日日香鵝肉飯店 (黃埔新邨) (已結業)

小女子好鍾意潮州滷味，幾乎食均晒紅磡黃埔附近滷味，呢間鋪頭可謂是心中No.1入到鋪頭，寬敞光亮，姐姐服務周到，已經提前為客人燙好碗筷。之前間中有幫襯過佢既滷味飯，今次夜晚特登來嘗試蠔粥。呢間價格唔算便宜，不過小女子一人食，唔會食好多，嗌左一碗蠔粥同一碟滷味鵝腎上菜速度亦算快，仲可以自己自助加蒜蓉白醋，鵝腎入味，蘸料清爽，味道不俗。蠔粥好大一份，入面有好多蠔仔，真材實料，還有一些菜脯碎，豐富了粥品既層次。下次會再來，不過外賣好似抵啲，有88折

到了這間裝修明亮的飯店，一看已知並不是走一般傳統潮洲滷水店的路線！坦白説，我不嗜吃滷味，也對魚露沒甚好感，可這間店賣的滷水雙併飯卻真的做得恰到好處，就算不點魚露也很下飯！我 order 的是滷水豬大腸併紅腸飯，雖然豬大腸𥚃𥚃外外都清潔得乾乾淨淨，卻絲毫無損其自身獨有的滷水味，處理得宜，抵讚！👍🏻👍🏻👍🏻同行朋友對各自所點的滷水飯，也讚不絕口，值得推介！ 😋😋😋滷水鵝片飯 (HK$75)滷水滷味飯 (HK$60)滷水墨魚片併鵝片飯 (HK$95)滷水豬大腸 + 紅腸飯 (HK$75)菜心 （HK$22)新派路線的滷水店 👍🏻👍🏻👍🏻

今日放工早諗住經過呢間滷水店買盒豬大腸同埋我搶佢孝敬下老婆，比完錢，就見兩個師傅開始斬料，一個負責大腸另一個負責鵝腸，見佢落刀個吓話啲份量少得可憐，啲鵝腸得幾條，豬大腸就有一條，但係偏瘦，基本上冇乜肉可以食，佢分開兩個盒，個服務員交俾我嗰陣時係輕飄飄嘅，大風吹都吹散晒。返到屋企諗住同老婆可以隊下啤酒食下好野，嘩一開盒夾兩舊就冇晒，超級唔抵食，可以話係滷水店中味道非常一般，份量極其少嘅一間店，老實講以後唔會幫襯，而家外賣有八八折，但係八八折之後都仲好貴，好老實講半價就差唔多以咁嘅份量來講，唔會再去幫襯。失望，以為連鎖店啲嘢食同埋水準質量有保證，太失望。補充多一句，滷水味道可以，鵝腸係爽口，只係性價比極低。

點解係非一般滷水鵝肉飯?因為鵝肉飯不但止有鵝肉，仲有紅腸，滷豆卜，滷蛋...係一碗好豐富既鵝肉飯😆鵝肉肉質新鮮，咬落去淋身，啖啖肉，唔會太韌又唔會有白色肥膏，滷味剛剛好，鵝肉好高質.至於鵝肉飯其他配料紅腸，滷豆卜，滷蛋都不錯，正常水準.最特別係每碗鵝肉飯都有自家祕製既咸酸菜，少少辣辣地，好惹味，配埋飯一齊食簡直一流.日日香鵝肉飯店內環境好整潔，燈光柔和，坐得好舒服☺️整體黎講，食物質素及環境都高水準，估唔到一碗傳統鵝肉飯都變得份外吸引👍🏻◭ 招牌滷水鵝肉飯 $60

潮州菜本身食唔小，今日街過見到呢間餐廳，就同朋友去試食啦！餐廳主打潮州鹵水，鹵水拼盤份量十足，菜餚亦非常入味，而可以選擇既部位亦非常充足，比較常見既鵝翼，鵝肉不再話下，而較為特色既鵝肝、鵝腸、鵝頭都有得簡。另外，佢地既鹵水蛋係用鵝蛋黎鹵的，非常大隻又好食😋。好多打冷店都未必咁齊全，所以鍾意食潮州鹵水既朋友真係唔好錯過！除咗鹵水拼盤值得推介外，餐廳都有提供鹵水汁比大家送飯，非常貼心👍🏻。餐廳幾乎用潮州鹵水做主題，本人非常喜歡，希望下次再黎既時候可以再多啲潮州菜選擇就最好了！

附近有很多不同餐廳，經過見到燒鵝店，從店外看見掛起的燒鵝燒得很好，要試一試。坐下來後，侍應才放餐具和茶，十分衛生。 位置很寬敞，坐得很舒服。點了滷水鵝脾飯。一整隻鵝脾，切好了一細件。燒鵝好香，很入味，點少許醬汁已經很鮮味。很喜歡鵝脾一點也不韌，啖啖肉。點了滷水雙拼飯。可以任選兩款主菜，我選了鵝肉和鵝腎。鵝肉油脂分佈不錯，很香。鵝腎爽口，一碗有很多件。每碗飯都有很多配菜，有鹵水蛋、爽脆的酸菜、紅腸、豆卜、菜心。十分豐富，份量很足夠，顏色還很吸引。當天原盅燉湯是花旗參竹絲雞湯，清甜，很滋潤。

今天在紅磡收工，順便在附近吃晚飯，在民泰街發現這家日日香鵝肉飯店，就來試試水準。餐廳一反潮式滷水飯店的古早風，裝潢明亮新潮，座位寬敞舒適。餐廳主打滷水鵝，亦有其他的滷水菜式可供選擇，一般雙拼都只是$65，價格實惠。甫入座侍者立馬奉上免費茶水，服務相當周到。鵝皇飯先點一客招牌的鵝皇飯，$128價錢不算便宜，但用料重磅，有鵝片、鵝肝、鵝腸、鵝腎及鵝蛋，亦有潮式菜甫、紅腸及豆卜伴碟，物有所值。鵝片斜刀切法，連皮帶肉，肉質柔嫩，鵝味濃郁；鵝肝入口粉嫩，味道甘腴醇美；鵝腸一咬爽滑脆口，同時保留有鵝油甘香；鵝腎軟硬適中，嚼勁十足；鵝蛋亦驚喜十足，個頭大隻，蛋白較硬身，蛋黃澄黃，軟滑甘香。豬手腩肉飯另一款點了豬手和腩肉，豬手是汾蹄的做法，一入口皮滑，脂爽，肉軟，配上酸甜醋汁，令人吃完一片又一片。肥瘦相間的腩肉，味香腴美芳縈齒頰，肉汁豐盈，甘腴可口。豬大腸豬大腸處理乾淨，滷水味道醇香味美，配上白醋及潮州辣椒油，令人停不了口。

初初新開張，去買過50蚊鹵水鵝肉飯，覺得唔錯，都抵食，今晚諗住加餸，去買80蚊鹵水鵝片，但係只有7片鵝片，底下都是豆卜 ，覺得極唔抵買......，下次唔食再買鵝片了。

日日香係一間喺汕頭開過黎嘅滷水鵝專門店，食店主打不同部位嘅滷水鵝，除左鵝肉，鵝肝鵝腎鵝腸鵝頭鵝頸鵝心鵝翼鵝掌鵝蛋鵝脾全部有得食，雖然只得鵝肉獨沽一味，但因為日日香用嘅係正宗獅頭鵝，而且鵝隻都係黎自自家鵝場，所以貨源保証新鮮。香港嘅滷水店通常都係本土老店，食客坐喺摺凳上面，枱面總係立痴痴，環境比較麻甩，通常都係有返咁上下年紀先會去食。日日香相反走明亮簡潔路線，環境乾淨企理，座位唔會太迫坐得都舒服。特級滷水鵝皇飯($128) - 雖然索價要過百蚊一碗，但份量好足，裡面有鵝片、鵝腎、鵝肝、鵝腸、鵝蛋同豆卜，總意食內臟嘅就啱晒，可以一次過試勻幾個部位。鵝片肥瘦適中，肉質嫩滑，口感有啲似食緊鴨胸，滷水味道濃淡度啱啱好唔會太鹹，我自己就鐘意蘸啲白醋一齊食，多左陣酸味冇咁膩。鵝腸好爽口，平時打邊爐食嘅鵝腸都會痴住好多肥膏，但哩度嘅鵝腸完全冇肥膏，大大啖食都唔怕。鵝腎爽口得黎唔會太硬。食慣法式煎鵝肝嘅朋友應該最唔滿意係哩個滷水鵝肝，因為佢口感係比較實但少少粉感。鵝蛋比雞蛋大隻，蛋白位比較硬同有彈口，口感有啲似食緊台灣嘅鐵蛋咁。墨魚($50) - 國內嘅日日香只賣鵝肉，但香港分店都有加入腩肉、豬手同其他

放寬限聚令後，與朋友相約黃埔「日日香鵝肉飯店」吃午飯，鄰近黃埔港鐵站十分方便。原來飯店是品嘗獅頭鵝的專門店，仲係「六代傳承．非遺技藝」，非遺技藝的非遺，不知道是否非物質文化遺產的意思呢？！哈哈！如果估錯就真的不好意思！我們分享的特級鹵水鵝皇飯，有鵝腎、鵝片、 鵝肝、 鵝蛋 、 原定的鵝腸，我們改紅腸，還有伴碟的芥蘭、豆腐卜、菜甫。滷水鵝肉片與燒鵝肉味道略有不同，滷水鵝肉片較清香，且肉片較濕潤。 鵝腎爽脆不靭夠入味。相比其他家离的肝，鵝肝更甘香和有咀嚼口感。 鵝蛋真的很少機會吃到，鵝蛋黃味道與雞蛋黃略有不同，但未能表達出怎樣形容。還有滷水小食：肉質很鮮爽的墨魚。餐飲：大和豆漿 紅豆冰。在簡潔的飯堂有屏螢幕播放，簡介鵝的飼養到成為餐桌上美色的過程；頗有趣。

聽朋友講喺紅磡有間新式d既滷水鵝餐廳，今日決定同老婆/仔試下，離黃埔地鐵站只有5分鐘路程，十分放便，餐廳裝修比較新派，簡約嘅設計令人好舒服，環境乾淨企理，每張枱都有滷水汁同點鵝肉既醋汁，滷水汁要多要小悉隨尊便，唔使落order時再提醒，十分貼心，於是我哋叫左一個滷水鵝肉鵝腎飯比自己，老婆就食滷水鵝肉墨魚飯，滷水滷味飯比個仔，午餐逢order一個飯都會送一杯野飲，十分優惠，滷水鵝肉就當然喺餐廳既招牌，濃烈既滷水香味喺餐廳門口已經聞到，皮薄肉香，肉質鮮嫩，有淡淡既滷水味，但又唔會太重味，鵝腎爽口亦充滿滷水既味道，墨魚爽脆彈牙，值得一提既係佢哋啲飯亦好好食，唔會太濕或太乾，煙韌得嚟食到粒粒飯既口感，其實嗰度仲有燉湯飲，不過嗰日個爐壞咗，不過唔緊要，因為我一定會再光顧，到時可以再試，滷水豬肉肥而不膩，豬皮爽口，大腸煮得好淋好入味，連滷水蛋都係，我個仔都食到舔舔脷

Looking for a place to settle our dinner, we chanced upon this goose restaurant and was attracted by their goose displayed on the glass window. Yum Yum Goose & Co was located at Man Tai Street, just beside Whampoa MTR. Their menu was straight-forward, offering purely goose and pork meat, with all sorts of parts available. Besides that, they offered set menu and drinks etc. Tai Wo soya bean was smooth and sweet, with strong soy bean taste. Goose drumstick rice - The chef was generous with the ser

<好味滷水鵝>呢間日日香 好味 之前經過好多人外賣 今次經過就堂食試下 鋪入面燈光通明 見到師傅不停切緊唔同既肉 入面坐位都舒服 已經急不及待點野食黎試下👍🏻🍴鵝腎 30 蚊😍好鍾意佢鵝腎切既厚度 啱啱好 咸味剛好 滷水味夠香 而且佢口感好爽 好味 🍴豬脷 28蚊🐖切得比較長闊身 口感煙靭彈牙 豬脷獨有嗰個味唔會因為滷水蓋過 十分唔錯🍴豬腩肉墨魚飯 65 蚊🦑🐖足料腩肉 肥膏同豬肉一層層 肥膏煮得夠凝固 所以好爽 唔會彈牙 豬肉夠 juicy有咬口 🐷 魷魚 都好正 切得比較幼長身🦑帶 d爽甜 再加 d辣椒油 要黎撈飯好味 再加上滷蛋 豆卜 酸菜調味 正😍🍴金牌滷水鵝片飯 🍚75 蚊一上枱就聞到鵝香 佢既鵝片切得厚度適中 皮夠爽彈 一 d都唔膩 肉質嫩滑😍 滷水汁 香濃 點 d 白醋汁或者豉油都好正 仲有酸菜同爽口既豆卜 🌿滷蛋撈埋落熱辣辣既白飯上面都好正 🍚幾欣賞佢既白飯 整體成碗飯好味#滷水 #滷味 #滷水鵝 #鵝片 #豬腩肉 #豬脷 #墨魚 #豬腩肉 Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍

心血來潮想食鹵水， 平時好少見到賣鹵水鵝肉的地方， 所以見到這一間日日香就決定入去試下。 我哋叫了鵝片飯同埋豬手鵝腎飯， 再加埋一碟鵝翼。先講鵝片飯， 一碗飯除咗鵝片之外仲有好多其他配菜非常豐富， 有鹵水蛋，豆卜，甜酸菜 同埋潮州特有嘅豬肉片。 先講主角鵝片， 鵝片鹵得非常之入味， 除咗鵝肉之外鵝皮都非常入味。 我本身是唔食皮的人， 但這一個皮真的超級入味而且不會好肥膩，非常之薄。 強烈建議大家一定要連皮食這個鵝片。 再配埋餐廳特有嘅蒜泥辣椒醋， 除咗鹵水味之外大家可以有另一個配搭。 另外有一樣配菜，豬肉片， 係我第一次食的， 望落有點似魚片但係一咬下去滿滿都是豬肉味，好特別， 令我很想再吃第二次。豬手鵝腎飯。 豬手很像燻蹄， 入味而且豬皮十分的有彈性不會肥， 可以一次過連豬手的肉一齊吃。 而鵝腎我也是第一次吃的， 口感粉嫩得來也帶有一點彈性， 同樣地也是鹵得非常之入味。最後就是鵝翼， 鹵水鵝翼斬成幾小分， 很容易進食，非常好吃。配上蒜蒜辣椒醋一流！總的來說這是一間非常高質的鹵水店， 喜歡食鵝肉鹵水的朋友都要來試一試。

不嬲鍾意食滷水鵝片，但搵到間好味、乾 浄企理又價錢合理嘅並唔容易。今日午餐用Openrice 搜索，發現到呢間日日香食評唔錯，一於一試。原本打算叫外賣，但可能時間尚早，唔使等位，加上舖面乾淨企理，一於轉堂食。點餐後唔駛五分鐘鵝片飯就送上(見圖)，成碗飯都好好味！推介！