日月星快餐 (已結業)

價錢親民，主打外賣既茶餐廳，自從搬來食過一次後就已光顧多年，食物水準一直保持到，炒野炸野都好食好味，份量夠大 食完絕對飽肚。呢樣值得讚同繼續幫襯。但亦都有唔好的地方，明白小店忙碌態度比較一般 亦已習慣，但比較難接受的是落錯單／俾錯野既情況真係多得離譜 一直冇乜改善，咁多年都係咁。２星期內幫襯了３次，有２次都出錯野。叫一碗例湯俾了一碗白飯，叫凍檸茶但俾了熱檸茶，最後一次終於俾岩凍檸茶，但茶苦味變，飲了會肚痛。經常出錯但幾乎次次都趕住CUT線冇對單 真係會越黎越打消幫襯既念頭

大隻仔今次覓食嘅店舖就係💥 日月星快餐 💥 大隻仔今日去九龍灣食炸雞髀名店「日月星快餐」。店舖喺牛頭角歷史悠久，屬於懷舊快餐店，主打炸雞髀🍗、雞翼、薯條🍟、熱狗🌭️、炒粉麵飯，價錢相宜。大隻仔今日第一次到日月星食嘢，居然有兩個驚喜。咁貼心嘅香港小店真係好值得大家去支持。👍👍1）服務超級好老闆娘主動拎多張櫈俾大隻仔放袋，好多收加一服務費嘅餐廳都唔會咁做。2）有膠手套供應好多茶餐廳食炸雞髀都唔會有膠手套。$32有大大隻炸雞髀＋火腿三文治+大大杯可樂真係冇得輸，仲要味道好OK，應該冇其他餐廳食到。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 抵食下午茶餐A2 $32（生炸/滷水雞髀+腿治+ 汽水/咖啡/茶）可轉珍寶雞髀+$4罐裝汽水+$4凍飲+$2生炸雞髀 冇加錢轉珍寶雞髀已經好大隻，雞髀皮炸得十分香脆，雞髀肉仍然好滑有肉汁，唔乾柴，雞髀入味，調味正常，用雞粉、生抽、老抽醃製過，加上茄汁更加好食。火腿三文治（2件）唔會因為收得

最近係網上留意到九龍灣有間隱世快餐店提供超佛心價的快餐，得知佢地的生炸雞髀做得好出色🤩今次經開九龍灣就黎潮聖一下啦🥳一行2️⃣人平日下午黎到，店內環境是平民大眾化的快餐店格局望望餐牌，提供食物種類非常豐富，有小食類，三文治類，沙律，扒類，炒公仔麵類，西式飯/意粉類，湯飯/麵/烏冬，中式飯類，素食，臘味飯，湯粉麵餐同炒粉麵餐都有，仲有超抵食的下午茶餐😇一個中式飯/粉麵只係$4️⃣0️⃣，以今時今日物價飛漲的環境，佢地的定價真係好良心🥹一場黎到一定要試下招牌菜式啦🤪點左兩個下午茶餐：==========🔹生炸雞髀+腿治+飲品 $32（+$4轉珍寶雞髀）上檯時見到雞髀的大小真係相當震撼真係超❗️大❗️隻❗️炸到金黃色的雞髀，外皮超香脆肉質厚實，中間部份帶肉汁夠滑，邊位會偏乾少少調味適中不過鹹，果然係招牌名物💯推介指數：9/10==========🔹百搭下午茶餐 $29朋友揀左回鍋肉，煎蛋米粉仲配左幾條生菜🥬生菜新鮮，煎蛋🍳做到微燶邊，有輕微蛋香回鍋肉的荀片有幾大片，回鍋肉質素正常米粉做到爽口，煮的時間剛剛好，唔會斷開哂推介指數：8.5/10==========整體用餐體驗滿意，以快餐店黎講質素真係好唔錯，而且

和朋友路過，見到他標示自己的炸雞脾為區內名物。加4元有特大炸雞脾。那便試一下是否真的值得如他自己說自己般出色。炸是熱呼呼但皮不脆。雞肉沒雞味，亦沒有什麼調味料的品。味道如白烚雞肉。試了。坦白說這不單不可說是區內名物。比起普通茶餐廳或快餐廳的亦不及。但另加了4元的雞腿又的確看起來是大隻的。以現在的物價二十多元一雞腿亦不可以說貴。但以區內其他選擇來比較。無論以雞腿的質素，環境，價格。性價比在區內好的還有很多好一點的選擇。

有左好多年的老牌快餐店，朋友一直都話要黎食佢個炸髀，今日見順路就會一會佢啦。門面非常傳統，沒有華麗嘅打卡點，但感覺實際。主打外賣，但有需要都可以開張折枱堂食。店內有滿滿的餐牌，價錢相當親民，其中最多人叫就係呢個熱賣星期套餐，幾乎個個黎到都係叫炒貴刁。到左下午茶時段，就係炸髀同雞扒包熱賣啦。叫左一份A2同一份A7下午茶，加埋凍飲都係67蚊，抵！炸雞髀+腿治即叫即炸香噴噴，無轉珍寶髀但都唔細隻㗎，炸得皮脆肉嫩唔乾身，仲一啲都唔油膩，簡單調味已經好好食，店家仲貼心地附上手套一隻，拎住隻髀黎咬正呀！意外地炸髀居然唔係配薯條，而係腿治，麵包鬆軟，塗滿厚厚的牛油好香啊。吉列魚火腿+沙律魚柳同樣即叫即炸，香脆得黎粉漿唔厚，魚肉嫩滑勁好食。沙律係薯仔雜果沙律，沙律醬調得香甜，又無出水，高水準之作，而家雜果沙律買少見少啦。凍檸茶&凍奶茶凍飲都係加兩蚊咋，仲超大杯！凍檸茶走甜都無混濁，個茶底仲可以咁清，勁喎！茶香檸香，好飲。凍奶茶都好正，奶滑加上比例剛好，又唔過甜，讚呀～又平又好食，唔怪之得排晒隊等外賣。

以前會特登上網搵邊度有好食既炸雞髀🍗試過日月星之後，我就翻唔到轉頭🤣生炸雞髀🍗🤤🌟🌟🌟🌟🌟呢間係炸得好出色👍🏻又脆又香，唔會好乾，又非常大隻🤣下午茶餐仲配三文治🥪😱牛扒🥩+腸仔+薯條🍟/沙律🥗🌟🌟🌟🌟薯條好多，遮住咗2塊牛扒🤣佢哋既下午茶餐超抵食，30幾蚊咋🤭仲配野飲🍗🥤唔怪得咁多人排隊買😆可惜店內位置唔多，都係得2-3張枱🥺下次買翻屋企慢慢嘆😎

🥚蛋美咁好天踩單車梗係要食茶記❣️😛牛頭角懷舊港式40年老字號快餐店🤍抵食馳名😻.呢間其實真係食回憶嘅嘅味道😛因為細細個成日食茶記😛愈大個冇咩時間食full set早餐真係去少咗好多😿呢到仲維持住30蚊左右有一個下午茶真係好抵錫🥺之前最見人成日推薦嘅係炸雞髀🤩🫶🏻❣️咁今次就叫咗兩款試食🤤.1️⃣生炸珍寶雞髀+火腿三文治 (💰$32+4）抵食下午茶之選🤩一送上枱最嚇親嘅係隻雞髀真係好大隻🤩‼️肉眼初步估計應該有兩磅🤭最緊要塊雞皮炸到金黃色薄薄地超脆☺️😛撕開佢會見到勁多肉汁🥺食落去啖啖雞肉🥺嗰陣油香再加埋超級熱辣辣🫶🏻下午茶真係食得好啱☺️2️⃣滷水雞髀+火腿三文治 (💰$32）呢隻就普通size～不過其實女仔份量來講都幾足夠😽滷水幾入味不過略嫌有少少鹹🤔下次食嘅話應該都會揀返生炸雞髀😛火腿三文治對我嚟講只係配角😹🫶🏻.呢間嘅馳名九龍灣雞髀就朝聖完啦☺️下次都要喺觀塘呢邊發掘更多美食‼️.📍日月星快餐 (牛頭角)牛頭角牛頭角道15-19號嘉和園8號地下🤍.#蛋美在九龍灣 #蛋美在牛頭角 #香港美食 #九龍灣美食 #牛頭角美食 #hkfoodie #生炸雞髀 #滷水雞髀 #秘製 #火腿三文治 #下午茶 #香港

之前網上介紹已經好吸引，今日收工去試，去到已有幾個人等外賣叫左個茄汁炸髀飯同埋黑椒炸髀意粉等左一陣就有啦，15分鐘車程返到屋企，洗手即食雞髀大大隻，炸得好好食肉好滑唔鞋飯同意粉份量都好多，茄汁/黑椒汁係細個果D快餐店嘅味下次要試吓雞髀茶餐

日月星我細細個就食過😆今日去開淘大花園就順道去回味可惜味道同以前有唔少出入但價錢依舊大眾化 份量亦足⭐️生炸雞髀+腿治⭐️雞髀 明顯細隻左 熱辣辣炸起雞皮夠脆 肉質都算軟嫩 肉汁豐富 調味適中腿治 麵包有少少偏乾 搽左唔少牛油 火腿正常⭐️檸檬茶⭐️茶底算濃 帶少少苦澀總結💫食物可以 雞髀冇以前咁好食但以呢個價錢仍然食得過環境普通 小店主力做外賣如果想堂食可以請店員幫忙開張枱不過食完就走可以接受服務正常 價錢合理 相當抵食

前2天在社交平台看到一張炸雞髀相片，為食的心又再蠢蠢欲動。碰巧今天過來九龍灣探朋友，順道尋覓一下這間快餐店。「日月星快餐」位於九龍灣嘉和園，相信看到圖中裝潢的大家，已猜想到餐廳有一定歷史吧。果然上網一查，餐廳已屹立40多年。餐廳以外賣為主，不過舖內也設有2-3張小摺枱供食客堂食用。一場來到當然要試下這隻招牌生炸雞髀！點了抵食下午茶餐A2，有一隻炸雞髀、一份腿治，以及一杯飲品。$32又真是頗抵食。生炸雞髀十分大隻，幾乎比臉蛋還是大。拿上手已經聞到香氣，咬開皮脆肉嫩，還能保持到juicy。調味也做得不錯，鹹味剛好，是一隻惹味大炸髀。難怪成為了九龍灣名物。至於腿治就正常質素。普通的兩塊白麵包夾上火腿，沒有烘底。不過相信只是用來陪襯主角炸雞髀，所以不多加篇幅評論它了。食完茶餐當然要來一杯凍檸茶。話說現在的港式快餐店買少見少，好難得發掘到這一間「日月星快餐」，有機會再去食炸雞髀！

好想食炒鮮炒烏冬其他鋪頭都差唔多$60唯獨日月星蚊有$4x交易其實態度差都預咗明白佢多單嘅聽電話聽到有啲忟落咗餐乜都冇講咗收你線都唔知係咪收到都體諒明白嘅去到見到好多外賣放咗喺度去到亦都唔使等就好快有餐不過好失望係唔覺得係海鮮炒烏冬覺得好似湯撈烏冬等一般外賣質素啦不過如果可以炒下就好啦

雞脾由細食到大，下午茶如果有炸雞脾餐都會揀炸雞脾🤣位於九龍灣既懷舊快餐店，開左40年，相信住個頭既街坊都聽過！宜家由第二代經營，並繼續沿用一班老伙計，係疫情下同附近既大集團同新興既兩餸飯等競爭下繼續堅持炸出最靚既雞脾🍗係等我隻雞脾途中，當日都有好多客人出出入入，最近阿Bob林盛斌都有去幫襯添，睇得出呢度既雞脾好受歡迎🤩不過留意返，店內得三張枱仔⚠️.今次下午茶時段黎到，揀左個炸雞脾茶餐雞脾+腿治 HKD32雞脾可選生炸或者滷水，咁緊係揀生炸雞脾啦！雞脾即叫即炸，炸至金黃色；大家都知出面個d越黎越細隻，而呢隻仲大隻過我個手掌🤯就咁睇面頭都feel到佢好juicy，食落啖啖肉而又唔會覺得成口油，正！腿治就比較dry，如果搽多少少牛油好似好d🤔套餐再跟杯飲品，個茶餐夠曬飽～希望呢間老字號快餐店可以撐過疫情，加油！.日月星快餐地址 ｜九龍灣牛頭角道15-19號嘉和園8號地下

講起食下午茶，你第一時間會諗到咩？我就諗到炸雞髀同西多士，好食嘅炸雞髀🍗同埋西多士🍞一定唔係連鎖快餐店食到，反而要喺舊式嘅茶餐廳或者快餐店先食到最港式嘅味道，九龍灣呢一間40幾年歷史嘅快餐店一定要嚟打卡一次，佢嘅生炸雞髀好有名見到餐廳用一個個舊式電飯煲去煲飯，相比其他用蒸櫃蒸嘅飯更有飯香，職員仲會拎條木棒去鬆飯，呢啲畫面只有小店先會見得到生炸雞髀拼腿治🍗🥪剛剛炸起嘅雞髀勁香，識食嘅一定要食雞皮🤩咬落去嘅時候仲聽到炸一聲，雖然佢係生炸雞髀，但雞肉仲好juice，炸嘅時間要掌握得好好，呢啲真係要靠經驗，呢個茶餐真係好抵食，再配咗一份火腿三文治，加埋杯凍檸茶今晚真係唔使食飯🤣西多士🍞呢度嘅西多士食返兒時嘅味道，方包塗上花生醬🥜，外層沾滿蛋漿再拎去炸，再淋上厚厚嘅糖漿🍯同加上牛油🧈，即叫即整嘅西多士真係超正，雖然好邪惡但係唔食對唔住自己😆食完飲返啖可樂就是爽😜

以前舊嘅港式快餐店會有生炸雞髀🍗，而家就越來越少地方有得賣，就算有得買都未必炸得好食。咁啱睇過一個報道介紹香港地出色嘅生炸雞髀🍗😋日月星係其中一間🔥幫襯過一次之後，實在太好食太難忘😂size 大個手掌少少，生炸雞髀個皮超脆，超香口，入面雞肉香滑有汁，食落唔會覺得好乾👍🏻生炸雞髀配可樂，邪惡得來非常夾😂雖然店舖環境比較簡陋，而且算係喺要轉入巷仔，座位非常少，大部份人都係外賣，除咗生炸雞髀仲有薯條、其他各式各樣的飯餸。希望小店要一直做落去‼️‼️🍗🍗🍗🍗

許久沒有吃過，還記得之前吃這間日月星，應該是買完外賣，然後在德福的平台吃的，現在已經很久沒有見到人可以買完外賣在公開的地方吃。廈門炒米好像比以前差了，因為沒見到五柳菜，只有細細隻蝦肉、蛋、叉燒、洋蔥。其實本身可能更加好，不過由於外賣，而且拿了很長時間，因此可能都已經被汁液浸林了。炸雞脾味道由於放在包裝紙及包裝袋內非常久的時間，因此顯得有點兒過熟可能因為本身生炸完，然之後包着太久，溫度使到雞皮越弄越熟，真是可惜。