日日香鵝肉飯店 (黃埔新邨) (已結業)

之前食過第二間分店，覺得好好食，今日經過再嚟食另一間分店。同朋友各自叫咗兩個飯。鵝肉拼鵝腸飯份量係超級多！鵝肉好好肉，有成4-5大件，食落去啲肉都好嫩滑，好有鵝味。鵝腸都係超級多，食極都好似仲有咁，咬落去好爽口。加上有跟埋一啲配菜（酸菜、蛋、菜），好飽！鵝片飯我片飯，食落去就感覺上比較清新啲，因為冇咗皮下面嗰層油。都有成六件。男仔一個人食呢個飯其實都夠飽。滷水墨魚我覺得呢個係必食$58來講份量先超級囉，而且真係煮得好入味，食落去爽口得來又唔會太韌！真心大推！鵝骨湯叫套餐，加$9就可以有鵝骨湯。本身以為剩係得一兩舊骨，會好清淡。一嚟到嘅時候覺得好驚喜完全唔係麗湯咁簡單，佢入面係有勁多配料，瘦肉、杞子、菇等等。簡直就係一個老火湯。加$9去配係絕對值得。其實仲有好多其他食物都想試，不過要留返下一次先。因為淨係個飯都已經令到好飽😂

今日同朋友嚟到紅磡食呢一間日日香鵝肉飯店食晚餐因為見到佢都有好多唔同分店應該都唔錯入邊嘅裝修都好光猛乾淨座位都好闊落我同朋友就叫咗二人超值套餐A $228小食方面我哋揀咗豬手同埋豬腸佢啲豬腸都洗得好乾淨入邊唔會食到沙或者污糟嘢而且都夠肥食落去都唔錯豬手方面佢切得好薄 食落去唔會膩肥瘦比例啱啱好 個皮都好有彈性 個菜方面我哋揀咗西生菜啲滷汁唔會太鹹生菜唔會煮得太熟仲有脆脆地佢個鵝骨湯有好多料有枸杞鵝肉鵝骨草菇等等仲好有味唔會好似飲緊水咁樣鵝肉都好有味 個皮唔錯雖然只係例牌但係都有好多舊佢啲鵝肉同埋小食都會送豆腐卜喺隔離佢啲豆腐卜都唔錯飯都煮得夠熟粒粒飽滿整體水準都OK大家行過都可以入去試吓

間唔中就會想食下潮州嘢，如果午餐想快食，就可以嚟呢間鵝肉滷水專門店。😍招牌鵝片飯同雙拼飯（各$75）可以揀飯或者河粉、米粉或者瀬粉，仲有好多配菜，好似滷水蛋同埋菜心，夠晒飽肚！雙拼飯我就揀咗鵝腸同埋豬手，兩樣嘢都好高質啊！鵝腸已經徹底處理好晒，完全唔會好肥，食到鵝腸味。🤣🤣而且旁邊仲有醋同埋豉油任你點，最緊要嘅係飲品全部餐都有附送，而且座位坐得好舒服，好闊落，好啱同同事一齊嚟食個快飯。🥰🥰

今日下晝同朋友去咗黃埔食滷水飯🍽️，環境寬敞、舒適。餐廳係老字號，有唔少分店，而且播住地道廣東歌，好有老香港情懷。我同朋友叫咗鵝肉飯、滷味飯、鵝肉、鵝腸雙拼瀨粉、鵝肉豬大腸雙拼飯、滷水豆腐同鵝骨湯。餐廳滷水味道調得適宜，唔會太鹹。份量方面，滷水飯好足料，入口啖啖肉，每碗飯均有滷水蛋🥚同新鮮菜🥬配搭，而且用料上乘，鵝肉入口嫩滑。另外，可以加$9要碗鵝骨湯。碗湯用料充足，絕對抵飲。下次同朋友一定會再嚟食滷水！😋

/ /紅磡滷水必去‼️鵝片🤩成日去唔同地區，經過都見到呢間滷水！真係搞到我都忍唔到要試下！今日行開黃埔呢頭附近，就同朋友食左個晚飯環境舒適，仲見到師傅即叫即斬鵝片瀨粉每日新鮮調整嘅滷汁，好入味鵝肉質感半滑溜，啖啖肉份量都算好多，個瀨粉真係好正！連湯底都有鵝肉嘅香味👍🏻鵝皇飯招牌特式菜✨好多料！鵝片份量都幾多，肥瘦適中，彈牙口感仲有滷水豆卜、豆腐、鵝腸、雞腎等真係超多配料呀🤩🤩芥蘭🥗係用咗鵝片去整咖，真係特別鮮甜凍奶茶🥤📍 日日香鵝肉飯店 (黃埔新邨) (紅磡)紅磡民泰街41號黃埔新邨遠榮樓地下C2號舖

初嘗潮洲滷水鵝相對傳統的鹵水飯店，日日香鵝肉相隨乾淨企理。除了一啲鹵水飯、拼盤，仲有一啲潮洲特色嘅小菜。糾結左好耐有咩揀好，最後都係叫左鵝➕豬。我哋兩個人女仔一共點左一個鹵水飯、鹵水拼盤、額外加一個飯。雖然定價有少許貴，但係都值得食。特別鹵水鵝皇飯$138（鵝腸、鵝肝、鵝片、鵝蛋，鵝腎）。如果唔鍾意食飯仲可以轉米粉、河粉 、賴粉。包一杯飲品。除了鵝腸大量，鵝蛋半隻，其它全部大概每人份量都有兩片。鵝腸好爽口、唔需要配搭醬汁都可以好好味😋其它可以沾啲啲醬汁，味道更加鮮。金牌滷味拼盤$128（豬大腸、豬耳、紅腸、豬腩肉，豆卜、鹵水雞蛋）份量差唔多足夠三個人食，食多左會覺得有啲鹹，我哋加配左一個飯，一個飯足夠兩個人share,女仔應該係食唔曬一個。我自己本身唔食豬大腸擔心有味，朋友話好好食，就試下，發現係完全唔會有豬大腸嘅騷味，而且鹵水味好足夠。

鵝片飯嚟到食鵝既餐廳，梗係要嗌個鵝肉飯啦。第一個嗌咗佢哋嘅金牌滷水鵝片飯，鵝片飯好豐富，除左鵝肉，仲有潮洲札肉，滷水蛋，酸菜。鵝肉好香滑，滷水蛋好入味，鵝肉食落去充滿肉味，加埋鵝皮既爽口，夾埋既口感一流，推薦推薦。潮洲蠔餅除咗鵝肉嚟到潮州餐廳梗係要嗌啲潮州嘢食啦，個潮州蠔餅好大份，炸得好鬆脆，食落啲蠔仔都好多好大粒， 做到哂炸蠔餅最重要嗰種外脆內軟。胡椒豬肚湯除咗豪餅梗係仲唔少得胡椒豬肚湯啦，豬肚湯係奶白色，一飲落已經好重胡椒味，豬肚同埋酸菜嘅份量都好足，飲完之後成個人都暖晒，啱晒冬天嘅時候飲。

近年來接觸潮州菜的次數實在多了, 漸漸地對潮州菜的興趣是有增無減,而在香港的潮州菜店子為數不少。這一晚, 在紅磡做完運動之後, 便要找個地方吃晚飯，印象中有間評價不錯的潮州菜館在附近, 就來會一會這店子。湯品是燉竹絲雞，用竹絲雞再加上配料有赤肉，湯本身鮮甜美味，醇香夠火侯，竹絲雞嫩滑好吃。當然要試金牌滷水鵝片飯，滷水鵝片份量不少, 鵝片肉質軟熟而鹵水味足，滷水蛋也不錯。飲品有凍奶茶, 香滑幼細, 奶味較重，甜味剛剛好。是晚吃得滿意, 食物有水準, 價錢經濟實惠,值得一試。

潮州菜是我的至愛之一，而滷水鵝更是必然的選擇，而在香港其中最出名的，便是來自大陸的日日香，所以今晚和家人來到了。金牌滷水鵝肉$138，鹵水味道帶有花椒、八角的香味，不會過鹹，鵝件份量十足，加上已經起骨，啖啖肉，非常好味。招牌滷水鵝肉飯$68，凍飲加$3。招牌滷水鵝肉飯，內有酸菜、滷水蛋、豬肉條、滷水豆腐。鵝肉份量都很多，豬肉條帶點嚼勁，滷水豆腐味道香濃，加上酸酸甜甜的酸菜，就算吃多了都不會覺得油膩。原盅健康鵝骨湯$18，材料十足，熱騰騰的湯是最好味的。

🏅日日香鵝肉飯係潮州著名老字號，今日約朋友仔嚟吃吃獅頭鵝的美味！👑餐廳注明用120 日獅頭鵝，真係好令人期待啊！👉🏼👈🏼特選滷味飯，真係超豐富，🐖有彈牙的肥腸、層次分明嘅豬腩肉、紅腸、滷蛋🥚、豆卜🤤，而且夠晒份量，好食又抵食！💰再追加🏅金牌鵝肉拼盤， 🦢鵝肉甘香嫩滑、滷水入味又Juicy,而且滷汁有淡淡的🌿香草味，點上辣醋更提鮮！仲有配菜🥬鹹酸菜不容錯過，厚厚的甜甜的酸酸的⋯⋯極開胃！ 絕對係正宗嘅潮州菜館⋯⋯正！🕺

紅磡這間「日日香鵝肉飯店」，滷水做得幾出色～ 之前以為只係食「鵝」，但原來仲有其他滷水食材，墨魚、豬大腸，豬腩肉，滷蛋等等～～佢地既鵝係寫120天餵食的獅頭鵝～ 今日趁午飯去食～餐廳環境唔錯，望落去都唔會太迫，企企理理～ 午市套餐：$9 鵝骨湯～▫️ 滷水雙拼飯$75 （可選兩款拼食）冷熱飲選擇了鵝肉同墨魚片拼瀨粉～ 枱面有供醬汁隨個人喜好加沾。套餐除左自選料外，另外會配送滷蛋半隻，豆卜同香腸，仲有咸酸菜，即時成個套餐性價比提高哂😻😻鵝肉好鬆軟，而且鵝味好濃，配咸酸菜一流，沾汁都唔哂。墨魚一向是至愛，個唔到套餐給的墨魚也不少，墨魚夠爽口又夠味～～▫️特選滷味飯$64（豬大腸、豬腩肉、紅腸、滷蛋、豆卜）豬腩肉唔會好肥，但油脂好勻稱～滷水豬大腸又是肥美之作。真係捧住個肚離座。（朋友仲飲哂碗鵝骨湯😂）**下午茶時間有88折

平日我哋一家星期六唔煮午餐，會出去食飯或買外賣食！呢間向紅磡嘅 日日香鵝肉飯店 我哋就好鍾意食！我哋叫咗幾個午市套餐：1️⃣特級滷水鵝皇（我哋轉咗瀨粉）$1282️⃣招牌滷水鵝肉（我哋轉咗河粉）$753️⃣滷水豬手飯$58其實樣樣都好好味，講到最鍾意當然係特級滷水鵝皇，樣樣都有，滿足晒貪吃嘅我！佢嘅鵝肝、鵝肉、鵝片同鵝腸味道同質素當然穩定，鵝肝唔夠軟唔會淋，鵝片切到厚薄適中，入晒味！我個人就比較喜愛佢嘅鵝肉！（純個人口味）但估唔到佢嘅鵝蛋係咁特別，本身鵝蛋味道同一般雞蛋🥚係不一樣！蛋黃甘香、蛋白煙韌，腥味更嫩，味道更濃！豬手更當然係水準一樣咁好，軟綿綿嘅肥膏連肉質滷到入晒味之餘，容易撕開！基本上我揾唔到一樣嘢係唔好食（係咪太偏心呢？！）但我真心鍾意食一個月總會食上3次🥰

今日假日出街食午餐， 屋企人話想食潮州鹵水， 所以嚟咗日日香鵝肉飯店！  入面裝修很優雅， 播住懷舊歌！  假日午市都非常多人來吃！ 招牌滷水鵝肉飯特選鹵味飯 (豬大腸，豬腩肉， 紅腸，滷雞蛋，豆卜)豬大腸去了肥肉，豬腩肉嘅肥肉也不多偏瘦👍🏻 鹵水鵝肉嫩滑， 滷得好入味！ 每碗都配有鹵水蛋， 豬肉捲，豆卜， 及酸菜！ 鹵水味非常正宗， 又不會太鹹！    兩碗都非常足料！ 菜心芥蘭非常大碟新鮮， 加24蚊就有一碟啦， 食得又健康！

特選滷味飯 $68滷味飯有五款餸，分別係豬大腸、豬腩肉、紅腸、滷雞蛋、豆卜，還有幾條嫰綠菜心、嘢味鹹酸菜。餸嘅份量十足，居然多過飯，款款餸都好好味😋，滷水味唔會過濃，配合得宜，腩肉唔油膩，點埋醋，更醒胃，真係好抵食👍！鵝三拼（肉、掌、翼）$158此店買點係燒鵝，當然要叫碟有鵝㗎餸。朋友同我擇了鵝三拼，有鵝肉、鵝掌、鵝翼。鵝肉唔霉，肉質結實但唔會太硬，滷水味不算太濃，去左骨，食落啖啖肉；鵝掌、鵝翼大大件，全部都好好味👍鵝紅$28大大碟，份量十足，鵝紅好滑，唔腥而且價錢夠便宜，抵食👍

美味滷水鵝片日日香突然開咗好多間店，不過都係啲比較偏嘅位置，所以唔係好起眼，今次食嘅係黃埔店。之前食過鵝肉，今次食好啲，食鵝片，店員話最大分別係冇骨，而且瘦啲，啱晒我。以為套餐得幾片鵝肉加碗飯，原來都好豐富，有滷水豆腐、滷水蛋、魚腐同埋好惹味嘅榨菜。鵝片真係好嫩而且得少少皮，原本其實都好夠味，不過我又係落好多醋汁，更好味😋我將飯轉左粉，不過唔記得轉鵝汁，所以粉略嫌唔夠味，不過加埋啲榨菜就好夠味啦。另外加咗碟菜，估唔到咁大份，呢個一人餐真係夠2個細食嘅人食🤣