底層那茶香可說是最濃, 但奶味方面仍是薄弱。珍珠的口感蠻腍, 有咬口, 味道似砵仔糕。總括而言, 呢杯野都算不過不失, 未有太大驚喜。