日昇小食

营业中

休息中

呢間真係久仰大名啦。一場嚟到，當然要試佢個名物韭菜餅啦，但係望一望 menu，見到居然有芫茜餅😯，諗住即刻轉軚，可惜最後兩粒畀前面位姨姨買咗🥺，於是疊埋心水，繼續食韭菜餅。由於即叫即煎，所以都等咗差唔多十分鐘。拎上手，熱辣辣，勁大粒，好飽滿。等咗一陣，冇咁熱喇，就咬一啖，發現皮好薄，煎得香脆之餘又唔太油膩。餡料方面更值得一讚，韭菜勁多，入面仲夾雜咗啲豬肉，兩者嘅味道調得非常好，惹味之餘又唔太鹹，認真好食。講真，廿蚊三粒，絕對性價比高。

唔記得喺邊度睇到介紹，bookmark 咗呢間小店。就好奇試吓，同平時上海舖食嗰啲韭菜餅可以有幾唔同呀？韭菜餅：一啖食落去，掂喎！個餅嘅亮點應該係在於個皮，非常薄，非常脆，好滿足嘅脆脆口感。入邊有大量嘅韭菜，餡料十足。韭菜嘅份量比肉多，好似我呢啲鍾意菜比例多過肉嘅口味，就非常合心水。總而言之，佢自稱土瓜灣名物，都冇名過其實，整體滿意。芫荽餅：個餅同韭菜餅嘅皮係一樣嘅，脆脆嘅口感。入邊有非常大量嘅芫荽。呢個芫荽餅嘅平衡攞得唔錯，有芫荽嘅香味，又唔會話好大陣草青味太overpower。海帶綠豆沙： 冰冰涼涼，海帶份量非常多，亦都唔算太甜。OK。環境：★☆☆☆☆ 味道： ★★★★★ 值得試指數： ★★★★★

今天下班經過日昇小食，肚子很餓被食物吸引，看見前面長長的人龍，想必一定是被他們的韭菜餅所吸引吧。從排隊到下單完成，我等了大概15分鐘。我點了韭菜餅，他是新鮮即製的，點完後在旁邊等一下就拿到了。可是因為剛煎好的關係，差點被熨到。放涼一會兒試了一口，發現韭菜餅皮非常薄，吃起來跟雲吞皮差不多，卻包裹着滿滿的餡料，裏面有很多韭菜和豬肉，材料十分紮實。韭菜餅的味道很好，雖然是煎的，但還是微微香脆，很適合當小食。除了韭菜餅，原來大家還會點很多不同款的小食，像是炸燒賣、炸薯餅等等，下次有機會我也想試一試。

📍日昇小食 (土瓜灣)土瓜灣馬頭圍道428號地下C號舖☁️韮菜餅$20/3件土瓜灣名物💚第一次食韭菜餅，即叫即做，大約等咗5分鐘就有得食啦。餡料十足，皮薄餡靚，脹卜卜，外層煎得香脆，勁香又不油膩，推介大家經過一定要試吓#土瓜灣#土瓜灣美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#韭菜#韭菜餅#韮菜#小食#drinks

不愧為土瓜灣名物，$20 三件大大件爆料韭菜餅，超級足料又好食。香脆餡料多，不油膩，外皮都唔厚，恰到好處，極推介。本店仲有芫茜餅，應該都幾正。睇嚟以後每次行過都會想再買🥰

😆再訪土瓜灣名物第一次食完印象唔錯今次行過本舖買啲凍既返去自己煎原來係平啲架喎🤭行過路過大家都路好錯過支持小店呀～～⍥ 足料芫荽餅🥰真足料！餅皮薄透餡料表露無遺 每啖都塞滿芫荽豬肉佔極少 勁愛呢個多菜少肉既比例🤤成個餅香氣十足 荽人表示很滿意⍥ 韭菜餅好9既韭菜呀～～🤣一般韭菜餃呀餅呀都好多油而呢個一啲油膩感都無喎依舊啖啖都係充滿韭菜香氣🤩不過今次食落甜左少少明白調味係應該😅不過好似重手左啲同我第一次食有些少分別不過都好食既

四川擔擔湯🥣🙋🏻‍♂️🙋🏻‍♀️都嗌咗呢個湯底啊🍜 麻醬同花生味都好突出啊🤤🤤而且個湯底偏濃 杰身 更加容易掛係啲麵度🍜 每一啖都食到個湯底🤤🤤🙋🏻‍♂️🙋🏻‍♀️食食吓覺得有少少辣味都應該幾正🤤🤤湯底配有花生 榨菜 肉碎 蔥 芫荽 如果唔想要 可以落單嘅時候講啊‼️🙋🏻‍♀️係好鐘意食花生 碗麵有好多花生啊🥜 好正啊‼️紅薯粉🍜🙋🏻‍♀️試吓紅薯粉 比較有咬口🦷 煙煙韌韌 但唔會好難咬開啊🔪而且同個湯底好夾啊🤤拉麵🍜🙋🏻‍♂️就試拉麵啦🍜上網睇原來四川擔擔麵會用白麵條 或者陽春麵作為麵底😮咁啱同拉麵嘅口感同麵質有啲似啊⚖️ 有啲似食緊四川擔擔麵🤤🤤墨魚春卷🦑雖然墨魚春卷唔係太索湯🦑 但都同個湯底好夾啊入面會有少少墨魚粒🔪🦑 增加口感🦷唐生菜🥬唐生菜超級索湯🤤 被啲湯包圍住🤗 每一啖都好濃擔擔湯味啊🤤豆卜🫛💥如果豆卜切開一半🔪 或者介一刀🔪會好食好多啊因為豆卜都係原舊上 湯汁只係留係豆卜表面🏄‍♀️ 索唔到入去 有少少失色😕炸燒賣🥢 ($16/8粒)外皮好脆啊 個感覺有啲似食緊薄新嘅炸魚皮🐟 而且撒咗啲椒鹽🧂 更加好味🤤入面就煙煙韌韌🦷 但唔知係咪因為炸嘅關係🍳 所以比較少燒賣味😮鹽酥雞🧂🐔 ($20)份量

食客們，我嚟到咗一間對街坊口碑載道嘅美食天地，味道正宗到喊出嚟！首當其衝，嗰個爆餡韭菜餅夠晒香口，脆脆地一啖咬落去，韭菜同豬肉嘅鮮味瞬間彈晒喺舌尖上，真係話咁易，食個三五塊都唔覺膩！其次，爆餡芫荽餅嘅香氣瀰漫成個店，一嚟就攝住心扉，啲餅香辣得嚟又唔會辣嗌人，實行係宜家宜室。咖啡魷魚真係得意，🦑 外脆內軟嘅口感配上咖哩汁嘅惹味🔥，唔係普通嘅美味啊！喺港式小菜入面，咁嘅新鮮品味考功夫㗎！而滷水雞翼簡直同平時街邊食摊嘅天壤之別，醃得入味，啖啖肉，第一口已經感覺到佢哋用心嘅準備。至於嗰碗炸豆卜，就算係炸物控都駛住讚好，佢啲豆卜外脆內嫩，食落去呢啖清新呢啖香，一啲都唔膩口。🥢終於，順滿意足個肚就黎個酸辣粉收尾，有咩過得過啖啖紅薯粉嘅飽滿口感，再加埋啲肉碎炸菜花生，酸酸辣辣真係一路食嗌朋友一路讚好食啦！😋所以啦，我敢講，呢間店，真係為咗食好 ting 所以我唔止一次嚟喇！嗱，遲啲可能又要扑一轉，嚟返個爆餡餅打卡，想食美味，記住嚟呢度睇我！

一段時間冇經過土瓜灣「日昇小食」了，今日係附近食完野經過順便碰碰運氣睇下有冇招牌名物芫茜餅賣，如果冇就食韭菜餅結果好幸運地俾我買到，加價到$24/3個，即叫即整，到手時熱辣辣外皮炸得乾身而金黃香脆，唔算太油膩，咬開見到芫茜餡滿滿，芫茜香幾突出香口，配合少量鮮肉，口感層次幾豐富，味道都一如以往除左熟成既，小店都有提供生既芫茜餅/韭菜餅，之前試過買返去自己煎，用少D油唔煎咁玲，口感又會唔一樣，濕潤D個人會更加喜歡8蚊個我覺得都係一個好合理既價錢，值得支持

韭菜餃就食得多，韭菜餅我淨係食過呢間，幾香脆，韭菜餡料多，漲卜卜。不過我外賣隔咗好耐先食，雖然都仲保到溫，但一撕開牛油紙，個皮有啲穿咗，略嫌果個位冇炸脆。但係都無礙我想再encore嘅意慾！同埋細妹之前食過，整件都炸得脆，所以可以再比機會試試。今次試埋其他小食：炸燒賣、碗仔翅、雞翼撈麵有時食小食，各式各樣食少少，都幾過癮。星期五外賣小食在家嘆，可樂就自家的，冇在小店買。呢間仲有芫荽餅，有機會再試。

一間好唔起眼，無華麗嘅鋪面裝修但偏偏呢度就有好正嘅平民美食，令人難以忘懷『韭菜餅』😋皮薄足料，煎得夠金香又夠脆口滿滿韭菜，加上少少豬肉肥膏，勁香又有d juice 😈食過返唔到轉頭，係人間美食，咁鬼正都有嘅😍 人手製造，日日新鮮，20蚊3件一路食一路懷疑老闆為唔為到本嫁？韭菜都唔平，仲要咁足料食完成口一陣陣韭菜味強烈建議 同人近距離傾計要戴返口罩,又或者食粒香口膠…易極薄荷糖之類，避免尷尬🤣🤣🤣仲有 土瓜灣名物，可惜嘅係 冇再推出芫荽燒賣，殘念🥲日昇小食 (土瓜灣)土瓜灣馬頭圍道428號地下C號舖

下就4點幾覺得有啲肚餓，但係呢個時間有啲尷尬，唯有食啲輕便啲嘅嘢！雖然夏日炎炎，但係都好想食酸辣粉。呢間日昇小食佢最出名係啲炸物同埋燒賣魚蛋呢啲小食，但我見平時都好蛋人食佢個酸辣粉，所以就叫咗個重慶酸辣粉嚟食吓，入面都已經有晒啲肉碎、榨菜、花生、芫荽同埋蔥。同店員講咗要走青，原來呢度仲可以揀辣度，我簡咗小辣～返到屋企一打開個兜，就已經聞到好大浸酸辣粉嘅醋味。個湯食落去冇想像中咁酸。酸辣粉口感唔錯，佢彈牙得嚟係偏淋身，所以好容易咬開，唔怕會哽親！不過豬肉碎偏硬，榨菜就偏咸，整體上嚟講算係不過不失！下次都係食返呢啲嘅小食～

平時行過都見好多人排隊買野食 今日經過無人排 即刻買返份韭菜餅食下先😋🍽️韭菜餅（3個） $20韭菜餅即叫即煎 皮薄餡料足 表面煎到金黃色 好香韭菜味 每一啖都食到滿滿韭菜 入面仲好juicy 調味岩岩好 每舊份量都好足 輕易食哂3件 真係好好食

住喺土瓜灣咁耐, 居然今日先第一次試呢個土瓜灣名物！一次過試左韮菜餅、芫荽餅同芫荽燒賣，即叫即煎，全部都好好味，真正皮薄餡靚，有返咁上下厚度所以好有口感，個人最鍾意芫荽燒賣有返啲咬口，但其實係3樣都好味。無論韮菜定芫荽，一咬落去啲獨有菜味即刻湧出嚟。韮菜餅-$20/3隻芫荽餅-$18/2隻芫荽燒賣-$18/4隻作為一個韮菜同芫荽迷，一個人居然可以清晒9隻，真正高性價比之選！以後又多個食下午茶的理由了

係個介紹香港飲食既media 度見到日昇小食既食評，形容為土瓜灣即炸薄皮韭菜餅，本身我地兩公婆都勁鍾意食韭菜餃，燒韭菜等等，韭菜味既食物基本上都一定鍾意，見到post 出黎既相個韭菜餅餡料十足，決定揸車去買試一試。去到先留意到係無堂食，同埋食店其實唔係專賣韭菜餅，仲有芫茜餅，印尼撈麵，魚旦燒賣等等。當日12點幾去到，order 韭菜餅店員話制作中，仲包緊，要等25分鐘，因為包完仲要等佢煎，見到包既人手得一個，煎既人又係一個仲要兼顧埋其他野，我都唔好意思話耐，慢工出細貨，慢慢等。芫茜我唔好，我地只食韭菜。買一份有三件，我地未食過都一口氣order左9件，就咁韭菜都唔會差得去邊，我睇住佢煎到金黃色真係流哂口水。一到手熱辣辣咬落去，正到不得了，勁多韭菜之餘仲落左少少肥豬肉，配合得非常好，唔會覺得好油膩，點綴得岩岩好，越食越開胃，成個餅皮都香脆，入面又塞爆韭菜，我竟然食左4個，老公食左5個。佢最勁係一d 都唔油膩，又肥豬肉又落油煎，但唔會成口油唔會食完有好滯既感覺。絕對要試！